炒股好多人以24節氣作一個轉節點。如大市上升的途中，見到一個大節氣，往往好多時節氣的前後逆轉，由升轉跌。相反，好多時也在大節氣點由跌轉升。今年的高位也在一月尾，立春前逆轉，由大升浪變了頂位。今天7月23號是24節氣的大暑。是否也是一個由跌轉升的重要時間窗？就由時間判斷吧！當然重貨的我希望大暑就是見底逆轉時。 除左股票分析外，今天再講多個話題，就係大暑。炒開財技股的人都應該好清楚，分析一隻股票唔係睇表面。唔係股權集中就會升，仲要配合好多因素。那大暑這個日子難道就不是大暑？還要睇因素？無錯。大暑祇係個名。但未必關每個人的事。 大暑，濕熱交蒸，易因高溫高濕使汗不易蒸發，或高溫造成汗液滲出過多，使人體水份得不到及時補充而發生中暑。在中醫的角度，如果在大暑這日子整天要外出工作。可以煲消暑去濕湯。材料：冬瓜一斤，苡米一兩，荷葉五錢。煲水飲。 但睇野唔分睇表面。唔好被大暑依兩個字去影響左自己的分析判斷能力。因食落肚的係醫你的症狀。在香港這個都市。其實以天氣的炎熱度，天氣的濕度。早已大暑。近日的氣溫和濕度邊日唔似大暑？所以我地作為香港人，如要面對這個問題，祇要日日氣溫高，濕度高，都可以當大暑看待。但……又想問下大家，在咁的日子？又有幾多人返工嘆冷氣，回家又嘆冷氣呢？如果你係一個戶外工作者，經常外出晒太陽。或在室內工作無得嘆冷氣的人，我並不反對你經常飲消暑去濕湯。但如果你係個經常有得嘆冷氣的人，請問暑濕又關你乜野事？暑在外，濕在外。你確在一個又涼快又干爽的地方生活著。 總結：無論投資又好，健康又好。睇野不是睇表面，要有分析力，判斷力去做出正確的行為，才對得起自己。