Q23841：
-
我係進階班學生，應收賬周轉率請問什麼意思，進階班二十四個財務數據。
-
雷軍退出小米金融和小米信用管理目的，是不是讓自己更專注自動車project 讓其他更合適的人做金融和信用管理？
這樣對1810的本質有正面提高，對嗎？
- 老師，你對企業護城河有冇一套指標？
龔成老師︰
- 應收賬周轉率 = 銷貨成本 / 平均存貨
平均存貨 = (年初存貨 + 年末存貨) / 2
這個指標，主要係反映企業，佢係一年之內應收賬能轉化成現金的次數。
這個數字愈大愈好，代表企業可以在較短時間，就可以取回一次現金。
-
有機會，不過我地好難知佢真正原因。但暫時所見，小米(1810)投資價值唔見有明顯轉變，暫時都會維持過往睇法。
-
護城河，可以係一個品牌、專利、法律保障、技術等，最重點係這個護城河，係可以確保到外來競爭者，不易進入，甚至不能進入市場。
港交所(0388)就係其中一個例子，佢係香港唯一獲認可的證券市場及期貨市場，法規上令其他競爭者不能入場，這就是有質素的護城河。
Q23842：
您好 老師，仔仔剛剛18歲，想讓他認真學一下理財知識，股票班適合他嗎？謝謝
現時他并沒有任何理財投資等知識和經驗。
龔成老師：
【投資倍升股課程】適合初學者的，因為整個課程的設計都是針對初中階投資者的，課堂頭3堂都是初階的內容，只要佢課後好好溫習，能跟到之後的內容。
我當年都是18歲開始投資股票，因此佢開始學習正確的理財投資知識，是好時機。
每一課後都會有指引比佢，要你在一星期內找那些資料，溫那些內容，只要佢跟著去完成，到佢讀完整個課程後，你已能自己選股、投資時機、配置、評估平貴，在投資上已掌握了一定的知識。
另外，上課之前，多睇理財、股票類的書，留意一下財經新聞，到時就較易跟到。可睇《股票勝經》這書。
詳情及報名：https://www.80shing.com/register.php?id=1
第一課：投資與股票基本功
第二課：投資策略與行業分析
第三課：穩健股及收息股投資術
第四課：買賣時機與估算合理價
第五課：企業估值模式
第六課：選股秘技
第七課：分析年報技巧
第八課：特質類倍升股與潛力股
Q23843：
老師你好，我出年年頭移英，當地收好高既資產增值稅
有朋友介紹係香港買AIA保險，hold 5~10年，一來keep住筆錢，二來每月可收息，三來減少比資產增值稅
你意見如何，我記得你講過，買保險 就是買產品。買最簡單的保障就得for投資， 應該買資產。而AIA呢個保險plan 睇落似買資產，但我唔識分別。
因為今年1月我係hk賣了大單位600萬,而買入細單位400萬，吐現了一些現金。
當初諗住 留返一個單位係hk for將來可能回留住。但就過了一年，hk似乎越來越xyz…唔想抱太大期望
但如果出年1月賣出細單位，要罰10%稅。
打算過到英國用老本生活先，先租樓，住落先再買樓，唔想隔山買牛
所以吐現的200萬，有100萬放在股票，另100萬 唔知點處理
老師，可以給我一點意見嗎？
龔成老師︰
保險唔算係一種資產，只是一種理財產品。買保險的原理就是將風險分散，將風險轉去比保險公司。
而你所講的儲蓄保險，雖然有增值能力，但相對優質股弱好多。
當然，如果佢可以做到節稅效果，而節省到的金額，加上保險本身回報，係接近投資平均回報水平(用盈富參考，年均增長約10%)，你係可以買。
但你要確認清楚，真係做到節稅的效果。講緊唔只係中間收息個陣，可否免稅。你要考慮埋10年後，你將這筆資金轉至英國的稅務安排。
你仲有不到1年就要移居英國，時間好短，其實不宜作任何投資。因為中短期股價，就算再優質的股票，都會有波動。
因此，你最好現金持有，最多只可以做定期存款。而手上持股，也要開始慢慢沽出，唔好等走先一次過沽，無人知當時個市是什麼環境。
所以，你要分段去沽貨，以平衡價格波動的風險。
Q23844：
龔Sir, 有關物業加按折枝法(財務自由行-第七章), 想知道如我現時自住居屋銀行估值約672萬, 可以如何運用這個方法去轉化賺取額外收入?
書內的例子有點複雜, 未能完全理解當中的運作
龔成老師：
假設你居屋比原先買入價，已上升不少。你可以透過加按，去套現一筆新的資金，作新的投資。（要留意，未補地價居屋不能加按）。
以你年齡可承受的風險程度，及現時仍處低息期，加按是沒有問題的。
但如果加按得來的資金不多，哪就不值得了。關鍵是加按後，將資金買入其他資產，創造更高的回報，由於加按是要支付利息的，所以新資產產生的利息回報一定要比加按的利率高，這樣才值得做。
最好有比較明顯的息差回報，這樣才能抵銷加按後，加大負債為你所帶來的風險。因此，你加按前，最好先計劃如何分配新資金，如何平衡風險，怎樣說服自己獲得理想的回報，即是有充分的理由，而非為加按而按。
若是投資於股市，相信中低風險會較合適，公用股、內銀股、收息股、房託等，都可考慮，策略為長期的增值及收息，期望股息回報大於加按利息，這樣就值得做。但絕不建議炒賣等方式投入股市。
Q23845：
龔sir, 你好..有關投資貴金屬,可以有更多建議嗎? 書財務自由行中, 你提及有好多行業對白銀都有需求, 為什麼升值潛力比黃金大?
Thanks!
龔成老師︰
白銀同黃金一樣，都係無產生現金流。我地持有佢，主要係用以對沖黑天鵝事件。故不用持有太多，佔組合3%左右就可以。
而白銀除了儲存，在工業應用上都較多，故有一定需求，令期升值潛力較高。
Q23846：
龔sir 想請教你 有無咩心水股 係新能源嘅 如果中國爆發能源危機會受惠嘅 點睇 3868？
龔成老師：
信義能源（3868）有質素，佢主要於中國經營太陽能發電場業務，並向國家電網的當地附屬公司銷售電力。而佢派息高的，因為管理層話會用高派息政策。
投資價值都有，但不能投資太多，因為佢業務都有風險的，要注意股價波動，如分注長線都可以投資。現價合理區頂位，之前略貴。
另外，你可同時留意龍源電力（0916）、信義光能（0968）。
至於中國現時缺電問題，其中一個原因是電廠因政府限制電費，令佢地無錢賺，因此發電少，所以政府已調整機制，佢地將會受惠。
Q23847：
老師，如何解讀之前百富環球的新聞，有冇長遠核心影響？
龔成老師：
百富環球（0327）係一家電子支付終端機解決方案供應商，主要在中國從事開發及銷售相關產品並提供相關服務。
由於遭FBI調查佛羅里達辦事處，懷疑其可能有參與對美國和歐盟的網絡攻擊。集團早前出現短期停牌。
由於未知是否真的涉及網絡攻擊，又或只是一些政治因素，無論那一個可能性都好，對佢發展都會一定的影響，同時反映業務會有不確定性，因此，風險度提高左。
另外，早前消息指，開始跟集團停止業務的Fidelity National Information Service, Inc.及其位於英國（「英國」）的聯屬公司Worldpay, Inc.已於2021年10月初停止在美國及英國安裝百富終端。
當中收入，佔本集團該年度總收入約0.25%，故影響不大。
雖然本質暫時未有重大變大，但集團本身就未算好強，同時業務與股價都有點波動。其實現時由於業務有潛在不確定性，因此估值難，比起之前股價大跌後，勉強現價算是合理價，算是反映了風險。
但由於有業務不確定性，因此投資要小心控制注碼。
Q23848：
早晨啊sir，請問華潤置地現價可入嘛？
收息股中，3988 與 1658，邊隻好d呢？
謝謝你！
龔成老師︰
華潤置地（1109）有質素，佢係華潤集團旗下的地產業務旗艦，是中國內地最具實力的綜合型地產開發商之一。
主要業務為物業發展、物業投資及管理、酒店經營、建造及裝修的服務及其他業務。
佢所持的土地儲備大部分是用作住宅發展用途，是中國地產行業規模最大、盈利能力最強的地產企業之一。
長遠仍有發展，這股有長線投資的價值，現價太約在合理區中間位置，無貨可首注。
郵儲銀行(1658)和中行(3988)都有投資價值，股息率會係中行高少少，現價計都係中行值博率較高。不過，郵儲潛在增長力會強D。
如果你目標是收息，就中行。
Q23849：
阿Sir，有以下問題想請教你
1，而家比亞迪處於歷史高位，請問入唔入得過？
2，除左比亞迪，還有其他好建議嗎？
龔成老師︰
-
比亞迪(1211)現價已經太貴，暫時唔值得高追。
-
如果你睇好新能車，你可以入GX中國電車(2845)，佢目標是扣除費用及開支前，與Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594)，中國因為能源問題，長遠一定要發展電動車，這是大方向，故此股有一定投資價值。
但現已經係合理區頂，至略貴水平，暫時只可以小注。
Q23850：
多謝之前回覆。就咁講可能老師唔會明白我個投資方向 我直接講我個持倉比例可能會比解理解
現時持倉﹕005 304000 941 402500 3988 2.560000 883 7.75000 以我呢個持倉比例 大概40萬左右 現時價值連今年已收股息賺12萬
如果一直持有 每年穩賺3萬左右 老師角度認為不應持貨太多呢類型收息股 但係所有買入價我都可以話係靚價 減持就未必有機會買得反 而老師一直強調增值為前提 請指教
還有一點補充 所持有的股票未回到合理水平 假設005 50蚊 941 55蚊 3988 3 蚊883 10蚊 仍有水位 係呢種情況下好難減持轉向投資新經濟股
龔成老師︰
你說出一個重點，就係我地投資除左嚴選合適的優質股外，入貨價格都係重要考慮，這會影響你長線回報。
現時情況，不少新經濟股存在較熱情況，所以並非一個入市的好時機。所以，一些現價相對平宜的收息股，的確值博率係會較現價略貴的新經濟為高。
但當2者價格水平開始接近，我地就要考慮邊隻股票，長線增長潛力會較具優勢，從而作出合適調整。
較年青的投資者，應先集中在有增長力股票，去累積財富。但唔代表個刻股票係貴，依然都要去博。反而當刻偏貴，我地最好就係等機會，或者用月供/分注去儲貨，來平衡風險。
一個完整和合適的財富組合，從選股到入貨定價，都有一定要求。缺少其中一樣，長線效果都會受到影響。
現價計，你現時持股值博率，的確比部份潛力股為高。但長線計，若你係年青至中年人士，長遠都要找個合適時機，將這些增長力較弱的股票，換成增長股，會對你較有利。