華富財經 Quamnet.com Logo
龔成
2022-01-05 15:00:11
【龔成問答信箱】(Q24161-Q24170)

Q24161:

老師你好,打攪你了,有個問題想請教你一下。

本人持有0362股票 ,價位0.27買入的……大約10萬港元左右,今日已跌好多。剛剛還出了供股公告,供股比例為2供1。

老師想請教你一下,以現時呢個情況,供定唔供好呢?如果唔供又會有乜嘢影響呢?

龔成老師︰

我先解釋一下供股係乜野,其實供股,就係而家發一些新股票,向現有股東再集資。

我地是否去供一隻股票,重點係先要睇佢有無「質素」,是否一隻值得我地長線的股票。若果係有質素,你才進一步考慮是否供股。

由於供股這個動作,會發行新股,令每股盈利被攤薄,股價會因此而下跌。

但個原因唔係個企業質素,出左問題。而係每一股的價值,被這些新股分薄左,所以才出現下跌。

因此,我地係唔會因為出現供股,而去沽一隻股票。當然,佢進行得太多,例如5年內出現2次,我地就要對這些股票較為保守。

另外,如果你選擇不供股,你可以考慮將供股權賣出套現。但若你決定要賣出供股權,最好盡快做,因為越後會越難沽。

而信陽毛尖(0362),本身質素就不太好。

佢主要從事製造及銷售醋酸乙烯、聚氯乙烯、葡萄糖及澱粉,以及生產及供應電力及蒸氣。例如製造及銷售聚氯乙烯、製造及銷售醋酸乙烯。

生意不穩,加上盈利波動,經常出現虧損,相信成本等因素影響佢好大,缺乏產品價格自主的能力。

投資價值低,因此我唔建議再去供股,而現貨也應該盡快沽出,換至其他有質素股票,長線會對你較有利。

Q24162:

請問136

可以入注嗎?

龔成老師:

恒騰網絡(0136)有危有機類。

雖然無左恆大,反而會好轉,但業務上仍是較波動。

現時企業盈利不多,之前市值極高,市場對「前景」有無限幻想,有時炒作會升好多,但跌都可以好勁,最近就是因為資金問題而下跌,因為佢的發展,是極要資金去支持,因為佢自己未能有正數的經營活動現金流。

如果長遠業務成功,會增長得理想,但失敗,會跌得好勁。因此,長線投資要很小心,要明白高風險,同時只能小注。

Q24163:

龔sir,想問下241呢隻股票,你點睇?

龔成老師:

阿里健康(0241)這是潛力股,佢營運醫藥電商、互聯網醫療等業務。

「醫藥電商業務」,這業務主要有兩種業務模式,由自營電商和天貓代運營,涉及非處方藥品、醫療器械、計生用品等。

另外,就是「互聯網醫療業務」,阿里健康與國內多家二三級醫院建立合作關係,患者可以通過阿裡健康、支付寶等平台,做到線上掛號、問診、諮詢用藥等等的服務。

阿里健康利用醫療AI系統「DoctorYou」去進行營運,該系統包括臨床醫學科研診斷平臺、醫療輔助檢測引擎、醫師能力培訓系統等,輔助醫生睇病。

業務上,有好大的潛力,不過,本質波動,股價上落大,消息多,市場炒作多,這類股風險都不少。最大問題是無人能正確估值,市場現時只是估估下,推將唔到佢將來的價值。

這類股只建議小注持有,但你預佢股價上落大。

Q24164:

老師你好呀,我同先生42&44歲,移民賣樓有大約400萬cash, 因為未係citizen暫時未能買樓,開始買入緊啲股票但唔多大約50萬到,請問應該點打算可以10-15年退休呀?

請問唔喺香港有咩途徑買你嘅書呀,天地唔齊stock郵費超貴呀

人在海外無法報你嘅堂,你啲書有無出電子畫可以郵寄呀?

龔成老師︰

首先,你現時雖然未取得當地國民身份,不能置業。但你都要預計翻,你幾時個置業計劃,會正式實行。

如果時間較短,例如只有1,2年,你就應先扣起置業部份資金,才開始投資。中短期就算再優質股票,都會有波動出現,影響最終回報。因此投資時間,最好有3年以上。

所以,你要先睇翻,到底這400萬是否全數適合用來投資。

以你現時42-44歲去計,可以投資「平穏增長股」和「潛力股」,作為增值平台,去累積你置業和退休的資金。

除了用現有資金,我建議你都用每月閒錢,去做月供股票,去加大你財富增值能力。你每月可用5成儲蓄做月供。其餘先儲起,用一邊月供一邊儲蓄的策略。

如果你現時無太多投資經驗和知識,潛力股這類風險較高的股票,你就不要持有過多,最多維持2成好了,甚至先集中係平穏增長股類。

若你有一定投資知識﹐潛力股比重可以相應調高,佔組合約4成,視乎你投資知識多寡和了解這些股票程度而定。

現時大市只是合理區,你現有400萬資金(假設你有3年以上時間投資)可以再投入多50-80萬,用"分注"形式,慢慢買貨。餘下資金和每月所儲倒的資金,就等大市再有明顯回調,才慢慢大力度掃貨,然後長線投資。

書本上,你可以考慮電子書,以下是電子書連結︰

《5年買樓4部曲》

https://www.enrichculture.com/products/9789888599448

《大富翁致富藍圖》

https://www.enrichculture.com/products/9789888395545

《股票勝經》

https://www.enrichculture.com/products/9789888395767

《選股勝經》

https://www.enrichculture.com/products/9789888395927

《年報勝經》

https://www.enrichculture.com/products/9789888599240

《50優質潛力股》

https://www.enrichculture.com/products/9789888599363

《50值博倍升股》

https://www.enrichculture.com/products/9789888599004

《50穩健收息股》

https://www.enrichculture.com/products/9789888395958

Q24165:

請問龔sir,895東江環保未來發展還有潛力嗎?幾年前高位買入 1萬股一直沒放,宜家唔知點好

龔成老師︰

東江環保(0895)主要從事廢物處理處置和資源化利用業務,包括工業/市政廢物處理、再生能源利用、環境工程及服務等。

環保是內地重點政策之一,行業發展正面。

但現時市場給予相關股份的市盈率,普遍都不高。某程度反映,市場對行業現時營運模式,長線是否能保持盈利,似乎有點保留。

睇翻集團過去數年發展,基本上無乜增長,而且盈利出現輕微倒退。

整體而言,集團現時質素只屬一般,未來會發展成點,好難估。暫時所見,唔係完全無質素和潛力,但不值投資太大注。

Q24166:

龔sir你好 岩岩睇左你嘅一編文章 講關於複利息嘅問題

我想問下你 假如我每月可以儲到5000蚊 咁我如何可以找到每年有10%的複利息回報的投資工具進行投資?

因為如果淨係儲在銀行根本不會有10%的回報,所以我應該如何應用複利息回報嘅特點進行滾存?

Many thanks

龔成老師︰

若你希望做每年10%的複利息回報(連股息再投資),你可以透過月供,去長線買入和持有一些有增長力的優質股,達至目標。

你可以利用「平穏增長股」 + 「潛力股」作組合,去創造一個增值平台。

現在你每月先用5成儲蓄,即$2500做月供。其餘先儲起,用一邊月供一邊儲蓄的策略。

不過潛力股風險較高,若你投資知識不多,或者年紀較大,就應較集中係「平穏增長股」,甚至100%用「平穏增長股」,咁會較穏當。

至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。

Q24167:

你好,龔sir,感謝你的解答.

本人29歲,澳門人,沒有結婚打算,不需要供養父母(本身佢地有三層樓揸手),而我自住在其中一個物業吾使比租,另外我申請緊經屋(價錢大概200萬),有幸財務自由的話都會想買私樓

我本身人工2萬左右,疫情下減至1萬5至1萬6,

現金閑錢:35萬

儲蓄保險:20萬

意外保險:7萬2,還有3年就原銀奉還

2份醫療保

每月日常使費:5000(主要是飯錢,拍拖,寵物,少少購物)

每月保險:3200

每月家用:2000~3000

每月外快收入:1000~3000

每月儲蓄:5300左右

現在想用現金閑錢和每月儲蓄規劃一個股票組合為日後打算.之前爬龔sir你的貼文,心水想入領展,太古地產,騰訊,必瘦站,中生制藥,香港科技探索,思摩爾國際,

因本金不多,所以煩惱緊點樣分配好,希望老師指點.謝謝!

龔成老師︰

我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。

以你29歲年紀,應以增值為主。

"保險"主要係用來防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。

但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。

未來投資策略上,你可以投資「平穏增長股」和「潛力股」。

你所講的股票,都適合你。但必瘦站(1830)、香港科技探索(1137)、思摩爾國際(6969)都有一定不確定性,不宜月供。你可以直接入貨,但小注好了。

每月你可以用5成儲蓄,即是用$2650做月供。其餘先儲起,用一邊月供一邊儲蓄的策略。

如果你現時無太多投資經驗和知識,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。

若你有一定投資知識﹐潛力股比重可以相應調高,佔組合約3-5成,視乎你投資知識多寡和了解這些股票程度而定。

不過在澳門,一般月供手續費都較貴。你現時每月投資金額不多,我建議你集中在指數型ETF,咁會較好。

現時大市只是合理區,你現有35萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。

Q24168:

龔Sir,請教下你對3800有何睇法意見,可以長期持有嗎?

龔成老師:

保利協鑫能源(3800)業務不穩,質素中等。不過不是無增長,是有危有機類。

佢主要為光伏行業製造多晶硅及硅片;銷售電力;開發、投資、管理及營運光伏項目。近年多晶硅價格上升不少,加上行業對產品一定需求,都利好這股,不過,我對這股有D保留。

佢之前有核數師請辭(雖然已再任命新核數師),但我對這類股票,會較有保留。

睇翻2020年度業績,收益錄得146.21億人民幣,按年下降24%,毛利37.02億元,下跌20.9%。虧損由2019年度1.97億元,擴至56億元。

到2021年中期業績,盈利約24億元。

你會發現,盈利的波動好大,其實好受多晶硅價格影響,而價格其實可以有好大變動,令投資這股都有風險。

另外,獨立核數師提出關於持續經營的重大不確定因素,不過,並無發表保留意見,算是好轉翻。

市場炒多晶硅價格,以及炒緊佢前景,但當中存有不確定性,股價大上大落,佢的確可能會大升,但同樣可以大跌,無得估,這炒作不少,現時值博率未算好高。

如果真的想投資,小注好了。

Q24169:

龔sir, 上年上堂都冇見你講美股,但近呢一年,見你專頁講多左,係咪為左分散組合風險?同埋都覺得美國公司政策風險較少、優質公司更多?

龔成老師:

主要是分散風險,建立更平衡的組合。

港股、美股,從來不對立的,因此只是增加我們「可投資範圍」,兩邊市場都能找到優質公司,不過要留意,從估值上,美股現時的確較貴的。

Q24170:

龔Sir, 剛剛睇完美股短片。2834, 3086 投资边隻好些?我有美股户口,VOO ,QQQ又怎樣選?

可不可以在網講多些美股?

龔成老師:

如果你有美股戶口,建議直接選VOO同QQQ,這是最好的選擇。

VOO現時合理區頂,而QQQ在合理區頂至略貴,因此,你VOO可分注,但QQQ就要慢小注去進行投資。

可以,我會慢慢講多D美股的,港股美股不是對立,是配合的。