Q27981：
- 龔sir想向你請教下，778和823都是有質素的股票，但為何市賬卻是0.44和0.8呢？難道市場不看好這兩間公司。
還是因為現在疫情加上經濟差，所同房地產有關都被看低一線？
- 突然間好想多謝你亞sir，係你改變左我生活習慣，加上疫情關係小左work load，令我放工後即使再累都會抽時間閱讀財務報表和相關書籍，放假又會抽時間出黎睇下，唔會剩
係一味娛樂。多謝你亞sir
龔成老師︰
1）市賬的公式是市價/賬面值，是一個用來衡量資產公司平貴的指標。
如果市賬率少於1，代表現時的企業處於偏便宜的水平。由於現時市場預期，香港會進入加息週期，故物業的估值會出現下調，令佢市帳率變弱，但唔代表企業投資價值一定差左。
市賬率只是輔助估值，並不是企業估值的核心。我課堂會教其他估值方法，去配合使用，令到可以得出一個較立體和穏當的分析結果。
2）作爲一個投資者，閲讀年報以及相關的資料其實非常重要，這會幫助我地更好地掌握理財知識以及想投資的股票的資料，方便做出更好的投資決定，在理財上先會有把握和勝算。
好開心聽到你已經在理財中邁出重要的一步，在生活中養成理財的習慣是一個很好的開始。
期望你不要輕易放棄，有時候書本或財報上的某些内容會比較難理解，只要你慢慢消化思考，找答案，一定能夠在理財的道路上有所收穫，加油!!!
Q27982：
想請教，我本身自住私樓，樓齡33年，缺點是樓齡舊了少少，優點是步行7min到西鐵和步行約10min到達街市，及其他配套都完善，去屯門市廣場只係步行10幾分鐘，所以最終都
係唔考慮換樓。謝謝成哥的回覆
龔成老師︰
30/40年樓齡的物業，唔算話好舊，如果本身係有質素(如位置、附近發展、配套等)，而又保養得好，都依然有平穏升值能力。如果係大型藍籌屋苑，升值能力就會更佳。
其實自住樓，照重要都係滿足到你「未來10-20年的住屋需要」。只要配合到，咁就無問題。
Q27983：
請問美股RELY投資價值
龔成老師︰
Remitly Global Inc.(RELY) 服務主要為發展中國家客戶，提供移民相關服務。
例如提供提供跨境匯款服務，客戶只要將他們的銀行信息連接到應用程序，就可以在幾分鐘內將錢匯回家。
此股上市年期不算長，可以參考的資料不多，到目前爲止仍然沒有盈利，不確定性大。就算你好睇好，都要控制注碼。
Q27984：
成哥,我本身有持1810，35000股，均價13.5。最近見它跌到咁，你認為仲加唔加得過?
龔成老師︰
最近香港的股市因爲疫情，美國加息，中美關係等都偏弱，中短期比較波動，好多股票都隨大市回落，但如果企業本身質素無問題，建議可以持有。
小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。
同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。
這股可長線，現價算是合理區底部，如果你本身持貨已經太多，不建議加注，你預佢股價仍波動。
Q27985：
老師經常在Q&A 提醒朋友要保留彈葯, 留待股市下跌至平宜水平大手掃平貨
早前股市反彈多日 只怪自己太心急和貪心動用不少本金
現在只能錯失難得機會 。。再次證明老師的理論正確
龔成老師︰
現金其實有3個價值：交易價值、備用（防守）和等投資機會。
所以我經常提醒網友投資要保留彈葯，同時用「一邊買貨，一邊留現金」的策略。
因爲無人有「水晶球」，能夠準確預測到股市的走向，唯有利用平貴的策略，「分注」入市。
如果太早將現金用盡，那麽，就算明天大市有好大程度的回調都與你無關。
「保留實力」其實是更大機會保留自己投資的勝算！
Q27986：
有没有科技类股票推荐呢？
ARKK怎么样
龔成老師︰
安碩恒生科技(3067)、阿里（9988）、騰訊（0700）、舜宇光學（2382）、小米（1810）現時都處於合理區底部，如果無貨，又想投資，可以考慮小注或分注。
單一股票，風險會相對較高，如果想降低風險，可以考慮安碩恒生科技（3067），這是一個追蹤恆生科技指數之表現，風險較爲分散。
另外，阿里（9988）和騰訊（0700）暫時會受政策風險所影響，故不宜持有太多。
ARK Innovation ETF(ARKK)主要投資一些創新性產品和服務的基金，是一隻潛力與風險並存的ETF。
主要持股包括潛力股，如TESLA、ZOOM、COINBASE、UNITY等等。
此基金有一定不確定性，要精準地估值係好難。
由於基金是主動型基金，當中的組合會改變，同時好睇基金經理的投資策略，因此，不單是考慮當中的資產，同時考慮「基金經理」。
因此，較難定義平貴度，現時基金持有的資產處於合理區的中間左右，但如果再考慮基金經理的策略，就較難有答案，例如佢賣出了部分股票，平貴度就會改變。
Q27987：
早晨，龔 Sir, 想問下你一些關於理財的意見。我地一家四口已計劃在年半至兩年後移民，現在已有投資大約股票50萬，（已投資左3年）都是一些優質及收息股，但數量唔多。而
現在尚有10多萬計劃可股資的。由於時間及資金唔多，想問問我應該點配置？
龔成老師︰
如果你打算在半年至2年後移民，建議持有現金或者定期會較爲合適，因爲投資期短，不適合承受太高風險。
另外，現金在理財中有「防守」的作用，你到達一個陌生的地方後，通常會遇到好多意外的開支，持有適量的現金會幫助你應對不時之需。
至於現有持股，如果你移民時要沽出，我建議你在一年前就慢慢沽貨，以平衡價格波動風險。
同時，你要留意當地資產增值/股息稅法規，以免相關套現的利潤，誤入當地稅網。
Q27988：
請問老師2191 & 435 那隻值得長期收集收息?
龔成老師︰
順豐房託基金（2191）質素都有，但又不是好強，現價合理。
比起其他房託，佢會更受經濟及物流業發展影響，因此會更加波動。以過往的數據來說，不差的，但又不算好強的增長及賺錢能力。
投資價值都有，相信長遠物流業發展對佢都有利，投資值博率算是中上，但都不能太大期望在股價發展，暫時可以集中收息為主加基本增長力。
陽光房地產基金（0435）有質素，可長線收息。
佢為恒基兆業地產（0012）旗下的間接全資附屬公司，恒基陽光資產管理公司所管理。
佢主要業務為擁有及投資於可提供收入之香港寫字樓及零售物業，目標是為基金單位持有人提供定期和穩定的現金分派，並推動有關分派的增長。
簡單來說，投資這房託，就是投資了一個集商場及寫字樓的物業組合，投資就如同持有這些物業長期收租，現價合理，可長線投資，收息無問題，但增長力就不強。
如果你的投資目標是長期收息的話，陽光房地產基金（0435）會相對較好。
但你要記住，我地優質股組合要平衡，唔好太集中個別股票，以免出現過度集中性風險。
Q27989：
你好 龔sir, 之前問過你買居屋（假設抽到）定私樓
這次我真的抽中, 我每月可儲2萬
我應該如何選擇 居定私, 現時有地方住 但4年後, 需要搬出去住
另外你之前話居屋投資價值比私樓低 可講多少少嗎？
龔成老師：
你要先諗清楚，你買這個居屋的目的。
如果你係為將來搬出去自住，我覺得你可以買入，只要佢配合到你未來10至20年生活，同時你有信心供得起，咁就可以。
但你有可能要提早搬出去住這個計劃，你自己平衡一下。
至於投資價值，居屋係會比私樓較弱。
主要因為在補地價前，無論出租還是出售，都會有較大限制。如果你唔補去出售，就只有特定市場，唔似私樓一樣，有錢就買得。
當然，如果市場上對樓盤需求熱切，未補地價居屋係有機會升幅大過私樓。但從整體分析角度，始終居屋限制較多，會令佢投資價值被打折扣。
Q27990：
龔sir你好，想問下最近幾隻新股智雲健康/玄武雲龔sir覺得買得過?
我見智雲健康過去3年雖然收入增長都強, 但同時虧損都不停擴大 唔知入唔入手好
龔成老師：
智雲健康(9955)主要在中國從事提供數字化慢病管理解決方案，而玄武雲(2392)是中國一家綜合智慧ＣＲＭ（客戶關係管理）服務供應商。
2間公司都係今年中才上市，其實我一直都不太建議買新股，因為其數據的參考價值較弱，好多野都要營運一段時間先見到。
這2間企業我未有仔細研究，初步睇業務都有投資價值。但因為係新股，好難做個穏當估值，故建議你要控制注碼。
特別係智雲健康(9955)，畢竟佢未有盈利，個波動性和不確定性，會大好多，要注意風險。