Q43241：
Sir, 點解D公司要作出回購，對股價好定唔好thx
龔成老師：
公司回購，是一個回饋股東的做法，即是當公司賺了錢，想將部分利潤用股東分享，回購就是其中一種方法。
是利好因素，從短期角度，會增加了買貨的需求，自然利好股價。從長期角度，不少企業回購後會註銷，令總股數減少，間接提高了每一股的價值，因此是利好因素。
Q43242：
老師你點睇NLR, XLP, COIN, HOOD, OKLO 現價如何?另外有沒有以太幣的etf可以投資一下?
龔成老師︰
你上述架股票，雖然算有長線投資價值。
但HOOD和COIN係好高風險類別，而OKLO尚在發展階段，好難估值，這些股票都不宜持有過高比重。你一定要明白高風險，同時小心控制好注碼。
以下部份以太幣現貨ETF，你可以參考下︰
ETH︰3179、3046、3009、ETHA、FETH
Q43243：
有留意通過左加密法案 circle 反而drop 五少 原因在那
同埋 美股加密發展成熟 是否正面影響香港同類市場 定無直接關係？
龔成老師︰
- 因為本身Circle(CRCL)一早已經Price-in左好多相關利好因素。
就算現價計，佢都超前反映左好多利好原因，所以現時投資佢有一定風險。
- 美國加密經濟發展成熟，會對全世界都有利。(當然個別地區發展成點，都要睇埋佢自己政策)
因為係有全球最大經濟體的政府帶頭，成件事會更容易被投資者所接受，特別係一些傳統投資者，或者保守類基金(如退休基金)。
Q43244：
阿sir兩萬蚊唔夠呀
你計個養埋父母 畀埋自己洗 交埋保險 最保守都要五萬一個月
我而家珠海靚地段十字門對上澳門有兩層樓 都係供緊一家買返嚟 310萬人仔 五年前
另一間買返嚟240萬人仔都係五年前
而家嗌人租都幾辛苦都係收得五千蚊港幣左右 仲要每年簽， 租畀啲學生
如果而家賣 差唔多要六折
呢兩層樓都係供緊好無奈
重點係 我哋係做 建築行業而家香港市道唔好
我先生工作 可能做埋呢兩年個地盤員工就冇得再做 到時我哋都係得嗰50二三歲
所以而家心情比較有壓力
上海呢層樓畀起我兩年前 讓畀個朋友叫佢買先因為佢急住個女讀書 佢高峰530萬人仔賣出
個客本來係搵我買但係我叫佢買我樓下呢個朋友所以我就塞咗個客 前日 即係拖咗兩年 我最後賣出370萬人仔搞埋所有嘢 還埋最後按揭原來得返380萬港幣
萬一 我老公畀人炒冇得做 最保守都有返二百萬港幣退休金 加埋層樓四百萬即係約六百萬 cash
但係豬可以兩層樓 真係卡住咗其實都唔知係咪應該 等多兩年有得做就繼續工冇得做 蝕一百萬都要 放手出？
因為我有兩間，即係分分鐘再要輸入肉多兩百萬。
而家唯有死慳死底， 珠海十字門嗰2層樓 ，兩年後再算。
直等到 萬一真係畀人lay off先再算。
多謝阿sir 指引
我老公都話如果返香港 for good 就去報到你個班。
龔成老師︰
如果唔夠，你就要再調整自己增值目標。另一方面，都建議你睇下可否下調退休後開支，令成件事成功機會提升。
至於物業，你要用長線角度去思考，唔好將焦點放係現時賺蝕度。
如果佢將來都唔升，你筆資金就錯過左幾年增值機會。除非你好睇好內地未來數年樓市(但國家政策明顯房住不炒，故樓價明顯大升機會不高)，又或者個物業係你地將來用來自住，否則持有未必有利。
同埋緊記，唔好因為急住要增值，就走去短炒。
我見太多你而類架讀者，最尾想賺急財，去短炒，結果反而令財政進一步惡化，所以唔好因為心急，去做高風險或者短線投資。
Q43245：
大師 GPRO 現價合理嗎
龔成老師：
GoPro, Inc.（GPRO）風險好高，其實佢業務本身發展力一般，投資價值也不算高，不過近期股價上升，我無跟開這股，但你要確定，近期上升的利好因素，要對長遠企業有實質利好，才可考慮。否則不宜買這股。
GoPro Inc是一家總部位於美國的公司，該公司主要從事攝像機的設計和攝像機設備、支架、無人機和其它電氣設備的供應。
該公司將部分製造業務外包給中國的第三方，通過直接銷售渠道向全球銷售產品，該渠道佔總收入的一半以上，並間接通過其分銷渠道銷售產品。
該公司在美洲、歐洲、中東、非洲和亞太地區開展業務，其中美洲業務佔總收入的一半以上。
過往幾年業務增長力不足，經常出現虧損，同時企業獨特性不強，整體的投資價值不高。
Q43246：
老師, CRWV值得投資嗎?
龔成老師：
CoreWeave, Inc.（CRWV）前稱為Atlantic Crypto Corporation成立於2017年，2019年變更為現名，總部位於美國紐澤西州利文斯頓。
原先公司從事加密貨幣挖礦業務，2022年停止加密貨幣挖礦業務，專注於發展雲端運算業務。
該公司為AI雲端運算服務公司，提供CoreWeave雲端平台是一個整合解決方案，專為以最高效能和效率運行模型訓練和推論等AI工作負載而設計，包括基礎設施服務、託管軟體服務、應用軟體服務等。
服務客群為全球AI實驗室、AI企業領導廠商，客戶包括
Cohere、IBM、Meta、Microsoft、Mistral、NVIDIA，其中Microsoft為公司最大客戶。截至2024年底，公司在美國及歐洲地區設立32座資料中心。
行業雖然有發展，但企業及業務仍是較新，企業是否在行業擁有很大優勢，仍有不確定性，當然，現時企業有一定客戶，反映企業並不是無質素，只是風險度始終較高。
因此，如果你睇好，小注投資都可，但就要明白風險。
Q43247：
老師，我想講講自己的感受。我從去年12月接觸股票市場，當時買入的股票是建設銀行，2月開始賺取少少利潤(不足一千元)。直至在買入7552南方恆科前，我在短短半年的時間內，賺到了十萬，當時是很高興的，能係工作以外，實現財富增值。
可能是心紅或者貪婪了，聽朋友說7552有得諗。當時我還以為係一隻科技股，但見呢幾日佢跌到歷史低位，才開始去了解這隻股票。才發現這隻股有耗損，我現在投入的資金實在是太多了，差不多有90萬，現在實在有點恐慌了。
因透過AI了解，說這隻股票是損耗性，每日會調整價位，今日也見它跌了不少。所以，想請教一下老師，這隻股反彈回1.62的情況，還有機會嗎？
因為我過往買的股票，當它跌時，我再等一等，最後還是會去返目標價位。但這類股我不太懂操作。我應觀察多長時間（半個月？一個月？），如果仲未見佢有起色，我就要止損離場呢？
今日收報1.458，我在7月15日起，以1.666元、1.64、1.636、1.586、1.51等價位，分5注買了60萬股南方恆科(07552)，投入資金約90萬。如跌到哪一個價位，我就應該堅決離場呢🙏🙏 心急的小白上
以前買入嘅股，如中芯國際，即使跌了10蚊，我仲覺得佢有機會上返。但這類股我真不懂操作，也很後悔投入左咁多。這幾天心裡很焦急，也有點不開心，本應單單這個月頭半個月我的盈利超過四萬，現在可能要轉盈為虧了😔😔所以，想問問老師，重上1.62的機會大嗎？如機會不大，我應在哪個價位止損
龔成老師︰
XI二南方恒科反向（7552）唔係科技股，佢架投資目標是提供在扣除費用及支出之前，盡量貼近恆生科指每日兩倍反向表現（-2x）的每日投資業績。
如果指數跌1%，你就會獲利2%(另扣管理費)。但若然指數向上，你就會虧損。
我對這類產品有保留，科指雖然在最初成立後反覆向下，但原因是最初成立時較貴，以及監管因素，但近期相關風險已減，指數長遠好大機會反覆向上，所以長遠計持有這股對你"不利"，一定多於"有利"。
建議你分段慢慢減持(唔好一次過賣晒)，去平衡價格波動風險。
另外，一隻股票你肯等，唔代表佢一定會翻去你買入成本價。好睇你當時買入平定貴，同埋佢核心質素有無變化。
舉個例，當你2010年前買中國人壽(2628)，有一段時間佢股價$5X。如果個陣買，現家都未返到成本價位。
你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
Q43248：
龔sir 你好 請問低空經濟概念或者無人機相關股 有冇邊隻比較有潛力成為第二間比亞廸 可以長揸 謝謝
龔成老師︰
低空經濟概念或者無人機相關股，係有發展，但我未具體研究，因為都好闊。
由生產、技術、應用(有運貨、有運人)、同埋受惠架現有企業(如3690)等。
現時生產上，基本上主要係來自"深圳大疆"，但佢無上市。受惠方面，美團(3690)配送成本相信會比優化，但而個唔會短時間有明顯減少，但長線會對佢有利。
遲少少我有時間，研究完再出YT影片分享，暫時比較忙，太多班要上。
至於第二隻比亞迪(1211)，其實我幾年前上堂都有分享，係小米(1810)。至於小米(1810)之後，暫時未有明顯目標。
Q43249：
老師，如果想平穩收息，0435（陽光）、3437（博時），邊個會好啲？
龔成老師：
博時央企紅利（3437），基金的投資目標為追踪中證國新港股通央企紅利指數之表現。
成份股有：中國神華（1088）、中石化（0386）、中國電信（0728）、中聯通（0762）等。
其實都可以視為收息股的組合，現價約有7%，算是合理位置的。
Q43250：
龔成Kung Shing老師, 請問1939東京中央拍賣,是否老千股?🙇
龔成老師：
無研究過，但以佢過往的財務數據，年年虧損，完全不值現時的價位。因此，除非有一些好明確，利好這股，長期核心因素，否則，不建議投資這股。