華富財經 Quamnet.com Logo
龔成
2022-01-19 10:00:12
【龔成問答信箱】(Q24311-Q24320)

Q24311:

你好,想請教788(中國鐵塔)和它的窩輪(22087)是否值得持有?當初788是在$1.17 買入和22087是在$0.059買入,現在股價不斷何下,如何是好?請指教thanks

龔成老師:

窩輪(22087)無得守的,你見唔對路就要賣,你最好見有反彈就賣。

中國鐵塔(0788)要睇你持貨%,佢不是劣質,但增長力減左。而佢始終中國的3大電訊巨頭,都是佢的主要客戶,以及大股東,當5G發展,佢一定會受惠,因此前景仍然正面,不過,增長力弱左。

佢現時的收入都增長,盈利都保持向上,但增長比之前略減,加上股本回報率不高,是這股較弱的地方。

若分析佢市盈率,會見到現時仍然處較高水平,反映佢雖然股價回落左唔少,但仍然未到平。

這股算是合理價。

這股長遠仍算有發展力,可長線。不過,潛力度比過往略減,同時賺錢能力比預期減左。唔值得持有太過多。

Q24312:

想請教老師點睇0013和黃醫藥?

算是優質股嗎?

龔成老師:

和黃醫藥(0013)有質素。

佢是一家處於商業化階段的全球生物醫藥公司,專注於發現、開發及商業化治療癌症及免疫性疾病的靶向療法及免疫療法。

除腫瘤╱免疫業務外,集團的其他業務已建立大規模兼有盈利的藥物營銷及分銷能力,主要在中國生產、營銷及分銷處方藥。

佢於2000年已成立,已發展成為一家擁有逾1,300名員工的全面綜合生物醫藥公司。已創建一系列產品管線,包括十種處於臨床階段的候選藥物及另外七種處於臨床前試驗階段的腫瘤及免疫候選藥物。

佢自主研發的第三種藥物是用於治療肺癌的賽沃替尼,有望最早於2021年年中在中國獲批上市。

係美國,三種主要創新藥物亦正進入最終監管審評或已開始註冊意向研 究,目前亦正在組建自有的美國商業化團隊,為索凡替尼可能於2021年底或2022年初在美國商業上市進行準備工作。

這企業長遠發展正面,不過現價唔算特別平,投資值博率都有,但未算高,如果控制注碼,都可以投資的。大約現價在合理區中上。

Q24313:

老師,想問下如果美股滴滴出行(DIDI)退出美股返港股上市,持有左佢既美股會點處理?

龔成老師︰

滴滴出行(DIDI)退出美股,暫定回港上市,但一切尚未落實。

根據現時公司通告,現有持股可轉換為公司可自由流通的股份,在另一個國際公認的證券交易所上市。

集團會在之後,組織股東大會,以對相關事宜作出投票。而在投資者,只能再等新消息。

有可能會轉為香港的股票。因為現時佢正啟動香港上市。

至於滴滴 (DIDI)本質,佢是一家經營出行技術平台的內地企業。主要業務為共享出行,為消費者提供各種不同的出行服務。

之前其APPS被內地下架,對佢造成一定影響。由於主要股東是包括UBER、軟銀等外國企業,令中央擔心內地數據外流。未來或對其營運模式,施加限制。

本身集團業務係有投資價值,但現階段尚未有盈利,故不確定性較高。

再加上集團股權結構,或造成政策上風險,故投資時,不宜太大注。如果你持貨多,宜減。

Q24314:

你好,如果想將三百萬都買收息股,可以嗎?

有哪些高息又穩陣的股?

龔成老師:

比起單單投資收息股,我會建議你建立一個更平衡的財富組合,能有效減少集中資產風險。

你可以將這$300萬,分成5部分。

第一部分投資收息股,你可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。

另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。

(你可睇下《50穩健收息股》當中仲有好多)。

你平衡的投資這些股,除了可以得到穩健的收息收,同時可有效的分散風險。

第二,投資債券,你可以選擇A評級的債券,年期較長都可以,但利息卻不高。你可以到銀行問問。

第三,投資年金,你可以睇睇,這是適合你的產品,零風險,可以有穩定回報。

第四,你亦可投資銀行低風險類的產品,你可自行到銀行了解下,總之是「低風險,持續現金流」的。

第五,持有現金,除了可做定期外,現金亦可以為你的後盾,以備不時之選。同時,若投資市場大跌,你可以在這時買到更多的收息股,股息率會進一步上升。

你可以將$300萬資金,平衡地分配在上述的項目上,對你來說是最好平衡風險,同時有穩定的現金流。

Q24315:

壟sir你好!我是你7月份進階班學生,我剛剛正進行初步分析 3319雅生活, 財務穩健,市場潛力前景都不錯,2019年進行多次收購,

及2020疫情下仍有相當不錯的roe 34% (負債是有些微上升) 但最近一星期前雅居樂母公司的一間全資附屬公司因為要還債,發行大約8800萬可換股債券,

我計算過佔雅生活股數其實不多,大約6.5%(原有普通股數1333百萬股), 不太影響每股盈利情況。但市場反應好像很大,股價了一半,雖然管制上較多在房地產,

但物管行業應該不太受影響,特別雅生活是做中高端市場收購現有板塊中的企業擴展。

現時我未有持貨,看起來似比較環境危機企業,老師我這樣分析方向可以嗎? 謝謝!

阿sir 我諗我明點解,之前內地物管是熱炒板塊,pe 到30以上,現時回歸合理位,市脹率計算$18 在合理區頂部,所以先跌咁多,我明白了

龔成老師︰

雅居樂(3383)擬發逾24億元債券,可換雅生活(3319)6.2%股權,假設債券交換權獲全面行使,雅居樂持有雅生活權益將由54.3%降至48.1%。

對3319企業價值會有少少影響,由於母公司持股可能因此而減少,因此,3319在日後發展上,可能受母公司支持少左。但由於3319過往數年已積極發展母公司以外的業務,因此,影響又不算核心性。

相信物管類企業,中短期仍受母公司及內房等不利因素影響,但長遠價值仍在。3319短期會弱,但慢慢會好轉,前景仍是正面的。

至於近期大跌,其實受好多因素影響,例如過往股票過高、內地物業市場被整頓、大市氣氛疲弱、疫情反覆等。

但最重要,係睇翻這些因素,有無影響佢長線投資價值。

雅生活(3319)近期回調不少,但未見本質有明顯轉差,有貨可以照持有。

現價計,算是合理區中下部。

不過,要留意內地房地產市場有明顯放緩情況,特別係住宅類。雖然,雅生活較其他物管股,相對業務分散,有住宅類之餘,也有不少商用、公用項目,分散風險能力較強。

但始終都會有D影響,你預佢中短期都會較弱,但長線係看好的。

Q24316:

龔Sir: 我有時候不太會分辨什麼消息對該股票是短期影響,或是長期的核心價值影響?!

我是否應該多看書來加強自己的分析能力?應該多看哪方面的書

龔成老師:

買股票就是買企業,你要代入經營者的角度,該消息,對公司長遠,例如3年後,有年影響。

例如疫情,對領展(0823)可能會短期減租,但長遠影響大嗎?不大。反映領展利用疫情物業價值不貴,在全球多個地方進行收購物業,因此,你最重要以長遠角度分析。

你可以睇《股票勝經》。

Q24317:

  1. 2338濰柴動力,968信義光能,2選1揸長線,你會選那一隻?

  2. 老師你好,關於基金問題想請教一下,上圖有3隻基金,3選2的話,你會怎樣選擇?

  3. 老師你好,關於供股問題想請教一下,假設某股,每手1000股,若果我選擇月供,第一個月入了250股,第二個月入了500股,第3個月入了300股,總股數是1050股,

因為之前250,500,300都是碎股,那麼現在1050都是碎股計算嗎?還是1000股不算碎股,只有50股才算是碎股?

因為近期想開始月供3067安碩,但關於碎股問題唔太清楚,想了解一下

龔成老師︰

  1. 信義光能(0968)會好少少,因為未來光伏會係發展較快的一個行業,對信義光能有利。

集團本質不差,業務保持有一定的增長力,股本回報率處高水平,加上現金流強勁,是有一定質素,可長線投資的股票。

現價合理區頂水平,如果想入,要慢慢分注,但仍不是大注投資的時候。這股股價上落都大,要注意金額。

  1. 單睇10大持股,其實3隻都有質素和增長潛力,問題是你較睇好邊隻股票。

你可以因應自己睇法,覺得邊個組合較好,就選擇邊個。(假設3隻基金費用相若)

  1. 1000股已經成為完整的一手,只餘下50股的碎股。其實你長線月供的話,碎股唔係太重要,因為你會慢慢累積到一手。

而且,碎股主要問題係沽出時,差價會較大。但我地投資最重要,係選股的質素。如果你好唔想要碎股,其實安碩恒生科技(3067)一手成本不高,你可以每個月入一手,咁去儲貨都得。

Q24318:

龔sir,最近285 Q3業績差,股價下跌不少。

用過上堂教既估值方法計合理價,但潛力股 計完都吾太肯定,睇過幾間證券對佢既研究報告

預期今年既eps都係1.3-1.4,合理Pe 14-18倍

但未來晶片短缺同限電問題解決,產量應增加不少,呢個估值會否過低?

龔成老師︰

我地唔好太集中係短時間數據,要考慮長線少少。晶片短缺同限電問題相信只係中短期問題,長線要睇翻集團質素和發展。

比亞迪電子(0285)近年賺錢能力有所提升,我地用過去5年平均數字,就可以能出現過於保守的情況。

因此,我地會以佢最新一年每股盈利作為指標。

由於集團始終係代工企業,市盈率唔會太進取,我地會用佢過去10年中間4年數字,大約為10-12倍。

之後,再加多10%緩衝區,然後要再調整。合理價,大約為︰HKD22-38。

Q24319:

阿sir, 想請問如果一間上市公司開始持續回購股份,是代表要私有化嗎?那應該入場嗎?(博佢私有化高價回購)

龔成老師︰

一間公司持續回購,唔代表佢一定係要私有化(當然有咁架可能)。有機會係管理層,見到企業估值開始平,所以進行回購。

而在很多情況,企業之後都會註銷相關股票,因此,這動作會令企業的總股數減少左。

當一個企業,總股數減少,代表著每一股的價值得以提高,企業回購,就能這樣為股東提高價值。

同時在短期,股價會因為回購動作,市場會有一定的買盤,這就會對股價有支持的作用。

不過,在我地投資者的層面,在一般的情況,會集中分析企業的「業務基本面」「長遠發展」,這類回購因素,只是一些加分位。

另外,就算佢私有化,都唔代表佢一定要用高價收購你手上股票。

所以,回購係有少少利好作用,但唔應該成為你買入一隻股票的主因。你應該分析翻企業質素、行業發展和現時估值,去決定是否入貨。

Q24320:

龔sir 你好,今次有幾條疑難問題想請教

本身月供緊

2800 -$2000,3100股

0066 -$2000,1700股

1177 -$1500, 2600股

0788 -$1500,24500股

手持股票

1211- 200股

285 - 300股

1928- 800股

1972 - 1600股

1257 - 5000股

178 - 6000股

1212- 4000股

2388 - 1100股

3067- 1200股

9618- 50股

(1)2800佔組合差唔多有20%,而且龔sir都話2800增長力有減弱既情況,咁需唔需要停供/轉供其他?

(2)月供/手持組合質素如何?

(3) 178/1257/1212價位上返去之後賣出,減少股票數目,得唔得?

(4) 繼續持有1928仲得唔得?買入價$27

(5) 資金用黎收貨285/3067/1972,可行?

(6) 3319值博率大唔大???

感謝老師賜教

龔成老師︰

  1. 盈富(2800)係一籃子優質股,當中包含不同行業,所以無持有比重限制。但佢近年係弱左,不依然有長線投資價值。

如果你想分散下風險,可以加入或轉為VOO這隻美股ETF。Vanguard S&P 500 ETF(VOO)就是追蹤美股的ETF,追蹤指數是標普500指數,當中都是全球有實力的公司,有長線投資價值。

由於近年美股唔平,不建議一次過大手買入,最好的方法是長期月供,長線持有,這是一個最好的投資策略。

  1. 你現時月供和組合,都適合你。但光大綠色(1257)風險較高,長線不宜持有太多。

  2. 這些股票,都有質素,係有長線投資價值。你減少少,換碼去其他優質股,去分散風險係可以,但就唔需要沽晒。

  3. 金沙(1928)因為續牌問題,令到不確定性高左,而且長線賺錢能力,預佢都會弱左。不過長線投資價值依然存在,現貨可持有,但暫時唔建議再加注住。

  4. 你意思,是現時餘下資金,主力儲這3隻嗎??? 這3隻現價合理,再跌你係可以加注。但現時大市只在合理區較低位置,未算係好平,你唔好咁快盡用資金。

另外,你要留意,小心只集中加注這3隻,會令個股或科技股佔比過高,而造成風險。

  1. 雅生活(3319)近期回調不少,但未見本質有明顯轉差,有貨可以照持有。

現價計,算是合理區中下部。

不過,要留意內地房地產市場有明顯放緩情況,特別係住宅類。雖然,雅生活較其他物管股,相對業務分散,有住宅類之餘,也有不少商用、公用項目,分散風險能力較強。

但始終都會有D影響,你預佢中短期都會較弱,但長線係看好的。