Q23941：
龔sir,我睇咗你本5年買樓4部曲幾次啦，聽你講每月存錢投資潛力股，我宜家29歲，宜家都存到100萬首期，父母可支持少少（40-50萬），考慮會在市區上車，
考慮使用高成數按揭80%去買500萬嘅250呎左右得一房單位，由於我入息唔夠，需要增加父母做擔保人，加埋應該過到壓力測試。網上計算器計過月供1萬6左右，
我目前月薪2萬3-2萬5.目前我將我的錢轉入樓市的決定從人生規劃上合理嗎？
如果這樣做，房屋會占財富的非常大部分，求老師分析。謝謝！
龔成老師︰
這個問題重點，係這間屋是用來自住，還是投資。
若果你係為投資，我就唔係太建議。因為現時香港整體租金回報率不高，資金反而用來投資優質股，個值博率會較好。
而且，投資物業最好有300呎以上，滿足到一個家庭基本的大細，投資價值會較好。
但如果係自住，個重點係這個物業，能否配合你未來10-20年的生活需要。而且，你有無信心係"長線都供得起"。
如果過到這2關，你入市都可以。
不過，以你現時情況，供款上似乎都較吃力，而且好機會供完樓後，你每月資金就所餘無幾，不能有閒錢去投資優質股。這個狀況，並不理想。
因為當你入市後，物業類會佔你財富組合好高。你要用未來資金，慢慢加大翻股票比重，令財富組合回復平衡。但你這個情況，根本無閒錢投資優質股，就會令你增值受影響之餘，組合都過於偏重物業。
所以，除非你有實際必要，需要現時買入自住樓。否則，建議用優質股再儲下錢先會較好。
另外，如果你打算1年就置業，而又需要動用持股的話。現時就要開始慢慢沽貨，唔好等到要用才一次過沽，以減低股價波動，對你回報造成的風險。
Q23942：
老師你好，請問長線投資而言，1177 vs 2269， 邊個好啲？ 兩個都由高位回落咗唔少，醫藥板塊似乎又會低迷多一段時間，而家開始月供應該有著數？
龔成老師︰
中生製藥（1177）是潛力股，人口老化令佢長遠有唔錯的增長，無論是政府投入的行業資源，又或是人民生活質素令可控制資金上升，都令人們更在醫療方面投入更多。
佢已建立一套完整的商業系統，有多個已賺錢的藥品類別，同時毛利高，可以不斷將錢投資在新藥裡，這模式運作很好。
但這類藥物企業，難免有一點風險，因此要久不久檢視，中短問題不用理會，但如果有一些核心性的問題，就要再全面分析。
就這刻來說，這股可以一直持有，因為商業模式理想，高回報，不斷再投資令股東利益快速增長。加上睇翻佢的業績，保持增長，這令企業價值有實際的上升，令股價得以支持。
現價合理區中間，現價月供係可以，這股可以長線持有的。
藥明生物（2269），主要提供有關生物製劑藥物發現、開發與生產服務。
佢涵蓋生物製劑發展過程的所有五個階段，即藥物發現、臨床前開發、早期臨床開發、後期臨床開發及商業化生產。
潛力是有的，因為過往的財務數據的確理想，但現時的估值唔平，這刻投資值博率一般。
不過，這類股好難話現價一定貴，因為佢有好高的增長，只可以話現價唔平，但如果之後有高增長，那就未算太貴。
只可以話，如果你真的想投資，不建議月供，直接小注好了，你要明白業務有不確定性，同時股價會好波動。
2隻都係潛力和質素的股票，但你睇到佢地的經營模式、賺錢方法、風險度都有所不同。
較明顯分別係藥明生物（2269）開發風險，有客戶共同承擔。當藥物研發成功，藥明生物（2269）只能獲得小量銷售分成收入。而中生(1177)研發風險係自行承擔，但藥物成功﹐就可以有高獲利。
雖然表面上中生(1177)風險較高，但佢本身已有一個穏定盈利的產品組合，去支持佢做研發。所以，整個業務穏定程度，反而比藥明生物（2269）為高。
因此，你可以用中生(1177)作月供選擇，但藥明生物（2269）就最好只係小注，月供就不太建議。
Q23943：
你好，龔成老師，想請問一下，我當年2004抽中芯國際（981）新股2.69@1000。
因為咁多年，期間有冇拆股，合股或者供股，我唔識得翻查依方面嘅資料，
所以想請教一下，現時估值係幾多？thx
龔成老師︰
中芯國際（0981）業務有增長力，質素係有，但未到最高質素。不過，你可長線。
睇翻佢過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。
雖然這股都有前景，但以佢面對的情況，但好難將佢定義為最優質的股票。
加上此股近年升了不少，就算有所回落都唔算平，加上之前熱炒過，股價大上大落，投資要注意風險。這股唔建議持貨過多，現價算合理區頂位置。
此股有長線投資價值，現貨可持有，就不宜佔組合太高比重。
至於點睇有無合股供股，你可以去一些股票網站，例如中銀個股票網頁，佢有個"公司活動"，就可以睇到近幾年的紀錄。
但要睇由2004年至今，你要去翻港交所的披露易，去每年年報咁慢慢睇，先至知道。
Q23944：
龔成老師你好，我已經睇緊你第4本書，由100萬，200萬，300萬，到財務自由行，好啱我睇，文字淺白易明，深受吸引。
我黎緊想買電子書，想知那一部或那一個平台會買到你的電子書或你曾推介過的電子書？？現時我只在圖書館預約借取，一本書太厚太重，不方便上下班時看
龔成老師︰
多謝你的讚賞!
以下是電子書連結，你可以參考下。除左睇書之外，記得有時間都學睇下財經新聞、年報和相關資訊，對你學好投資都有用，加油!
《5年買樓4部曲》
https://www.enrichculture.com/products/9789888599448
《大富翁致富藍圖》
https://www.enrichculture.com/products/9789888395545
《股票勝經》
https://www.enrichculture.com/products/9789888395767
《選股勝經》
https://www.enrichculture.com/products/9789888395927
《年報勝經》
https://www.enrichculture.com/products/9789888599240
《50優質潛力股》
https://www.enrichculture.com/products/9789888599363
《50值博倍升股》
https://www.enrichculture.com/products/9789888599004
《50穩健收息股》
https://www.enrichculture.com/products/9789888395958
Q23945：
你好，小弟30歲新婚，剛剛置業一年月（同老婆half half, 月供8千）個人月入25k，現金約10萬。扣除日常使費、家用及保險(3千），大約有8千可儲蓄。
有一份儲蓄保（月供1500）將會在2年後供斷。
投資零經驗的我，想請問應該點善用月儲8千-9千5作投資，以供日後養育小孩及供斷樓用？
龔成老師︰
先祝賀你新婚之喜，進入人生新一個階段，好多野要從新適應和學習。緊記要多包容、多溝通，這個對新婚夫婦係好重要，要加油。
投資方面，當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時30歲去計，應以增值為主。策略上，你可以投資「平穏增長股」和「潛力股」去累積財富，為將來養育小孩、還樓按，以至退休之用。
你每月5成儲蓄，即是用$4XXX做月供。其餘先儲起，用一邊月供一邊儲蓄的策略。
但由於你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
到將來你有一定投資知識﹐潛力股比重可以相應調高，佔組合約3-5成，視乎你當時投資知識多寡和了解這些股票程度而定。
大市現處於合理水平，那10萬資金，可以現價先入一些較穩健的優質股，或指數基金。餘下資金和每月儲蓄，就等你有更多投資知識，或者大跌市機會出現時，才大力度掃貨，並長線投資。
另外，"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。
但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。
Q23946：
龔老師你好，我早前買入了
（3988）$2.73另
（3836）$3.735另
（386） $3.65另
（6098）$55.15另
（1810）$20.4另
（939） $5.18另
（941） $48.25另
（285） $24.65
買入了以上數隻股，本人手頭上還餘$200流動資金，龔sir有沒有什麼建議那些可分注再入？經常說分注，是怎麼的分法？同埋那些不宜長揸？打了長偏文，勞煩龔老師，謝謝。
200萬
龔成老師︰
我平時所講的分注，是一個投資策略，例如你想買入某隻股票，總數3000股，你打算長線投資。
與其一次過入3000股，不過分開幾次，例如每隔2個月入一次1000股，買入價就可以平均。
我地投資一定係長線，所以只會選擇一些長線發展正面的企業，在合理，甚至平宜水平去買入，並長線持有。你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。
你現時持有股票，都係有質素，適合長線持有。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
所以，在選股上都好睇你年紀。
小米(1810)、比亞迪電子(0285)係潛力股，若你係年青至中年係適合，但如果你較年長，就唔建議持有太多。
中行(398)、中石化(0386)、建行(0939)、中移動(0941)係收息股，適合接近或己退休人士，主要係收下息，增力唔高。若你係較年青，就只宜小注。
其餘都是平穏增長型，你可以持有。但和諧汽車（3836）本身都有質素，但未算好高，同埋增長力唔算高，不建議持有太多。
現時大市只在合理區，現金比例大約佔一半。你可以睇翻自己年紀和現金水平，再去決定是否需要再加注。如要，就緊記要用分注模式慢慢入，以減低價格波動性風險。
以下是不同類型股票，供你參考。除了可以加注你持股，以下股票都值得你考慮。
如果你年青，可以「平穩增值股」+「潛力股」。中年人士，可以較集中翻係「平穏增長股」。當你已近退休之年，就應集中在「收息股」，去創造平穏現金流。你可以睇翻自已年紀，去作出配置。
例如潛力股方面︰可考慮安碩恒生科技(3067)、中生(1177)、福壽園(1448)、港交所(0388)、阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）、三星FANG ETF（2814）。如果有投資美股，可投資QQQ。當然，部分唔平，要小心控制注碼。
Q23947：
老師，想問下老師點睇呢幾隻？
FB
NVDA
ROBLX
META
龔成老師：
FB其實佢穩陣的，只是現時突破難，佢想利用元宇宙去創突破，但好多未知數，NVDA質素絕對有，但擔心近期炒作太勁，如果投資，最好回少少先，ROBLX有潛力的，但注意股價波動
。Metaverse ETF有元宇宙概念，算是簡單進蹤的方法，但其實當中都是一些常見的科網大企。
Q23948：
老師，我見你之前分析669，但見到幅股價圖表有負數，點解會咁？
龔成老師：
呢D股票先勁，反映如果在當年的價位買入，單計派息已經收翻所有成本有突，是很理想的投資！
因為股價圖會因為每次的派息，令圖表調整，所以有這個情況。
Q23949：
您好! 龔成老師，本人多年一直沒有夢想, 興趣和目標, 只是普通人每天返工放工, 工餘仍需考會計師牌, 但考了多年至今仍未完成, 有點氣餒
最近看過你的facebook一段時間, 碰巧有兩個月semester break, 於是報讀股票班, 保持進步, 現已跟你上堂學習, 亦會研究股票, 希望從中找到出路
本人現41歲, 單身, 沒有物業, 與家人同住公屋, 現打算來年購買居白表居屋與另外兩個年紀比我細的家庭成員一同供樓作自住用途, 另想做兼識或小生意增加收入, 但一直沒有明確目標&方向…
現月入30K, Bonus 4個月, 每月可儲蓄$10K, 3個月前開始把5K作月供股票, 其餘5K作儲蓄, 組合如下:
2800 $2,000
0388 $1,000
0066 $1,000
0823 $1,000
另有現金$210K, 保險公司的儲蓄保險$330K, 3年後會供滿, 但之後打算作一直滾存至退休, 另持有股票, 組合如下:
0067 @250 現價$25.12 (已停牌多年, 至今仍未能放出)
0317 @4,000 $13.90
2028 @10,000 $1.33 & @10,000 $1.35
2158 @100 $26.30
6993 @500 $13.16
2618 @100 $40.36
1928 @400 $26.90
9988 @100 $180.90
3067 @1,000 $13.17
本人想退休後每月有20K現金流, 預計來年會增加7%人工, 以上月供組合是否需要加大投資額?
加大多少才能達到? 另持有股票組合部份劣質股是否
需要盡快賣出再買入優質股作長線投資? 怎樣做好現有投資&財富分配? 怎樣找回夢想, 興趣? 怎樣管理自己的人生?
希望龔老師能給與我寶貴的意見, 謝謝賜教!
龔成老師：
如果你地有自住需要，購買居屋是可以的，但如果你行這一步，現時就要開始準備，你要計算一下所需的費用，是否要預留現金。
因為當你想在中短期置業，手持現金就不應該進行投資，要先處理好買樓問題先，下一步，再有餘下資金先進行投資，因為投資是長期增值的過程，要「閒錢」。
我地進行人生財富累積，會以「先增值，後現金流」作基礎，你的年齡，可以投資平穩增長股，加小部分潛力股，是大方向。
你現時的月供股票，都是有質素的，無問題，但我建議你同時加入恆生科指ETF（3067），月供$1000-$2000。
至於手持的股，旭光高新材料（0067）暫時就只有等。
中船防務（0317）質素只是中等。
佢係中國船舶屬下華南地區重要的現代化造船核心企業，享有自營進出口權，為國家重點機電產品出口基地，以造船為核心業務。
主要產品包括大型船舶建造；橋梁及建築鋼結構的製作、塗裝與安裝；客貨用電梯的製作、安裝等。
業務有點波動，不確定性大，現價合理，不過唔建議太大注。
稻草熊娛樂（2125）不宜持有太多。
藍月亮集團（6993）耐心D都有機會守到。
至於其他就無乜問題。但我留意到你有幾隻是當時熱炒的新股，但新股/半新股一向較高風險，之後要小心。
至於你的發展方向，首先，你要想想會計師牌這個方向，是否你的興趣與強項，同時，自己多次考試不成功，是準備不足，還是你在根本上，不適合在這方面發展？你要好好想清楚。
至於事業發展，你可以想想，你有無一些事情，是你曾經好想做，你每資進行這些工作時，都會期待的，你的好奇心在那個方向。試試用這個方向，想自己的事業，無謂打工、做生意都是。
而做生意，關鍵位是「掌試」，可以試左先，之後先慢慢調整。加油！
Q23950：
你好，我想問問，有冇睇美股COIN ，因為覺得佢有點似香港交易所咁，有獨特性和壟斷局面，是否值得投資？
龔成老師：
Coinbase Global Inc（COIN）有獨特性，但真正的長期價值有多少，根本好難估。
佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。
要分析佢的價值，就要睇翻虛擬貨幣長遠發展。以本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知，亦令COIN的價值，變成未知數。
長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。
因為分析長遠是否好多人用，是非常困難，因此，當中存有相當的風險，當然，潛力同樣都大。現時睇，虛擬貨幣長遠會發展，但無人知最終答案，所以。這股可投資，但不能太大注。