Q23781：

老師，想請教你點睇Nft平台？

龔成老師︰

現時市場最常用的NFT交易平台，其中一個係OPENSEA。暫時黎講，佢算係市場上較具規模的一間﹐你可研究下。

NFT和虛擬貨幣，並不是我最主要研究的範疇，所以我對此無太多意見。

初步睇，現時NFT市場有點過熱，已經有出現泡沫的情況，要小心。

以本質來說，這是人為創造出來的，絕對不是「資產」。NFT比較像似一種藝術品，市場會如何定義其真正價值，其實係好難掌握。

NFT的價格，現時市場主要受其關注度、開發者/藝術品內容的名氣、稀有度等因素所影響。因為背後無太多實質支持，價格經常會大升大跌。

多人關注，可以升得好勁。但當市場關注度減退，可以回調得好緊要。

我唔係話，NFT佢完全無投資價值，但要做個合理估值，係極其困難。因此，你就算十分睇好個NFT項目，都唔好過份進取，小注博下好了。投資永遠都係要先考慮風險，再考慮回報。

Q23782：

老師其實當一隻股票市盈去到300幾倍e.g Tesla, 係唔係唔應該碰，但身邊人仍繼續買話長揸，話睇好它前景

龔成老師：

市盈率只是其中一個分析工具，當分析高增長股時，你可以推算一個數年後的每股盈利，以這個作為基礎參考推算出市盈率，估值就更加立體。一些有增長、有獨特性股票，就算這刻少少貴，我都建議持有，最多只是減持部分，一定要有一些貨在手。

Q23783：

我現在仲有海底撈，跌到歷史新低，現在怎樣辦

龔成老師：

海底撈（6862）本質是不差的，長遠仍會正面，不過中短期會弱。

第一，管理層有講過，之前市場對佢地公司過度樂觀，估值偏高。第二，管理層話公司面對中國的市道，其實業務不是一直都好的。

加上這股之前貴，相信中短期股價仍一般。

不過以長遠來說，這股仍有質素的，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。

在中國有好多分店，以及外國都有。

有規模，有品牌，整體正面。相信長遠仍有發展的。

但現時擔心疫情，對佢有會影響，所以中短期仍弱。

現時要睇你持貨多唔多，這股有得守，但要耐心，只要你貨不過多無問題，但如果過多貨，都要反彈時減少少平衡組合風險。

Q23784：

老師，我數學好差，超級初學者也可以報你班？

龔成老師：

放心，股票班適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資時機、配置、評估平貴，在投資上已掌握了一定的知識。

另外，你上課之前，多睇理財、股票類的書，留意一下財經新聞，到時就較易跟到。

Q23785：

Hello 老師，想請教一下你點睇2192 醫脈通 ，有質素可長線投資嗎？謝謝

龔成老師：

LEGION CONSO（2129）質素只是一般般。佢主要在新加坡從事提供以下物流服務：

（一）貨車運輸服務：指港口與指定提貨／交貨地點的貨物（主要為集裝箱）拖運；另亦聘請獨立分包商提供

若干貨車運輸服務。

（二）貨運代理服務：乃一站式解決方案，集團擔當代理並為客戶安排和協調運輸，最終客戶通常來自零售和

製造業等行業，其裝運的起點或目的地通常在國外。

（三）增值運輸服務：包括露天倉儲服務、裝箱與卸貨服務，以及物流堆場與指定提貨或交貨地點的集裝箱拖

運。

其實規模不算大，加上賺錢能力不算強，整體只是一般。

Q23786：

請問你推介的＜50穩健收息股＞澳門有得買嗎？因我住在澳門。

請問龔老師3110高息基金大概有幾多厘息。

請賜教，謝謝！

龔成老師：

有得賣的，書本在水坑尾宏達有得賣。由於部分書在一書店已斷，所以若你見唔到，問下職員就得（又或向職員訂都可以）。

以下是我的13本書：

《80後百萬富翁》（第9版）

《80後2百萬富翁》（第4版）

《80後3百萬富翁》（第2版）

《財務自由行》（第7版）

《大富翁致富藍圖》（第5版）

《50優質潛力股》（第4版）

《50穩健收息股》（第3版）

《50值博倍升股》（第3版）

《股票勝經》（第6版）

《選股勝經》（第2版）

《年報勝經》（第2版）

《5年買樓4部曲》（第2版）

《80後千萬富翁》（第2版）

GX恒生高股息率（3110），是一個投資收息股的基金，追蹤恆生高股息率指數之表現。現時約5%-6%股息率。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合，但增長力不強。

Q23787：

成哥 0333 點睇，我2.9 有 70000 股

龔成老師︰

黛麗斯國際(0333)主要業務為從事設計、製造及分銷女裝內衣，主要為胸圍產品。其產品主要銷往美國、加拿大及歐洲。

這隻股票市值好細，盈利都唔高，而且間中都會出現虧損。睇翻近年的業續，都不太好，企業轉弱中。

這個情況，預期長線都會維持。此股投資價不算高，長線建議你換碼至其他優質股，咁會較好。

Q23788：

老師，我59歲，我的30萬，其中有一半放左係股票。現在都唔知點算好。

恆生 （＃011）買入價$155x200股

深圳國際（＃152）$10.74x1000

南方錳 （＃1091）$0.545x12000

雷蛇 （＃1337）$2.86x12000

神威 （＃2877）$8.053x3000

中建材 （＃3323）$12.02x4000

總投資$154,839

請幫忙柝解， 是否需要賣掉去換比較優質的股份

龔成老師︰

審視翻你現時組合，恆生(0011)、深圳國際（0152）、神威藥業(2877)、中國建材（3323）都可以保留。

但神威藥業(2877)、中國建材（3323）質素上較一般，長線不宜持有太多。

南方錳業（1091）、雷蛇(1337)都係潛力型股票，對你們這類將退休人士而言，風險太高。你要分段慢慢沽出，換成我之前推薦你的「平穩增值股」或「收息股」。

至於餘下一半現金，就如我之前所講，先保留部份，作為應急之用，餘下部份就用於大跌市機會。

Q23789：

你好老師,想問一下 依家我開始月供領展，置富，小米 每月一千。

但係想了解 月供是否應該去到某一個價位就要停止？

另外想問，如果想加多一兩隻做組合老師會推薦邊隻股票？

龔成老師︰

月供係一個長線計劃，月供最少維持3年，並持有這些股票5年以上，才會有較理想效果。

我地月供唔會話供到幾多錢，或者某個時間，就會停止。只會係去到好貴，才會考慮下調供款額，甚至停供。

如果你本身定平貴能力不高，我建議你不理價格，一直月供會較好。因為你自己調整出錯，就好大機會影響你長線回報。反而一直供，會對你更有利。

若你想加1,2隻股票，而你又未近退休之年，可以用以下平穏增長股。

平穏增長股︰盈富(2800)、平安(2318)、中銀（2388）、港鐵（0066）、長建(1038)、粵海(0270)。如果有投資美股，可投資VOO。

另外，你現時月供3隻股票，有2隻都係地產類股票，有少少集中。最好將其中一隻，換成以上平穏增長股，去平衡風險。

若你係偏年青，應用領展(0823)佢增長力較好。如果你係接近退休之年，可以用收息股置富(0778)。

Q23790：

老師，如果43撇除私有化嘅可能性，佢算唔算係一個優質股？

龔成老師︰

撇除私有化因素，單睇卜蜂國際（0043）本身業務性質，其實唔算好特別，都唔見有一個明顯的獨特優勢存在。

睇翻個過往財務數據，表現只算係一般。

佢都有投資價值，但唔算話好高，稱唔上係好優質的股票。

佢主要從事產銷動物飼料產品；繁殖、養殖、畜牧及銷售禽畜和水產；及產銷加工食品。

業務穩定，但增長力不強，這股收息可以，但由於有部分是特別息，之後未必會有，因此都要明白有變數，唔建議太大注投資，但就唔好對股價有太大期望。現價合理。