Q24291：
早晨龔成老師1171 1208 可以投资嗎
龔成老師︰
兗州煤業股份（1171）不差，但又不是好高質類。
佢主要從事煤炭開採、洗選加工及銷售、鉀礦勘探；提供煤炭鐵路運輸服務；生產及銷售甲醇及電力和供熱；煤炭開採和挖掘設備的製造。
雖然近年業務都有增長，但盈利較為波動，始終較受產品成本及價格等因素影響，產品價格自主能力不強，因此質素未能定義最高類。現價合理區中上至頂位，投資收息可以，不過不建議投資太過多。
五礦資源（1208）主要從事有色金屬經銷、製造及鋁、銅製品分銷。
過往有多年出現虧損，企業投資的價值不高，加上股價十分波動，炒作多過實際。這股不建議作為長線投資目標。
Q24292：
Hi，龔sir , 我很喜歡港交所，你分享一下幾時才是理想入貨價？是否會再跌？
龔成老師：
港交所（0388）絕對是優質股，獨市生意，加上香港的金融中心角色，這企業有長線投資價值。
多年來的生意與盈利都有理想增長，派息不差。
但要留意，由於這股的盈利會受股市成交影響，因此股價都會有影響。
這股雖然有質素，但近年成為市場焦點股，令佢經常處貴的水平。現價合理區頂，月供可以，或小注。
Q24293：
請問2158醫度科技點睇
有三手，由ipo揸到而家，跌到歷史低位
龔成老師：
醫渡科技（2158）係有風有潛力類，這類股，不能太大注，同時有心理準備股價上落大。
提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。
根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。
睇翻大行對佢2020-23年預測，收入和毛利增長分別為73%和83%，增長力唔錯。
佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。
但佢依然係在燒銀紙狀態，係一個扣分架地方。整體算係有發展，但要注意風險，唔建議大注，如果持貨多宜減，如不多就守住先。
Q24294：
老師，你好。我想請教一下ETF ,2809 有投資價值嗎？,3067,3110
以上3個那個比較好？現時是否合理價位？感謝回答
龔成老師︰
其實3隻都有投資值，但性質有點不同。
GX中國潔能（2809），其目標為追蹤SOLACTIVE中國清潔能源指數NTR之表現。
當中佔最多為"半導體產品與設備"股份，約組合4成，其次是逾2成的"獨立電力及可再生電力"。
此股平貴不易分析，而且頭10大股份中，除了信義光能（0968）外，其餘都在內地上市。
潛力度是有的，但會比較波動，如投資宜慢慢分注，可長線。
安碩恒生科技（3067），有長線投資價值。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。
以上2隻ETF，現價都在合理區中上部，無貨可首注。但佢地都係潛力股類，若你係年青至中年人士，這類股票可以佔最多4-5成。若你較年長，就不太適合。
X恒生高股息率（3110），是一個投資收息股的基金，追蹤恆生高股息率指數之表現。
現價合理，主要係收下息，增長力唔會明顯，較適合近/已退休人士。
Q24295：
0388 幾時是合理價位？
另外，你會不會考慮zoom 教授？
龔成老師：
港交所（0388）絕對是優質股，獨市生意，加上香港的金融中心角色，這企業有長線投資價值。
多年來的生意與盈利都有理想增長，派息不差。
但要留意，由於這股的盈利會受股市成交影響，因此股價都會有影響。
這股雖然有質素，但近年成為市場焦點股，令佢經常處貴的水平。現價合理區頂，月供可以，或小注。
股票班，由於內容太重要，只有實體班，唔會開網上課程。
因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。
Q24296：
阿sir，想問呢隻美股ETF(Meta)如何，見佢高位宜家回落，適宜長期月供?
龔成老師：
Roundhill Ball Metaverse ETF(META)主要目標係扣除相關成本後，貼近Ball Metaverse Index表現。
元宇宙係近期一個熱門話題，其發展有機會顛覆現有互聯網生態，加上成件事可塑性高，預計元宇宙前景係正面。
該指數主要追蹤一些計算、網絡、VR平台、支付、數位資產、電子硬件等行業股份。較大比重股票包括NVIDIA, ROBLOX, MICROSOFT, 台積電, 騰訊,AMAZON等，都是有質素的公司。
不過，元宇宙依然係好初型，到底長線邊D行業或者企業會受惠，都係未知之數，故投資該項目，有一定不確定性。
加上近期相關股票，都被市場炒起，現價算是合理區頂，至略貴水平。無貨可以現價小注，等有明顯回調，才開始正式慢慢儲貨，咁會較穏當。
Q24297：
成哥，如果自己本身係幫人打工，應該從何入手令自己進入做生意既stage呢？ 我唔想成世幫人打工求升職多個1千幾百，想自己創造passive income, 想請教你。
龔成老師︰
你可以先從你的興趣、強項、認識的事著手。
例如你本身對某類產品很有興趣，你會在那裡買？如果你在網上買這產品，這個網站的模式如何？
你最初要有學習的對象，你先尋找一些自己認為不錯的商店，了解一下佢地的商業模式，最始好大型及小型都有，先以小型作學習對象，然後就試下佢地的模式，能否成為你創業的方向。
你最初創業，可以先從一些低成本的網店、網上買賣著手，然後再一步步發展。最好唔好做得太雜，要專注在某一範疇，等人容易記得你。
如果你唔想一開始就全職，可以先用兼職模式試下，到有一定經驗和生意規模，才考慮全職投身自己業務。
Q24298：
- 老師午安好，美聯儲加息就快到下年，美股科技股有機會重新估值，美股下年好大機會震盪市。不過騰訊巴巴估值已經咁低，会否拖港股再落一浸？
有咩睇法？係否要草多d現金？聽人哋甘講
有咩策略？
-
龔老師早晨，唔好意思我聽唔到，呢影片可否講下重點話我知，謝謝。
-
晚上好，羡慕舊生都可取你寫一篇分析文（美股），請問我可取？我之前買了你5本書，還算嗎？
我很想上你堂前，之前你話實體班暫時較難做到（我佩戴助聽器只能改善部分聽力，但不會完全變好）請問我揾手語翻譯員陪我上你堂，可以？因手語支援和點字服務一樣，能解決學習的困難。
岩岩喺圖書館揾到你本書
龔成老師︰
- 其實好難估，因為市場唔係單純受一個因素影響。而現時騰訊(0700)和阿里(9988)主要係受政策風險影響，令佢賺錢能力和優勢弱左。
但簡單咁講，美國加息，會令到普遍的估值，都會向下調整。但多與少，會唔會有其他因素，例如經濟大環境轉好，令到拉上補下，估值反而係升左，就要個別再考慮。
而我地投資，永遠都係用翻平貴度和質素，去做決定。現時大市在合理水平，你可以保留3-5成現金，去等待入市機會。
- 這個短片內容，主要係想同讀者分享，現時新舊經濟股，係過去10數年轉變。過往新經濟股(例如科網股)，泡沫性較高。
但近年人們生活習慣，經濟活動好多都轉移至網上，令新經濟股係開始有佢實質投資價值。
不過近年好多都被熱炒，投資時要做好估值，避免買貴貨。同時間，舊經濟股唔係無晒價值。我地成個組合要平衡，新舊經濟股都要有一定比重，唔好話偏廢左某一邊。
同埋，有些投資者，經常有個錯覺。某某股或板塊，在過去幾年都升，就假定佢未來都係一樣升，咁係好危險，因為大環境在轉變，有機會令佢優質度不如從前。
一些過往經常維持高位的股票，現時可能係好優質，但當市場一有改變，估值重新調整，係可能會回好多。
我特別擔心一些未經歷過股災的投資者，過往可能投資某某板塊一直升，不停加注。到萬一大市真係回調，會好傷。
所以，讀者一定要記住，無永遠升架股市或股票，所有野都係一個循環。任何優質股都會有修正的風險，故不要過份進取或樂觀，必需要做好理性分析。
- 至於美股潛力股資料，因為擔心大家誤用，所以一定要上過堂先知（要掌握左上堂所學的知識）。
同埋，始終舊生付費上堂，因此我會久不久比較多的資料佢地，由於佢地付費，因此都想對佢地公平D。
所以，只會給予上過堂的學生。
至於揾手語翻譯員陪我上堂，過往未有這情況，方向是可以的，但擔心翻譯員的動作，會影響了其他同學，因此，可能要安排一些較偏則的坐位。
Q24299：
你好老師。有一個車位係135萬。我應該買來自用嗎？可租2400一個月。成40幾年先回本我應該買嗎？謝謝龔老師
龔成老師︰
車位都可考慮，因為是土地衍生出來的工具，都有長線投資價值。
最好是市區，屋苑，同時你要以車主的角度，分析該車位是否好泊。
現時的車位比之前回落翻少少，算是合理區頂。你現時這個車位，租金回報率不算高，因此投資價值只是一般。但你本身有自用需要之話，仍是可以考慮的。
Q24300：
你好，想請教。如果要月供股票..指數基金好還是12恒基地產較好？
龔成老師︰
指數基金，風險度會較平衡。有助你平衡組合中的風險。
如果你不懂選股，簡單投資指數基金，長線投資是可取的。
至於恒基地產（0012）有質素，雖然增長力不算好強，但都有平穩增長能力，不差的。
佢是香港大型地產發展商之一，雖然賣樓最好賺的年代過去左，但在香港賣樓仍是賺到錢，不錯的。
這股都有質素，單計佢手持農地是全港最多的發展商，就明有一定的價值，當然，農地要發展要好長時間，所以先話這股要好長線。
但要留意，早前有消息要香港地產發展產，要做更多利好社會的事。雖然暫時未知具體政策，但若之後真的有相關政策落實，若影響到其核心質素，就有機會拖累佢賺錢能力。
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。