Q35161：

龔成老師，虛年12月尾的時候受到現場揀樓氣氛影響下、衝動簽了臨時買賣合約，購入了YOHO west兩房439尺樓花項目，打算做兩成首期，八成按揭，作為自住用途，已問銀行按揭情況，三大銀行已批核，只欠按保公司，但是現在思前想後壓力很大

原因如下:

> 本人是從事銷售行業，佣金為主，不穩定的收入，令我感到很不安

> 另外樓市大跌，未知樓市前景如何，是否確定會減息？想請教一下老師現在入市正確選擇嗎？我應該繼續接受按揭完成交易嗎？？

很迷惘，希望老師可以解答。

另外，比完兩成首期及雜費，大約只有十萬儲蓄，沒有任何投資項目、月入平均四萬

龔成老師︰

簡單咁講現時整體樓市水平算合理。

自住物業的話，最重要係佢適合自己長期生活需要(講緊未來10-20年)。同埋長線有信心供得起，咁就可以。

好多人會將投資因素，放埋落自住物業度考慮。我唔會話錯，但其實未必有太大架必要。因為自住物業，就算佢升定跌，一般人都因為咁去輕易沽出佢架物業。

即係話，個物業價格變化，好多時只係影響緊你架心理，而非實質。

反而，你供款出問題，就真係有機會影響你持有物業架狀態。或者佢已經唔適合你居住，先至有機會去進行換樓。所以，"生活需要"同"供款能力"，永遠先係自住樓優先考慮重點。

若你係擔心工作收入不穏定﹐建議你多留一點應急資金，去預留比供樓同埋日常生活。

簡單來說，比起樓價升跌，你更重要是考慮「能否供得起」，如果你這方面可以，仍可以進行買樓，但如果這方面很無信心，就要想清楚了！

至於減息，美國很大機會在今年下半年減，香港初期未必完全跟，所以你最好以2025年香港利息才慢慢向下作參考。

Q35162：

龔sir, 3110現時實際股息率係幾多，有網站9%,又有8點幾，邊個先岩？

謝謝！

龔成老師：

因為佢上年度的中期息為：1.5、末期息為0.27

今年度的中期息為1.35

當取的數據不同，結果就會不同

你當8.4%，穩陣D

Q35163：

想問成哥，有關日股，點買好？

龔成老師：

最簡單可買在港上市的ETF，例如華夏日股（3160）旨在提供在扣除費用及開支之前盡量貼近MSCI 日本股票指數(美元對沖)表現的投資業績。

這基金主要投資於日本股票，都算是一個間接投資日本股市的方法。

雖然近年日本股市表現不差，但現價已經唔平，因此，會建議用分注的模式進行投資，不鼓勵一次過大手，買入後可長線持有，只要佔自己投資組合比例不過多，就無問題。

Q35164：

老師，如果入美國國債ETF，如TLT同IEF，何時可以？

龔成老師：

當美國加息時，這基金持有的債券價格就會跌，令基金下跌。當進入減息週期時，這基金就會上升。因此，現時都可以買入的。

iShares 20+ Year Treasury Bond ETF（TLT）是一個追蹤長年期美國國債的基金。

基金旨在追蹤ICE U.S. Treasury 20+ Year Bond Index的投資表現，該指數由美國國債所組成，剩餘期限超過二十年。

Q35165：

過往有人話，有資金從美股市場轉去日本市場，彷彿看到市場的大洗牌走勢，美股已不如從前，真唔真？

龔成老師：

相信美股，長期仍是有基本增加的市場，但並不是高增長，相對起其他新興市場、好轉市場（如日本），佢地的增長會強勁（當然，這些市場由於有較多資金流入，如果經濟不如如期，股市下跌的幅度都會較大）。

Q35166：

你覺得有冇可能風水輪流轉？啲資金轉黎返香港市場投資？

龔成老師：

市場好現實，當地經濟好，企業有錢賺、有前景，就自然有資金。香港股市睇中國，中國短期經濟仍是弱，但中長期，又不用太過擔心。

Q35167：

虛擬貨幣以太幣, 月供可行嗎

龔成老師︰

其實我一般唔建議，高風險架項目去做月供。

但如果你真係好想儲，又明白加密貨幣風險好高，你又想用而個方法去平衡買貴貨架機會，都係可以。

不過，緊記要控制整體注碼。

總之，這類高風險資產，只能佔財富組合較少的比例。

Q35168：

龔sir, 我想問下 558 係咪真係永不超生

龔成老師︰

力勁科技（0558）主要從事熱室及冷室壓鑄機、注塑機以及相關配件之設計、製造及銷售。亦從事鑄件業務。

早幾年佢成為Tesla的壓鑄機供應商，成為增長動力。

佢主要生產兩類產品，分別為壓鑄機（熱室壓鑄機及冷室壓鑄機），以及注塑機：

壓鑄機：用作壓鑄有色金屬成汽車部件及元件、電腦、通訊及消費產品以及家用電器等不同類型的金屬消費及工業產品。

注塑機：用作生產玩具、電訊設備、電腦及電腦周邊設備、消費類電子及其他家用或消費產品等塑膠產品。

業績唔係差，但有放緩情況。始終總體經濟弱左，同埋電動車產業增長力都放緩，所以佢股價中短期都會有波動。此股依然有長線投資價值，不過此股股價上落大，有一定風險，投資要控制注碼。

Q35169：

老師早晨 ！如果收息823和941喺邊個理想的

龔成老師：

以近年的業務情況，以及派息的穩定性，中移動（0941）會略好，5G對佢有正面影響，長遠發展仍正面，值得長線持有，作為收息及平穩增長。

過往中國的電訊企業每月每戶平均收費不算高，而5G業務的ARPU則去較高水平，在5G用戶持續增長的前提下，帶動業績理想。

過往幾年的股價弱，但情況開始好轉，其中一個原因與支本開支有關，因為電訊業要投入巨額資本開支，影響現金流及派息，這令過往幾年股價表現都較弱，但到了近一年，中移動的資本開支有減少情況，反映投資最高峰時期已過，令企業現金流得以提高。

整體來說，這股有質素，有長線投資價值，如果本身有貨，可持有，是不差的收息及平穩增長類股。現時合理水平，都可分注投資。

當然，領展（0823）其實都是理想的收息股，你或者可以考類兩隻同時持有，可以有平衡風險的作用，但就要控制總投資金額。

Q35170：

你好 636 嘉里物流

131O 香港寬頻

如何看

龔成老師：

嘉里物流（0636）這股不差的，佢本身由嘉里建設（0683）分拆上市，係亞洲的物流服務供應商，主要從事綜合物流及國際貨運業務，亞洲、澳洲、歐洲及南北美洲的35個國家及地區設有逾400個業務點。

業務以第三方物流服務供應商身份為世界各地的製造商、零售商及其他客戶提供綜合物流服務，包括主要在亞洲提供廣泛的物流服務，如倉儲及增值服務、陸運及配送、退貨管理及各種配套服務。

另外，亦有從事國際貨運：提供的國際貨運服務絕大部份位於亞洲區內以及亞歐大陸之間，涉及空運、海運及跨境陸運服務。

這股長遠都有發展的，不過近年股價上升左唔少，這點要注意風險。現價算是處處合理區中下至底，以長線投資的角度，有值博率的，可分注。

香港寬頻（1310）主要在香港提供固定電訊網絡服務及國際電訊服務，以及產品銷售。

業務發展不過不失，中短期較一般，之後會好翻D。

整體來說，長線投資仍可，但只當收息，增長力唔算強，這股不是無質素的，但又唔值得持有太多，只能用普普通通形容這股。