有時候見到啲筍盤令人心動不已，但偏偏就係啲租約未完嘅連租約盤，咁到底呢啲情況又做唔做到高成數按揭呢？

出租物業最高可做5成按揭

申請高成數按揭其中一個要求係買入物業必須為自住用途，即使買入時物業時租約未完，只要物業係以「交吉」形式進行成交，買家亦能申請高成數按揭。

如物業係「連租約」買入，屬於出租物業最多則只能做5成按揭。

而簽署買賣合約時買賣雙方需決定係以「交吉」抑或「連租約」形式成交，而有關資料亦須於買賣合約上訂明。

長成交期需承受市場變數風險

若買入物業時租約未完，其中一個處理方式係以長成交期形式買賣，等成交時租客已經遷出，可以「交吉」成交，但長成交期買家需要承擔日後銀行估價與成交價未能匹配而影響按揭嘅風險。

而另一個方法則由業主與租客商議提早解除租約以便物業可以「交吉」成交，呢個情況買家亦可以申請高成數按揭。

不過，要注意，按保公司於審批時經常要求睇樓，若發現物業仍然有租客佔用便會拒批按揭。

如果到收樓時，租客仍然佔用物業並未遷出，賣家便需負上法律責任，買家亦可因此而向賣家追討損失。

相關

泰國樓入場費數十萬元 買家如何避免中伏？泰國樓數十萬元能入場 置業要注意甚麼細節？BNO可變移民方案 英國買物業的注意事項本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。 HK MoneyClub (www.hkmoneyclub.com)