Q45840：
咁9888目標價會去到咩價位？
龔成老師：
阿里（9988）係業務層面，有不少優勢，部分業務處有規模，也處領先位置，加上人工智能等技術不斷進步，都利好整體企業長遠發展。佢人工智能仍在中前期，因此，只要發展理想，可以進一步向上，但這是中長期的，至於短期，不預測去到那些位。
數年前因監管因素，令企業增長慢左，加上近年競爭大左，影響佢賺錢能力。到近年，業務持續好轉。企業長遠仍有增長力，有發展延伸業務，都會成為企業增長點。
以企業的長期發展計，這股有質素，有長線投資的價值。
這企業不少技術都不差，再加上人工智能技術，會有利好企業長遠展，因此，長遠正面。
現時合理區中間，分注投資可以，買入後可長線，但短期有機會較波動。
Q45841：
龔Sir,
本人是一位單親媽媽，現年4X歲、月入約$10萬、工作都算穩定，自己是主要的bread-winner, 與2個就讀中學小朋友同住一個租住的私樓、月租$22000。
就日後置業的安排、今次想咨訽您的專業意見。
本人開始為日後退休的生活擔心、現金流大概$180萬港元可用作置業。2個小朋友都想有獨立的房間上Zoom 及溫書、基本上都要住3房單位。
-
如果我而家購入800萬以內的Yoho Town 3房單位（around 22-23年樓齡), 算不算穩陣？自己之前係樓市高位、因為資金有限、誤入一間around 27年化𥺁樓、之後單位有好多喉管同埋漏水嘅問題；非常嚴重，係2023年蝕賣，所以對舊樓真係好有陰影。
-
考慮到長租到退休嘅資金已經可以供到一層樓、又怕退休之後冇收入唔能夠長租樓住；見現時樓市回穩，所以考慮入市。
-
但由於本金有限、只可以購入$800萬內的3房單位. 新鴻基嘅樓宇質素相對穩陣、Yoho Town 又近元朗西鐵站、方便兩個小朋友後讀大學或者返學, 想問吓曾生你覺得揀YOHO Town 3房單位係咪一個合理嘅選擇？
-
有朋友建議我現在購入2房單位暫時收租以減低置業成本及風險、繼續租三房單位同小朋友住，等佢地唔同我同住之後就自己收返嚟住。但係如果計返租金回報率、應該係要買啲舊樓收租（around 300-400萬），但係我又擔心到我退休嘅時候呢啲舊樓又有好多問題。
-
另外、我自己又覺得一邊放租、一邊租三房單位都係一路蝕咗俾業主攞唔返、係咪應該不如直接而家開始入手三房單位自住更加實際？
-
又或者龔sir你有冇其他方案及建議俾我參考？
Million thanks
龔成老師︰
1 + 3) 其實自住物業，主要睇你長線有無信心"供得起"，同時是否適合自己家庭生活規劃。
當然，如果你長線會再換樓，咁你現時這個新自住目標，就至少要可以同大市同步，咁會較好。
質素和樓齡上，Yoho Town都算可以。但缺點係比較遠離市區，但總體未來10年，相信走勢都接近大市。
-
長線建議都要有自住物業(特別退休後)，以免承受租金波動風險。
-
是一個方法，但你擔心點係正確，因為你要長線回收來退休用，必需考慮到時物業是否適合。
-
唔一定，如果你長線係會換翻2房，其實係可以考慮。
若能空出更多資金，作其他更理想的投資，咁整個規劃對你會更有利。
- 其實你面對，不是單一問題(或者單係投資問題)，而係一連串架"人生"規劃。
所以，你想清楚人生路會點走，才再作出部署。
另外，我都講少少現時香港樓市情況。
香港樓市由高位下跌不少，近一年開始穩定，相信之後會平穩及有少少增長。
首先，中國房地產由破爆至現時穩定，雖然未能以好去形容，但起碼不會再差。由於幾年前樓市信心不足，令就算本身有買樓需求的人，也會推遲計劃，到中國政府在2024年尾推穩定樓市措施，以及2025年香港樓市穩定，令之前信心不足的人，信心度提高。香港樓市的信心度，由悲觀，轉到現時正常狀態。
另外，美國處減息週期，地產發展商，由於減息令借貸成本減少，資金壓力減，不用太急賣樓，有利樓市。加上減息令供樓人士的負擔減少，都是有利樓市因素。
現時香港經濟大致穩定，香港經濟處於轉型狀態，轉型要時間。加上中美關係好轉，貿易進入正常狀態，對香港經濟也有一些利好作用。經濟穩定，市民買樓意慾提升，但始終經濟未完全向好，部分行業仍面對較弱的環境，因此樓市未有條件大升。
另外，香港政府人才計劃、教育政策，能吸引一些人來香港，令租金得到支持。租金回報率由數年前的2.5%，上升到現時約3.5%，投資吸引力增加，樓價由數年前的貴，返回現時的合理水平。
供需方面，現時移民情況已穩定，同時見樓市存有一定的用家需求，過往無樓住、等買樓、與家人同住想自己搬出去往，都正在釋放過往的潛在需求。供應方面，政府加大力度找地起樓，以及北部都會區產生一定的土地，令長遠有足夠供應。
簡單來說，現時香港樓市供求已到達平衡狀態，樓價只會平穩，或少少向上，長遠較難大升（過往20年由於供求失衡令樓價倍升）。
香港樓作為自住的價值仍在，現時的樓價，已由過往的貴，回落合理水平，樓價以穩定為主。長遠來說，暫時睇未必會大跌，最多只會平穩加少少向上。
香港樓的投資價值，算是中等。而自住則可以考慮，現時樓價合理，最重要是考慮自己的負擔能力。
Q45842：
Kung Sir hello- 請問白銀價創新高，為什麼中國白銀集團（00815)價格還升不回上年高位呢？謝謝
龔成老師：
因為這企業的質素問題。你睇翻過往10年，佢股價無升，白銀就大升。
中國白銀集團（0815）質素只是一般般。
集團主要於中國從事製造及銷售白銀及其他有色金屬；黃金、白銀及珠寶產品的零售及批發；提供白銀交易的電子平台、相關服務及銀錠貿易。
過往無論白銀升跌，但賺錢能力都不算強，就算近年銀價從低位上翻不少，都未見佢明顯賺錢，企業質素只是一般般，不太建議。
Q45843：
龔sir, 其實d收息ETF 3110，3466都跑贏2800, 其實用收息ETF做核心係咪好d?
龔成老師：
其實不是每一個情況都跑贏，始終大家成份股有所不同，而3110之類的高息ETF，佢有選股時，以「有派息」股票作為方向，2800則各類型，無論是增長、收息、潛力都有，所以不同情況有不用結果。
至於你以3110、3466作核心，其實可以，因為當中的股票都是有質素的。
Q45844：
核電推薦邊隻？
龔成老師：
1816會較大路，如果較高風險高潛力，就Oklo Inc.（OKLO）從事裂變反應堆的開發。它通過設計和部署快速裂變發電廠提供清潔能源。
該公司由 Jacob DeWitte 和 Caroline Cochran 於 2013 年 7 月 3 日創立，總部位於加利福尼亞州聖克拉拉。
財務數據較弱，企業出現虧損情況，投資者只能憑企業前景比估值，但不確定性會較大。
由於財務數據弱，加上未能確定企業是否好有獨特性，這股未算特別鼓勵，除非你較睇好，才小注進行。
Q45845：
想問下388 435蚊買 可繼續持有嗎 股值高嗎
龔成老師：
港交所（0388）可持有。有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。
但要留意，由於這股的盈利會受股市成交影響，因此股價都會有影響。
早幾年成交弱，令這股近年股價較一般。到最近，港股成交好轉，這股股價向上。所以，你會見到佢股價十分波動。
投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。
陽光房地產基金（0435）短期會因香港市道一般而弱，但長遠仍有質素，可長線收息，但就不要對增長有太大期望。雖然都可持有，但不建議持貨太多。
佢為恒基兆業地產（0012）旗下的間接全資附屬公司，恒基陽光資產管理公司所管理。
主要業務為擁有及投資於可提供收入之香港寫字樓及零售物業，寫字樓有甲級及乙級，而商場位於上水、將軍澳、元朗、尖沙咀等。
雖然近年的業務表現較一般，主要受香港地產市道、租務市場影響，由於香港短期經濟回勇力度仍不算強，因此對寫字樓部分都有影響，至於中長期，則會慢慢好轉。
至於商場方面，香港人的消費模式改變，都會對佢有點影響，例如網購及北上消費，不過香港人一向好貪新鮮，因此有部分人北上消費模式並不是長期性的，但當然，也有部分人會成為一個長期消費模式。
Q45846：
老師，黃金股可以買嗎？
龔成老師：
要睇每一隻的情況，例如590、1929無問題。如果金礦股，暫時想投資也只建議小注，例如紫金礦業（2899）佢主要從事黃金及其他礦產資源的勘探、採礦、生產、冶煉及銷售。
近期因為金價上升，股價都升好多，但始終企業有點被動（受金價影響），而現水平金價高，擔心短期股價波動，如果投資，現時只宜小注。
相信金價長遠仍是正面的，所以企業都有質素，但短期有機會較波動。
Q45847：
你好，龔sir, 我想問coinbase仲應持有嗎？
龔成老師︰
我有貨，數年前試過大跌到$40我都有貨，之後升到$400我都有貨，而家都有貨。
記住，我地的著眼點不是短期股價，而是企業發展。
不過要留意，Coinbase Global Inc（COIN）雖然有獨特性，但真正的長期價值有多少，根本好難估。
Coinbase已經比上市時，成熟左好多。但現階段依然好受幣市影響，所以你預佢中短期會好波動。若持貨不多，又預長線持有，咁就無問題。
此股依然有長線投資價值，其實佢股價較高位有明顯回調，但長線潛力依然係有。佢現時不停開闊緊自己架業務，由幾年前只係做買賣交易，收下買賣交易費。到現時已有託管、集資、鏈上抵押借貸(BASE公鏈)等能力。(當然，暫時仲係手續費收入為主。)
長線佢發展，有機會慢慢變成類似港交所(0388)模式，即係一個全功能架集資交易平台。甚至長線有機會蠶食部份傳統經濟架金融業務。
當然，這個只係"預測"，唔係一定做到，但佢現時相信是向這方向發展，故具有潛力，值得持續觀察佢發展。
投資此股係可以，但要明白佢係高風險類別，只宜小注。若你本身投資經驗/風險承受力好一般，此股就未必適合你。
Q45848：
老師如月供香港电訊，匯豐那隻好呢？🙏
龔成老師：
其實都可以，如果你想收息較穩定，就6823。如果想收息及增長，就0005。
香港電訊（6823）長遠有質素，是不差的收息股。
佢是香港的固網、流動通訊及寬頻服務的綜合服務供應商，提供本地電話服務、本地數據及寬頻服務、國際電訊服務、流動通訊及其他服務。佢亦透過中盈合資公司，向中國的電訊營運商提供網絡整合及相關服務。
綜合來說，可以用「業務穩定」去形容這企業，整體的業績不差，但又沒有特別驚喜，整體業務穩定。
另外，佢用全派息的政策，即是賺幾多派幾多，所以派息比率會高。只要佢之後保持賺錢能力，派息就能保持。這股可長線的。
股價增長力不強，不過就是理想的收息股，股息率不差，現時處合理區中間，投資者都可以分注投資，長線持有，作長期收息。
匯控（0005）有質素，業務有持續好轉情況，是收息及平穩增長類股。
整體來說，匯豐長遠仍是有質素有發展的企業，不過，銀行業的賺錢能力比過往年代減左，因此不能視為高增長股，但當經濟不差時，始終都會有錢賺，因此都有投資價值。
相信長遠是收息股，及有基本增長力，但並不是高增長類。
這股都有投資價值的，但都不能持貨過多。現水平約合理區中上，這股有長線投資價值。
Q45849：
如果30歲先開始 儲蓄同埋投資買ETF, 會唔會太遲先起步🥲 除咗買貴金屬嘅ETF/ VOO/ QQQ 之外，建唔建議月供基金? Thank you
龔成老師：
絕對唔遲，只要這刻做好理財就得。
建議你以VOO做核心，可長期月供。
QQQ都是有質素的，但風險會高少少，比例應該比VOO少。
另外，建議加入股，最簡單月供盈富（2800）。
至於月供基金，要睇是那一類，才能知道有無質素，如果是股票基金，其實VOO、2800已足夠。