Q35481：

龔成老師，我想努力賺多d錢，結婚

但上年試過投資受騙。現時對投資我已經驚左

可以有咩方法, 我而家只識做定期，同埋抽政府債券

但其他積蓄可以點好好配置？大概有50萬左右

龔成老師︰

我地學習理財、投資，其實是無問題的，只是當時你不幸受騙。

正由於你過往知識不足出現這情況，這刻你更加要學好理財投資，不要怕了理財！

建議你先從知識著手，有知識後，之後才開始投資。記住，我地投資不是博，而是在自己可承受風險的情況下，爭取合理回報。

理財投資，其實是將你的財富，最有效去運用，建立一個適合你的財富配合，這動作，任何人都不能避免去處理的，因此，長遠你點都要學理財。

只要你未來用翻正確架投資方法，其實買優質股會係一個有效架財富增值門路。

但你要先睇翻你自己結婚時間，如果只有1,2年，時間就太短。這部份資金，建議用政府債券、定期或收息股這類較保守架投資選擇。

相反，有3-5年或以上時間，可以考慮一些具增長力架優質股。當然，如果你風險承受能力較低，就只能投資部分資金，宜較多資金做定期或買債券。

Q35482：

本人入咗7568，5萬股，揸住幾年，現在點算？

龔成老師：

坦白講，無人知納指個頂在那裡，無人知幾時先回，你這工具其實投機味好重。會建議有反彈賣出，或最起碼都要減持。

Q35483：

成哥

1157 3808 ，想買入，短線投資，你覺得可以入手嗎？

兩隻股票覺得有潛力突破

龔成老師︰

中聯重科（1157）都有少少質素的。

佢主要從事研究、開發、生產與銷售工程機械及農業機械，以及融資租賃服務。

投資價值都算有，但未必是高增長類。

現價合理區，這股都有投資價值，但優質度不是最高，因此又唔太值得持有好多。

中國重汽（3808）這股都有質素的，佢主要業務為專營研發及製造重型卡車及有關主要總成及零部件。總部及主要生產基地位於中國山東濟南。

佢連同母公司按銷量是中國最大的重型卡車生產企業。長遠來說，其實是有質素的。

睇翻佢資料，佢重型卡車產品品種包括貨車及貨車底盤（總重超過14噸）、半掛牽引車（准拖掛總質量超過12噸）、自卸車及各類專用車底盤等，是國內驅動形式最全和噸位品種最多的重型卡車生產企業之一。

重型卡車產品廣泛服務於基礎設施、建築、集裝箱運輸、物流、礦山、鋼鐵及化工等行業的客戶群。

過往的生意與盈利都可以，有長線投資價值。

而現時質素而言，此股有投資價值，現價算合理區中上部，可以分注，並長線持有。

Q35484：

你好，請問美股 法拉利可以中長線嗎

龔成老師：

法拉利 Ferrari（RACE）有質素。

佢製造全世界最昂貴的運動跑車。法拉利品牌與一級方程式賽車有相同的含義，專有性，意大利設計，且技術一流。法拉利公司還有一個專屬金融公司，該公司為經銷商和客戶提供融資。

財務數據不差，生意與盈利都有穩定增長，不過就不是高增長類。

由於佢有一定的品牌、技術等優勢，因此股價經常都不平，市盈率往往處於較高位置，但市場都會接受。你預現價在合理區較上部，分注投資都可以，買入後長線持有。

Q35485：

老師，月供IBIT EFT 可以嗎？

龔成老師：

唔算好建議，因為風險高。

IBIT EFT不是不可投資，長遠的價值多少，根本好難估，可能好勁，又可以好差，所以用長期儲貨模式，如果不幸長遠價值跌到好低，你會有較大的損失。

因此，如果你睇好，可以分注小注投資，但到一定數目，就要停，同時，要明白這是高風險投資。

Q35486：

66同823應該幾時適合以股代息

宜家股價平既時候？

龔成老師：

現時可做以股代息，但你預有碎股。

0066初步開始平，而0823則在合理區底部。

你預兩隻短期都只是一般，O但長遠都是有質素的。

Q35487：

龔sir點睇 SMCI ?

龔成老師：

Super Micro Computer, Inc.（SMCI）為雲計算、數據中心、大數據、高性能計算和“物聯網”嵌入式市場提供高性能服務器技術服務。

其解決方案包括服務器、存儲、刀片和工作站到完整的機架、網絡設備和服務器管理軟件。該公司遵循模塊化架構方法，提供了交付定製解決方案的靈活性。

該公司致力於開發和提供基於創新、模塊化和開放標准架構的高性能服務器解決方案。該公司一半以上的收入來自美國，其餘來自歐洲、亞洲和其他地區。

業務發展都不差，生意與盈利都有增長，但始終業務有一定的波動性，風險會高少少。近年股價上升不少，現價唔算平，這刻投資值博率只是一般，如果你睇好，都只建議小注投資。

Q35488：

老師，tesla有欠債嗎，現金流如何？

龔成老師：

佢近年的負債都有增加，不過就未斐危險水平，但都會令風險度，比過往有所提高。

至於現金流，理想的，這也是佢值錢的原因。

同時，由於佢現金流理想，所以就算負債高少少，市場都接受。

Q35489：

阿sir,想了解一下少少銀行嘅野

我有個朋友係某銀行做, 應該都係上有阿頭，下有團隊嘅管理層

有時同佢傾計, 佢話銀行每季追業績要幾百億美金

但幾百億美金已經超過好多香港上市公司嘅市值, 銀行目標set到咁高嘅咩😱

我純粹好奇想了解下, 可能令我對銀行業股票有更深了解

謝謝🙏🏼

龔成老師︰

我相信係講緊資產管理規模。

例如叫客戶買一個$100萬的基金，就是$100萬的數，而銀行只在當中抽少少佣去賺，而銀行只是一個中間人，幫一些基金公司賣產品，客比的$100萬並不是存於銀行。

所以，幾百億美金，其實又唔算好多(當然都唔少)。當然，具體要睇翻佢個數指什麼，同埋佢係做邊類客。

Q35490：

老師您好， 我想問九龍建業34這隻地產股還有投資價值嗎？ 前景如何？ 現時月供股票中， 應否停止月供？ 我見佢股價不斷下跌， 質素是否變差了？

打算收息， 若以現時情況估計， 將來派息會否減少？ 謝謝

龔成老師：

九龍建業（0034）主要從事物業發展、物業投資、石油業務及其他業務（提供財務服務、製冰及提供冷藏服務及財資營運業務）。

生意略有波動，業務算是不過不失，但發展力不強，現價合理。這股是收息及平穩增長型。

由於市場擔心佢業務轉弱，所以股價受壓，相信短期仍有機會有這情況。

你最重要以長期角度分析，長遠來說，這企業不過不失，不算差，但又未到好好，這類股最重要是控制注碼。如果已經佔你組合一定比例，你可以停供，原有貨持貨。

但如果這刻你持貨仍少，就可以月供。

由於佢派息多少，都有機會受業務影響，因此，你預中短期，派息有機會調整。