Q48911：
龔成Sir,請問1928金沙，現時價可以收集嗎？
龔成老師：
金沙（1928）你預短期未必好強，始終中國消費力弱，回勇要時間。
以長遠來講，不是完全無質素，因此可以長線持有。但都要明白，企業的賺錢能力已不及過往年代。
佢本身擁有一定的資產及品牌，加上以賭彩加娛樂模式進行，企業有一定的價值，雖然澳門最高速發展年代已過，但相信仍長遠不是無錢賺。
投資價值不是無，不過就不是高增長股，相信有平穩增長的能力，現價合理中下部，分注投資，長線持有，可以，但就要耐心等企業回勇。同時，增長力及賺錢能力已不及過往年代，所以，也不建議投太多。
Q48912：
成哥早晨，想問1114，請百忙中幫我睇下
龔成老師：
華晨中國（1114）主要從事生產及銷售輕型客車、汽車零部件及轎車。於中國從事小型客車製造及分銷，產品包括豪華小型客車、中價小型客車及標準小型客車。
睇翻資料，佢2021年因未能及時發布全年業績而須停牌，其後完成獨立調查，現時已經正常。
調查結果顯示，華晨中國在保管集團之印章、職責分工、保存記錄及內部審批程序等範疇之企業管治及內部監控體系存在隱憂，又指華晨中國眾多兼任華晨職務並直接向華晨滙報之僱員，忽視集團所建立之企業管治措施及內部監控程序，因而令華晨中國出現未經授權擔保其他額外事宜。
雖然現時已正常，同時佢業務不是劣質類的，但之前停牌都反映管治方面有些問題。
相信這刻，佢最差時期已過，企業慢慢好轉，但由於佢過往出現上述情況，始終都會扣分，質素只能定義為一般，投資價值不是無，但只建議小注投資，唯一的吸引是佢近年股價唔貴，現價合理。
Q48913：
早晨sir2802收息可以吗
龔成老師：
Ａ南方國指備兌（2802）基金之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
這ETF並不是傳統型的ETF，因此情況會較特別，優點是高息，因為利用期權去產生現金流，但缺點是背後都有一定風險。
簡單來說，在一般的市況，這ETF可以派不差的股息，但這類ETF，有3個風險：
1）如果股市持續向下，ETF價格都會大跌，有機會出現賺息蝕價的情況。
2）當股市大升，這ETF的升幅有機會落後大市，只能賺到利息收入，而錯失了增值時期。
3）操作風險。因為基金無完全講當中的運作，我只能透過基金網站簡單講述的操作，去估當中的運作，如果基金操作不當，會否有資產價格大跌的風險，這點我都不清楚。
我並不是說不能投資這ETF，而是要明白上述的風險，同時在注碼上不宜過多。
Q48914：
老師，想問問285，本身有貨$31本，想問問現價加唔加，有冇投資價值？
龔成老師：
有長線投資價值，但由於短期仍一般，以及業務風險高左，所以，加注與否好睇你本身持貨，如果貨夠就不要加，貨少就加少少。
比亞迪電子（0285）受中美關稅影響，短期較一般，同時風險略有增加，投資都要控制好注碼。不過從本質上，有質素的，佢是比亞迪股份（1211）的子公司，現時業務已涵蓋智能手機、平板電腦、新能源汽車、智能家居、無人機、物聯網、機器人等多元化的市場領域等。
由於母公司比亞迪股份（1211）業務主要為新能源汽車，因此，比亞迪電子（0285）部分業務都會與新能源車有關，當1211增長理想時，都會帶動0285。
比亞迪電子近年發展正面，在部分領域處全球領先位置，每年現金流理想，同時每年投入大量資金作研發，以保持業務發展，以及技術的領先，因此長遠發展正面。
現時股價大約處合理區中下，如果之前有貨，可以長線持有，只要貨不過多就無問題，由於股價波動，現價如果想買入要分注，同時要控制好注碼。
Q48915：
2331，1500股，價位19.76，而家跌咗好多
應該溝嗎？
龔成老師：
你最重要考慮兩點，第一，佢點解下跌，質素如何。
第二，你1500股，佔你股票組合比例%多少。
李寧（2331）不是無質素，佢係中國領先的體育品牌企業之一，擁有品牌行銷、研發、設計、製造、經銷及零售能力。
不過，佢始終受中國消費市道影響，加上市場競爭加大。
佢近期持續下跌，主要是業績弱，中國消費仍弱，行內價格戰持續，相信中短期只是一般，至於長遠，都會慢慢穩定，但只是平穩增長。
整體來說，投資價值中等。
如果這股佔你組合%夠，就不要加。
如果貨少就加少少，但始終佢賺能力及增長力，比過往年代減左，唔建議持貨太多。
Q48916：
龔sir,
本人想整理下科技股的分佈，若想2選1，請問AMZN 還是 GOOG 留作長線投資較好？ 因見AMZN 2年內增長速度較慢。
謝謝！
龔成老師︰
其實2隻都OK，可以同時持有。
如果講AI發展，暫時睇下Google較好。但始終背後成個企業生態，2間都唔同。
係佢地同是優質股前題下，建議你2者都保留。
Alphabet Inc.（GOOG）長遠有發展。佢係一家控股公司，互聯網媒體巨頭谷歌是其全資子公司。
谷歌的其他收入來自應用程序的銷售， Google Play，YouTube，以及雲服務費和其他許可收入。Chromebooks、Pixel智能手機和智能家居產品（包括Nest和Google Home）等硬件的銷售也為谷歌的其他收入作出了貢獻，Alphabet仲有自動駕駛汽車（Waymo）等。
Google本身在全球的地位已經十分強，加上人工智能技術在當中的應用及延伸發展，將會對這企業更有利，而這企業本身在人工智能領域是不差的。
Q48917：
多謝回覆，我見Threads 啲人月供QQQ/VOO都一萬。其實係咪可以再細啲？
我啱啱先有份全職請返我咋，但月薪$17000又儲緊搬遷同裝修費。啲錢唔郁得住。
龔成老師︰
其實，投資只會用閒錢，你用你每月儲蓄部份去做，咁就可以，唔洗一定一萬。
一切都先以生活行先，有餘力才投資。
同時，做到每月都有穏定閒錢，去做投資增值，咁就可以。
Q48918：
Sir
請問 -
7299 及 2840， 呢2日就升咗好多，請問有冇機會，先落一落， 跟住再上 ？
唔該
龔成老師︰
短期走勢，無人知。
你要知架，反而係佢地投資價值。
- SPDR黃金ETF(2840)，為交易所買賣基金，投資目標為反映ＬＢＭＡ黃金價格。
我投資貴金屬的目的，是對沖巨大不利事件的風險，例如超級天災、第3次世界大戰等，這些機會發生的機率極少，因此只要投資少少貴金屬已足夠。
但由於我投資是由於上述因素，因此我不買金ETF，而會投資實貨。
- ＦＬ二南方黃金（7299），當中有槓杆成份，要留意風險。升的時候你會賺多左，但跌時候你損失同樣會係雙倍。
斦以，要投資黃金，也不建議用佢。
- 記住，黃金主要作用唔係增值，而係對沖極端風險。
Q48919：
請問如果新手應該由港股開始定係美股開始？
龔成老師︰
其實，長線我會建議2者都要有，建構成一個高平衡性架組合。
不過，新手未必識選股，所以建議先集中係指數ETF。
例如2800、VOO、VT
(具體你可以睇番，我上次回覆你架資料)
Q48920：
老師，我想請教一下，考慮到我年紀比較大、追求穩定，如果每月月供 $3000，揀 1038（長江基建）定 VOO（S&P 500 ETF）會比較合適，
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
我唔知你年紀較大定義，具體是多少。
假設你係中年人士，你可以先留意「平穏增長股」的組合。
你所講到架配置，係可以。但更平衡做法，可以2800, VOO, 1038各$1000。
以下是一些可參考的平穩增值股︰
指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
以下是有關"平穏增長股"教學分享的影片，你可以參考下︰
https://www.youtube.com/watch?v=5bQc6sWIie8
但如果你已經接近退休之年，我就建議以「收息股」為主，會較穏當。