Q49292：
Sir,為何現時出現很多吉鋪，業主仍不減租？
龔成老師：
不想影響估值。
而不少商鋪業主本身好有實力，就算不收租一段時間都無問題，而部分則會考慮短租，都是對估值無太大影響的方法
Q49293：
阿sir ,有冇企業有現金，有現金流，又冇負債，應該沒有😅
龔成老師：
有些企業業務較強，同時儲了一定的現金又無特別用途，就會出現有現金，有現金流，又少負債的情況。
但不會有企業完全無負債的，因為做生意在營運上有基本負債好正常，因此我地分析時並不是追求無負債的企業，而是睇負債比率。
Q49294：
老師，記得你話打工只是幫老板致富
咁我地可以點做
龔成老師：
短期打工、踏人社會初期打工，無問題，因為初期無資金、無經驗。但工作數年後，就要開始想自己的事業，重點是「為自己打算」。
你要想想，當刻的工作能否幫你累積資金、經驗，令你之後跳到更好的工作。
長遠，更要學懂建立財富，有自己的資產項，助我地跳出打工行列，以及有自己的生意，發展自己真正的事業。
Q49295：
請問可以係邊月供美股？
龔成老師：
由於美股可以用「1股」為單位去投資，投資較彈性，所以坊間提供月供美股的證券行不多，因為投資者可以自行設定，每月去買某個股數，已經做到類係月供的模式。
現時坊間提供月供美股的證券行有：寶盛證券、致富證券、盈立證券。
每間證券行可月供的股票名單都不同，而大部分都是美股中的藍籌股，例如標普500指數、道指、納指裡的成份股。又成一些大型ETF。
Q49296：
龔sir, 如果想深入分析某行業內公司, 想問係咪個個行業分析工具都有不同? 進階班會否教?
龔成老師：
初班同進階班都會教，當然進階會深入少少。
投資者在分析時，首先了解行業的特點，例如怎樣才能在行業裡提高市佔率，是技術、資產、資金，還是甚麼？
同時，每個行業在分析時，運用的財務數據工具都不同，例如銀行會比較息差、壞賬等，而零售業就會考慮毛利率。
因此，在投資者進行行業比較，以及尋找行業較有實力企業時，首先要了解每個行業的結構情況。
Q49297：
你成日話平貴，其實點樣睇平貴？
龔成老師：
首先，買入股票就是買一間企業，每間企業都有當中的價值，最基本的概念，一間企業由業務價值與資產價值組成。要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。
簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。
例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。
如果要深入計算，基本上要好仔細的研究企業，要分析好多財務數據用比率，先至有較完整的答案。
Q49298：
想問下成哥，你一般閒置資金會放係邊？你會放係銀行定期或活期，還是會放係一些貨幣基金？
龔成老師︰
首先，你要先明白一般來說，貨幣基金都是風險較低，但不代表保本。
由於現時有好多貨幣基金，你要睇清楚該基金的風險度，以及條款。
這類基金一般投資政府債券、大型銀行定存、商業票據等商品，雖然回報不算高，但風險也不高。
貨幣市場基金會面臨的風險包括有：利率突然發生大幅變化、多家公司的信用評等遭下調、公司違約等，都有機會令基金出現虧損。
其實閒置資金(不論係用來應急，還是投資機會。)，我建議都放係流動性高，同貶值機會細架地方，例如現金和定期，咁會較好。
Q49299：
有呀，想知道買基金留意咩市場好？多謝老師。
龔成老師︰
其實投資乜野都好(不論基金定股票)，最重要係你自己本身熟識而個市場。投資永遠都係先認知，後投資。
唔好因為市場資訊話邊個市場好好，就盲目入市，咁係好危險。
因為你跟本無能力，因應佢架行業變化，進行買賣架判斷(最常見架錯誤，就係熱炒個陣衝入市)。咁好易會做錯投資決定，最終買中具潛力架行業，但長線都係輸錢。
一般情況，我地係選擇基金時︰
第一，要了解該基金投資的項目，是否你自己睇好，例如新興市場？該市場是否你都睇好？又例如投資某國的房地產，你自己是否睇好。
如果是一般的股票基金，你最少要知道佢10大持股，確定這些股票是有質素，才好考慮是否值得投資。另外，要了解主要持有資產的風險度，整個基金的風險度、投資策略，是否與你的投資目標配合。
另外，你可睇佢過往的回報，是否跑贏大市，如果是，才有投資價值。
另一方面，除了傳統的基金外，交易所上市基金（ETF）都是一個選擇。如果兩者的表現差不多，就應該選ETF，因為管理費一般較低，但如果該傳統基金表現較好，或你較睇好，或無ETF作替代，你就應該選該傳統基金。
如果你係對任何行業，都無特別試知，建議你從指數ETF著手。
好似盈富(2800)這類指數ETF，係值得考慮。佢係由於數十間質素不錯上市公司股票構成的組合，有助你減少選錯個股的風險。
另外，如果你不懂定平貴度，最好長線利用月供或者分注，去到慢慢儲貨，來平衡買貴貨的風險。
最後，長線唔好只集中一個地區架股票，個別地區最好控制在組合比重70%以內。所以，建議你都考慮分注投資美股，若無選股能力，可分注投資VOO(追蹤S&P500的指數ETF)。
Q49300：
請問累積到100萬甚至近200萬時,有什麼好提議？
龔成老師：
要累積$100萬，儲蓄是重要一步，但如果想進一步增值，就要投資了，要考慮自己的風險承受能力等因素，去進行投資。投資投資港股+美股，當然不能一年就增值到，希望以數年時間，合理增值去做到。
若你有問題想向本人發問，可在龔成的fb專頁「www.facebook.com/80shing」inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，所有個案及意見，只是供大家參考，只是教學分享，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。