Q34801：

老師，想知道怎样買美股？

龔成老師：

原理同買港股一樣的。

首先要有美股戶口（現時香港好多銀行、證券行都有），之後存入足夠美元，就可以進行交易。

美股與港股不同的，就是美股可以一股股為單位去買，而港股則要「一手」去買。另一個不同，就是交易時間，你要在美股開市（即香港晚上）才能買賣。

另外，美股收息要比30%股息稅。

至於其他，大致與港股一樣，總之買股票就是買企業，要投資一些有質素的企業，同時要留意平貴度。

如果未有美股選股能力，最好投資ETF，例如Vanguard S&P 500 ETF（VOO），就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

最後要留意，現時美股唔平，投資要控制注碼，最好慢慢分注去買。

Q34802：

龔Sir， 我想請教一下，其實乜野先係金錢的本質？

有無書籍可以推介？

龔成老師：

《富爸爸》系列、《貨幣戰爭》、《財富自由行》。

Q34803：

386 同883比 386可以入嗎？

龔成老師：

其實兩隻都有質素，但如果想收息及穩陣少少，就386。

中石化（0386）有質素，但不是高增長類，投資者可以視為收息股。

中石化是中國最大的石化產品生產商，在中國成品油生產和銷售中佔有主導地位。主要從事的石油和天然氣和化工經營業務包括：（1）勘探、開發及生產原油及天然氣；（2）煉油、運輸、儲存及營銷原油及石油產品；（3）生產及銷售部門在中國擁有和經營油庫和加油站；（4）製造和銷售石油化工產品、衍生石化產品和其他化工產品。

中石化包括了上中下游的石油業務，質素算不差，收息可以，但增長力方面不強，因此質素又未到最高，始終這只是商品企業，沒有一些太大的獨有優勢，因此市場給這企業的估值一般都不會太高。

現價處於合理範圍，只要投資金額不過多，這股有長線投資價值的，可作為長線收息，但要留意，中短期股息可能略有波動，投資者應該以長期平均股息的角度作投資重點。

Q34804：

老師，你本《圖解股票》請問有沒有電子版？謝謝

龔成老師：

有的，《圖解股票小百科》以下是電子版連結：

https://www.enrichculture.com/products/9789888599974

Q34805：

想問本人有3萬美金現金能做美股投資 另有價值4千美金的40股 美國雅培 （ABT）而一直有堅持儲錢！點樣理財較為好！

龔成老師：

你可以按自己的年齡及風險承受程度，去決定投資那類別的美股。

一般來說，我地會用「先增值，後現金流」作方法，即是如果你年輕，可以進取少少，例如投資VOO+QQQ，如果你中年，可以追求平穩增長，例如VOO。

上述都是指數基金，你可以作為組合的核心，另外再加個股，去建立組合。

你可以用每月買少少的模式進行，慢慢用現時持有的3萬美元（因為近期美股都上左唔少，因此不便宜），同時要留有一些現金，如果大市回落，就可把握機會。

至於雅培制藥 Abbott Laboratories（ABT），佢有質素。

雅培公司生產和銷售醫療器械、成人和兒童營養產品、診斷設備和檢測試劑盒以及品牌彷製藥。

產品包括起搏器、植入式心臟復律除顫器、神經調節裝置、冠狀動脈支架、導管、嬰兒配方奶粉、成人營養液、分子診斷平台、免疫分析和即時診斷設備。 雅培約 60% 的銷售額來自美國以外地區。

生意與盈利都有穩定增長，雖然不是高速增長類，但企業長遠仍有發展力，加上企業有品牌，前景正面。股價中短期會因市況及估值而波動，但長遠仍能平穩增長，現價合理，可分注。

不過，個股你都不能持貨過多。

Q34806：

老師，我在財經網見到有市盈率、市盈率TTM、預測市盈率。應該用邊個？

龔成老師：

你可以用市盈率TTM（這叫做「滾動市盈率」，意思是用最近12個月的財務數據去分析。

其實，當我地正式做分析時，會同時配合幾個市盈率去計，因為每一個都有不同的意思，而在估值上，投資者最重要以長期的角度進行，而不要只停在這一刻。

Q34807：

如果對美股無認識

買指數 etf 是不是好選擇？

龔成老師：

對，這的確是較好的選擇，因為可以減少自行選錯股的風險，加上ETF是一個組合，能做到平衝效果。

Vanguard S&P 500 ETF（VOO）是其中一個理想選擇，佢就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

Q34808：

老師，商湯創辦人逝世…呢隻股票會有咩影響！？🙇

龔成老師：

由於佢無論在實際上，以及意義上，對公司都有一定的作用，因為佢會影響公司的發展方向，以及一些創新意念，你預短期會不利，當然，企業已經發展到這地步，不是一個人話晒事，所以長遠始終都會好轉，但短期影響不能避免。

Q34809：

龔老師,想請問一下,如果想投資日股,FLJH可以嗎？我見佢有廿厘利息,點解可以咁高嘅？

龔成老師：

Franklin FTSE Japan Hedged ETF（FLJH），基金所追蹤之指數為FTSE Japan Capped Hedged Index，在扣除各種費用和支出之前追求達到指數的投資表現。該指數是代表日本大中型股票表現的市值加權指數。

簡單來講，佢會為日本的大中型企業提供有針對性的投資，同時尋求降低日元匯率風險。

至於佢高息，相信只是個別情況，因為佢在2022年度無派息，有可能一次過在2023年派，如果以佢過往的派息情況，並無咁高息的。

相信這基金都有投資價值，但由於我未仔細研究當中的組合組成，以及日股現水平都唔平，所以不建議投資太過多，正常分注可以。

Q34810：

你好, 龔成老師

想問下1810同2380, 我見1810市盈率竟然高達100倍以上，是不是已經到了昂貴區域？

2380 中國電力, 之前睇你YouTube 影片有介紹過，好似話會轉型，感其實係咪估值都冇意思？

同埋我想問點解水牛網同雅虎財經網站嘅市盈率唔同嘅？

一個話市盈率117倍，一個話市盈率22.38倍

感謝回覆

龔成老師︰

第一，Yahoo同水牛網抽個數據唔同，Yahoo個個應該係每月更新，用最近12個月。而水牛網，係用財年年結，所以有咁大分別。

第二，如果你記得上堂講過，我地過用時，要以「有代表性的每股盈利」作推算，所以，有時市盈率只反映個別年份，若果該年份盈利大增或大減但代表性不足，我地分析時要小心。

小米(1810)而家唔係貴，算係合理區中下部份。

至於中國電力(2380)，佢係會轉型，而盈利能力有機會因為咁，而(長期計)有較明顯調整。

佢唔係估值無意思，現係估值架時候，除左考慮佢供電量和電價等變化，仲要將純利率要上調，去反映佢未來賣電主要來自較賺錢架可再生能源部份。

不過，你要記住而個變化係要長時間，同時中間有不確定性(如全社會用電量、電價、營運成本、轉型速度等)，所以唔好太進取，同時要持續觀察佢和行業架變化。