Q31211：
澳门有开课吗？
龔成老師：
澳門班應該在2023年10月重開。
其實我之前都有開過澳門班的，不過因疫情停左一段時間，之後會再開翻的。
你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。
因為現時已有好多澳門人留左位。
Q31212：
老師 9618最近大幅跑輸9988 是否基本因素已改變 ?這股仍可以繼續持有嗎? 謝謝!
龔成老師：
又唔係。
只是阿里（9988）近期因為重組等因素，加上過往股價跌得較多，現時市場對佢睇得無咁負面，所以令阿里近期股價上翻多D。
京東（9618）業務雖然有點波動，但長遠不是無質素，發展仍有的，不過股價上落就較大，投資要注意風險。
佢係一間電子商業銷售平台，佢定位為「以供應鏈為基礎的技術與服務企業」，現時是中國第二大電商，有一定的品牌。同時，根據《財富》按收入統計的全球500強排行榜，集團是中國最大的零售集團。
佢目前業務已涉及零售、數位科技、物流、技術服務、健康、保險、物流地產、雲計算、AI和海外等領域，其中核心業務為：零售、數位科技、物流、技術服務四大板塊。
京東已建立自己營運覆蓋全中國的物流基礎設施，以支持電商業務，打造了線上購物體驗，係2017年、2018年、2019年，活躍用戶數達到了2.9億、3.0億、3.6億。可見已建立了一個巨大的網絡。
佢經營線上零售，以及電商平台業務，線上零售業務方面，從供應商購買產品，然後直接銷售給客戶，並從24,000多家供應商採購商品。
佢的物流基礎設施佈局覆蓋了中國幾乎所有的區縣，包括遍佈89個城市、累計總建築面積約1,690萬平方米的700多個倉庫，包括京東物流技術開放平台所管理的倉庫面積。
從質素上，這股不差的，現價算是合理區中下，如果買，都可以，但要控制注碼。這股可以長線投資的。
Q31213：
老師，316除淨日係5月24日，是否除淨日之前入手都有股息？未派息之前如果賣出會否無息？另外現價169算平嗎？謝謝老師！
龔成老師︰
所謂的除淨日，就是已經除去權益的日子，這天之前依然持有股票就有股息收。
5月24日為除淨日，若5月23日收市後依然持有股票，就有息收。
但要留意，股價會在除淨後的自行調整(例如現價$10，派息$1。咁係除淨日，股價就會自動下調$1作為除去權益)，所以除淨前後買，在理論上是一樣的。
東方海外國際（0316）有質素，全球運費在早幾年大升，佢近年賺好多錢，股價都上左好多，而近年運費回落翻部分，佢盈利都正常翻少少。因此，之後的運費上落，都會對這股的盈利及股價有影響。
同時，航運股對經濟週期較敏感，之後經濟好轉對佢都有利，但如果經濟差都會對佢股價有較大回落。
整體來說，企業長遠有發展，但就擔心股價會有少少波動，加上擔心運費波動。現價投資，要控制好注碼，現價已經有少少貴，但不建議大手。
Q31214：
老師，想請問一下08511的前景
龔成老師：
民富國際（8511）為中國智能製造解決方案供應商，專注於精密３Ｄ檢測解決方案及精密加工解決方案，涵蓋從解決方案理念及設計、機械採購、輔助工具與軟件及系統安裝與調試到提供技術支持及培訓等售後服務。
集團客戶主要為航天、航空、造船、地面運輸車輛及電子等行業的高端設備製造商。
由於企業規模細，獨特性不高，加上企業過往持續虧損，因此投資價值不算高。
Q31215：
你好想問下你939，1年內能夠上返6蚊？
龔成老師：
如果1年，就要睇佢業務、中國經濟、股市能否配合，因為佢始終不是高增長類，要佢1年上到，如果無上述因素配合就未必做到。
建行（0939）本身質素不差，有一定的規模，在全球都有網絡，本身不會無質素的。
不過，這股增長力不算強，只是一隻收息股，現價投資可以，因為在合理價底，但唔好對股價有太大期望。
前景不過不失，中短期會因中國經濟有影響，銀行業的賺錢能力不及從前，加上壞賬因素，都會令佢中短期弱。
而長遠，會慢慢穩定的，不過，增長力不強。
Q31216：
老師，你的書在那可以買到
新手從哪一本開始看起會比較好？
龔成老師：
書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。
以下是我的15本書：
《80後百萬富翁》（第10版）
《80後2百萬富翁》（第5版）
《80後3百萬富翁》（第3版）
《財務自由行》（第8版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第6版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（第2版）
《千萬富翁致富學問》（第1版）
《38全球倍升股》（第1版）
你可首先睇：
《80後千萬富翁》
《股票勝經》
《財務自由行》
之後再睇其他。
Q31217：
老師 我係用富途牛牛 但我見創建月供冇美股揀 係咪要自己過數買架
咁你之前講嘅QQQ呢 你叫我買個幾本書我都有買 依家一星期返多5日兼職 2日放假就睇你嘅書
龔成老師︰
富途我無用，所以都唔肯定有無得月供。
但由於VOO 1手成本不高，你可以自行每月定一日去入貨，同樣達到月供效果。
至於QQQ係追蹤納指，風險度較VOO高，用來月供都可以，但要睇翻你自己風險承受力和投資知識。
Q31218：
老師，我係你學生，做左隻
舜宇光學
優質度評分：15.5
優質程度：4
股價穩定：2.5
股息：3
企業潛力：4
行業前景：4
風險程度：3.5
以上評分合理嗎？
龔成老師︰
可以，我覺得股價穏定性去到3分都OK。
舜宇光學科技（2382）有質素。
過往手機市場高增長，令佢鏡頭業務受惠不少，但近年手機增速開始減慢，你預佢增長力會變得較平穏。不過，長遠手機市場始終不會太差。
在長遠，無論是手機鏡頭，又或是各種鏡頭方面的應用，只會愈來愈廣泛，前景正面，不過，中短期可能會有少少波動。
這股可以長線投資，分注可以。
Q31219：
你好, 如果將存款全數買貨幣基金
每天收息會不會很危險, 謝謝
龔成老師：
你要睇當中的風險程度，如果該基金的運作並無槓杆，同時顯示基金風險度不高，就反映基金適合低風險投資者，這類基金一般都是長期收息的。
你可以將存款轉到這基金，但不建議全部100%轉晒，因為基金始終有條款，不同你銀行的存款，可能你取出時有限制。
另外，你買入之前一定要了解多D先，因為就算基金投資貨幣，貨幣都可好多的，都會有價格上落，因此不是零風險。
Q31220：
我還有18年退休
龔成老師︰
其實上次講架重點，係大方向如果現放租物業長線不會用來自住，就安排沽出，因為佢樓齡大，投資價值跌得快。
另外，現時資金可用平穏增長股去增值住先(不論是新儲蓄，還是放售物業的回報)，到你50歲買居屋也好，再置入私人樓也好，都可以有一筆資金幫你達成目標。
當然你可以用現在增值模式，只係我覺得太保守，以你年紀可以投資選項上進取少少。
但你要明白，你好多想法都係10年之後，未來存在好多變數(包括你收入、資產、股市/樓市平貴水平等)，所以現時無話邊個方向一定係最好。但你要做就係盡力創造條件，令自己到時有更多選擇空間，這個才是重點。