Q24381：
老師，有個好消息想話你知, 我今年資產終於成功突破7位數字! 作為一個90後普通打工仔, 以前一直覺得百萬距離自己好遠, 自從3年前上完你股票班,
受到啟發, 知道只要有計劃, 理財, 加上投資, 100萬其實每個人都做到, 所以想係度多謝你!
置業係我下一個目標,呢一年我自己開始留意多左樓市, 長遠想買一間兩房既屋自住, 短期內可能會放租, 由於資金有限, 可以選擇既盤唔係太多.
我自己主要考慮呢3點
-
地點
-
樓齡
-
實用面積 如果目標500-700萬既樓, 老師以你經驗黎睇, 我應該揀邊個好? 多謝老師意見!
-
地點便利+樓齡舊d (30-40幾年)+實用面積約400呎
-
地點便利+樓齡新d (10-20幾年)+實用面積約250呎
-
地點不便利+樓齡新d (10-20幾年)+實用面積約400呎 龔成老師︰
恭喜你，資產突破至7位數字。
如果從投資角度，我會先排除（2）這一間，因為佢呎吋太細，連300呎都無，一個基本家庭需要的呎吋都達唔到，投資價值會大打折扣。
不過，從自住物業作出發點的話，其實你最重要係睇翻，邊間物業配合到你未來10-20年生活。而且，你係有信心長線供得起，咁就可以。
至於樓齡3X年，其實問題都不大，只要你問清楚，佢做左樓宇大維修未，以免突然多左筆大開支。
如果樓齡再舊D，你就要諗下，未來保養成本，同埋需要換屋時，能否轉手問題。因為樓齡太高，新投資者較難做到長年期按揭，故你議價能力會減少。
另外（3），第一，要睇你自己是否方便，第二，長遠的配套是否會增加。有時從投資角度，如果這刻的配套未成熟，但只要慢慢變得成熟，投資價值就會增加，原理同投資潛力股一樣（在企業未成熟時投資，耐心等其成長，但到最大的回報）。
Q24382：
老師，想請教：
388入$458
9626入569
是否再溝淡
2238可以入
龔成老師︰
我地決定加注與否，要睇幾個因素，記住，並不是「拉低平均買入價」為目的。
第一，要分析這股的質素，如果無質素，就再跌都唔加。
第二，這股的類別，如潛力或增長或收息類等，是否與你的財富組合匹配，比例是否適合。
第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。
第四，現價是否有投資價值率，要平，或起碼合理，不能貴。
第五，你要在加注後，仍有現金剩。
記住，重點不是「拉低平均價」，而是組合比例與配置。
港交所(0388)現價依然係偏貴，最好等回多1.2成，才考慮加注。
嗶哩嗶哩（9626）有質素，有長線投資價值。
佢可以話係一個綜合性的視頻社區，在當中，用戶同埋內容創作者能夠有好多元的內容，並進行互動，內容包含生活、遊戲、娛樂、動漫、科技和知識等眾多領域。
另外，佢亦能夠支持廣泛的視頻內容消費場景，以專業 用戶生成視頻（PUGV）為中心，輔以直播、專業機構生成視頻（OGV）等。
根據報告，35歲及以下的用戶佔佢的月活用戶比例超過86%，月活用戶達到2.02億人，每年增長5成以上。業務正高增長。
佢收入主要來自移動遊戲、增值服務、廣告、電商及其他；收入成本包括收入分成成本、內容成本、服務器及帶寬服務成本以及電商及其他成本。
過往的生意高增長，這刻雖然未有盈利，但前景正面，這股有潛力，有長線投資價值，不過估值就較難，股價變化大，市場對這股的股值較分歧，只可以話，現價唔平。
投資只宜小注，若你資金十分充裕，你都可以加少少，但要預股價上落較大。
廣汽集團（2238）本身都有質素的。
佢係中國汽車製造商之一，主要業務包括製造及銷售乘用車、商用車、發動機及汽車零部件，亦從事一系列汽車相關服務及其他業務。
佢透過共同控制實體廣汽豐田及廣汽本田生產多個系列的乘用車。
業務發展不過不失，但增長力就不算強。
長遠仍有發展，但不是高增長型。現價合理，可入首注。
Q24383：
龔成老師 想問你自己有想做生意想法同埋有個自己覺得唔錯嘅plan,
但手上資金不足、但又唔想就咁放棄，可以有咩方法？
龔成老師︰
你有4個方法︰
- 先儲蓄，用優質股增值，去累積到一定資金，才實行計劃。
- 借貸，但風險較高，你要自己衡量
- 集資或者找拍檔夾錢，令你有足夠資金。但係分利潤或者出現虧損時，會有機會出現麻煩野，你自已想清楚。
- 先從成本較低方法入手，例如你想開舖賣自己產品，你就先從成本較低的網店入手。到有一定資金和經驗，才開實體店。 Q24384：
老師點睇美國亞美娛樂公司控告拉斯維加斯金沙集團，指對方違反聯手競投澳門賭牌的協議，要求索償120億美元(約合960億澳門元)
依個法律訴訟？
龔成老師︰
美國拉斯維加斯金沙集團，跟金沙中國(1928)是獨立分開，2者財務唔會互相影響。
所以，若你投資左金沙(1928)，這件事對佢，無必太有直接影響。
但由於續牌問題未明朗，暫時都要控制注碼，不宜投資太多。
Q24385：
老師你好 請問1177和3319哪個較好？另外阿里巴巴$190左右有5手 現在適合加註嗎
龔成老師︰
2隻都有質素，現價都合理。中生(1177)係潛力股，增長潛力力較強，但風險都會較高，適合較年青人士。
而雅生活(3319)則是平穏增長型，增長力無中生咁高，但相信會有穏定增長。
不過，要留意內地房地產市場有明顯放緩情況，特別係住宅類。雖然，雅生活較其他物管股，相對業務分散，有住宅類之餘，也有不少商用、公用項目，分散風險能力較強。
但始終都會有D影響，你預佢中短期都會較弱，但長線係看好的。
至於阿里(9988)近期受政策風險影響，令佢不確定性高左，暫時不宜大注。
若5手已佔你組合一定比重，就算現價低過你買入價好多，都不要加注了。
Q24386：
龔sir 你好呀，我2020年9月上普通班，今年7月再上埋進階班，學識左好多投資知識以及訓練出強大心臟面對暫時既虧損，多謝你呀
不過由於我資歷尚淺，想請教下9988 阿里爸爸。
我理解而家既股價其實幾吸引，我亦採取分段入市法，本來唸住120樓下再入。
佢雖然短期季度業績弱，但財務數據長期無問題，業務方面雖然國內電子商貿增長緩慢，但東南亞增長，加埋雲數據業務都理想，所以我想繼續儲貨。
但呢兩日睇見sec 外國公司問責法，所以我立即取消左張委托單走去研究阿里年報既風險因素。問題就係PCAOB 無法係中國境內對審計師進行充分審查，咁阿里就要係美國退市。
但個風險究竟有幾大？理論上中概股都遇上相同問題，中美法例有衝突，但全部退市首當其衝會係美國投資者先，真係咁既話都玩幾大。
但如果揀一啲公司祭旗，係咪阿里都係比較大機會既一間？岩岩再睇下先留意到原來阿里最大股東又係軟銀，再加埋本身市值已經極高，其實值博率係咪已經唔高？
暫時持倉10%，買入平均價157，後續既部署應該如何？
多謝阿sir 既指導
龔成老師︰
唔好客氣，但記住溫書同練習，技巧才會用得好。
其實阿里會係美國退市風險有多大，真係無人知，而且未必只係這個原因，好多政策架野我地預計唔倒。
現時任何公司，係美國上市，要又在業務中會處理內地數據，基本上都有風險。有機會係全部退市，真係講唔定。因為近期內地政府，對內地數據的監管明顯緊左好多，好驚D資料流入外國政府。
阿里(9988)雖然長線投資價值，係依然存在。不過，不確定性高左，暫時不宜大注。你已有一定貨量，建議唔好再加注住。就算好想加，再係加少少好了。
由我地面對一些不確定性時，就只有從組合的比例中作調整，我絕對相信阿里長遠有質素，只是某些不確定因素大多。
Q24387：
龔sir, 本人已閱讀你的《財務自由行》、《80後百萬富翁》、《股票勝經》、《80後2百萬富翁》、《80後千萬富翁》等著作，會繼續閱讀其餘著作。
閱讀以上書籍及Facebook posts後，令我獲益良多，對投資有了正確知識。多謝你的無私奉獻。
本人48歲有以下財務問題希望你賜教一下。
- 持有匯豐銀行發行的「財富增值保險」及「入息延期年金」兩份合共價值約USD100,000, 尚有大約USD41,000在未來3年要供款。其中年金那份在2030年開始派發。
- 持有1份已供滿並已開始派發的年金，已供金額HK$120,000，分8年派發，每月派保證(1,100)+非保證金額合共約$1200-1300。如選擇不收取年金，繼續滾存下去，現時年息3.35%。
- 持有股票約HK$600,000 (其中以下約400,000在2021年2月至今分段入，帳面蝕約15%）。其中 2800, 66, 1038 已月供半年，這一年也有整手買過。 [email protected]
-
現金約1M. 問題：
-
兩份美金儲蓄計劃是打算用作退休後的現金流。請問是否適合及有沒有需要調整的地方？
-
就已開始派發的那份年金，請問應選擇按期派發或是滾存生息呢（現時是3.35%，會每年調整的）？ 是否可以選擇按期派發而將派發的年金再以月供形式在收息股上呢？如可行，請問那隻收息股適合我呢？（我現時月供2800, 66, 1038)
-
股票持貨方面，是否需要調整一下？打算在日後在大跌市時用約一半現金（約50萬）入貨，以平穩增長股為主，以平衡組合。
-
長遠來說，我應該怎樣做好財富增值呢？ 祝龔sir身體健康，事事順利！繼續發放正能量！
龔成老師︰
- 其實儲蓄保險，增值能力不高，我唔建議持有太多。保險主要係買保障部份，咁就可以。但如果你就供完，咁就供埋佢。
買年金為退休準備係可以，但你買得有少少早，會將本財富增值效果拖低。你現時已供的2份年金，就先保留。但新資金，暫時唔好再投入這些部份。
- 可以，這樣你增值效果會較好。不過，收息股風險相對年金，點都會高少少，你預會有價格波動。但由於你係用來收息，所以股價變化對你其實無影響，只要隻股票質素無轉差，你照持有收息就可以。
以下是一些有質素的收息股，你可以參考下。
目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。
-
你現時持股，無問題，可長線持有。未來大市再回調，你就可以慢慢分多注，將餘下100萬投入平穏增長股和收息股之中。
-
你現時增值計劃，整體上都無大問題。唯獨係買得太多儲蓄保險和太早買年金，令你增值能力弱左。
未來時間，你資金就集中翻係平穏增長股和收息股身上。
若你想進取些，可集中「平穩增值股」，相反你想保守少少，可以集中在「收息股」上。但比重要隨著年齡增加調整，你要慢慢上調收息股比例。到退休時，你收息股比例，應提升至100%。
Q24388：
龔成老師 請問2155森松現價值得買嗎？
龔成老師：
森松國際（2155）質素中等。
佢係中國的壓力設備製造商及綜合壓力設備解決方案供應商，提供傳統壓力設備、模塊化壓力設備及與壓力設備相關的增值服務。
根據報告，佢係中國第四大壓力設備製造商及綜合壓力設備解決方案供應商，市場份額約為1.5%，亦是中國最大非國有壓力設備製造商及綜合壓力設備解決方案供應商；係傳統壓力設備分部及模塊化壓力設備分部分別是中國的第五及第八大製造商，市場份額分別約為1.2%及1.9%。
佢提供定制的綜合壓力設備，一般提供設計、採購、製造、安裝、測試及調試以及售後技術支持服務的組合。
佢亦向客戶提供與壓力設備相關的增值服務，包括驗證、維護、設計及數字化運維服務。集團一般承接下游行業，例如化工、製藥、日化、礦業冶金、油氣煉化及電子化學品行業的壓力設備項目。
企業不是算，但增長力不強，過往生意的增長力不明顯，賺派能力不算好強。價位算是合理區中上部，投資價值算是中等，但又未值得大注投資。
Q24389：
老師，想問隻VTECH（303），由於原材料上升，生產成本上升，股價大跌，大行調低目標價，現時又上升，達致11厘息，是否可以入？
龔成老師：
有時大行會較集中在中短期的分析，而你目標是收息，應該睇較長線。
偉易達（0303）作為收息及平穩增長股，可以，但增長力就不算強。
本質正面，長遠投資價值有的。
以佢過往正常的經營環境來講，佢派息比率高達9成，成立於70年代，業務是電子產品，這麼高的派息，反映管理層明白這公司已過了最高增長的年代，之後只會是平穩增長。
公司已不需要每年投資發展，反而管理層、大股東，偏向想收息，因此這是重派息多過重發展的公司。
雖然佢係某些業務做得不錯，但發展心不強，同時大環境並不是高速增長，故相信佢之後都會平穩。近年這公司的生意，都是平穩增長，如果比較幾年前的盈利，都是差不多。
至於原料上升，對佢賺錢能力，的確有少少影響，但長遠，行業會適應，同時將成本轉比消費者，因此賺錢能力慢慢會好翻D。
如果你目標係收息為主，加基本增長，此股可投資，但這刻不能太過大注。
Q24390：
sir,近期大跌市時候都見你俾既建議比較保守左
龔成老師：
其實，2020年頭，大市跌到24000以下，我有話便宜的，同時有話自己有入貨的。但今次，因為是監管因素令股市向下，而某此因素的確會影響企業價值，以及監管風險較難預測，因此會保守少少，就算23000都無話便宜。而2020年頭的時候，是疫情等因素，會較易分析。