Q35031：

老師想問下，其實儲蓄保險有需要購買嗎?

龔成老師︰

其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

所以，我偏向建議你買一些保障型保險(如純人壽、危疾、醫療等)。而儲蓄保就睇你自己風險承受力，如果好弱，你都可以考慮。

Q35032：

龔老師， 想請教老師如果我每個月 有四千蚊港幣 本來用作儲蓄， 見到美股呢排 都好熱切，我一直其實都睇好tesla， 如果我每個月 當儲錢， 用最傳統的方法， 不管什麼價位，每月 一出糧就定期購入兩三股的話，目標是長期投資五年甚至十年， 你同意這種做法嗎？

因為我沒有幾萬蚊，也沒有幾十萬，但每月只有幾千蚊 剩下來的買餸錢。

我想買tesla的原因本身是比較喜歡 elon musk 大膽的作風 以及 他就是一個top sales， tesla夠有錢， 電車現在全球只是剛起步未來十年我睇淨係中國 都已經 起碼有幾憶車要換電車。

如果真的需要分散投資我還是有考慮過 microsoft 因為都係夠有錢 以及 好多新開發的ai app 都係畀microsoft買起。

想聽聽老師你的意見。

還有我現在 珠海層樓三百萬 港幣連埋車位， 租畀人住得3800蚊人仔收租層樓 我仲工緊，2030年供完。

我和家人夾份喺珠海買咗另一間 都係三百萬港幣 但係三年都冇錢裝修擺咗喺度， 層樓未到三年 賣出 又要罰息 但係同屋企人都有默契係諗住 長線擺，長線投資。

我而家自己住緊喺上海 供完， 曾經最好成交530萬人仔, 但係今年個事跌咗 成交得返四百幾萬 所以唯有自住 等呢兩三年內佢升返到530萬我先買得。

因為我們夫婦 都諗反正工作關係都要住。

之前真係唔識唯有將成份人工擺曬落去買樓 仲要買咗大灣區確實係有升，2020年買入，三年時間只升咗30-40萬人仔左右。

還有 感覺到老師你好有愛心 ，年青人， 師奶，老人家， 你都將我哋嘅需要擺喺心， 真的要說一句，多謝你。

龔sir, 請問8800的課程有網課嗎？我長住上海，但好想上你的課。

龔成老師︰

其實理財是一個財務分配的過程，當我地進行投資增值時，係會因應自已的財政狀況、風險承受能力、年齡、負擔、要求回報等，從而確認哪一類投資工具較適合自已。

我一直强調平衡配置的重要性，任何年紀都不應該太偏重一種資產，因爲這會有集中的風險。

你現時大部分的財富都集中在物業上，所以當現時內地物業市場較弱，你成個財富組合就會受到嚴重衝擊。而且，部份收租物業租金回報率只有1.5%，相當之低。你要思考下這個投資物業，長線是否轉成其他資產會較好。

長遠你要做的，就是建議你建立一個平衡的財務組合，加入其他不同類型的資產配置，最直接就是加入優質股。

不過，現時的美股處於合理區中上至頂（要視乎股票)。納指會高少少，大致合理區較上部。雖然可以投資，但不建議大手買入。

你每月以分注的形式買入，這種投資策略是可取的，因為可以平衡到買貴貨風險。

特斯拉（TSLA)、微軟公司（MSFT）都是有實力的企業，但兩者都是潛力股，波動性較大，風險會較高，不建議佔股票組合太大比重。你可以用月供模式去慢慢儲貨，佢地現價唔平，不是大注的時候。

其此，你要加入一些平穏增長類股票。若不懂選擇，可以集中（V00）來增加組合的平衡性。

現時内地的房地產市道仍然疲弱，投資氣氛只屬一般，如果你有自住需要，物業是可以持有。但如果買入後「丟空」就有點浪費，盡可能都好好利用已經持有的資產，為自己創造財富。建議你都審視一下投資用的物業，看看其長線投資價值和租金回報率，計劃一下是否需要作出一些調整。

至於股票班，由於內容太重要，只有實體班，唔會開網上課程。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

Q35033：

老師，709明明仍盈利有上升，但股價卻下跌

龔成老師：

雖然全年盈利有兩成增長，但有兩點令市場失望，第一，疫後回勇的角度不算強，第二，其實佐丹奴去年下半年盈利按年減少，亦少過上半年，只是上半年盈利增長較好，令全年有兩成增長。這股由於市值較細，股價上落會較大。

Q35034：

龔Sir，1929，398 值得長線作平穩增值嗎？

龔成老師：

兩隻都值得，你預周大福（1929）受中國消費力轉弱影響，短期較一般，不過長遠的價值仍在。

周大福由於有不少中國業務，而中國消費力短期仍會較一般，所以，這股股價短期都會較一般，但長遠來說，會慢慢好轉，佢核心價值仍在。

整體來說，佢仍有質素的，佢以品牌「周大福」（ＣＨＯＷ ＴＡＩ ＦＯＯＫ）在國內及港澳地區專注於主流珠寶及名貴珠寶產品。

包括珠寶鑲嵌首飾、鉑金╱Ｋ金產品、黃金產品以及鐘錶。

佢有一的品牌及銷售網絡，前景正面，就算近年的疫情佢都能有盈利，可見有一定的質素。現價約在合理區中下，投資時要注意金額，同埋黃金價格都會對佢股價有所影響。

至於東方表行集團（0398）近年業務發展不差。這企業的業務重心，已經由香港轉為中國內地，在10年前，內地收入貢獻只佔3分之1，到近年，內地業務佔比已經超過了3分之2。令這企業面對近年香港零售及旅遊市道較弱的情況下，生意仍可以保持增長。

東方表行是一間鐘錶零售商，代理超過60多種名牌手表，以瑞士名錶為主，例如勞力士，帝舵，江詩丹頓，愛彼錶，萬國錶，積家錶及歐米茄等。款式設計包括多功能手錶、特別用途手錶、時尚和經典款式及寶石腕表。

業務以中國內地、香港及澳門為重心，澳門主要銷售中檔手錶；國內網絡包括上海、北京、深圳、廣州、南京、鄭州、南昌、長沙等。

企業有質素的，長遠有發展，不過要留意，始終業務定位較高檔，對經濟敏感度會較高，現時股價合理。

但由於業務較高檔，因此經濟因素都會對這股股價有較大影響，投資時要控制注碼。

Q35035：

老師想請教您1093如果長線看適合入嗎？

龔成老師：

石藥（1093）雖然近年的增長力減慢，但並不是無質素的，長遠仍有發展力，不過，近年的確因大環境及中國行業政策對賺錢能力有影響。

佢係國內主要醫藥製造商之一。成藥產主要在中國出售，包括抗生素、心腦血管用藥、糠尿病用藥、精神病用藥、抗腫瘤用藥及中醫用藥。

原料藥包括粉狀抗生素、維生素Ｃ及咖啡因，大部分於海外市場銷售。

佢的財務數據不算差，長遠來說，這企業仍有增長力，不過，行業本質有風險，加上近年的政策風險，都令佢股價較為波動。

這股可投資，但投資者要明白風險較高，同時短期仍一般，要長線持有，現價合理區較下部，投資時要控制好注碼。

Q35036：

Sir, 請問現時有邊幾隻優質股正處於這個狀態有長遠投資直搏率？

龔成老師：

要睇你的風險承受程度，以及投資目標，其實可考慮港股美股平衡配置，港股雖然短期弱，但估值較低殘，因此都有投資值博率的。

你可考慮平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等，你可以了解下，並從中選股。

Q35037：

想問下2331及2689，謝謝

龔成老師：

李寧（2331）有質素，佢係中國領先的體育品牌企業之一，擁有品牌行銷、研發、設計、製造、經銷及零售能力。

產品主要包括運動及休閒鞋類、服裝、配件和器材系列。主要採用外包生產和特許分銷商模式，已於中國建立龐大的供應鏈管理體系以及分銷和零售網絡

亦自行經營李寧牌零售店，李寧牌產品的主要銷售渠道為特許經銷，亦通過直接經營之零售店舖進行銷售。

增長力不差，這股可長線。現價合理中下。

玖龍紙業（2689）質素不過不失，雖然股本回報不算差，但成本令佢盈利波動唔細，這一定會帶來風險。

相信中短期較一般。這行業投資價值算是中等，因此不宜投資金額太大。都有長線投資的價值，現價合理區中下，但增長力中等。

Q35038：

請問老師 特步國際前景如何呢？

龔成老師：

特步國際（1368）不差的，生意與盈利都有增長，本身都算有品牌，不過盈利就較為波動，部分年份盈利出現下跌。但長遠仍是正面。

個別年份有生意上升但盈利下跌，反映成本增加，同時未能轉嫁消費者，又或者佢要用減價策略才能吸客，反映賺錢能力未必好強，但近年這情況有改善。

整體來說，中國政府鼓勵人民做運動，對行業長遠正面而佢有品牌，質素都有。

整體都有長線投資價值，現價合理區中下，分注都得。

Q35039：

老師

請問981現價合理? 謝謝!

龔成老師：

中芯國際（0981）業務有增長力，但未必能稱為好優質的股，算是有風險有潛力類。但政治因素成為風險，因此投資時要留意這點。

分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。

但投資者要留意，政治因素成為風險，因此投資時要留意這點。這股不建議大注，現價約在合理區中下，如果投資者睇好，要分注，同時以長線眼光去投資這股。

Q35040：

阿Sir！可否分析下隻6683？

龔成老師：

巨星傳奇（6683）有明星為背景，並且與明星有合作創作IP，佢業務營運包括兩個分部，即新零售分部及IP創造及營運分部。

新零售業務︰專注於低碳水化合物健康管理產品以及護膚品的開發及銷售

IP創造及營運業務︰包括媒體創作、明星IP管理等。主要為節目製作提供組織、策劃及其他項目管理服務。

這類股不易分析，因為部分價值由明星品牌支持住，品牌價值變化會較大。而整間企業的業務我相信波動性都大，所以投資都最好控制注碼，再觀察未來佢發展，暫時只建議小注投資。