Q46421：
你好！ 我最近開始想學習投資。
完全係0經驗， 一直都唔識唔想學。
我38歲
老婆36歲
兩個小朋友 3 & 5 歲
一個政府工 一個醫療
月收入大約18萬
未扣稅
無物業
租樓中， 兩個工人
未想買樓住，想等埋妹妹升小學再決定， 大約3-4年後
而加總資產大約 170-190 萬左右
想問下…點安排好
感謝你
龔成老師︰
- 當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時38歲去計，應先以財富增值為主。
策略上，你可以考慮「平穏增長股」和「潛力股」。現在你每月先用5成儲蓄做月供。其餘先儲起，用一邊月供一邊儲蓄的策略。
選股上，你可以留意一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以自己了解下，再決定是否從中選股。同埋，佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先自己了解平穏增長股，甚至先集中盈富(2800)和VOO這類指數ETF。到你投資知識有所提升後，才慢慢加入潛力股到組合之中。
現時大市大致算在合理區中至中上(港股)和上部(美股)，你現有190萬資金可以先投入30-40萬，用"分注"形式，慢慢買貨。餘下資金和每月所儲到的資金，就等大市有明顯回調，才慢慢加注，然後長線投資。
(緊記投資前，要預留半年至一年生活費，作為應金資金，這才算穏當。)
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=u0ADUWkikhU
- 同時，長線要規劃好自住物業部份。
係打算置業前(若資金不足要套現)一年，要開始慢慢"分注"減持套現，以平衡價格波動風險。
- 不過，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
因此，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，課程可以更直接幫你提升"選股 + 估值"等最核心的投資知識。每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212
Q46422：
老師，想請教
2050三花智控
2382舜宇光學
龔成老師：
三花智控（2050）主要從事研發、製造及銷售製冷空調電器零部件及汽車零部件，並於中國及海外設有生產基地。
在製冷空調電器零部件業務方面，集團主要從事家用和商用製冷以及家用電器（如洗碗機、洗衣機和咖啡機等）零部件、子系統和術解決方案的研發、製造和銷售。
在汽車零部件業務方面，集團專注於汽車熱管理系統零部件和解決方案的研發，產品涵蓋座艙熱管理、電池熱管理及電機／電控系統熱管理等各類汽車零部件（主要包括車用電子膨脹閥、汽車電子水泵、電池冷卻器及集成組件等）。
集團的銷售及營銷網絡覆蓋美洲、歐洲、亞洲、大洋洲及非洲，並在中國、美國和德國建立了研發基地。
企業都有一定的生意及盈利，但發展力不算強，以現時估值計算，企業並不便宜，投資值博率只是中等。如果你睇好，暫時只建議小注。
舜宇光學科技（2382）仍有質素，但賺錢能力比過年代減少，企業整體的評分及增長力，比過往年代，有所減少。投資都要控制好注碼。
過往手機市場高增長，令佢鏡頭業務受惠不少，但近年手機增速開始減慢，預佢增長力會變得較平穏。
集團在行內的技術優勢，出現減少的情況，雖然都在行內前排位置，但其他企業正努力追上，令舜宇的競爭優勢減少，賺錢能力曾經有明顯下跌，到近一年才略為好轉（未回到過往最強情況）。
在長遠，無論是手機鏡頭，又或是各種鏡頭方面的應用，並不是無發展，不過，中短期可能會有少少波動，加上這企業的賺錢能力比過往有所減少，所以投資都要控制注碼。
這股可以長線投資，現時約在合理區中下，如果有興趣，都可投資，但建議控制好注碼。
Q46423：
老師早晨，本人很少留意股票，跌市想入盈富基金同新鴻基地產股票，本人未持有，請問咩價位入較理想，請賜教，無限感激
龔成老師︰
記住，我地投資唔係估走勢，或者估底。
我地只會用策略，係合理區開始儲貨，平宜區大手D咁入，去到貴或者質素變差就減持。
盈富基金(2800)同新鴻基地產(0016)都適合你，現價都合理。
如果你唔識"估值"，就長線分注或者月供，咁慢慢儲貨，之後長線持有就得。
盈富（2800）這是一個「平衡組合的工具」，當中有80隻成份股，對股票組合有平衡作用。同時，你預是一個收息及平穩增長類基金，雖然不是高速增長，但就適合大部分投資者。
對不懂選股的投資者來說，可以用盈富作中心，加上其他股，這就是一個穩中求勝的策略。
新鴻基地產（0016）近年的表現較一般，主要受香港地產市道、租務市場、自由行回勇力度不強，以及外圍加息因素影響，雖然企業的增長力比過往年代的確有減少，但企業的質素仍在。
不過，如果投資者分析近年租金收入情況，就算在疫情期間也無出現大跌情況，因此，除非香港經濟出現嚴重轉差，否則這方面又不用太過擔心。
其實新地近年保持發展多個項目，例如新高鐵西九龍總站上蓋的大型項目，有一定的質素，項目將提供約二百六十萬平方呎寫字樓，以及約六十萬平方呎零售樓面，而新地持有整個零售部分及約一百二十萬平方呎寫字樓樓面作長線投資，餘下的寫字樓樓面其他集團持有。雖然近期寫字樓租務市場較一般，但這項目於西九龍總站上蓋，以長遠角度分析，物業始終有一定的質素。
香港地產行業，最好賺的年代已經過去。新地整體的質素仍在，但不是高增長類，只是收息及平穩增長型。現水平合理。
Q46424：
咁如果係石油股，
你有冇邊隻比較睇好呢？
龔成老師︰
其實你之前問架OXY，或者0857、0833都可以。
不過，石油始終只係商品，價格好受市場主導，所以投資價值只係中等。
你投資係可以，但唔好佔太高比重。
如果你想收息，就386。
中石化（0386）有質素，但不是高增長類，投資者可以視為收息股。
中石化是中國最大的石化產品生產商，在中國成品油生產和銷售中佔有主導地位。主要從事的石油和天然氣和化工經營業務包括：（1）勘探、開發及生產原油及天然氣；（2）煉油、運輸、儲存及營銷原油及石油產品；（3）生產及銷售部門在中國擁有和經營油庫和加油站；（4）製造和銷售石油化工產品、衍生石化產品和其他化工產品。
中石化包括了上中下游的石油業務，質素算不差，收息可以，但增長力方面不強，因此質素又未到最高，始終這只是商品企業，沒有一些太大的獨有優勢，因此市場給這企業的估值一般都不會太高。
現價處於合理範圍，只要投資金額不過多，這股有長線投資價值的，可作為長線收息，但要留意，中短期股息可能略有波動，投資者應該以長期平均股息的角度作投資重點。
Q46425：
Sir如果首置，係咪藍籌屋苑最穩陣，因為我而家有自住需要，但同時又想住一段時間之後樓換樓
我本身住將軍澳，見將軍澳既藍籌屋苑（新都城）同富麗花園（樓齡30年既私樓）既呎價都唔平，同時我有去現場睇過另一藍籌屋苑嘉湖山莊，呎價相對將軍澳既私樓，係而家我既經濟能力係容易負擔
想問下究竟應該考慮嘉湖山莊定儲多幾年錢先，買將軍澳既私樓比較好
同埋如果用藍籌屋苑去樓換樓既機會大唔大
定用私樓去樓換樓, 換大單位比較好
同埋我現場去睇過嘉湖山莊，環境清幽，交通配套充足，去九龍港島新界都係1個中內既車程，有接駁巴士去地鐵站，屋苑附近亦有輕鐵站，附近亦有商場買日用品
如果而家有自住需要，同時要考慮將來樓換樓換大單位，我應該點做🙏
龔成老師︰
其實，唔好諗得咁複雜。
你唔一定要藍籌屋苑，"自住"主要係睇適唔適合自己生活，同埋供款能力。
但由於你預期會再換樓，咁你新購自住物業，至少預佢同大市同步。
所以藍籌屋苑，係而方面有優勢，但係必需要(最重要都係先睇前生活和供款因素)。
Q46426：
瀾起科技 海致科技之後會有發展？
龔成老師︰
瀾起科技（6809）是一家全球領先的無晶圓廠集成電路設計公司，專注於為雲計算及AI基礎設施提供創新、可靠且高效能的互連解決方案。
集團向行業領先的客戶提供互連類芯片，包括內存互連芯片及PCIe/CXL互連芯片，應用場景涵蓋包括數據中心、服務器及電腦在內的廣泛終端領域。根據資料，按收入計算，集團於2024年位居全球最大的內存互連芯片供應商，市場份額達36.8%。
集團提供全系列DDR2至DDR5（第二代至第五代雙倍數據速率技術）內存接口芯片以及DDR5配套芯片，包括SPD（串行檢測集線器）、TS（溫度傳感器）及PMIC（電源管理集成電路）芯片。
集團主要從銷售互連類芯片及津逮產品獲得收入，其客戶主要包括內存模組製造商、服務器OEM/ODM及雲服務提供商。
企業都有一定的發展力，但始終市場變化大，現時擁有的技術，未能確定是否有明顯優勢，現時投資，只宜小注。
北京海致科技集團（2706）專注於通過圖模融合技術開發Atlas圖譜解決方案及產業級智能體並提供產業級人工智能解決方案。
Atlas圖譜解決方案是集團的核心產品之一。Atlas圖譜解決方案基於圖計算與數據分析能力構建，包含DMC數據智能平台、Atlas知識圖譜平台及AtlasGraph圖數據庫。
根據資料，按2024年營業收入計，集團在中國產業級AI智能體提供商中位列第五，市場份額為2.8%；並在中國以圖為核心的AI智能體提供商中位列第一，市場份額約50%。
截至2025年9月30日，集團已與360多家客戶合作，涵蓋逾一百個應用場景。集團的客戶主要包括金融機構、電信運營商、能源集團和公共服務提供商。
要留意，海致科技雖然擁有一定市場佔有率，以及有AI概念，但規模未到最大級別，算是中等，其財務狀況顯示仍未有盈利，預佢股價會較波動，小注投資都可以，但要明白風險。
Q46427：
話說而家澳洲傳媒吹緊澳洲唔夠石油, 澳洲石油庫存量, 大約可以供應30日, 跟住市面而家又有啲地區民眾又擔心, 怕petrol,diesel 越嚟越貴, 引致遲啲物價上升，甚至缺貨... 啲人又開始大量購入日用品 .....panic buying. 如果老師住喺澳洲, 會買乜嘢？
龔成老師：
我唔清楚具體情況，但我地是重要是「找正確資料」，首先要確定，能源的情況怎樣，例如過往正常的供應日數是多少，現時30日是否好不足？
不要被傳媒放大因素，要自行找更多資料，找正確資料，不要人買自己又買。但如果確定能源不足，就能買入一定的數量，甚至利用衍生工具去對沖風險。
Q46428：
老師，你好!
請問9988和9618哪隻更值得買呢🙏
龔成老師：
阿里（9988）會好少少。佢係業務層面，有不少優勢，部分業務處有規模，也處領先位置，加上人工智能等技術不斷進步，都利好整體企業長遠發展。
數年前因監管因素，令企業增長慢左，加上近年競爭大左，影響佢賺錢能力。到近年，業務持續好轉。企業長遠仍有增長力，有發展延伸業務，都會成為企業增長點。
以企業的長期發展計，這股有質素，有長線投資的價值。
這企業不少技術都不差，再加上人工智能技術，會有利好企業長遠展，因此，長遠正面。
現時合理區中下，分注投資可以，買入後可長線，但短期有機會較波動。
Q46429：
龔 Sir,可分析下本地及國內銀行股的比較嗎? e.g. 005,2888 vs 939,1398,3988
龔成老師：
有機會詳細比較一下，你預上述銀行股，匯豐會較好，而渣打風險會高少少，因為佢涉及新興市場，好景時會比其他銀行股升得多，差的時候也跌得較多。
至於內銀，你預增長力未必及匯豐與渣打強，但收息方面就會穩定D，上述的3隻內銀，可以首先考慮1398、939。
Q46430：
請問老師220點睇
龔成老師：
統一企業中國（0220）主要生產及銷售「統一」品牌之飲料及方便麵。
佢之主要飲料產品為果汁飲料及即飲茶，亦生產及銷售奶茶、咖啡、礦物質水、冷藏果汁及酸奶產品。差在中國生產碗麵、袋裝麵及乾脆麵等方便麵產品。
有品牌、規模、網絡，發展理想，不過就不是高增長類，現價合理區中間，都可長線投資。是平穩增長型。