Q41161：
老師，我見有人講話美股派息會抽X%係咪真架？ 雖然唔知隻NVDA派唔派，但係真係收既話長揸美股好似唔係咁著數咁收稅？
我無美國tax no.
龔成老師：
第一，美股派股息，要收30%股息稅。所以，投資美股，一般會建議買潛力股，而不是收息股。收息股買翻港股。
第二，NVDA是潛力股，投資者著重佢股價增長，也不太理會佢股息方面。
而佢有少少息派（我自己都有貨，從來不理佢有無息派）
第三，美股派息，佢會自動扣，你不用做任何動作。
Q41162：
早晨老師😊
怎樣達到平衡投資
龔成老師：
財富組合有不同資產。在股票組合中，同一行業不能過多，同一地區不能過多，同一隻股票佔比不宜過多。
Q41163：
老師，呢排美股係唔係都唔睇好，應該止損離場？換碼到港股？
龔成老師：
不應因為短期波動，而影響投資決定，你應該以「長期投資組合」，作為整個投資的核心。如果企業質素不變，不應止蝕。
美股的確不便宜，估值較港股高，但只要你持有是優質股，比例不過多，可持有。但如果貨多，可考慮部分轉港股。
建議「美股+港股」進行，用長期做配置。
Q41164：
早晨，求指點阿里巴巴買入價$202等咗四年半，最近嘗試升咗$140我都冇放，而家又跌😭我應該放定唔放呢？手頭上有2500股。希望你俾啲意見我。麻煩晒🙏🏻
龔成老師：
你預短期波動好正常，比起股價，反而你要想想你的投資策略。
第一，事後孔明是完全無作用，同時根本無人能捉到高位，所以，你將一件正常事，變成誤以為自己做錯事。
第二，絕不建議你「見步行步」。
你這刻要想清楚，你打算長線等企業成長，還是去到某些位賣出，策略怎樣，你要一早定好策略的。
這企業長遠仍有發展，但你預短期波動，要上翻$200不是短期事，要長少少時間，所以要耐你是否長線。
如果你持貨較多，也可以考慮上翻D減部分，餘下再守，但你要預早定好那個價位賣，絕不能見步行步。
Q41165：
Hi 3110 無月供
如將少量資金 放0005 月供為主, 可以考慮?
因為0005 將來表現？加上1年派4次息？
月供 較1手1手入股票 比較化算 如資金有限?
因用平均成本法計算?
Thc
Thx!
仲有如果股票長遠增長未如理想。可考慮停月供
將資金放入另一隻有較好增長的股票上
以彌補其股票下路帶來風險？
因想做到收息及增長同時達到的目的
要每半年檢討手上股票的質素 來作計劃下一步投資計畫？
如0066 現在下跌
0005 上升
應該做以上所講決定？
3110 and 9988 阿里巴巴 以收息及長遠增長那隻較可取？
9988現在暴升 未必有收息？
3110 高息 1年2次息？
比較穩健？
9880 又如何？內地機械人股 值得投資？?
龔成老師︰
其實月供目的，係幫一D唔識估值架投資者，去平衡買貴貨風險。
你定時一手手入，還是每月一個固定金額去月供股票，都可以做到同樣效果。最重要，係至少供3年和持有5年，效果先明顯。同埋唔係供供下，自行停供(除非核心質素變差。記住係質素，股價跌，唔等同於質素變差，要分清楚。)，咁會好影響個效果。
至於3110定0005，2個都可以。但3110係一籃子股票，較具分散風險能力。
另外，我建議每年審視一次手上股票，去睇下佢地核心質素有無明顯轉差。如有，就可能要調整計劃。
最後，買邊類股票，係睇你人生階段。
如果你係年青，就集中增值，用平穏增長股和潛力股。相反，你近退休之年，就應集中收息股。
以下是教你規劃影片，你可以睇下︰
https://www.youtube.com/watch?v=7Vu3VKKQrLk
優必選（9880）主要從事智能服務機器人及智能服務機器人解決方案的設計、生產、商業化、銷售及營銷以及研發。
的產品在不同程度上配備了感知、交互、分析及處理人類指令及外部環境（如建圖、溫度測量及人臉識別）的智能功能，範圍涵蓋消費級機器人及電器，針對教育、物流及其他行業定制的企業級智能服務機器人及智能服務機器人解決方案。
業務雖然有發展力，但生意波動大，財務數據弱，之前都是虧損，加上市場對這股有時炒作大，令股價上落好大，風險較高。暫時只建議小注投資，同時，一定要明白風險，低風險者不宜。
Q41166：
龔成老師，你好！我有個朋友，30歲，澳門人，澳門工作。大學是讀葡文，現從事教育，佢投資知識是0。
叫佢買股票都唔買，平時出糧，份人工就識放係銀行度，咩都唔做，請問下有咩方法，好保險的，令佢幾年來的人工唔洗被通脹食了，但本金是100分之100是安全的，可以隨時拿出來用的，先謝謝了。
龔成老師︰
其實投資就有風險，就算收息股都會有波動。
如果真係要保本，只有做定期，至少唔會比通漲蠶食得咁勁。
不過，長線都要你朋友了解投資的方法和原因。你可以比佢睇下我架書(優先可以睇)，或者會有幫助。
你可以提佢，在理財上，100%現金並不是好方法，因為會浪費了資源，以及貶值。反而，建立一個「適合自己」的財富組合（不一定高風險），更為重要。
所以，佢首先要學理財知識。
Q41167：
龔Sir,941中國移動前景好嗎？我$60左右買咗一些升咗唔少值得走一轉嗎？
龔成老師︰
中移動（0941）有質素，5G雖然對佢有正面影響，長遠發展仍正面，值得長線持有，作為收息及平穩增長。
過往中國的電訊企業每月每戶平均收費不算高，而5G業務的ARPU則去較高水平，在5G用戶持續增長的前提下，帶動業績理想。
過往幾年的股價弱，但情況開始好轉，其中一個原因與支本開支有關，因為電訊業要投入巨額資本開支，影響現金流及派息，這令過往幾年股價表現都較弱，但到了近一年，中移動的資本開支有減少情況，反映投資最高峰時期已過，令企業現金流得以提高。
整體來說，這股有質素，有長線投資價值，如果本身有貨，可持有，是不差的收息及平穩增長類股。現時未貴，仍是處合理水平，都可分注投資。
不過，你要留意一個概念。
中移動（0941）係收息股，持有收息股架目的，係用來創造被動收入，適合退休人士。
由於目的係收息，所以唔會理股價，只會一直持有(除非核心質素明顯變差)。所以，如果你目的係增值，中移動不宜持有太多。
Q41168：
老師，想問下你點睇依家嘅2845？
龔成老師︰
GX中國電車（2845）近年表現較弱，主要受中國電動車市場，整體競爭加大，影響了整個行業的賺錢能力，令基金表現較一般。
投資者要明白，這基金的風險較高，價格上落大，投資者要考慮自己的風險承受能力，以及控制好投資注碼。
基金的目標是追蹤Solactive中國電動車指數NTR「相關指數」表現緊密相關的投資回報。
基金不單投資一些電動車企業，而是整個產業鏈，例如生產電動車、電動車零件（如鋰電池）、電池生產設備，以及鋰和鈷等關鍵電池材料之企業。因此，當中國整個電動車行業的賺錢能力有所減少，都會對這基金不利。
基金最新公布的持股組合，主要持股有：寧德時代（300750）、比亞迪（002594）、匯川技術（300124）、福耀玻璃（600660）、億緯鋰能（300014）、天賜材料（002709）、贛鋒鋰業（002460）等，由於部分重點股票，例如寧德時代，股價由幾年前高位回落不少，因此，無可避免對這基金表現造成影響。
相信在短期，受中國經濟及中國電動車行業競爭因素影響，基金仍是較一般，但在中長期，市場會開始穩定，加上中國電動車加強出口，行業賺錢能力進一步提高，基金會開始好轉。
由於中國電動車行業是較新興的行業，因此，仍存在不確定性，投資者要明白這點。
在長遠，中國在電動車這行業在全球，已擁有了一定的優勢，在全球電動車滲透率長遠增長的情況下，基金長遠仍然正面。
基金長遠仍然是一個潛力型基金，現時在合理區中上部，投資者要控制注碼，投資要慢慢分注買入，同時明白這基金的風險，耐心等行業長期的成長。
Q41169：
龔sir, 5、6年前，睇完你的文章，開始月供，近期回升，終於過一百萬了，很高興！！
最後悔極致係，早3年，1211供了2手，平均40元，到80元以為是高位，放了後悔到現在至將耒
月供包括2、66、388、823、2388、2800、1038、9988、2382 @2000，小米一開始已想供，但再沒有多餘資金了。3月開始，想停供823（保留收息，不會賣出）轉3067！！並安排7、8月開始，加多2隻，月供1810、285,龔sir, 可否給点意見
3110沒有月供，值得分段買入儲貨嗎？謝謝
龔成老師︰
恭喜你，達成首個100萬目標!!!
你要明白，任何人係投資路上，都會犯錯。最重要，係你有無吸取經驗，令自己將來更大機會向著正確方向走。
若你係年青至中年人士，你現時月供計劃，大致可以。0823質素弱左，轉供另一隻係可以。
至於3110，主要係收息。如果你未到退休之年，或者自問唔係好保守，未必有需要加入。
最後，你現時組合明顯偏重晒係港股，建議你未來加入一些美股(但美股現價唔平，可以慢慢做)，令整個組合變得更平衡。
但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
以下是介紹VOO影片，有需要可以睇翻︰
https://www.youtube.com/watch?v=RnYZQlSG8qA
Q41170：
龔sir ，我有大約現時總金額5%的龍源電力，在2023年分四注買入的，當時在新能源電力企業中只選了這一家，而平均價$7.2;
現考慮賣出部份或全部轉為華潤電力，想請教一下你的意見，謝謝你
龔成老師︰
其實2間都係有質素，同時都係較風險類別，不宜大注。
新能源電力企業方面，2間都具有投資價值，但性質有些不同。
龍源(0916)主力風電，潛力係受惠於長線再生能源普及化。
而華潤電力(0836)則有多種供電類別，長線潛力主要係轉型(由主力火電，轉再生能)，會否令到佢盈利和價值提升一個層次。所以，0836潛力度會高D，但由於轉型有好高成本和不確定性，所以風險都大。
你可以睇翻自己想法，去決定投資邊間，或者2間都買。
以下是分析影片，你可以睇下︰
[0916] https://www.youtube.com/watch?v=lalEBgcrHFw
[0836] https://www.youtube.com/watch?v=0FMmbS_Xxc8