Q41971：
老師，請問老師睇好石油收息股嗎
龔成老師︰
如果你想用這類股份收息，可以考慮中石化(0386)，質素算是不差，收息可以，但增長力方面不強，因此質素又未到好好，始終這只是商品企業，沒有一些太大的優勢。
石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。
生意不差，但增長力不強，這是受油價等因素影響，反映佢處於一個被動的狀態。收息是可以的，但增長力唔算強。
Q41972：
老師，你的書是很好看，能不能每三年更新一次？
龔成老師：
多謝意見，我盡力，因為要寫新書，加上已出版的書有成17本，其實每本都好想更新，所以要平衡去做。
Q41973：
你好，想問股票掛鈎這些投資，唔明，會有風險嗎？
龔成老師：
所有投資工具都有當中的風險，如果未能了解，就不要投資。
股票掛鈎票據，是一些結構性產品，一般都唔太建議用，第一，有時結構較複雜散戶未必掌握到，第二，因為佢本質上好多時都是估走勢，而唔係著重於企業本身投資價值。就算有部分看似有著重，其實都未必。
例如不少股票掛鈎票據都以這模式吸引散戶：當某股，在指定日期前，不跌過某價就能收到高息，但如果跌過某價就接貨。
細心想想，這是一個「升就無你份，跌就有你份」的模式，因此，未必一定有著數的。
Q41974：
老師, 請問碎股和月供股票，有何分別？
龔成老師︰
"碎股"即係你買股票，但數量不足一手。例如一手500股，而你只係買左123股，咁這個不足一手的123股，就是碎股。
"月供"係你每月定下一個金額，之後每月銀行就會用這個金額去幫你買你要求的股票。
碎股買賣，一般會當一手咁去收費。而月供，表面上同買碎股一樣，都係唔足一手，但佢費用率會明顯較低。
而且，碎股係要你自己每次下指示，月供係你一次性落指示，之後銀行就會每月幫你自動做交易。
若你係新手，想去慢慢累積優質股，你要的是"月供"股票服務，而唔係去自行買碎股。
Q41975：
老師，我們無途徑去找資料去分析企業的頃質素，怎樣去找企業的資料?
龔成老師：
簡單就是上「港交所坡露易」的網站，有得免費下載企業年報，是十分重要的資訊來源！
Q41976：
你好，想問下幾時減持債券同黃金比例，來準備股票
龔成老師︰
其實幾樣野屬性唔同︰
債券) 創造被動現金流，適合退休人士
黃金) 用來對沖黑天鵝事件，主要唔係用來增值。
優質股) 適合任何年紀，但就要因應自己年紀、投資取態等去配置。例如你係年青，就"平穏增長股 + 潛力股"，如果你係近/已退休之年，就"收息股"。
Q41977：
sir,如何做到每年10percent滾存
龔成老師：
利用優質股及適當的買賣時機就得，回報來自股價上升及股息派發，只要優質企業有成長，就能做到這滾存。
再以長線投資作大方向，然後配合適當的買入及賣出時機，就能得到超過10%的複息回報，但由於每一年都會有高有低，因此要以長期，平均複息計算。
Q41978：
見你成日叫人投資
投資一定賺嗎？
龔成老師：
當然不是，但一般人每月有收入，賺到現金，就要想想如何理財！
理財不是博，而是在可承受風險的前題下，幫自己爭取合理的回報。簡單來說，投資有風險，但我地最重要是做好風險管理，同時先求知再投資。
Q41979：
阿SIR 玩股票之前共沒有了多少錢呢
龔成老師：
18歲開始玩股票，由於最初幾年只懂短炒，所以輸晒D錢。到23歲正式出來社會，由零開始，以長線投資，開始了穩陣地累積財富。
Q41980：
老師，如果我持有90％現金，你點睇。。。
龔成老師︰
偏向過於保守，因為現時大市算合理區中下部，有一定值博率。
雖然未至於大手入貨時間，但點都要有點貨係手。
因為現金說到尾，這些都只是一些貨幣，即是「政府借據」，貨幣中期會以週期的模式運作，但長期來說，都是貶值收場，因為貨幣只有「交易價值」，並無真正的財富價值。
而我地進行財富增值時，應該集中將資金投放在真正的資產，如物業、車位、優質股等。
若長線只持有現金，只會令自己購買力一直下跌，財富狀況處於較不利位置。