Q24261：
老師救我！隻708恒大汽車我極高位入。一直跌都唔敢走。 依家2蚊幾，輸9成幾。溝股嗎？
龔成老師：
恒大汽車（0708）風險較高，不建議加注，除非你之前持貨極少，而你現金又多先加少少，但這股，始終是高風險類，不宜加注。
我先假設3333對佢負面影響不算大，單從業務角度分析，佢發展新能源車，但這些仍未有賣產品真正的實力，長遠能帶動多少收入，未知。
由於仍有好多未知數，可能佢真的有潛力，但連基本的銷售銷售都未有，我地作為投資者，就好難分析。
這類建基於"未來"的股票，當遇到大市較疲弱，或者一些不利消息，可以跌好多。
其實恒大汽車過往其中一個優勢，就係有中國恒大（3333）這家大型母企支撐住，就算未有產品，研發的資金鏈都唔會成問題。
但現時母企3333這樣情況，佢資金鏈斷裂機會係大左。雖然近期已有真車落地，並預期2022年中會出廠。但具體業務發展到會點，而家都係無人知。
我唔係話佢無投資價值，只係不確定性和風險都偏高。因此，這股不宜持有太多，我偏向不建議你加。另外，如果你持貨較多，宜在反彈時減持。
Q24262：
老師我突然感覺到你講隻潛力美股C，就是nvax?
我現時帳面冇蝕咁多了,我之前低位我唔敢再入貨, 如果我大膽買入應該一早已返到家鄉, 我希望我可以做到長線投資者, 就像你當日叫我要堅持把比亞迪提倉, 放長線等,
耐心等佢成長, 對不起, 我最後忍唔住止蝕離場,十分後悔!
唔知道nvax 有一天會唔會好似比亞迪一樣升得咁多. 大家拭目以待.
龔成老師︰
我所講的潛力股，不是NVAX。
不過Novavax Inc(NVAX)，都有佢潛力係度，但始終不確定性好高，只宜好小注。
其實面對Novavax Inc(NVAX)這類股票，現價未必太重要。因為以佢為例，好多投資價值都係建基於未來，所以做估值係好難。
所以，我地焦點會較集中係未來部份。因此，我地投資時，要有個心理準備，佢中短期會好波動。
而我地目標，係希望長線持有，若言佢成功，可能會有倍收增長。但我地要同時明白，佢失敗，我地損失都會唔細。
因此，係投資時必需控制注碼，將潛在損失控制在可接受範圍。之後，就超長線持有，去睇佢發展成點，再調整策略。
Q24263：
老師想問下 2013有咩睇法？
本人持有6000股
1000股 26入
5000股 16入
龔成老師︰
微盟集團（2013）集團主要在中國從事提供軟件即服務產品及營銷服務。
佢的產品分為「商業雲」解決方案、「營銷雲」解決方案及「銷售雲」解決方案三類。
「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。
這些都是將來發展的大趨勢，從業務潛力上，的確是有的，見佢財務數據的增長都強勁。但在估值上都唔平，所以，如果投資，這刻小注好了。
由於此股業務發展上，有一定不確定性，所以不宜持有太多。若現時佔你組合比重不高，你可以守住先。但如果佔比重較大，建議你沽少少，去平衡風險。
Q24264：
龔 sir, 請問如果想買美國科技股基金，應該買邊隻？乜嘢叫做Spac?
龔成老師：
最簡單就是買追蹤美國納指的QQQ，由於當中有好多科持股，你買QQQ已是間接買了不少科股企業。
特殊目的收購公司（SPAC）在美國較流行，香港就未有。
睇翻政府的方向，佢地話研究推SPAC於香港上市，已要求港交所及監管機構研究推動SPAC係香港上市，希望增加新集資渠道，同時保護投資者。不過，見政府暫時未有時間表。
傳統IPO是公司尋找資金，而SPAC是資金尋找優質公司。
簡單來講，當一間SPAC上市時，其實未有實質業務的，佢就在指定時間內，收購其他公司。這就是SPAC的運作方法。
該SPAC是否成功，就好睇管理團隊的投資眼光，所以不確定性會較我地傳統的投資大，但潛在回報有機會較高。
Q24265：
龔老師，小米受投資收益大幅拖累，雖然這應該是一次性性質，但小米投資收益對其盈利，影響噤大（近35億）?
小米本人@25.1有貨，是否可繼續持有?
感謝
龔成老師︰
那虧損的35億，是公允值變動，係一些會計數字調整，唔係實際佢蝕左架錢，所以睇得太重。
小米(1810)業績較弱，相信中短期會較一般，其中一個原因是晶片等供應因素，但長遠會慢慢解決的。暫時未見對核心有明顯影響。現價在合理區中間。
長遠仍是有潛力的，佢的產品性價比高，相信在全球好多個國家都會有市場，佢長遠只會進一步增長。
同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。這股可長線﹐但你預佢股價仍會波動。
Q24266：
老師，我現有月供股票如下
- 目前每月月供$9000，想每月加多$1500月供 你建議邊加落邊隻股當中？thx
0003 手持 2689股，月供$500
0066 手持 1207股，月供$1000
0788 手持 9486股，月供$500
0823 手持 439股，月供$1000
1177 手持 2861股，月供$1500
1810 手持 742股，月供$1500
1928 手持 667股，月供$1500
2638 手持 2908股，月供$500
2800 手持 2709股，月供$1000
龔成老師︰
以你32歲年紀，應以增值為主。你有股票，都係有投資價值。
但港燈(2638)只係收息股，增長力不高，我建議你將佢換成一隻潛力股，咁會較好。
至於新加$1500，可以用來投入指數基金。
另外，金沙(1928)受續賭牌影響，仍有好多變數。金沙(1928)在澳門有正面的貢獻，從資產質素、澳門發展、就業等角度，佢都做得不差，賭牌好有機會得到，不過，政治因素就是不確定，這點好難準確分析影響是否大。
初步分析，佢得到賭牌會過半，但政治是一些不能預測因素。
要留意，現時賭牌的條款，要求加入政府人員，這無可避免地影響了企業長遠的賺能力，優質度及估值都會略減。
此股長線投資價值依然存在，現貨可持有。但風險度係高左，故暫時要控制注碼，建議你停一停個月供，暫時用另一隻平穩增值股代替。
Q24267：
龔Sir 你好。本人36歲，做生意，剛結婚計劃生育中，因疫情這兩年生意一般，股票多數都是幾年前買入，部分（939，2007等）一直跌但冇再入，去年入了ATMX, 想收復失地怎知今年更差。
本人希望不計物業，可在10年內有1000萬股票/現金。
本人持股如下:
Cash $530k
2007 $12.5x33000
939 $6.8x88380
2018 $103x2000
823 $80x1000
2013 $13.74x7000
2400 $85x1200
6666 14.88x3500
27 $41.75x2000
1810 $23x2200
9988 $219x600
700 $589x200
3690 $282x400
175 $17x2000
6098 $58.5x1000
本人一直有追開你post, 出身公屋仔，努力工作10多年，終於買了2間樓，一間自用一間收租，但股票就買多年都輸多贏少，請教一下如果想換貨，
2007 同2018最傷，想換1211，1772可以嗎？
另外2400，6666表現差，建議hold還是sell？
本人下年會有約100萬現金到手，老師建議是投資股票，還是買多間細價樓，還是留住做未來小朋友洗費？
本人問題較多，投資成績不太好（如你所見已蝕了50萬），希望指點謎津，謝謝
龔成老師︰
其實睇翻你持有股票，質素上係無問題。你出現虧損原因，主要係你買入價太貴，而唔係佢地質素出問題。同時間配置上都不太理想，有調整的需要。
以你36歲年紀，係應先做好增值部份。建行(0939)只係收息股，增長力唔明顯，建議你將部份分段咁換碼至較有增長力的優質股。
碧桂園(2007)質素只係中等，由於負債偏高，有一定風險。
心動公司(2400)、微盟(2013)、美團(3690)都是不確定性較高股票。阿里巴巴(9988)受政策風險影響，不確定都高左。
上述公司你可持有，但必需控制注碼，不宜持有太多。特別係碧桂園(2007)，你必需要減持部份，因現時持股佔比不少，風險太高。
至於換碼至比亞迪(1211)，暫時唔建議，因為佢現價太貴。你可以先用GX中國電車(2845)代替。
贛鋒鋰業（1772）是潛力股，但估值較難，分析時的確資料較少。由於上市年份少，我地較難有長期數據分析。
佢為鋰化合物、金屬鋰及鋰電池等鋰資源生產商，業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。集團提供涵蓋五個主要類別逾40種鋰化合物及金屬鋰產品。
其實佢的產品應用都廣泛，包括電池相關產品、化學品、藥品及新材料等，而客戶主要包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。
我相信佢長遠有潛力，有長線投資價值，問題只是平貴度的問題。現價略貴，最好等佢有明顯回調，才考慮換碼至此股。
恒大物業（6666）都有質素，有長線投資價值。
但現時母公司恆大(3333)營運上出了大問題，有可能影響到佢將來獲得物管合約的數量，從而拖累盈利增長。
但暫時此股都係有投資價值，不過風險度係高左。現貨可以守，但暫時不宜加注。
另外，我建議你未來投資，最好用分注或月供模式進行。因為你似乎對定平貴，唔係太有經驗。這樣做，可以減少你買貴貨風險。
至於新資金，我建議都係投資優質股。因為現時租金回報率不高，投資股市值博率會較好。另外，我建議你新資金，集中在一些平穏增長股上，因為你現時組合已有不少潛力股，會令組合風險過高。
Q24268：
老師下午好，請問3319值得我們現價大手買入嗎？母公司對他是否有影響？
我自從上了您的課後，便開始月供3319和收集，直至今天有5600多股，想再趁低入市，請教您的看法，謝謝您！
龔成老師︰
雅生活(3319)近期回調不少，但未見本質有明顯轉差，有貨可以照持有。
現價計，算是合理區中下部。
不過，要留意內地房地產市場有明顯放緩情況，特別係住宅類。雖然，雅生活較其他物管股，相對業務分散，有住宅類之餘，也有不少商用、公用項目，分散風險能力較強。
但始終都會有D影響，你預佢中短期都會較弱，但長線係看好的。
而集團佢對母企業業務依賴性，相較其他同業，明顯為低。故母企發展潛力，雖然會對佢有影響，但唔算好嚴重。
不過，始終成個行業整體發展，相信會慢左，所以唔好過度進取。
現價未算係平宜區，不是大手入貨時候。而且，就算一隻股票再好，都唔好持有太多，盡量係維持15%以內，咁會較平衡。
Q24269：
呀sir，想請問下我而家一直月供緊1177,66,2800,823，現在股市不斷跌需要停止供款嗎？
龔成老師︰
以長期的角度計，只要是有質素的，反而應該保持月供。
由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。
要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3年以上，之後持有5年以上。
月供最重要的一點，是「選股」，只要係有質素，唔洗理佢中短期波動，一直供就可以。
你現時持有的股票，都係有質素。若你係年青至中年人士，這些股票係合適的。現時大市回調，反而你係儲多左貨，所以更加唔應該停供。
因此，你在分析時，要思考，這些股長遠值得佔你組合比例幾多，如果佔比已過多，就可以停，但如果是合適水平，反而應該供。
Q24270：
Sir，我有問題請教，有関3319雅生活疑問：
1。我依堂上所學分析數據及基本面，我見3319真係優質及谮力良好，但為何相比其他內房管公司股價，大部分從高位跌2-3成，而3319就跌足5成咁多呢？
2。我又聽人講，話投資者對3319卻步，係原於母公司經常發永續債。請問什麼是永續債？對3319公司有什麼影響？在年報上如何看出？
可否透過流動比率或中銀網上資產負債表查找？
3。最後，我以上2018EPS作定位，基於3年PE估值，計出合理區間14-19，想請問老師如何？
PS，阿sir，建議你FB唔好講價位，今日已經有好多人在談論你$18這個指標了。未上過堂，可能未必明白幾個月前$18同而家呢刻嘅意義。
謝謝
14-19係指股價
龔成老師︰
- 其實不少內地物管股，都跌左一半，好似融創服務(1516)、碧桂園服務(6098)。
由於雅生活(3319)有一定規模和品牌，在熱炒時佢相對地被炒高，故回調時也會較重，相信是主要原因。
- 永續債，是一種不用還本金的債務，不計入資產負債表的"負債"類，令投資者會低估負債水平。遲D上堂會再講這個永續債。
由於佢不列入負債類，所以睇負債指標係無用，要睇年報先會見到。
睇翻佢持有永續債唔算好多，係一個扣分位，但又未到好嚴重。不過，內房比較令人擔心係其他隠型負債。我之前FB，有出過POST，分別係講恆左負債問題和內地物管業分析，你可以睇翻，相信會加深你了解。
- 雅生活(3319)近期回調不少，但未見本質有明顯轉差，有貨可以照持有。
雅生活服務（3319）和其他物管股，好多上市時間都唔長，你基本上唔會找到一個有意義的行業市盈率。因此，暫憑佢業務性質，去大致估算市盈率區間，你預大約15-20倍。
你個估值都接近，雖然內房發展弱左。但成個物管業發展，依然係較正面。所以，計算EPS可以進取少少。你估值可以上調15-20%左右。
現價計，算是合理區中下部。
不過，要留意內地房地產市場有明顯放緩情況，特別係住宅類。雖然，雅生活較其他物管股，相對業務分散，有住宅類之餘，也有不少商用、公用項目，分散風險能力較強。
但始終都會有D影響，你預佢中短期都會較弱，但長線係看好的。