華富財經 Quamnet.com Logo
龔成
2022-01-05 11:00:12
【龔成問答信箱】(Q24121-Q24130)

Q24121:

龔sir 點睇3D打印股

龔成老師:

行業前景理論上不差,但可惜當中企業又未算好有獨特地位,我以其中一隻行業較領先的企業來說,3D Systems Corp(DDD),質素都未能定義為好高。

佢提供全面的3D列印和數位製造解決方案,包括用於塑膠和金屬,材料,軟體,按需製造服務和數位設計工具的3D列印機。

其主要市場包括醫療保健、牙科、航空航天、汽車和耐用品,佢通過遍佈美洲地區,亞太地區的各種辦事處和設施開展業務,絕大多數收入來自美國。

當中最大的問題,是行業競爭不斷加大,以及當中的技術,並不是佢獨有,因此護城河的程度不算大。

現價雖然合理,但投資價值只是中等,如果睇好,都就唔建議太大注投資。

Q24122:

有冇月供收息股推介?

龔成老師:

你可以建立一個收息股的組合,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。

Q24123:

老師,我見你講過「一般人未必一開掌握,但可以從基本的投資做法,初期不要用借貸等模式,先啟動左財富循環先。」

什麽走財富循環?

龔成老師:

無錢的人,一直都無錢;有錢的人,愈來愈有錢,當中的關鍵,就是財富法則不同,有錢人有得錢搵錢。如果一般人要突破,就要盡快累積基本資金,開始在錢搵錢,初期不會多,但起碼啟動左這個財富循環先。

Q24124:

想問1933值得持有嗎?

龔成老師:

雅仕維(1993)投資價值不高。不建議。

佢主要於中國內地及香港從事戶外廣告媒體發展及經營,以機場及地鐵廣告媒體為主。戶外廣告包括廣告牌、燈箱顯示屏、霓虹廣告牌、LED顯示屏,以及在機場、地鐵線路及其他交通工具上各種形式的廣告空間與媒體。

業務波動,經常出現虧損,由於未見企業有好明顯的優勢,因此投資價值未算高。

Q24125:

你好,龔成老師。本人30歲,於3年前開始看過你的書後開始了月供計劃。平均每月供5000左右(組合有1211比亞迪,0823領展,66港鐵,2800盈富),到現在大概回報有+100K。

想問一下這個回報是否合理?其實比我預期的回報有一點落差。所以想知道我的組合有沒有問題。希望老師可以建議一下需要做什麼調整?謝謝。

龔成老師︰

如果以你月供金額,其實這個回報已算唔錯。因為我地長線投資,一般預每年平均增長,約為10-15%。

你的增幅貢獻,相信主要來自比亞迪(1211)。但現時比亞迪(1211)已經偏貴,你先停一停供,換至其他優質股會較好。若你依然相信新能車相關股份,可以暫時用GX中國電車(2845)代替。

至於其餘月供股票,都問題不大。不過,你要留意領展(0823)和港鐵(0066)都係物業相關類股份(0066算半隻地產股),你要睇翻佢地有無佔組合比重過多。

個別企業和行業,不要佔組合15%和30%以上,銀行業更加不要高於組合20%,否則會有過度集中性風險。(盈富由於係一籃子組合,故不受此限。)

另外,現時大市只在合理區,每月資金不要用盡,要留少少,等大跌市機會出現,去入平貨。

Q24126:

龔sir你好,請問2845您怎麽看呢?另外贛鋒鋰業?謝謝

龔成老師:

GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股(002594),以及與中國電動車產業有關的股票,中國因為能源問題,長遠一定要發展電動車,這是大方向,故此股有一定投資價值。

此股現價合理區頂至略貴。無貨可以現時入少少,到有明顯回調才再慢慢加注。

潛力度是有的,但會比較波動,如投資宜慢慢分注,可長線。

贛鋒鋰業(1772)是潛力股,但估值較難,分析時的確資料較少。由於上市年份少,我地較難有長期數據分析。

佢為鋰化合物、金屬鋰及鋰電池等鋰資源生產商,業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。集團提供涵蓋五個主要類別逾40種鋰化合物及金屬鋰產品。

其實佢的產品應用都廣泛,包括電池相關產品、化學品、藥品及新材料等,而客戶主要包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。

我相信佢長遠有潛力,有長線投資價值,問題只是平貴度的問題。現價略貴,小小注好了,之後等佢回落先正或入,始終行業有一定的變化。

Q24127:

龔sir 金莎18.8入2000股宜家上返換碼去小米點睇?

龔成老師:

要睇你組合的比例,金沙(1928)仍是有質素,但增長力弱左,你可以留一半,一半就轉小米(1810),但如你組合中,小米有貨,或已有較多潛力股,就應該留金沙。

Q24128:

想請問一下,如果我現時有約5萬儲蓄,如果想投資股票而唔想月供,我應該先著手邊一隻股票?

領展嘅話你點睇?

龔成老師︰

以你33歲年紀,月供和直接入貨,都係用翻我之前講的平穏增長股和潛力股較好。

領展(0823)都係可以,現價都合理。不過,長線我都成個組合,唔好休集中晒係1,2隻股票身上,要平衡,不同行業都要有。

你可以考慮平穩增長股+潛力股。

以潛力股來說,這部分可考慮︰安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)。如果有投資美股,可投資QQQ。

平穏增長股,現處於合理水平,可分注入市。但潛力股,部份係略貴。

現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)、小米(1810)、QQQ算在合理區中間至頂部,可分注入貨,其餘都略貴,想買就要等一等。

另外,現時大市只係合理水平,資金唔好盡用,要留少少等大跌市出現時,去入平貨。

領展(0823)有質素,持有物業都不差,同時部分有加租能力。

雖然增長力比過往年代略減,但整體仍是有質素,是平穩增長型。近年不斷收購海外,以及國內業務,以強化物業組合,領展其中一個特色,就是尋找一些有潛力的物業,收購後進行翻身,提高租金及物業估值,因此,長遠仍有增長力。

現價合理,可分注投資,長線持有。

Q24129:

請問3898 時代電氣可買嗎?現價貴?

龔成老師︰

中車時代電氣(3898)係中國鐵路車載電氣系統供應商及集成商。

佢的產品可分為兩大類:(1)車載電氣系統:包括列車牽引變流器、輔助供電設備與控制系統、列車行車安全裝備。(2)電氣元件:包括電力半導體元件、傳感器及其他相關產品。

佢主要客戶為鐵道部及其地方鐵路局、中國主機廠及城軌運營商。

佢向主機廠及城軌運營商提供新造機車車輛的車載電氣系統,以及向鐵道部的地方鐵路局及城軌運營商提供作維修及更替用途的車載電氣系統。

IGBT會成為佢一個潛力的業務,行業的長遠正面。

現價算是合理區近頂位置,長遠的投資價值都有,但股價都波動,這刻唔建議太大注投資。

Q24130:

老師你好,我而家每逢星期四上緊你的課堂,今個星期四上第四堂,報讀你的課堂主要想學習股票投資知識,學習財富增值。

我今年43歲,係一位單親媽媽,年輕時因丈夫問題一直入不敷支,離婚後才能真正儲蓄,到2017年終於成功買樓,月供$15000,

大仔剛剛九月去了英國升讀大學,每年學費連生活費預計50萬港幣,細仔今年中四,計劃中六2023-24年度到美國升學預計每年80萬,但我現時儲蓄戶口只剩下50萬,

我月入大約8-10萬,有時可以更高(因為我做保險)每年年尾預計有20萬bonus每月支出5萬,請教老師我現時應否入市投資,如果是、又可以買那些股票呢?

補充,我從來沒有買過股票,除咗每月認購公司股票-友邦,現手上持有約4900units

現時每月也在出糧户口扣$4500買友邦

龔成老師︰

首先,你要明白我地投資股票,其實等同投資一間企業。希望透過其自然增長,以達至財富增值的目的。

所以,我地投資一定係長線,而唔係短期炒賣,去賺差價。由於係長線計劃,你唔好預期佢對你短期財務上,會有任何幫助。

你大仔的學費,應該以現金存起作備用。而細仔距離升學尚有好幾年,可以進行適度增值,為他學費作準備。

我建議你用每月儲蓄(必先扣除大仔學費部份),用月供「平穏增長股」 + 「潛力股」作組合,去創造一個增值平台。

現在你每月先用5成儲蓄做月供。其餘先儲起,用一邊月供一邊儲蓄的策略。

但由於潛力股波動性較大,我建你佔小部份好了,大約2成。如果你想再穏陣D,全數月供「平穏增長股」都可以。

至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。

而你現時月供友邦(1299)係可以照做,此股有質素,可以作為長期月供的選擇。

另外,你是家中收入支柱,我建議你額外儲起最少半年開支,作應急之用。之後才開始投資計劃,會較為穏當。