Q49201：
擎海樓盤值得買入投資嗎？
龔成老師：
油塘新盤「擎海 I」，係而家市況下，如果用間預估資料睇，算是有高租金回報的樓盤。
佢講到首批折實平均呎價約 $13,988，呢個數創下近10年九龍區新盤新低，較同區二手及一手貨尾有一定折讓。
從投資角出發，都有吸引力。
不過，如果呎價提高翻，吸引力就減。
另外要留意風險，項目預計 2028 年底落成。作為長樓花項目，在未入伙的兩年多內，投資者無法獲取任何租金收益，期間仍需承受利率波動或經濟環境改變的機會成本。
另外，油塘本身正由工業區轉型為住宅區，未來周邊陸續有新供應落成，幾年將面臨龐大的二手競爭，難有「爆發式」的樓價升幅。
Q49202：
想問一問nvda嘅前景
龔成老師：
正面，你預行業長遠發展力強，但中短期都會面對股價波動，行業競爭，行業需求化等因素影響。
最主要是佢有一定的優勢。
英偉達公司NVIDIA （NVDA）有質素。是《38全球倍升股》的其中一隻，長遠發展正面，有長線投資的價值。
這是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。
其業務可應用層面，都相當廣泛，投資係可以。
但始終近年上升倍計，中短期股價仍會波動，現時大約在合理區中上，投資宜分注，同時要控制總投資比例。買入後，平常心面對短期股價，長線等企業有更大的發展。
Q49203：
其實我係想呢1，2年內置業，係咪應該將供股集中係平穩增值股上，潛力股是否不應供住，因為短時間內想賣股套現金，如果到時落差太多，價值下跌左，我可能會唔夠資金置業？
龔成老師：
如果2年內置業，會建議留較多現金。
你要計好所需的首期金額，例如$100萬，你就應該持有大部分現金，最多只能有一半，即$50萬，投資收息股及平穩增長股。
同時，當去到置業前一年，應該要進一步減持股票，集中持有現金。
始終無人知你買樓一刻，大市情況，而我地不能承受太大風險。要以「置業計劃」行先。
Q49204：
請問老師，3110和3466和盈富基金的分別在哪里
龔成老師：
3隻都是持有港股的ETF，分別在於成份股不同。
3110、3466持有較多收息類的股票，派息較高，如果你想收息，可考慮。
2800則持有收息及平穩增長股，股息不及3110，但有機會增長力比3110高。所以，好睇你的選擇。
我以下講其中一隻：
GX恒生高股息率（3110），是一個投資收息股的基金，追蹤恆生高股息率指數之表現。這指數投資一些在香港上市，大型的企業，加上要有一定的派息的上市公司。
基金有50隻成份股，以下是基金部分持股：
偉易達集團（0303）、裕元工業（0551）、深圳國際（0152）、領展（0823）、萬洲國際（0288）、電訊盈科（0008）、希慎興業（0014）、工行（1398）、電能（0006）、中石化（0386）、中銀香港（2388）、恒隆地產（0101）等。
這基金雖然收息組合，但增長力不強。
2020-2025年度的股息為：
1.43/1.79/1.77/1.62/1.63/1.88
另外，由於基金持股集中在中國企業，投資者不能只持有這基金，最好視為收息股的其中一員，如果投資者低風險，宜同時持有其他的低風險、收息工具。現時算是合理區中間，可以分注投資，長線持有。
Q49205：
龔sir,GOOG之前我$318和$322買入,現價$342會否高位？之前幾間巨頭公司， 呼籲暫緩AI發展，短期會否對google業務有影響？
龔成老師：
你不用理會短期高位，現價仍合理。
雖然AI發展有機會減慢，但只是一些短期影響，長遠企業價值無改變。
GOOG有質素，你耐心長線持有，等佢發展就得。
Q49206：
請問龔Sir現在中國人壽可長線入嗎？
龔成老師：
現價合理，可以，但由於佢受投資市場影響令股價有點波動，買入時宜分注。
中國人壽2024年前表現較弱，到近1、2年股價開始好轉，主要是受投資市場情況影響，始終這企業的盈利，都會因投資市場而有變化的。
中國人壽提供個人人壽保險、團體人壽保險、意外險和健康險等產品與服務。集團是中國領先的個人和團體人壽保險與年金產品、意外險和健康險供應商。
在2020年-2023年，每年盈利只有約400億-600億人民幣，到2024年，盈利大升至過千億，除了本身業務好轉外，投資收益是重要因素。
從業務上，2024年前受中國投資市場、負債、內房、及延伸資產問題，會對中人壽短期不利影響。到2024年，中國政策想令樓市回穩，這點將會這好中人壽，業務開始向好。
因為中人壽除了有企業本身的保險業務，會將浮存金進行投資，因此當中國類資產質素轉弱，都會對這企業的資產質素造成影響。現時每年投資收益約有1800億人民幣，當這部分的波動較大，就會對企業盈利有一定程度的影響。
如果用較長遠的角度分析，中人壽都有質素的，如果中國經濟及資產質素進一步好轉，這股表現才會更好。
以最新的中國大環境分析，企業雖然有投資價值，但股價會波動，投資要控制好注碼，長線發展都有基本增長能力。只要中國經濟及投資市場，沒有出現重大不利因素，這股也不會太過差，現價也處合理水平。
Q49207；
700蟹貨，點算？
龔成老師：
騰訊（0700）可持有，只要貨不是過多就得，其實佢業務正好轉中，佢過往受中國政策規管影響，令企業之前的賺錢能力略減，以及企業估值都會略減，不過，政策影響又未到核心性，無令到企業無法賺錢，只是賺錢減少。
同時，見中國政府之後在政策上開始有放鬆，相信中國政府明白騰訊這類企業對經濟有一定的重要性，同時之前規管較嚴，開始調整翻。相信行業最差的時期有已過，之後會慢慢好轉。
這企業長遠仍有質素，有發展力的。佢最有價值的，就是「平台」，這亦是現世代好有發展的資產。
佢業務模式係提供平台，如通訊平台、交易平台、入門網站、遊戲平台等，而收入來源則是其廷伸的服務，如增值服務、網絡廣告、電子商務交易等。
Q49208：
我40歲，3110及3466的成份股高度重疊，會不會有太集中的風險？
龔成老師︰
2者係類近，但又唔會話好集中。
因為佢地背後持股，都來自不同行業，故有一定分散風險能力。
3110持有50隻成份股，而3466則持有39隻，故3110分散力較好。
你持有佢地，唔會過度集中。反而最重要，是兩隻合共的總投資金額，只要不過多，就無問題。
另外，係你年紀，不用持有過多收息股，可考慮平穩增長股，加部分收息股。
Q49209：
科技股係咪無得翻身了
龔成老師：
要睇你那些科技股，美股科技股不少都發展理想，而港股如700，只是短期波動，長遠發展仍是正面。
只要你持有的科技股，業務不差，生意有增長，其實不用太擔心，我地不用放大短期股價波動，最重要集中在長遠的企業發展情況。
Q49210：
我呢層
樓買左十年。住左六年。三年收租回報不高，所有賣出
咁啱有客高於市價少肖買
咁你覺得我應該依家買過一層回報較高或者有升值潛力嘅樓？
其它錢就轉去股票，定期？
龔成老師︰
如果你目標新買架自住樓，係會再樓換樓，咁你要考慮潛力問題，至少可以同大市同步，以免影響換樓成本。
但若果，這個已經係你終極自住屋目標。
咁你睇以下因素就得︰
-
長線供得起
-
適合自己長線生活
好多人會將投資因素，放埋落自住物業度考慮。我唔會話錯，但其實未必有太大架必要。因為自住物業，就算佢升定跌，一般人都因為咁去輕易沽出佢架物業(除非你長線可能因為家庭需要，會打算再換樓，咁就另計)。
即係話，個物業價格變化，好多時只係影響緊你架心理，而非實質。
反而，你供款出問題，就真係有機會影響你持有物業架狀態。或者佢已經唔適合你居住，先至有機會去進行換樓。所以，"生活需要"同"供款能力"，永遠先係自住樓優先考慮重點。
Q49211：
3170..投資者可以兌換黃金？
龔成老師：
可以，但設有較高的門檻，一般散戶投資者好難直接兌換實物黃金。
恒生黃金ETF（3170）雖然是全港首隻提供銀行實物黃金贖回機制的 ETF，但實物交收設有以下嚴格限制：
1）每次提取實物黃金的最低數量為 250,000 個 ETF 單位（或其完整倍數），涉及金額至少達幾百萬元。
2）投資者必須為恒生銀行的指定客戶或透過指定參與經紀商在一級市場進行贖回。
3）實物贖回並非保證，須由參與經紀商及恒生投資管理擁有絕對酌情權決定是否接受指令。