Q24391：
sir,請問，兩公婆50，56歲，
現在想儲股票增值
有少量退休金，想問吓，用15年時間
月供股票，達到有每月有3萬生活費
66 $3000
2 $2000
939 $3000
700 $2000
2778 $2000
s&p $3000
請問邊隻好，請比意見，謝謝你
龔成老師：
你可以用10年時間，去投資一些平穩，有基本增長力的股票，例如VOO、66、2。至於2778都可以，但金額相對較少。
到10年之後，可以慢慢轉為一些收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。
如果要每月有$3萬現金流，即是一年$36萬，你到時要滾存到$600萬，就足以產生這現金流。
Q24392：
今年五十，總資産放股票市场輸咗三成，巳沽清全部股票，應如何步署！！谢！！
龔成老師：
其實只要股票長遠有質素，不用所有都賣清的。當然，如果你本身承受風險能力較低，建議你日後投資一些較穩陣的產品，例如基金，銀行較低風險產品，收息股，房託，債券等。
Q24392：
Sir 2160有3手 平均價$16.x 宜家跌到無眼睇 請問繼續守定襯高沽出？謝謝sir
龔成老師：
微創心通醫療科技（2160）係有危有機類，這類股不宜持有太過多。
佢係一家中國醫療器械企業，專注於心臟瓣膜疾病領域創新的經導管及手術解 決方案的研發和商業化。
佢自主研發的第一代經導管主動脈瓣植入（TAVI）產品VitaFlowTM，於2019年7 月獲國家藥監局審批並隨後於2019年8月在中國進行商業化。
根據資料，截至2021年1月17日，有五款TAVI產品在中國獲批准或商業化，其中，VitaFlowTM是首款使用牛心包作為瓣膜組織的產品。
佢亦推出第一代自主研發的AlwideTM瓣膜球囊擴張導管及AlpassTM導管鞘，使其成為中國唯一一家全面提供自主研發互補性TAVI手術配套產品的醫療器械企業。
VitaFlowTM II是唯一在中國研發並已在歐洲開展臨床試驗的TAVI產品。
除TAVI產品之外，佢目前還擁有五款經導管二尖瓣（TMV）在研產品，通過自主研發及與全球合作夥伴（即4C Medical及ValCare，均為專注於二尖瓣及三尖瓣醫療器械研發的醫療器械企業）的共同開發戰略性地針對所有主流可行的二尖瓣返流經導管瓣膜療法（TVT）方案。
企業不是劣質，不過估值方面就十分難，因為這刻仍未有似樣的盈利。
現時要睇你持貨%，如果%多，宜減。如果%不多，守住先，但要耐心，同時未必上得翻買入價。
Q24393：
想問345維他奶國際係平穩增長股嗎？
龔成老師：
算，但因為之前的政治事件，維他奶短期仍較弱，但長遠，我相信影響又未算核心性，但回勇的路仍長，現時仍要睇事件發展程度，中期的影響，當中仍有未知數，只可以話短期股價上落都大。
長遠來說，佢仍有質素，有品牌、有銷售網絡。
不過現價仍未唔平，大約為合理區中間，若考慮風險因素，分注都可以。這股可長線的。
Q24394：
hi,龔sir,想請教下每月買美股當儲錢，有冇咩介紹？
同埋如果有息收，係米x番股數？謝謝
你會開一些濃縮班嗎？例如全日2，3天？
龔成老師：
美股現時唔便宜，但長遠，我都會建議你慢慢儲貨，因此，以月供模式是適合的方法。
最簡單就是投資Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於近年美股唔平，不建議一次過大手買入，最好的方法是長期月供，長線持有，這是一個最好的投資策略。
至於收息，就是你持有股數，乘以佢今次的每股派息。但要留意，美股收息要比30%股息稅，唔太值得。
至於課程，香港班一般都不會有濃縮班，始終同學吸引會差少少。我2月班，應該會開一星期兩天的課程。
Q24395：
老師，有時你有評論ETF (如3067)平貴, 但它們不像一隻股票可看市盈率, 那怎麼分析呢? 謝謝你
龔成老師：
安碩恒生科技（3067），會以指數及主要成份股，去分析整個基金的平與貴，佢有長線投資價值。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。
這基金上落較大，現價大約在合理區中下部，但始終較波動，因此，不建議一次過太大注投資。
最好的策略，就是月供，或自行分注收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。
Q24396：
Hi龔sir，我終於踏出社會搵到人生第一份“全職工作”
之前你話要每個月儲$14000先可以做到五年儲100萬，所以我係facebook開網店幫人車野、擺市集&放格仔鋪，希望多d收入，但係搞咗半年都係拍烏蠅
同時我又有做直銷產品，但因為呢間直銷公司唔係收佣或賺差價，所以都係賺唔到，簡單啲講，每個月儲唔到$14000⋯⋯
所以我决心去搵份全職文員做通宵更，晚上工作早上休息&湊仔，有家人幫忙照顧但主要都係我（湊4個係難d⋯⋯）。
我知會好辛苦，但我係有目標只做3年，希望短期內儲多啲錢，然後再錢滾錢。唔知咁做行唔行得通
計劃係每月儲$20000先，唔知可以點分配？
現有：
買入：2800盈富基金
股價：$26.96
數量：500股
淨額：$13480
買入：AAPL
股價：$154.31
數量：3股
淨額：$462.93
買入：VOO
股價：USD415.1897
數量：0.8股
淨額：332.15176
希望3年儲到100萬
上周完成5年買樓4步曲，睇到你寫每月儲$6000都可以買到樓，動力又大左
龔成老師︰
恭喜你，踏出了成功的第一步。
生意上，其實要時間摸索，半年時間好難評論算做得好唔好。你現時最重要，係累積當中經驗，再慢慢調整自己策略。
你可以參考下一D較成功的例子，睇下人地點樣做，會唔會有地方可以用得著。
至於月供股票策略方面，你可以用「平穏增長股」 + 「潛力股」作組合，去創造一個增值平台。
現在你每月先用5成儲蓄，即$10000做月供。其餘先儲起，用一邊月供一邊儲蓄的策略。
由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
我假設投資回報有10%（連股息再投資），你每月投資$20000，3年後大約會增值至80萬。當然唔係一定，要視乎當時市況。
另外，努力去增加儲蓄，加快累積財富速度係正確。但都要有充足休息，你要從財富增值和健康中取個平衡。因為有了財富，失了健康，一切都變得不值。
Q24397：
你是否會賣股票，聽講就快有股災？
龔成老師：
無人能準確預測股災，我不會因此而賣出股票，真正的股災，是在無人能預計到的情況下發生，當人們所謂能預計到股災，就不會是股災。
你可以睇下全球最賺錢的投資者、基金經理，如巴菲特、彼德林區，佢地都表示，無人能預計到股災。你可以選擇信坊間所謂的專家，或信真正賺錢的有錢人，你自己決定。
Q24398：
你好，龔老師，本人45歲，同老公有2層樓及1車位分別比左40%首期。
一層550萬，另一層600萬。按揭每月 Hkd 28,000。全部出租（大約比貼hk 6000)。車位已供完。想請教應唔應該套現制造固定現金流。
龔成老師：
要睇你地的風險承受能力，你地現時如果負債不高，適當加按不是不可，但始終都要明白，加按是增加了負債，你的風險會因此要提高，你地要明白這點。不過，如果你計翻整個家庭，現時的負債已有一定的數目，就不宜再增加了。
現時加按的利息不高，但日後有可能加息，因此會令資金成本增加，你要明白這點。
另一個要思考的問題，就是你加按之後，資金用來投資甚麼？
你先要好好想清楚，不要為按而按。
現時收息股回報約6%，算是合理，你投資是可以的，但值博率又未到好高。
Q24399：
你好，我買左層880萬嘅樓，做盡按揭（借左720萬），而家手頭上仲有100萬左右，係擺落mortgage link高息戶口，定係仲有其他投資可以做？如果係應該點分配？謝謝！
龔成老師︰
如果你想穏陣D，最好就放mortgage link高息戶口。
若你想進取一點，可以用佢去投資一些有增長力股票。
部分是平穩增值股。
小部分是潛力股，例如安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。如果有投資美股，可投資QQQ。
平穏增長股，現處於合理水平，可分注入市。但潛力股，部份係略貴。
現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)、小米(1810)、QQQ算在合理區中間至頂部，可分注入貨，其餘都略貴，想買就要等一等。
Q24400：
老師想請教一下美國加息對投資市場上有什麼影響？
1:我上網睇完資料都唔係好明，係咪即係減少貨幣在市場上流通從而令貨幣升值，物價會因貨幣減少了，而同時減低通脹？
2:另外又見到提及可以改善失業問題，我唔太理解
3:投資市場因為貨幣減少，亦沒有相應貨幣更加入投資市場，所以投資市場上價格會因為呢個消息而有所波動，
投資者會因為呢類型消息而選擇賣出投資產品，取回貨幣作/買入黃金避險用途？
以上係我上網睇同自己諗，所以唔係好明想請教下，感謝
龔成老師︰
- 你可以咁理解，但最重要，我地係要睇翻佢減息原因。如果係因為長線經濟向好，所以加息縮表，咁係正面。
但若果係經濟結構出問題，或者其他原因而作調整，咁就要小心，睇翻當中原因。
-
唔算有直接關係
-
其實加息，會令企業融資成本上升，係不利。而且由於息口升左，一般我地會係估值上，向下調整。
但正如我上面講，如果係因為經濟向好，令政府有條件加息的話。這些負面調整，會被正面因數所抵消。
現時疫情依然反覆，加上全球經濟未算係好全面復甦，投資時最好保守少少。
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。