華富財經 Quamnet.com Logo
MoneyKOL
2018-09-03 07:20:00
[C.K. 爆發力] 轉型女士護理: 泛亞環保(556.HK)

恒指係寫呢篇文時係跌緊,亦己開始踏入九月。究竟之後係升定跌,九月都好關鍵,呢家有好多人爭論係牛市定熊市,主要原因其實係因為眼見美股日日創新高,然而自己持有的港股就日日跌,非常矛盾。

但見以往的例子,情況只有兩種,一種係當美股指數升到好接近港股時,港股會突然連升幾日,導致恒指再一次拋離。另一種係美股追跌,即係當美股升到咁上下,一跌就全世界跟住一齊跌。技術上如果九月係升返,咁之後就好大機會升。若九月跌,就算十月升,之後都係跌。

講返股,有一隻開始轉型的股其實唔錯,就係泛亞環保(556.HK)。若以現時業務,它是一所環保公司,主要從事環保解決方案,但這個業務已不重要,因為呢半年集團以代價1.22億元收購鴻豐信貿融資51%股權,其中5,000萬元代價以每股1.5元發行3,333萬股支付。收購的目標公司是鴻豐信貿融資全資擁有山東融象,山東融象與山東華玟已在二月簽訂協議,山東華玟主要從事生產女士護理產品。

為何之前說環保這個業務不重要呢,其實係市場話唔重要。八月三十日公司已宣報由盈轉虧,但股價無乜反應,可知呢個業務已不用理會,女士護理業務若成功的話的確毛利會上升很多。