Q27901：

龔成老師，我很想上你的課，可惜人在澳門,有些問題想請教你，明白你時間非常寶貴，只是碰碰運氣看看你會否解答。

我出生普通家庭，自少明白錢的重要性，大學時明白到要理財投資，開始接觸股票但可惜拜錯師跟了一些短炒的導師，攪到蝕過唔少錢，於是2年左右就放棄股票市場，大學畢業第一份工是創業自己開鋪，但困身

於是兩年後頂手店舖俾人，打返份office工，並忘記了理財的重要，之後做了一年轉行做地產但收入低微，過了澳門做賭場及名店sales數年，收入不錯，6年前買了一層大陸細樓

今年剛賣出，賺左約30人仔（尚未對返港幣默匯率低）；5年前又辭去全職和朋友創業，一創四年但回頭看得個桔🫣又浪費四年，21年中問家人借左2X萬首期買入一層澳門一房唐

樓(收租$4500，供$3500）這一年不斷屬找方法財務自由，想做自己想做的事情，現有一份希望穩定的正職月入2萬，亦開始經營YT channel ,請問有冇可能及方法5年內可以實現財

務自由（月收入$15000已夠）？大概財務狀況如下：

現有資金$600,000人仔

股票持貨約$85,000

其他另類資產$70,000(有升值潛力的收藏玩具）

每月支出：

還家人欠款$8000（5年還清）

供樓$3500

生活雜費：$5000

保險年支出：

醫療保險$5000

危疾$5000（供多4年）

意外$6800（供多6年可全數取回）

早3年供過一份唔啱數基金，供左10萬斷供左，而家冇得持返$，要廿年後才可持返本金！

請問有冇可能5年內實現財務自由計劃，想5年後周遊列國拍片

龔成老師︰

你自小便有理財觀念，而且為目標付諸行動，這是非常值得嘉許的事情。

只是你沒有真正學過理財知識就去投資，而且用了錯誤的方法，所以，在「財務自由」這條路上一直跌跌撞撞。

你現時重新訂立目標，想5年内財務自由是好的開始。

假設你要求月收入$15000，一年就是$18萬，以回報6%的收息股計算，你需要的總金額是$300萬，你現時持有不到$100萬的資產，距離財務自由有點距離。

因為我地投資目標，是平均每年10-15%增長，故5年未必能達至你財務自由水平。知道你好想做自己喜歡的事情，但財務目標的實現必須一步步來，不能操之過急。

以你37歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用每月儲蓄，進行月供股票。你可以每月先用一半儲蓄，另一半就先儲起架策略。

潛力股可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814）、安碩納指一百（2834）。如果有投資美股，可投資QQQ。但佢地波動性和風險會較高，你要自己平衡。

由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

而現有60萬人民幣，都可以換回港元投資。可先用30萬，分注買入上述股票，餘下同樣等大跌市機會。

至於上堂，其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位，希望有一日會係課堂見到你！

Q27902：

加息對收息股有乜影響，銀行股係唔係一定賺多左，和會升? 咁我而家去加注銀行股，好唔好

龔成老師︰

加息對收息股會有一定影響。因為加息令無風險利率上升，而對於有風險的收息股，市場對其要求回報率就會向上。

舉例說，原本無風險都能賺到1%回報，加息令到回報增至3%。

如果收息股原本的股息率為4%，現時市場無風險回報都有3%，這樣，市場對收息股要求回報就會增加，例如增至5%。

如果該收息股無法增加派息，股價就會向下，令股息率自然調整至5%

其實原本收息股都不會跌咁多，只是近期美國加息的速度十分快，所以回報率變化太大，令收息股股價受壓。

至於銀行股，銀行業主要收入來自2個部份，分別係"利息收入"和"非利息收入"

前者係透過借貸業務，去賺取息差。後者，係一些金融服務，例如買賣證券收費、信用咭、保險箱等等。

"利息收入"部份，將會受惠於加息。但每間銀行，這2個收入比重都不同，故受惠程度都不同。

而且，唔係單係加息就盲目投資銀行股，銀行股唔係一定上升，我地要理性分析佢質素和平貴度，才好作投資決定。

至於是否加注，你要睇翻自己現時的組合情況，銀行股現時大部分都處於合理水平，值博率不算特別高，如果你本身有貨，不建議加注。

Q27903：

你好，其實美國存託憑證是什麼??

龔成老師︰

美國存託憑證是美國商業銀行為協助外國證券，在美國交易而發行的一種可轉讓證書。

通常代表非美國公司可公開交易的股票和債券。

股票通過美國存託憑證方式上市有以下優點：提高發行公司在國外市場的知名度，拓展境外籌資渠道，為日後直接在美國市場發行證券奠定基礎。

美股投資人基本上可以透過ADR，去投資相關股票，情況同投資一般美股無明顯分別。

Q27904：

老師，想投資碳中和股，諗住買相義光能或龍源電力，想問現價平宜？另外，想問下相關碳中和股，有無邊隻值得留意下？

龔成老師：

2845、2809、916、968都得，當然，行業本身變化大，股價上落都會略高，要留意風險。

龍源電力（0916）有質素，這股有長線投資的價值。

佢係中國發展風力發電業務，收入大部分來自銷售風電場及火電廠所發的電力，而有關電力銷售主要倚賴淨售電量及上網電價。

旗下客戶為風電場及火電廠連網的各地方電網公司。

過往業務發展不差，生意與盈利保持增長，不過股價就有少少波動，現價合理區中下，但就要留意股價上落風險。這股可長線。

信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。

現價合理區中下，如果想入，要慢慢分注，但仍不是大注投資的時候。這股股價上落都大，要注意金額。

Q27905：

多謝你意見, 可唔可以再問多少少

可唔可以幫忙睇睇呢度邊一款基金先適合我多d ? 邊一類先算係優質股？我實在無從入手，去某幾隻基金網頁睇過，但好似都唔知邊款適合自己

如果想多了解投資，有無適合初學者書藉可以推介下

龔成老師︰

上述的基金，因為我無特別研究，所以都唔太清楚。

其實作為初學者，最好是先找一些較低風險類的基金，你最好了解翻這些基金，那些是較低風險，以及適合你的，你不要太著重回報，反而應該考慮風險先。

另外，你又可以在股市上，找一些指數基金去作投資目標。

至於其他基金﹐唔係唔可以，但你要細心分析當中持股和投資策略。而且，坊間基金一般手續費較高，除非佢長線可以明顯跑嬴大市，否則唔建議投資。

書本上，你可以睇我寫架《80後千萬富翁》、《財務自由行》和《股票勝經》，都適合初學者。

Q27906：

老師，五十歲，專業人士，不用理父母，自租細單位，一萬蚊，有現金近千萬。早排有女人話我少錢，我想同佢結婚，點先可以增值財富？

龔成老師︰

財富增值是一個長線計劃，講緊係以數年作單位，你唔好預中短期會令你財務出現明顯變化。

以你50歲年齡，其實要開始為退休做準備，但同時，財富仍有增長力（但不是進取）。策略上，你可以投資「平穩增值股」+「收息股」。

若你想進取些，可集中「平穩增值股」，相反你想保守少少，可以集中在「收息股」上。但比重要隨著年齡增加調整，你要慢慢上調收息股比例。到退休時，你收息股比例，應提升至100%。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

現時大市只是合理區中下部，你現有1000萬資金(扣除應急資金後)可以先投入100-200萬，用"分注"形式，慢慢買貨。餘下資金，就等大市每出現回調，才慢加注儲貨，然後長線投資。

Q27907：

你好,我平時都睇開你啲post ga , 我而家還緊錢，今年30幾都無儲蓄。見到你話月供股，上網睇左少少收費內容。其實每個月比$1000/2000出黎供，我可以接受嘅，但係好知月供

股係算點樣嘅投資？

可唔可以麻煩你簡單講下

龔成老師︰

我地理財講求「攻守兼備」，你要做好「防守」的部分再考慮「進攻」。現金在理財中可以説是「防守」的部分，你「無儲蓄」同時「還緊錢」顯示你的理財習慣有不足之處。

建議你先設立理財目標，先處理好自己的債務問題，再訂立每月儲蓄的目標。你可以透過記賬，不使用信用卡，只買必需品，收入-儲蓄等方法來幫助自己達到目標。

一開始的時候會不適應，但當你習慣之後，好多事情就會順利。當你每月可以定期累積到一筆儲蓄的時候再考慮月供股票。

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入股票A，假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3年以上，之後持有5年以上。

月供最重要的一點，是「選股」，如果你無選股能力，就投資指數ETF，你只要到銀行開個證券戶口，同職員講要月供股票就可以。

Q27908：

老師,451係老千股？

點算？20萬股！

0.34買入

龔成老師︰

協鑫新能源（0451）主要從事光伏電站之開發、建設、經營及管理。

生意增長力不強，可是盈利十分波動，股價上落大，高風險類，市場往往炒作多過實際。

要睇你承受風險的能力，股價有時會大升，但又可以跌得好快。5年中有2年虧損，整體的投資價值，未算高。

此股過住有拆股，或者20合1，我對這類股票會較保守，而且佢整體投資價值都不高，長線換至其他優質股會較好。

Q27909：

老師，可唔可以請教你一啲野

今日去銀行話做咩問卷，最後當然sell我 見我有大約20萬喺戶口好幾年無咩郁過，不如做佢哋呢個plan, 橫掂都係擺喺度唔郁，

我唔識投資, 見佢呢個plan講到又好穩陣當增值，但返到屋企睇睇下個表，起碼擺十年，20萬本金先有3萬利息會唔會太長時間

個表係以美金計算

龔成老師︰

其實得個表，我都好難知係什麼計劃。因為佢只係反映左佢"可能"出現架回報率，但仲有條款和保障等問題。

我就咁睇，你較大機會係買緊一D儲蓄成份保險。

其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

如果你真係好保守，投資又完全零知識，你可以考慮。但你要明白，佢回報係分"保證"和"不保證"。

單係"保證"部份，你要26年先回到本。如果加埋"不保證"部份，都要6年。而且，這只係一個估算，到時"不保證"部份可以同你個文件不同。

你要明白這些風險，才好考慮。

Q27910：

想問而家內房出問題，對令內銀和內險都受害，見跌唔少。到底到佢地，造成什麼影響。同埋影響內銀定內險大D呢???

龔成老師︰

内房因爲監管因素，再加上本身高負債的問題，故有一定風險，質素只屬於中等。

銀行和房地產主宰整個經濟的命脈，如果任何一方變動，都將會影響整個國家或地區的經濟。

銀行業主要收入來自2個部份，分別係"利息收入"和"非利息收入"

前者係透過借貸業務，去賺取息差。後者，係一些金融服務，例如買賣證券收費、信用咭、保險箱等等。

房地產發展需要好強的現金流，同時個人買樓好多時都需要做按揭，所以銀行借貸的比例不會少。

如果内房企業還唔到錢，將會影響到銀行的業務，銀行會因此多左好多壞賬。

至於内險，好多内險都持有内房資產，好似平保（2318），内房有問題都會影響這類保險股的盈利。

内銀的影響會較内險較大些。