老師你好，我今年43歲，已追蹤你facebook一段時間。好記得你有一次講過話一個人越遲起步學習理財就越難去改善財務狀況，我覺得自己就係當中嘅表表者。
因為過去錯過咗好多時間無好好學習，所以導致到咗今日一把年紀全副身家只得十多萬元（未計強積金）。而家手頭上資產分佈如下：
-
現金50K
-
基金30K(一隻股票加一隻股債混合）
-
6隻股票(小米一手@53.8, 京東一手@176, 價值黃金一手@77, 赤峰黃金一手@27.55, 山東黃金一手@24, 美股GLD一股@US309）
部分股票一入場就跌，係我投資經驗淺定係我眼光有問題？我知自己呢一刻仲係好散戶心態，所以真係好想把握時間好好重新學習點樣為自己嘅財富增值。
我而家從事緊自由職業，月入大約30K，每月支出最多20K，好想喺50歲嘅時候能夠將自己嘅資產增值到七位數字(最少一百萬)！
我有諗過月供三至四隻潛力股(小米，騰訊，比亞迪，港交所或一隻美股)，每隻月供$1000，數額會否太少同風險會否過高？希望老師可以比啲意見幫我指點迷津。
個案重點：
‧43歲
‧資產約十多萬
‧自由職業者
‧月入$30000
重點目標：
‧50歲有$100萬
‧股票投資策略
‧投資技巧是否有問題
龔成老師分析：
係，因為愈逄起步，有些(不好)的理財習慣會更加根深柢固，而且可累積財富時間少左，都會影響複息效應。當然，你仲後生，只要用正確方法去做，依然有充裕時間去累積財富。
有關複息效應，可以睇翻以下影片︰
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k
至於你手上持股，都有長線投資價值，但有幾個問題要留意︰
- 相信你唔識估值，部分股票買貴左。
如果你唔識估值，建議先用分注或月供方法去儲貨，平衡買貴貨風險。
- 另外，黃金及相關股票，可以投資，但不用過多，見你有數隻都是黃金相關股，會有集中風險，你要調整翻。
貴金屬有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。
不過，黃金沒有現金流。所以，你可以投資黃金，但不用佔財富比例太多，我一般建議係佔財富組合2-5%左右就足夠，如果你睇好，長遠佔整個財富1成內就夠。
-
每月月供金額，建議盡量高，因為我地應在較年輕時，努力加大財富累積效果。
-
策略上，你可以投資「平穏增長股」和「潛力股」。你每月5成儲蓄做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。
餘下的另一半現金，我地就等機會，當大市出現較大回調，就加大力度掃貨，然後作長線投資。
- 不過，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
因此，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
（上述文章只是分析，只供學術性質，並不構成任何投資建議或邀約，投資者在投資前，請自行花時間了解，才決定是否適合自己。）
龔成老師簡介
‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者
‧ 《經濟一週》理財真人Show 節目擔任致富教練
‧ 曾接受港澳多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 現為全職投資者，擁數千萬財富
‧ 於網上分享投資心得，瀏覽量過百萬，為人氣博客，解答網友理財問題逾40,000條
‧ 《經濟一週》、《華富財經》專欄作家
‧ 擁財務學學士學位
‧ 證券業持牌人士
‧ 投資課程導師，香港及澳門學生人數逾5,000 人
‧ Facebook專頁「龔成」粉絲人數超過300,000人
若有問題發問，可在fb專頁「龔成」（www.facebook.com/80shing）inbox。