Q35291:
龔sir,你好,我上年買左1手樓$3878000,今年6月前要俾到首期供應商,依家已經俾左5%首期,問銀行借7成按揭,仲差$1009500未俾,現金揸住$317907,股票揸住$708370(蝕緊$340720)
甘想問依家應該蝕住放哂所有保本俾到首期,定還是俾最後期間蝕到40萬就放,儲多4萬蚊去俾首期?
龔成老師︰
其實你手上架持股,長線投資價值係有。
但問題係大環境弱,股價未必咁快會重回較合理水平,中短期預都會好波動。所以,6月前個市況,係好難準備咁估到。
我建議你用個理性D架策略去做,慢慢分注咁沽貨,一方面為套現找首期準備。另一方面,去到平衡價格波動因素。
大方向是「準備首期」。
Q35292:
hello 龔sir
2013微盟應否繼續長線持有3-5年?在股價約$5元買入至現在,持貨不多,還是應沽出買入其他更好公司。謝謝你
龔成老師︰
微盟集團(2013)集團主要在中國從事提供軟件即服務產品及營銷服務。是較高風險。
佢的產品分為「商業雲」解決方案、「營銷雲」解決方案及「銷售雲」解決方案三類。
「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及AI技術為商戶提供智能營銷服務。
這些都是將來發展的趨勢,從業務潛力上,的確是有的,但見佢財務數據不算強。所以,如果你持貨少,就守住先,但要耐心。
如果貨多就一定要減。
Q35293:
成哥, 想問下意見
最近港股波動好大, 依家長遠來看係未只係短期經濟影響?
我呢個小米持倉都係一個月左右, 都跌左吾少
我朋友講可以考慮止蝕先, 但我係想長揸中長期發展, 佔我總倉吾多3.8%左右
中長期建議繼續持有定係可以止蝕全沽出嗎
如果係全沽止蝕 我會轉倉去美股apple/msft 係未都係好策略?
龔成老師︰
雖然疫情已經過去,但現時中國的經濟仍然疲弱,同時受到外圍加息因素影響,港股中短期仍然會較爲波動。
下半年市場預期美國會進入減息周期,相信會對港股有幫助,我有拍片講述未來2024年港股美股的經濟情況,你可以先訂閲,再觀看。
https://youtu.be/XXy6Ue8U8fI?si=khJiQv-4PBY3QlZ4
小米(1810)以手機、智能硬件,以及物聯網為平台的公司,小米專注於互聯網直接銷售產品,近年發展電動車。
雖然發展電動車,投入了較多資金,令風險比過高左。但開始慢慢見到成效,而佢架"人車家全生態",其實有一定可取架地方。若生態發展成功,可以令企業價值提升不少。
當然,智能車同埋"人車家全生態"都係好開頭階段,有一定不確定性。
但我相信隨著經濟轉好,同埋佢生態慢慢成型,個股價會慢慢上翻去。這股可長線,現價約合理區底,分注可以。不過都要控制注碼,預佢股價仍波動。
你的持貨比例不多,如果睇好小米長遠的發展,其實可以守住先。
蘋果公司(AAPL)微軟公司(MSFT)都是有質素的企業,可以長線持有,你可以用新資金去投入。
記住,我地長線係要建議一個平衡性高架財富組合,不要特別著重於某一隻股票,因爲理財其實是分配的過程,你要分析你的投資目標,你想潛力股的比例多少?平穩股的比例多少?組合風險程度如何?即是你想設計一個怎樣的投資組合?長期、優質、平衡、適合你。
因此,你最重要建立長期優質、平衡的組金,港股+美股進行。
Q35294:
你好,想問下2382,3067,3690,6098,2800現時情況?
龔成老師︰
現時港股受住中國經濟以及外圍加息的影響,中短期仍然會較爲波動,潛力股受到的影響會較大。
舜宇光學科技(2382)有技術,長遠仍有發展的,但現時全球智能手機市場弱,所以對佢影響較深,但相信將來會慢慢復常。
如果本身有貨,除非加注後,佔你總股票組合仍少過10%,否則不要加注。
安碩恒生科技(3067)、美團(3690)屬於科技行業,前者風險較低(因為係組合),後者不確定性高同時受到監管因素影響,因此,不建議持有太多。
碧桂園服務(6098)主要於中國提供物業管理服務等服務,現時面對內房不景期,股價都會較一般,貨多需要減持;同時不建議加注。
盈富(2800)是追蹤香港恆生指數的走勢,長遠相信仍然有增長力,但由於恆指中短期仍有波動,因此,建議現時先守住先。
如果你只係有以上股票,建議你長線加少少美股,去平衡地區性風險。
Q35295:
龔sir你好,想請教下港股最近跌左咁多,有邊隻股現時可入?賺返10%
龔成老師︰
首先,我唔建議短炒。
我地投資股票,係希望買入一些優質企業,透過佢自然增長,達至財富增值目的。
重點係長線持有優質股﹐唔係去做短炒,因為中短期走勢無人知,好難估。但長線持有,企業質素一定會反映在股價當中。
雖然現時港股處於合理區的底部,但有投資值博率,同時受住中國經濟以及外圍加息的影響,中短期仍然會較爲波動。
我有拍片講述未來2024年港股美股的經濟情況,你可以先訂閲,再觀看。
https://youtu.be/XXy6Ue8U8fI?si=khJiQv-4PBY3QlZ4
其實而家有唔少優質股,都去到合理區底,有一定長線值博率。你可以因應自己持股比重,決定是否加注。
港股這刻的1810、388、823、700都有投資值博率,如果穩陣D投資收息基金3110都得。
如果你無美股的話,都可以考慮將部分資金投放到美股,建立一個更爲平衡的組合。
Q35296:
老師,想請教:我同屋企人(全部過50歲了)夾份月供股票,以下组合Ok嗎?
⑴中電$600
⑵港鐵$600
⑶粤海$600
⑷港燈$600
⑸盈富$1800
⑹越秀$600
(7)領展$600
⑻工行$600
合共$6000
龔成老師:
如果目標是收息及平穩增長,方向都可以,但你預增長力不算強,如果想組合平衡,可考慮有部分資金供美股VOO。另外,越秀近年質素略減,可考慮轉其他。
Q35297:
請問美國加密貨幣ETF獲批,為何相關股票在獲批的一星期,股價下跌,你認為coinbase還有投資價值?是一隻潛力股嗎?
龔成老師︰
因為以往好多人投資對Coinbase(COIN)、MSTR、MARA、RIOT之類,會視之為投資加密貨幣的替代品。但隨著BTC ETF出現(相信未來都有機會出現其他幣架ETF),佢而個替代品架功能,可以算係完結左。
早前佢地都受BTC ETF將通過消息影響,出現大升(同期BTC其實無乜點升)。
所以,當個ETF落實左架時候。以往用替代品架人,就會開始將資金轉移更BTC ETF當中,令到相關(替代品)股票下跌。
未來佢架投資價值,就要完全睇翻佢業務和市場發展。
其實ETF通過,對Coinbase(COIN)業務有正面影響。
間接方面,就係成個加密經濟架地位和普及化提升。
直接方面,就係佢架託管業務會多左生意,現時大部份BTC ETF都係用佢做託管人。相信未來再有新BTC或者其他加密貨幣ETF要出台,集團依然能穏佔一個重要席位。
另外,由於ETF出現長線相信會利好加密市場,所以都會對佢其他業務,起到正面作用。
Coinbase Global Inc(COIN)雖然有獨特性,但真正的長期價值有多少,根本好難估。
佢係加密經濟技術供應商,佢從平臺上的交易中產生大量交易費用的凈收入,以區域來講,佢大部分收入來自美國,其次是世界其他地區。
要分析佢的價值,就要睇翻虛擬貨幣長遠發展。以本質來說,虛擬貨幣是人為創造出來的,絕對不是「資產」,有沒有真正的價值,如何定義真正的價值,未知,亦令COIN的價值,變成未知數。
長遠的價值,取決於「有多少人用」,如果長遠好多人用,的確可能有高價值。但如果無人用虛擬貨幣,這公司都無價值。
因為分析長遠是否好多人用,是非常困難。因此,當中存有相當的風險,當然,潛力同樣都大。
加密經濟雖然近年急速發展,但拉長黎到睇,其實佢仲係好新,有一定不確定性。
故這個算是較高風險的投資項目,故投資時要控制注碼,控制在一個自己輸左,都唔會對組合有明顯影響的水平。
Q35298:
老師好,HD股價已創52週新高,現在是否尚算在合理區位置?
還是用課堂教計算的市盈率估值法,較為穩妥?
龔成老師:
用課堂教計算的市盈率估值法,較為穩妥,其實佢合理市盈率在20倍以上,因此,最重要是計算好有代表性的EPS。
考慮相關因素,現價合理區中上,未算貴。
Q35299:
老師,隻龍湖你點睇?
買得過?
龔成老師:
龍湖集團(0960)你預短期仍弱,但長遠不是劣質。不過,始終現時面對一定的行業風險,投資只建議小注。
佢的住宅物業發展項目,涵蓋多種中高端產品,包括高層公寓、花園洋房、聯排住宅及豪華獨立住宅,佢亦已建造各種中至大型購物商場及其他商用物業。
佢過往的生意與盈利都有不差的增長,就算扣除了投資物業公平值變動,佢每年營運上的盈利都理想,同時持續增長,企業價值有實質向上。
不過負債比率就有點高,這是扣分的地方,你預會較波動。
投資這股的策略,可以是小注,買入後等2年,等內房好轉,當然,要明白無人知是否佢一定無事,但只要好轉,股價會有不差升幅。
Q35300:
想問咩叫灰犀牛
龔成老師:
灰犀牛是一個財經術語,它指的是那些明顯存在但被忽視或忽視可能性的風險。
與黑天鵝事件不同,灰犀牛事件是可以預見並且在一定程度上可以被預測的。這些風險通常具有巨大的影響力和潛在的破壞性,但由於人們習慣於忽視或延遲處理它們,可能會導致嚴重的後果。
在投資上,灰犀牛可以是指可能對金融市場或投資產品產生重大影響的事件或趨勢。例如,經濟衰退、政治不穩定、新興科技的快速發展等都可以被視為潛在的灰犀牛事件。
對於投資者來說,關注灰犀牛事件並及早應對是非常重要的。這可能包括預測風險並做好風險管理,調整投資組合以應對可能的變化,或者尋找新的投資機會以抓住灰犀牛事件帶來的變革。
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。