Q35381：

老師我想請教一下

巴菲特話第一條規則不要輸錢

第二條規則遵守第一條

輸$的定義是什麼呢？

例如我有一隻，$7入下跌到0.8

間公司都仍運作中

我算吾算輸$

龔成老師：

如果這企業無質素、無前景，當中的企業價值明顯比$7為低，其實已經是財富上輸錢。你應該賣出。

你要想想，怎樣對你的整體、長遠財富最為有利，如果這股長期向下$0.8、$0.6、$0.4，你財富只會不斷貶值，又或佢根本無增長力，永遠在$0.8，你等佢上翻$7已經無可能，守住是無意義的。

反而要從整體及長期財富分析，怎樣對你最好，如果賣出這股，將資金轉其他有增長力的股，更為有利，就要這樣做。

記住，巴菲特不要輸錢並不是不賣出，而是我地在投資前要好小心，以「穩陣」為大前題。不過，當不幸買入有問題企業，我地要理性處理。令到自己在「長期財富上」，有真正的增長。

Q35382：

老師 想問下 sea -70% snap -73% 如何是好呀 🙏🏻🙏🏻

龔成老師：

都是高風險，兩隻如果任何一隻持貨太多，宜減持。例如Sea Ltd(SE)，佢是有風險有潛力類別，就算比高位回落唔少，都不能叫平，這股估值難，最多只能說無之前咁貴。

佢係一家消費互聯網公司，佢開發了一個包含數字娛樂、電子商務和數字金融服務的集成平台，呢間公司經營Garena、Shopee、SeaMoney三項業務。

佢的數字娛樂業務Garena係一個全球遊戲開發商和發行商，業務遍及東南亞、台灣和拉丁美洲。

Garena提供移動端和電腦端線上遊戲。Shopee為用戶提供了一個由集成付款、物流、配送和其他增值服務支持的購物環境。

SeaMoney是一個數字金融服務提供商。SeaMoney提供電子錢包服務、付款處理、與信用有關的數字金融產品以及其他金融產品。

佢收入正高速增長，不過刻未有盈利，加上現時估值唔平，要小心中的風險。這股有潛力的，但並不建議大注投資。

Q35383：

老師可以分享下NVIDIA (NVDA)睇法？thx

龔成老師：

英偉達公司NVIDIA (NVDA)有質素。是《38全球倍升股》的其中一隻，長遠發展正面，有長線投資的價值。

佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。

其業務可應用層面，都相當廣泛，投資係可以，現價算是合理區頂至初步貴，最好回少少先買，或小小注，等跌先買，但股價波動，或者用月供儲貨，會比較好。

Q35384：

如入 美股 VOO ,以100股比例入 ？

股票收費怎計算？

港股 2800, 12元 1手* (500股）6000 元一手 加手續費是61xx 元

但美股有息收要扣稅？10元息 有3元比扣稅？

那要月供 及有儲蓄到一定股數才化算？ 因為佢一年派4次息？

龔成老師︰

其實整體收費，你要問翻你提供服務架供應商。如果係稅方面，一般買賣只會佔一個好細架數，主要費用來自金融機構架收費。

所以，你最重要問清楚你的銀行/證券行，收息怎樣，從而作為適合的月供策略。如果手續費佔你成本1%以上，就是高。

至於美股收息，香港人係會先扣你30%股息稅（不同國籍有不同計法）。

而月供，因為係一個長線計劃，所以你最終都會儲到一定股數。若你怕開頭不化算，可以開頭月供外，都直接去買少少。

Q35385：

丈夫月入4-5萬左右，但要靠揸車搵食, 屋企開支計埋貸款供車租屋＄20000

因為之前疫情收入大減上吾到數丈夫條數一個月拖一個月， 加上佢啲車要維修保養 油錢， 而且家中1子又要開支，連我也有 還剩＄37000的 貸款。

而下個月2月到期 年供 儲蓄 保險Total $26000， 因為冇錢儲嘅關係， 我淨係可以畀到15000， 吾夠俾我應唔應該拎 儲蓄 保險嘅紅利 去供定還是我 應該要現金預支？

利申不想再欠， 已經set咗目標 每月 找一萬去我的貸款還數

龔成老師︰

我覺得你可以從幾方面去考慮，睇下會唔會幫輕到你。

1) 記低每日開支，盡量將不必要部份刪走。

2) 如果你架負債係較高息，睇下有無一D低息和較長期架貸款計劃去取締。(當然，如果你未來能一個月清1萬，咁就一動不如一靜。)

3) 睇下家人可否幫你們，到時再慢慢分期還比佢地。

4) 有部份儲蓄保，係可以申請停供。如果無，你可以抽取當中紅利去支付今年保費(因為紅利積存利率，我相信會比你貸款利率為低。)。畢竟係一次性問題，唔係長期要咁做，我覺得都可以。

但你要知道，你抽取出來用架紅利，到你有錢架時候，係唔可以存翻落去。這些可以幫你賺取利息收入的紅利，只能透過每年保險公司派發去累積。如果你提取左，係唔可以好似銀行存款咁，有錢架時候存翻入去，你要明白這一點。

5) 睇下有無一些兼職，可以幫補下收入。

Q35386：

請問龔sir 美股LRCX同KLAC的現價投資價值🤔🙏

龔成老師：

Lam Research Corporation（LRCX）是全球最大的半導體晶圓製造設備製造商之一。

佢專注於沈積和蝕刻的市場領域，這需要在半導體上堆積層以及隨後從每層選擇性地去除圖案。

佢係蝕刻領域佔有最大的市場份額，在沈積領域佔有明顯第二的市場份額。它更多地接觸到 DRAM 和 NAND 芯片的內存芯片製造商。它的最大客戶是世界上最大的芯片製造商，包括台積電、三星、英特爾和美光。

生意與盈利都有一定的增長，發展不差，相信受惠行業情況帶動業務增長。

這企業長遠有發展力，不過，這企業過往的市盈率只是十多倍，但近期由於市場對這行業較有期望，令股價近年有一定升幅，令現時市盈率比過往高。就算考慮企業長遠發展，估值都處於合理區較上部，這刻投資，最好以分注小注進行。

KLA Corporation（KLAC）業務有發展的，佢為半導體製造業設計和製造產量管理和過程監控診斷和控製（即PDC）系統。

系統用於分析半導體開發過程中各個步驟的製造過程。該公司的激光掃描產品用於晶圓片鑒定、過程監控和設備監控。

這企業還提供用於光學計量和電子束計量的檢測工具和係統。

業務發展不差，生意與盈利都有一定的增長，唯一要注意就是估值因素，因為近年股價都上升了不少，現水平算是合理區較上部，投資都可以，但就要控制好注碼。

Q35387：

sir,如果想投資大灣區物業，龔sir會點選擇？

龔成老師：

第一，要交通、地點、配套較好。

第二，租金回報率最好唔好太低。

第三，長遠有發展。

同埋是你熟識當地的情況，租務市場。

Q35388：

xlk作為長線投資是否一個好的選擇？ 我比較了qqq同xlk 回報大致差不多 但我唔係咁鍾意qqq分散 ，xlk比較集中在蘋果 微軟 所以我覺得xlk可能比qqq好？

龔成老師：

SPDR Select Sector Fund - Technology（XLK），SPDR科技類股ETF。

佢是由美國道富集團在1998年成立的一檔追蹤科技股的ETF，目前總共持有數十間家公司的股票。如果將佢同追蹤納指比較，XLK持有較多金融服務、第三方支付、支付系統的公司，如Visa Mastercard、Paypal。但要留意，佢持有蘋果及微軟較多，有點集中。

長遠來說，都是一個潛力型的基金，但價格上落可能有點大，投資都可以，但如果比起納指，其實網指的平衡度會略好，因此投資另一ETF（QQQ）較正路，當然，若你較睇好金融服務等這類行業，XLK都是一個選擇。

所以，佢同QQQ，無話邊個較好較差，只是你睇好邊個類別較好，從而選擇。

Q35389：

超微現價可入嗎

龔成老師：

超微半導體公司（Advanced Micro Devices）（AMD）有一定的技術與潛力，有長線投資的價值。

佢係一間專注於微處理器及相關技術設計的跨國公司，AMD擁有晶圓廠來製造其設計的晶片，自2009年超微將自家晶圓廠拆分為現今的GlobalFoundries（格羅方德）以後，成為無廠半導體公司，僅負責硬體積體電路設計及產品銷售業務。

而家佢主要產品是中央處理器（包括嵌入式平台）、圖形處理器、主機板晶片組以及電腦記憶體。

AMD設定人工智能戰略三大領域：第一，為人工智能推理和訓練提供廣泛的產品組合和領先的 GPU、CPU 和自適應計算解決方案的多代路線圖。

第二，擴展已經建立的開放且經過驗證的軟件平台，使AMD的人工智能硬件能夠廣泛、輕鬆地部署。第三，擴大AMD在整個生態系統中建立的深度合作夥伴關係，以加速基於 AMD 的人工智能解決方案的大規模部署。

簡單來說，就是乘著人工智能的大勢，進一步擴大市場，強化自己本身擁有優勢去進一步擴大應用及市場。

因為這企業是除了英偉達及英特爾以外，僅有的獨立圖形處理器供應商。當中的其中一個優勢，就是同時擁有中央處理器，以及圖形處理器技術的半導體公司。

在全球個人電腦中央處理器的市場佔有率中，英特爾排名第一、AMD第二，可見有一定的實力及技術。

企業前景正面，這股可以長線，雖然市盈率十分高，但如果以EV/EBITDA作估值基礎，又未算高得誇張，大約處於合理區較上部水平，如果無貨投資，小注分注投資都可。

Q35390：

sir,如果分契樓目的只是用作自住不作投資，你認為如何?有什麼風險？

龔成老師：

第一，銀行日後未必願意接受任何分契樓的按揭申請。

第二，其實要成為合法分契樓，程序非常嚴謹，因此並不是所有物業都能成功分契。

第三，你要洗好多錢，律師樓等。