Q23911：

真的很擔心，海底撈會唔會成為第二個恒大事件？

龔成老師：

首先，你要明佢股價大上大落，最近下跌的原因。

以長遠業務分析，海底撈（6862）本質是不差的，長遠仍會正面，不過中短期會弱，其中一個核心原因，是中央推節約飲食，對佢會不利。

另外有兩點都要注意，第一，管理層有講過，之前市場對佢地公司過度樂觀，估值偏高（所以股價大升，然後大跌）。第二，管理層話公司面對中國的市道，其實業務不是一直都好的。

加上這股之前貴，相信中短期股價仍一般。

不過以長遠來說，這股仍有質素的，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。

在中國有好多分店，以及外國都有。

有規模，有品牌，整體正面。相信長遠仍有發展的。

不過，這股市場之前比佢好高估值，就算近期回落，最多只能稱為合理區中間至中下，一定未平。如果有貨可長線，當然，持貨過多宜減。同時，預佢中短期弱，始終中央推節約飲食，對佢會不利。

Q23912：

老師，我103.5 入左快手

但現在跌到96。 想問要不要忍痛止蝕

龔成老師：

快手（1024）最大問題是之前貴，加上監管因素，中短期仍弱。

不過從本質來說，佢係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展。

現價雖然無之前咁貴，但仍未平，可稱為合理區中上，但短期股仍會十分波動，這類股只宜小注，如果持貨%較多，可能要減少少，餘下再守。如果你持貨不過量，就守住先，不過要預佢較波動。

Q23913：

想月供美股USD1000/month

安全？

如何選股？

龔成老師：

最簡單是月供ETF，這是一個最平衡，以及適合一些不想/不懂選股的投資者。

如果想有基本增長，就投資追蹤標普的VOO。如果想進取（當然風險會大左），就投資追蹤納指的QQQ。

你都可以長期月供。

但要留意，現時已經唔平，VOO在合理區的頂部。而QQQ在合理頂至少少貴。

你投資不要一次過太大注，要慢慢小注月供，同時留現金。

Q23914：

老師！270點解一直跌？依家係便價？

龔成老師︰

粵海投資（0270）質素無轉差，只是中短期弱，這企業有多個業務，同時都處於賺錢的狀態，整體不錯。加上最大的水務部分，更是香港東江水，即是不斷賺香港人錢。

佢係供港東江水部份，賺錢能力已經比以往弱左。係疫情下，內地工商用水需求會下跌，影響收入。而且，集團收入除了水資源外，還有其他好似物業投資、酒店、百貨等，在疫情下難免會受影響。

至於增加資本開支投入建設，如果能提升現有效能，就會對佢盈利有正面影響。整體而言，集團業務依然係算穩定，預期維持平穏發展，故有長遠投資價值。

此股現時在合理區，投資時要分注進行。

但平宜價，就未到，你預跌多2成以上，才算進入初步平宜區。

Q23915：

龔成老師，不好意思，最近看多了一些投資資料，發現很多人推介美股etf 例如VOO. 由於工作原因，我買股票需預先取得公司准許，所以較麻煩。

請問你認為買etf對我這類沒有時間及投資知識和經驗的人適合嗎？回報算好嗎？謝謝！

龔成老師︰

可以投資。

若以長線回報而言，當然，未必及你選中一些優質股咁好，但本身是一個風險平衡組合，因些絕對可買。

但由於ETF(好似VOO、QQQ、盈富基金等)，佢地係一籃子優質企業組合，當中有不同公司和行業，一定增長力之餘，組合平衡性都高。

對於一些初學者，或者無時間自行選股，但睇好個別市場的投資人士，係適合的選擇。

Vanguard標普500指數ETF〈VOO〉，是追蹤標普500指數的ETF。未來10年相信中國和美國，都會係全球最大經濟體，故有投資價值。

你可以用分注模式，去慢慢儲貨，並長線持有就可以。

Q23916：

龔Sir，我好buy你投資股票個買入concept.因為我都經歷過700，當時2百幾入，見升到5百幾，跌到3百幾，除此之外都有其他同樣經歷

到最近，7百幾入左TSLA,其實見佢係咁升，我係想長線持有嘅。佢由7百幾到依家$1XXX，係佢升嘅當中，我諗緊到底入唔入貨，想跌至入，但日日都升，由800-900等到1000。

其實好似咁嘅情況，想你指教下點樣處理？

龔成老師︰

其實投資任何股票，我地除了要確認佢係優質，要有長線投資價值外。另一個必要考慮因素，就係價格水平。

其實，最重要你是分析，這股佔你組合比例，以及你長遠點睇間公司，不是這刻股價，是長遠。

以現時比亞迪(1211)為例，無論行業和企業本身，都好有潛力。不過，以現時數據分析，佢係已經貴，所以暫時我地唔會再入貨。

因為勉強係高位追，反而會拖低左長線回報率，唔係咁值得。

TESLA都有類似情況，佢未來發展係正面，但以現時而一刻計，成300倍以上市盈率，係好高。代表股價已反映不少未來因素，故暫時不值入貨。

至於現貨，你可以長線持有。若你係一個較保守的投資者，你可以用"升一倍、沽一半"的方式，先去收回成本，其餘就長線持有。當然，如果你貨不過多，就全部持有都得。

Q23917：

想你評下813世茂集團，市盈率低，股息率高，最新的銷售也可以，有10%以上，我由$30入了1000股，每跌$5買入，現在不斷創新低，是否可以繼續持有，還是止蝕離場，謝謝你。

龔成老師︰

世茂集團（0813）質素中等，現時負債高有風險。

佢係中國優質房地產項目的大型發展商，於中國優越地段發展高端房地產。業務包括發展住宅物業、零售物業、辦公樓及酒店。

項目位於上海、北京、哈爾濱、南京、福州及中國其他快速發展城市等，過往生意與盈利都有增長，發展不差。

不過負債較高，令企業風險存在。

現時內地樓市和經濟都有放緩情況，加上政策風險，都令其發展不確定性高左。

現價合理，長線投資價值是有，但唔建議太大注投資。若你已有一定貨量在手，就算再跌都唔好再加注。如果係持貨好多的話，最好沽少少，換去其他優質股去平衡風險。

另外，地產類股份唔好用市盈率去定平貴，因為盈利當中有"物業重估"這個會計調整，單睇市盈率數字，會被誤導。

Q23918：

龔成老師你好，一直有留意你，亦有做月供呢個動作，現時只有1211係贏，其他都負數，不過知道係睇長線，所以收埋唔理。呢排留意左隻1378，請問值唔值得草下呢

龔成老師︰

比亞迪（1211）係潛力股，業務發展理想。但這股現價已經偏貴，如果本身有貨，可長線，但預佢股價波動。

但月供就最好停一停，在$200以下才再開始會較好（除非現時唔夠貨而又十分想買，就小注月供）。反而我較建議可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

由於近期不少車股被炒起，此股現價略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

至於其他帳面蝕緊錢的股票，唔好收埋唔理，你要睇翻佢地係唔係依然有長線投資價值。如果有，照持有就可以。

但若果質素已經轉差，就要減持。

中國宏橋（1378）主要在中國從事鋁產品製造，產品包括液態鋁合金、鋁合金錠及鋁母線（電解鋁塊，主要用於鋁熔煉爐的部件），並利用自行生產的電解鋁製造鋁產品。

佢亦自設熱力廠生產電力，並向鄒平高新鋁電出售熱電廠產生的蒸汽。

過往的業務都不差，生意與盈利都有增長，長遠仍有發展力。

現價仍處合理水平，不過近年股價上得有d急，要留意中短期股價波動波動。投資時要控制好注碼，這股都有線投資的價值。

Q23919：

退休後投資組合

0778 12%（達5.5%息率）

1398 12%（達6%息率）

2638 12%（達5.51%息率）

3110 12%（達5%息率）

6823 12%（達6%息率）

0027 5%

0066 5%

0388 5%

0823 5%

1038 5%

1928 5%

2800 5%

BRK.B 5%

更新後的退休後投資組合

龔成老師︰

現時這個新退休組合，係可以。

但你要記住，這些股票係分注買，唔係一次過去入晒，以免因價格波動，造成影響。

這些收息股，你預5%已經係合理區，可以開始儲貨，唔一定要等到6%才開始。

Q23920：

老師，1337最新有份通告咩意思？

另外，全面要約係咩意思，是否壞消息。感激

龔成老師︰

雷蛇(1337)2021年盤數無問題，中期業績的審計要求，跟全年業績不同。

你唔會好似全年業務咁，見倒佢話無保留意見。

集團佢財務數據，並無出問題，你唔洗擔心。不過此股不確定性係偏高，投資時緊記要控制注碼。

至於"全面要約"，即係指有機會私有化。

但睇翻雷蛇(1337)個通告，主要係由於大股東陳民亮先生及 Lim Kaling 先生正在與金融投資者洽談，以探討一項涉及本公司的交易的可能性。

但現時好多野都未落實，是不是為左私有化而做交易，定係其他原因都未知，所以好難話係好定壞。