Q41201：
你成日話合理區上部ge意思係好合理的意思嗎？
下部即係無咁合理？
龔成老師：
第一，企業價值與股價不同。
第二，企業價值只是一個概念，一個約數，無絕對的答案。
第三，當我地將現時股價比較企業價值，就能知平貴度。
舉例說，某企業的合理價值為$50-$80。
如果現時股價在$100就貴，現時股價在$40就平，在$50、$60、$80都是合理區內，如果現時股價在$72，大約就是在合理區較上部。
Q41202：
老師，請問可以再加以解釋現金只是政府借據的意思嗎？在你的書及po文中經常看到這個概念，但思考了好耐仍是不太理解，謝謝解答
龔成老師︰
美國自1971年，美元就不用金本位，用債本位。現金發行已無基礎，背後無建基於具體價值。政府可以無限量發行，因此貨幣只會一直貶值。其實在1971年到而家，現金發行量已多左100倍，即是現金已貶值了99%，這是一個好大的貶值，但只要時間長，市民就會習慣左，認為是合理。
即是說，貨幣會一直貶值，因為現金只是「政府借據」，但只要技巧用得好，又不會崩潰，只會「慢慢貶值」。
所以，我地要明白現金無價值，資產才是真正的財富。
Q41203：
今日看股票書，龔sir 話出糧的現金係無用，一定要將現金轉為物業，車位，優質產品，我又無物業又無車位，睇到這裡，我覺得龔sir 點醒我，我原來一直以來都只有現金，唔怪之得我咁窮，我而家才明白太遲了
有錢人就一定買物業，車位，我這個窮人只有現金，所以我應該草錢買個車位可能會保值，或者買金可以保值，太遲才懂只有現金是窮人的想法
如果而家出糧的現金，一定要將現金轉為物業，車位，優質產品，我又無物業又無車位，我之前買這份算唔算優質產品，係唔係而家馬上要馬上學股票，才可以擺脫一天要返2份工的窮人生存模式
龔成老師︰
其實現金只係政府借據，由於可以無限發行，最終只會一直貶值。
所以，我地要做增值，一定要將佢轉換成優質資產，例如優質股、物業、車位、生意等。
不過，以現時條件計，優質股值搏率會係較高，同時入場門檻都較低，故你可以先從優質股入手，去創建財富組合。
出糧的現金，要將現金轉為物業，車位，優質資產、優質股票，這是大方向。
不過，不要心急這樣做，因為正式投資前，一定要有知識，但長遠，就要將現金轉成質股、或其資產。
你一定要利用空閒時間，慢慢學股票，就算每天30分鐘睇書，久不久上堂，一年後，你都可以有基本知識！
Q41204：
hello 龔成老師, 想幫屋企人問:
6x 歲, 現持有以下股票:
1. （992）聯想,10.2元買入,持有3年
2. （3988）中國銀行,7萬1千股,股價4.3元,持有5年
見近期股市升返唔少, 想知應該沽貨定繼續持有比較好? 謝謝.
龔成老師︰
首先，你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
聯想集團（0992）都是有質素的企業，但增長力又未算好強，始終產品的競爭大，如果講個人電腦市場，過往多年來價格都無法大幅上調，當然，這企業本身不是無質素的。
長遠都有發展的，始終有些業務都有增長力，整體是平穩增長型，但未必是高增長，長線投資係可以。
中行（3988）由於內地經濟無過往年代咁強，股價增長力不強，不過，作為收息股，仍是不差的。
近年中國的經濟及內房負債問題，令到市場擔心，內銀的壞賬問題，並影響之後的派息。
其實，內銀的壞賬問題也不是今天的事，股價在估值方面，已經反映了相關因素，同時由於中行規模大，以及過往壞賬控制算是不過不失。
以長期及整體的角度分析，中行本身質素不差，有一定的規模，在全球都有網絡，本身不會無質素的。
不過，這股增長力不算強，只是一隻收息股，現價投資可以，因為在合理價區較中下，不要對股價有太大期望。
現時市盈率5.5倍，預測股息率接近6%，已經有一定的投資價值，同時低市盈率，已經反映了一定程度的壞賬問題。而最新的財務數據，也未有嚴重惡化的程度。
因此，有投資價值，分注投資可以，買入後收息。
總括而言，上述股票係可以持有。不過，你唔好預佢地會大升。因為這些股票屬性，都是平穏增長+收息。
而你家人已經6X歲，係接近退休年紀，投資要穏陣D，故這些股票反而適合佢地持有。
長線計，你家人要開始創建退休被動收入組合，去為退休準備。
到你家人退休時，建議佢地可以將退休資金分成5部分。
第一部分投資收息股，你可以建立一個收息股組合，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，大多有5%股息
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
（你可睇下《50穩健收息股》當中仲有好多）。
你平衡的投資這些股，除了可以得到穩健的收息收，同時可有效的分散風險。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你們的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。
你家人可以將退休資金，平衡地分配在上述的項目上，對他們來說是最好平衡風險，同時有穩定的現金流。
Q41205：
老師你好 本人35歲 月入5萬 現時有30萬現金系ib
但剛剛再向銀行借貸30萬想想用ib 購買美國基金收息 請問有冇推介
現時持有既基金組合有 Rqi Ra pty pdo pdi gof fct Agnc 等既組合 想問如果想再入貨的話有冇推介 謝謝你
龔成老師︰
首先，我唔建議借貨投資。因為風險好高，而且現時息口和股市水平，都不是一個高值搏率的水平。
至於購買美國基金收息，我都唔太建議。
1) 你年青，應以增值為主，收息對你而言太保守
2) 基金有一定費用，會蠶食你回報
3) 香港人買美股收息，會被收取30%股息稅
4) 收息基金係好複雜，好多時有一些潛在風險，係一般投資者難以理解。
而你持有股票，同樣都係太著重收息。而且，當中有部份持股，質素只係好一般，投資價值唔算高。
我建議你重新調整整個投資規劃，長線會對你有利。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時35歲去計，應以財富增值為主。
你手上的美股，唔係話無投資價值。但投資質素較弱，同埋唔適合你年紀，建議將部份慢慢轉至以下股票。同時，唔好集中晒係美股，要港股和美股平衡，以分散地區性風險。
未來投資策略上，你可以投資「平穏增長股」和「潛力股」。你每月5成儲蓄做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
現時大市大致算在合理區中下部(港股)和上部(美股)，你現有30萬資金可以先投入一半，用"分注"形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。
不過，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
Q41206：
老師有一問題想問吓，1211早前配股價係335 ，如果配股之後股價會波動下跌
咁咪等於投資者以呢個價錢入咗之後咪會蝕好多囉，正常嚟講唔係配股價之後應該會升嘅咩？
龔成老師：
如果跌穿$335，佢地短期的確有「賬面上」的虧損，但佢地會著重企業長遠發展，根本不會理短期股價。
至於你話「正常嚟講唔係配股價之後應該會升嘅咩」，當然不一定，股價最終由市場決定的，短期波動無人能預測，而長遠，就會去翻企業基本面。
Q41207：
請問如果我想做一每月有收息的情況要點選股？
龔成老師：
我絕對不建議，只為每月有息收，就強行建立一個組合。
你在選股上，應該以質素、股息、是否適合自己作方向，你可以將一年收到的股息，除以12，再在下年慢慢自行分配。
你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
Q41208：
阿Sir, 想請教是否如股票平均價已與市場現有股價打和或平均價已高於市場價是否應停止供股？
龔成老師：
買入價不是核心，所以甚麼平均價及現時股價，只是心理因素。你最重要分析，現時持貨比例多少，現金多少，去決定是否要持繼月供，如果貨已夠就可以停一停。
Q41209：
美股比港股優勝？
龔成老師：
不一定，港股較多中國及香港企業，美股就較多國際企業。我會建議投資者用「港股+美股」進行，除了可以更易選到優質股外，同時持有，也可以減少集中單一市場風險，因此是有利的！
Q41210：
老師，小米30元買入，現價可放或繼續持有。中芯25.5買入，現價可放或繼續持有。還是先放再等最近股價調整再入
龔成老師︰
如果你貨好多，就可減部分，留部分，否則，全部長線。
首先，我地投資股票，係希望買入一些優質企業，透過佢自然增長，達至財富增值目的。絕對唔係"短炒"，係用儲資產的心態去做。
所以，你要嘗試跳脫出現金思維，唔好覺得收翻現金先係賺錢。因為現金係手，只會貶值。相反，若果係投放係優質股，佢內含架價值係可以一直提升。
你試想想，如果用你的方法去投資。港交所(0388)、騰訊(0700)在這麼多年，股價上升100倍時，你的方法能賺到多少？可能連一倍都賺唔到。你怎樣能賺到100倍，就是「唔好賣」。
可能就咁講，你未入咁明。以下2個影片，係講長線投資複利效應的威力，因為好多人都低估左長線投資個種巨額回報，所以建議你睇下。另外，股神巴菲特就係用長線投資，透過複利效應，令巴郡股價表現比美股好100倍，所以唔好低估長線投資的重要性。
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k
小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。
雖然發展電動車，投入了較多資金，令風險比過高左，現時的發展情況不差，如果長遠成功，股價可以倍升。
隨著新產品系列推出，小米賺錢能力提高，同時佔據了一定的市場，在中國安卓類手機4,000至5,000元價位，小米出貨量排名第一。
另外有一點值得留意，小米最新的全球及中國大陸MIUI月活用戶數持續增長，達到約6億和1.5億，均創歷史新高，而這部分會慢慢產生更多的將來收入，所以前景又不用睇得太差。
考慮到小米過往的發展，其產品性價比不差，以及研發能力強，佢電動車長遠發展值得期待的。
這股可長線，現價係唔平，預佢股價短期會較為波動。
至於是否沽，你可以睇自己持貨量。如果太多，可以減少少，但點都要有貨。
我出左最新小米(1810)架分析影片，你都可以睇下︰
https://www.youtube.com/watch?v=UTXHpJEPNS4
中芯國際（0981）業務有增長力，但未必能稱為好優質的股，算是有風險有潛力類。但政治因素成為風險，因此投資時要留意這點。
分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。
中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。
但投資者要留意，政治因素成為風險，因此投資時要留意這點。這股不建議大注。
至於是否減持，同1810一樣，睇自己持貨量決定。
以下是中芯分析影片，你都可以參考下︰
https://www.youtube.com/watch?v=n22zk2vLeII