今年的新股市場經歷咗高山低谷，主觀認為，最高點應是毛記(1716)，一隻1.20招股的股仔，超購6289倍，上市首天高見11.76元，即係話市值逾31億，究竟咩原因可以升咁多，唔重要，炒概念炒泡沫，最忌問點解，點解年頭bitcoin值萬九蚊，依家得返三千架，點解嘅？只要你入場前知道自己是在泡沫中，識走及止蝕就是萬全之策，當日青冰就係抱住這個信念，加上毛記升得太快，沽幾次都reject，先可以高位走得到。

黎到年尾，新股市場旺丁不旺財，11月至今，大概有20隻新股上市，青冰一隻都冇沾手，市場氣氛差，11隻要穿底，咁嘅牌面實在好難吸引炒家落場，最有gimmick的創夢天地(1119)，四太個仔何猷君做首席營銷官，四太有入股騰訊又有入股，如果是去年11月，相信已經係爆孖展超購，之後首天起碼升5成了，喂個仔首次上場，點都唔會畀佢穿底呱，唔好意思，市況唔就，首天跌9%，一星期累跌近兩成。

青冰成日都話，熱潮中上市的IPO，很難會成為日後的股王，淡市招股藉藉無名的，最後反而穩打穩紮，可以長升長有，穿底真係唔緊要的，去年上市的中教(0839)又係一開波就穿底，今年最癲見過16.60，足足升了十蚊，前年上市的頤海(1579)，亦是首天穿底，花了七八個月整固先展開升浪，昨天收21.20元，較招股價高5倍，同系的海底撈(6862)在9月上市，差不多是全年氣氛最差之時，在水底潛了三個月，今星期加入港股通後見北水積極吸納，終於重上水面，日後會否成為股王，要拭目以待，但未開始炒已經千億市值，再煲上去應該劍指染藍吧。

講開新股，唔知戰友有冇留意，最近公佈配發結果時，都會有一個持股集中度分析，當中有國際配售承配人的分佈，及上市時首25名股東的持股百分比，對於喜歡研究新股炒供求的戰友，值得一看。

最後都忍唔住要提一隻新股，一望個名就忍唔住笑，不過人地外省佬點會明個名有乜問題吖，唔怪得佢哋，四川能投發展(1713)，拍得住熊貓綠能(0686)啊！

Fb個人專頁 http://www.fb.com/chingbing888