Q24341：

龔成，我2X歲，有件重要事想同你商量下，就係我翻工哥度 越來越忙，忙到連飲水的時間都無做 錯仲要被人話/簽口頭警告。

我念緊要唔要拿完花紅就辭職 但如果辭左工就0收入，就算做兼職都緊緊維持生活，沒有多餘的錢，你讚成我辭職嗎？

龔成老師︰

其實每個工作，都有好同壞架地方。最重要係睇你覺得這個工作，有無價值。價值可以係學習機會、晉升機會、高收入等等。

你還很年青，如果覺得工作"性質"不適合，或者不能令你成長，你係可以轉工。但我不太建議因為工作量、或者比人話就走。

因為做錯野比人話，甚至出WARNING，其實好多地方都會有。係考慮一件事架時候，唔好單從負面因素去諗，你要考慮埋佢正面價值，要全面D去分析一件事。

如果你真係決定走，其實可以邊找新工，到有新著落，才離開，咁會較好。

Q24342：

多謝你用心的建議，很有用。

多謝您令我由玩數字遊戲變成學習計算持有價值，更有目標及方向學習管理財富。9988我見老師說短期因素不影響股值，原本想由138開始每跌10蚊入一注，

而家老師您咁講我停一停先。

我一直有留意您講解1177，我打算 66 +1177呢個組合月供

但係就擔心66好似6號公用股咁，浪費左我10年時間。同10年前價位一樣。

2318會容易因政治因素影響價值嗎！

一直都好期待上你的堂，但因之前轉工不確定因素比較多，期待您的晚上課，希望快d上到您既堂

龔成老師︰

阿里(9988)又不是全無投資價值，但賺錢能力弱左，同埋現時不確定性較高，所以暫時不要太大注。由於你有貨，可以停停先。

港鐵(0066)和中生(1177)都適合你，而港鐵(0066)跟電能(0006)不同，電能生意係好平穏，唔會有太多增長空間，所以主係係比退休人士收息。

而港鐵(0066)係有增長潛力，因為這股的獨特性好強，本身已經壟斷了全港的鐵路，同時政府表明香港之後的發展，只會更依重鐵路，因此往後佢只會更強。

另外，當你見到佢經常出事，但全無影響佢核心收入時，你就知這股的優質度。

同埋，佢仲有地產方面的利潤，政府不斷在這方面給資源比佢，對佢盈利貢獻相當大，成為長遠利好的因素。

中國平安（2318）有質素的，佢有規模，有品牌，近年的發展都不差。

不過，因為近期出現一些不利因素，令股價都比較波動。例如佢背後持有一些企業，出現債務問題。加上疫情期間，佢生活都有受到影響。

但我地投資時，個著眼點應放在長線投資價值之上。現時對佢不利因素，主要係中短期，而且都算唔核心性。

因此，這股長線投資價值依然存在。現價算係合理區較底位置，分注投資就可以。

另外，我課堂係有補堂機制，萬一MISS左部份，都可以安排其他時間上翻，你可以再睇睇自己時間，再去安排。

Q24343：

龔SIR，我有10萬元，想請教到底應該點樣用來投資好？

買股收息？部份錢做投資在潛力股？

請指教

龔成老師︰

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

如果你年青，可以「平穩增值股」+「潛力股」。中年人士，可以較集中翻係「平穏增長股」。當你已近退休之年，就應集中在「收息股」，去創造平穏現金流。你可以睇翻自已年紀，去作出配置。

由於現時大市只在合理區，以"分注"形式，慢慢入貨。你資金可以先投入一半。餘下一半待大市出現一定程度的下跌，才大力度掃貨。然後長線投資。

Q24344：

如果,站時每月2000，集中66 兩千蚊好定66同823各1000

龔成老師︰

我建議分開2隻，咁會較為平衡。

另外，港鐵(0066)、領展(0823)性質有點似，都係有物業類成份，最好唔好只供這2隻。

我建議你2選一，另一隻就用指數基金，港股如盈富（2800）、美股如（VOO）。

Q24345：

龔城大哥 你好。事隔一年 我宜家既成績未如理想。

有時去書局查閱書本，都好易被所謂「技術分析」「圖表」等等 去學習

宜家我反而多留意美股市場狀況，同埋幣圈

龔成老師︰

你唔好太著重短期回報，要以長期去分析的。

另外，唔好睇圖的趨勢，巴菲特已經講到明，技術分析沒有作用的。我地只會分析企業的質素，以及企業的價值。

我20年前，都會用移動平均線、RSI、圖表等分析方法，但當我輸完又輸時，我決定放棄這些技術分析，從此我就不斷贏錢。

你現時成績不理想，唔代表你投資一定有問題，因為現時整體大市都弱，組合資產下跌，係正常。最重要係你用個套方法，係唔係正確。

長遠要建立一個更平衡的投資組合，同時投資港股及美股，能有效減少風險的集中度，因此這是方向。

我相信中國、美國，都是全球兩個長遠最大經濟體，同時投資會有不差的長期回報，美股如不懂，最簡單是投資ETF，如追蹤標普500的VOO，分注或月供，都有不差的長期效果。

現時美股不算便宜，就算你美股無貨，都不建議現時一次過大手投資，最好是慢慢分注，平衡自己在財富配置的比例。

相反，也不建議完全不投資港股，因為當中仍有有質素的企業，長遠仍有當中的價值，只是有些企業的增長力，比過往減少左，因此只需平衡配置就得。

至於加密貨幣，唔係話完全不能投資，但你要明風險好高，要控制注碼。

加密貨幣有沒有真正的價值，如何定義真正的價值，合理價是多少，根本無真正的計算方法。

這些人為創造的貨幣，因為關注度由很少變得大，價格會大升，但這背後是否有真正的支持，根本無從計算。只能說，投資這些貨幣，投機味好重，可能大賺，亦可能蝕到一文不值，因為，當中價值，根本好難量度。

但這不代表佢無價值，佢可能好勁。

部分加密貨幣的長遠價值，取決於「有多少人用」，即是說，背後可能有「交易價值」，如果長遠好多人用，的確可能有高價值。

如果分析到佢長遠的交易大，大家都持續關注，就有價值，就值得投資。

另外，投資者可以從這些貨幣和其智能合約平台，長遠是否有功能上的價值去分析（部分可能有的，但就要仔細分析），這就會產生「功能價值」。

我並沒有支持或反對投資加密貨幣，只能說，加密貨幣風險高，可能大賺，可能大蝕，因此不建議大額投資。

如果有興趣，可以用以下的心態投資，首先，預期可能會大跌，心態上只用「閒錢」投資，就算不幸大跌都無影響，但要求回報一定是倍計，博加密貨幣有多倍計的升幅，絕不要升少少就賣。

另外，中央近期對加密貨幣都加強打壓，禁止相關交易活動。香港會否跟隨，還是未知之數，故你要明白會有這方面的風險。

Q24346：

也想問維他奶可否再買多一手？另外阿里巴巴跌成咁，現在買多手可以嗎？

龔成老師︰

阿里(9988)現時受政策風險影響，不確定性高左。

而維他奶(0345)因之前公關事件，令佢在內地銷情受影響，會否變成長線問題，仍是未知數。

長遠來說，佢仍有質素，有品牌、有銷售網絡。現貨可守，但有心理準備中短期弱，要耐心持有。

如果你資金好充裕，加一注係可以，但暫時這2隻股票，都不宜持貨過量。

Q24347：

龔sir你好,我月供以下股票近2年，沒有什麼增長。上完你嘅堂都掌握到啲投資技巧，想放棄月供，自己買股票。你覺得怎樣？ 還是改變一下月供組合？

我還有15年才退休， 想盡量增加資產。

中電 $2000

煤氣 $2000

港鐵 $2000

領展 $2000

盈富 $2000

近幾個月我主力買入小米， 中生製藥 ， 阿里巴巴，銀娛。謝謝!

龔成老師︰

你現時選股，係無問題。你要明白，這2年大市都唔係咁好，所以這類平穏增長股，唔會有明顯表現。

但長線的話，佢會有理想增長。

至於是否放棄月供，你可以睇翻自己能力，若你對定平貴已經好有信心，你係可以自己去入貨。

因為月供主要目的，係比一些不懂定平貴投資者，去平衡買貴貨風險。

至於你新買入的4隻股，都係可以。但由於佢地係潛力股，你不適持有太多，佔組合3成左右好了。

另外，阿里(9988)現時受政策風險影響，銀娛(0027)又因續牌出現一定不確定性。雖然它們都依然有長線投資價值，但暫時不宜太大注。

Q24348：

老師，請問現在388在合理區底部嗎？

老師，請問一下美股英偉達(NVDA)現在可以買入作長線投資嗎？

龔成老師︰

港交所（0388）現價都依然係有點貴，回多1,2成才算合理。

如果要去到底部，你預要最少跌4成以上。

英偉達公司Nvidia Corp (NVDA)有質素，佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。

其業務可應用層面，都相當廣泛，初步睇係有佢投資價值。

但我無仔細研究過這隻股票，睇佢過去幾年財務數據，發展得都算唔錯。但現價市盈率去到好高，點都唔算平。因為近期炒元宇宙概念，因此炒高左。

你投資係可以，但最好等佢回少少先，或者用月供儲貨，會比較好。

Q24349：

老師你好，follow左你一段時間了。學到既都是建議我地買潛力股，不建議炒股。這點我絕對同意。但今次我衝動地聽家人心水就買了9922，9毛9這隻飲食股。

唸住博一博玩短線。誰不知由買入$22.6開始跌到現在15左右，眼見逐日持續跌，真係跌到好懷疑人生。

請問老師可否給我一些建議，為我看看這隻股是否值得長期持有，還是要止蝕離場。苦海人上

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

九毛九（9922）係內地中式快時尚餐飲品牌管理及運營者，佢係內地所有中式快時尚餐飲餐廳收入中排名第三，於華南地區則排名第一。

可見，在業務上、品牌上、市佔率上都不差。現時運營269間餐廳，以及管理41間加盟餐廳，而「九毛九」及「太二」為佢的兩個主力品牌。

睇翻佢的財務數據，唔差的。但過往就偏貴，就算現時回左唔少，都仲唔算平。這股都有長線投資的價值，現貨可以照持有。

Q24350：

Hello 龔sir, 我是你舊生，今年42，和先生月入12萬，有一個小朋友。有一層自住單位，欠400萬。現時有做月供$3000 （823）和$2000 (1810),

減了開支每月可剩2萬，如果公司唔lay off, 會想60歲退休，有三至四萬股息，可以點步處。謝謝你

龔成老師︰

若你希望退休後，每月有3-4萬蚊現金流，以股息率6%計，你需要本金600-800萬。因此，我地要以這600-800萬作為目標，透過一些有增長力的股票，去累積這筆資金。

到你退休時，再將這些有增長力股票，換成為收息資產(如收息股、年金、債券等)，去創造你需要的3-4萬蚊現金流。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你42歲，可以用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$10000做月供。其餘先儲起，用一邊月供一邊儲蓄的策略。現時月供領展(0823)、小米(1810)係合適，但要再加大月供金額，去提升增值能力。

如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

我假設投資回報有10%（連股息再投資），你每月投資$20000，15年後大約會增值至760萬，故這樣安排相信很大機會達至你的財務目標。