Q24301：

你好呀，想代家人問問rivn這個前景是？謝謝你喔

龔成老師︰

Rivian Automotive Inc（RIVN）有潛力的，當然，業務有不確定性，同時股價較為波動，要注意風險。

Rivian同Lucid，同樣稱為「TESLA殺手」，可見在產品上—定的競爭力，企業有長遠的發展。

佢算是一間新晉的電動車企業，而其中一個股票是Amazon ，相信這個關係對佢有利，因為過往佢試過從Amazon取得了10萬部電動貨車的訂單，為Amazon生產電動車作送貨用途。

企業長遠不差，但估值就十分難，這點令股價波動，初步分析現價唔算平，如投資只建議小注，投資要明白風險，買入後長線持有。

由於此股不確定性較高，若你家人只係中年，持有都可以，但要控制注碼。若他們已接近退休，這類股票風險有點高，不太建議作為投資選項。

Q24302：

老師：你好

➡️如果想買1211 比亞迪，合理水平是什麼水平是合理?

➡️請問開美股戶口係邊度開戶，安全穩陣?

➡️TSLA 由5xx 已經升到1xxx, 什麼水平時合理?

➡️美股 TSLA / APPL邊隻好些?

請指教

龔成老師︰

比亞迪(1211)現價偏貴，如果唔夠貨或無貨，而又想買入，只建議月供，在$220以下先月供較好，但如果真的好想儲貨，同時現金足，現價以小注模式去月供，都可以的。

又或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

由於近期不少車股被炒起，此股現價略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

開美股戶口，你可以去香港持牌銀行或證券行開，咁就可以。香港監管算唔錯，這類持牌機構，大體上都係安全。

Tesla不差，增長快，股價向上好勁。不過穩健度不足，股價上落好大。

市場方面，有危有機，因為電動車是高增長市場，但行業結構變化大，存有未知數。

另外，股價上落太大，市場超前反映前景因素，只要增長力比預期差少少，都會有明顯回落。

現價計PE去到300倍以上，係好貴。如果你長線睇好，預佢股價上落一定好大，唔好理中短期股價，可以好小注入貨。

至於Apple（AAPL），同樣都有質素，無論持術、發展、品牌、銷售網絡都十分強，是可以長線持有的股票。

佢設計了各種各樣的消費電子設備，如智能手機（iPhone）、（iPad）、智慧手錶等。

而iPhone占蘋果總收入的大部分。另外，蘋果亦為客戶提供各種服務，亦是一些延伸的賺錢模式，如蘋果音樂、iCloud、蘋果電視、蘋果支付等。

由於已經發展得好大，因此，最高速增長期已過，之後會進入穩定的增長期。長遠的投資價值仍在，但要留意股價。現時在合理區上部至略貴的水平，如投資要分注，長線。

其實2隻都有投資價值，但TESLA潛力和風險會較高，而且現價計，值博率會係APPLE高少少。

Q24303：

龔成老師妳好，本人26歲，之前因為相信潛力股所以把大部分收入買阿里巴巴9988（1700shares平均價位$212） 同埋 中生製藥1177 （12000 shares 平均價位 $7）。現金沒有幾多。。。

見到老師你不建議全部資金買潛力股，現在想謹慎對待，不知道老師建不建議我放一放先，還是先儲錢去買其他股票/index funds

現在工作比較忙，希望明年頭可以上老師的班

感謝龔成老師

龔成老師︰

潛力股，佢地雖然有增長潛力，同時風險都較高，不宜持有過多。

而且，我地成個組合，唔可以只係得1,2隻股票。長線要建立不同行業，一個平衡和適合你年紀的組合。

若你係年青至中年人士，潛力股可佔約4-5成，餘下應用以下平穏增長股。若你投資經驗較淺，潛力股比重，要再調至2-3成以下。到你學到一定投資知識，才慢慢調高。

未來時間，建議慢慢分多次去你沽出部份持股，換碼至平穩增長股部份，令組合更平衡。

另外，阿里(9988)近期受政策風險影響，賺錢能力係弱左，雖然都仲有長線投資價值，但由於不確定高左，建議暫時不要持有太多。

Q24304：

老師！新疫情出現 再加上洗米華壞消息 持有兩手銀娛 應放嗎？

一手$38.85 一手$39.3 買入

龔成老師︰

暫時所見，主要係打擊內地網上非法賭博，對整體澳門博彩業，唔算好大影響。

銀娛(0027)受續賭牌影響，仍有好多變數。銀娛(0027)在澳門有正面的貢獻，從資產質素、澳門發展、就業等角度，佢都做得不差，賭牌好有機會得到，不過，政治因素就是不確定，這點好難準確分析影響是否大。

初步分析，佢得到賭牌會過半，但政治是一些不能預測因素。

要留意，現時賭牌的條款，要求加入政府人員，這無可避免地影響了企業長遠的賺能力，優質度及估值都會略減。

此股長線投資價值依然存在，但風險度係高左，故暫時要控制注碼，不宜持有太多。你只有2手，照持有都可以。

Q24305：

收到老師美股c既email. 了，感謝老師分享，想問問老師唔係不嬲都唔玩美股？為何這次會玩？咁係咪都仲係鐘情港股？（出於好奇問下）。

龔成老師︰

以往我唔係完全無研究其他投資項目和市場，只不過要研究一個範疇，係需要好多時間，所以我集中翻係大家較常接觸的港股。

因此，我本時同大家分享，都會以港股為主要方向。

我地投資，長遠要建立一個更平衡的投資組合，同時投資港股及美股，能有效減少風險的集中度，因此這是方向。

我相信中國、美國，都是全球兩個長遠最大經濟體，同時投資會有不差的長期回報，美股如不懂，最簡單是投資ETF，如追蹤標普500的VOO，分注或月供，都有不差的長期效果。

現時美股不算便宜，就算你美股無貨，都不建議現時一次過大手投資，最好是慢慢分注，平衡自己在財富配置的比例。

相反，也不建議完全不投資港股，因為當中仍有有質素的企業，長遠仍有當中的價值，只是有些企業的增長力，比過往減少左，因此只需平衡配置就得。

Q24306：

成哥，什麼是股東權益，可以在哪裏找到？

每股盈利增長，又可以在哪裏找到

龔成老師︰

股東權益︰就是股東投入這企業的部份，你可以在年報的資產負債表中找到。

每股盈利增長︰你要自己計算，一般財經網站，或者係年報的損益表中，都可以找到。

Q24307：

老師，我個了入得有少少心急，見跌左好幾蚊就溝，冇諗住越跌越多。我應該點處理這問題？

龔成老師︰

所以，我地投資除左要選優質股外，估值和入市策略，都係非常重要。

這次就當買個經驗﹐現時你持貨已有一定比重，就唔好再加注住。

Q24308：

潛力股方面，邊一隻現價最抵買？

龔成老師︰

現時雖然恆指回左唔少，但要去到抵買程度的潛力股，暫時唔見有。

現時只有安碩恒生科技(3067)、ＧＸ中國電車基金（2845）、騰訊（0700）、中生製藥（1177）、福壽園(1448)、小米(1810)、QQQ算在合理區中間至頂部，可分注入貨，其餘都略貴，想買就要等一等。

阿里（9988）算係合理區中下，係較平的一隻。但由於政策風險高左，暫時不宜太大注。

Q24309：

老師，3718已跌至0.51，有什麼負面因素嗎？請賜覆

歷史新低

近期的下跌速度不斷加快，而成交量不算多，是有大戶壓價收貨？

龔成老師︰

北控城市資源（3718）質素上，不是劣質，但賺錢能力略減。增長力都減左。

今年大幅回調，主要係上年股價升得太多，現時回到較合理值。再加上，近期被剔除MSCI中國小型指數，加上大市氣氛較弱，相信都有影響。

但這些因素，都不影響企業核心價值。睇近期財務數據，都不差，有長線投資價值。現價算是合理區中下部，可分注。

Q24310：

老師，想問問現時美股估值是否已過高或過熱，因公積金方面的基金有以月供模式投資在美股，投資配置為一半在美債券，

40%在美股（當中15%在主動型美股，25%在被動型美股）。謝謝

龔成老師︰

美股現時整體都係合理區頂，至偏貴水平。不過MPF係一個超長線投資，其實平貴度唔洗太在意，反而係要留意配置問題。

你現時配置，較適合一個中年至退休人士。如果你係較年青，債券類唔好佔咁大比重，會拖慢左個增長力。

而且，我地組合配置要講平衡。你現時太集中美股，我建議你分部份到其他地區基金，咁會較穏當。