Q35871：

Hi 龔成老師 not sure if you would suggest people buying the BlackRock bitcoin etf ibit?

龔成老師︰

我自己唔會特別推介偶比特幣或者相關ETF，因為比特幣本身風險好高，唔係咁多投資者適合買。

另外，現時美股的BTC ETF，我見暫時係香港絕大部份架金融機構，都未有提供交易服務。

如果你真係想用BTC ETF，我見大部份香港證券行，都有支援3066，你可以考慮。

但留意翻，佢係期貨ETF，唔係現貨ETF。

南方東英比特幣期貨ETF(3066)是香港首批上市的加幣貨幣ETF。

每手交易股數為100股，每年管理費和經常性開支比率，分別是1.99%和預計2.0%。

投資者要留意，這ETF並非投資比特幣「現貨」，而是投資芝商所的比特幣「期貨」。其投資目標是長線資本增長，而非追蹤現貨價。而期貨價格是可以大幅偏離現貨價，故不要誤以為ETF價格走勢一定會跟現貨一致。

發行商南方東英同時提醒投資者，投資此ETF要承受高波動性、轉倉成本等風險。較極端情況，投資者可以一天內損失所有投資本金。

由於加密貨幣本身，有沒有真正的價值，如何定義真正的價值，合理價是多少，根本無真正的計算方法。

所以，我地好難去定義其平貴度。只能說波動性和風險不低，當然都存在一定潛力度。

過往，比特幣及芝商所的比特幣期貨的價格一直存在大幅波動。以2017年12月18日至2018年12月14日期間為例，比特幣的價格就下跌了80%以上。

因此，若你決定要投資，必需要明白此ETF很高風險。同時要控制注碼，不宜過份進取。

Q35872：

龔成老師，我很感動看到你的回覆！

到依家我都覺得自己好蠢，竟然將咁多年辛辛苦苦儲既錢一次過俾人呃晒，嚴重影響咗成個家庭的計劃，原先已差不多計劃準備辭職，我本身一直希望做個全職媽媽，一心一意係黎緊呢5、6年時間陪伴小朋友成長，然後等佢上中學先再做返嘢，可惜所有計劃都被我破壞了，每次諗起我都覺得個人好似抖唔到氣咁。

我唔知自己應該要點做，我好亂，我的家人都沒有責怪我，只係我真係好內疚好內疚…

老師，如果你有時間，可否幫忙分析一下我應該要如何應對。

我現時已經40歲，小朋友5歲，現時我同先生共同每月家庭收入大概為15萬，每月幫屋企人供樓要$25000, 貸款仍有300萬未供，我地自己要俾租金、學費、屋企人家用、其他洗費大概為$90000，咁我哋應該點樣分配餘下資金，盡量能夠可以增值一點？

老師，現時港股市場有冇一些優質股依家係處於合理區底部，但仍有長線投資值博率，我仍可以買入作增值或收息之用？又或者美股是否仍值得於現階段入市？

龔成老師︰

其實我會建議你，先去用心關注一下自己情緒上架問題。有時而類問題，未必可以一個人或者單純用時間去解決。有專業人士架協助(例如社工)，效果會更理想。

因為佢地會更專業架方法，幫你去梳理現時架情緒狀況，令你心態上較易走出困局，幫你人生更快重回正軌。如果你一直都被而件事困擾住，影響你日常生活，建議你考慮一下業人士協助而個方向。

至於財務方面，以你年紀和狀況，我建議集中係平穏增長股和潛力股，去進行增值。

港股和美股都可以，而且長線最好2樣都有，去平衡地區性風險。不過，現時美股已經接近貴，所以可以先集中少少係港股度。

策略上，你每月5成儲蓄做月供，其餘先儲起，用一邊月供一邊儲蓄的策略。

平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持1-2成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約2-3成，視乎你投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

最後，緊記投資之餘，都要為家庭基本生活開支，預留一半應急資金，大約半年至1年架開支水平，咁會更理想。

Q35873：

老師，近期，beyond meat 上升了很多，是否仍然長線持有，或是沽一半呢？先謝！🙏🙏🙏

龔成老師：

要睇你持貨，如果你貨多或都有一定數目，宜減部分，始終佢近年業務差左，當然，見佢最近的業績好翻D，有可能好轉中，但考慮到風險問題，減部分會較好。

相反，如果你本身貨少，又或在高位買，不如博仇佢業務全面好轉，耐心等佢回勇，但就要明白佢風險因素。

Q35874：

龔Sir，多謝你推介COINBASE，我$4x - $8x買，雖然唔係買咗好多，但體驗到倍升嘅感覺好重要🙏🏻

我覺得佢嘅未來唔只係幾百億市值，不過考慮緊而家加唔加注，呀sir你認為呢？

另外，NU 呢隻美股點睇？

唔該晒🙏🏻

龔成老師：

太好了！不過都要留意，COINBASE是高風險股，所以你要平常心面對佢股價上落較大，你小注持貨是正確的，但不太建議加注，始終我地要從風險角度考慮。

至於巴西數位銀行 Nubank（NU）有風險有潛力類。

業務增長快，加上已實現獲利，長遠有一定的發展，加上有不少機構入股。而佢表示，未來將繼續專注巴西、墨西哥、哥倫比亞三個市場。此次 Nubank 上市的承銷商為摩根士丹利、高盛、花旗集團與 NuInves。

長遠發展不差，但估值就較難，未有正式計算佢的平貴度，要自己衡量這方面的風險，在注碼上控制。

Q35875：

VOO, VOOG, VOOV 有什麼分別？

龔成老師：

VOO是最正路的，VOOG是標普500成長型，VOOV是標普500價值型，你可以簡單理解，VOOG會比VOO高少少增長及風險高少少，而VOOV則是比VOO低少少增長及風險低少少。

大家都是以標普500指數作核心，走勢會類似，只是波幅的%問題。

一般來說，會建議投資VOO。

Q35876：

你好

想查詢澳門班的資料

龔成老師：

由於今年（2024年）會舉辦澳門進階班，因此，今年未必舉辦澳門股票班（基礎班），相信要2025年先會舉辦。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

反而今年5月，將會舉行澳門進階班，你都可以睇下：

日期：2024年5月11，12，18，19日

及6月1，2，22，23，29，30日

（共10堂，逢星期六、日下午）

時間：1415-1715

地點：澳門新口岸區

費用：澳門幣18800（新學員）

費用：澳門幣12800（讀過「龔成投資倍升股課程」學員）

報名：https://www.80shing.com/register.php?id=5

第一課：必需掌握的經濟與行業關鍵

第二課：企業價值與高息股投資術

第三課：活用財務比率尋寶術

第四課：年報拆解技巧進階

第五課：尋找資產隱藏型企業秘技

第六課：利用平貴把握最佳買賣時機

第七課：必學18種企業估值模式

第八課：實用大行報告尋寶術

第九課：10倍股選股術(上)

第十課：10倍股選股術(下)

**附加資料：合共超過400分鐘的溫習影片

（過往曾報讀「龔成投資倍升股課程」的學員，報讀進階班，可以享有優惠價澳門幣12800，注意：必須出示之前課程的付款證明。請於這次入數後，同時whatsapp上次與今次的入數紙）。

（如有任何疑問，歡迎whatsapp查詢：852-55457212）

Q35877：

Sir,snow現價如何？

龔成老師：

Snowflake（SNOW）你預短期股價仍波動，始終佢業務及財務數據波動，這類股要明白風險較高，佢主要提供企業可在雲端上儲存，以及一些管理資料的數據倉庫服務。

佢成立於2012年，是一家數據、倉儲和共享公司，2020年上市。迄今為止，該公司擁有超過3000家客戶，其中近30%的世界500強客戶是其客戶。

Snowflake 的數據湖存儲非結構化和半結構化數據，然後可以將這些數據用於分析以創建存儲在其數據倉庫中的洞察力。

與傳統上長達數月的過程相比，Snowflake 的數據共享功能使企業幾乎可以在瞬間輕鬆購買和攝取數據。 總體而言，該公司以其所有數據解決方案都可以托管在各種公共雲上而聞名。

佢的強勁之處是增長快速，客戶增長快速（佢主要做公司客，如Sony），相信有一定的潛力。

業務增長快速，營業額不斷向上，不過，企業仍在虧損狀態，因此估值較難，風險也較高。這企業發展力有，唯一擔心是估值問題，因此如果睇好，都只建議小注投資好了。

Q35878：

唉，我而定有個仲供緊架負資產單位

應該點做？

龔成老師︰

其實睇你自住，定係投資。

如果自住，只要長線供得起，又適合你生活，咁就OK。相反，如果係投資，我就建議你諗清楚，佢長線升值+租金回報，是否適合你長線持有。

香港樓市，因應政府取消重稅，相信短期會穩定翻，之前持續的跌勢，會停一停，不過，之後會上翻還是下跌，始要睇基本面。

中國及香港經濟未完全回勇，相信樓市難以大升，但未必會大跌，相信會平穩。

另外是高息因素，高息對樓市會不利，這就近1、2年樓價回落較多的原因，不過，這個因素基本上已反映，加上香港買樓需求仍大，相信不會大跌。而當美國正式開始減息，會對香港樓市有穩定作用，不過，香港減息的力度不及美國，所以難以令樓市大升。

至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會因此而大幅推高樓價。

在投資價值方面，租金回報率不高，以及按揭利率不低，加上長遠樓價難以倍升，令香港樓的投資價值，並不高。

相信樓市在長遠計，因供求關係，較難大跌，不過，也不會有大升的情況出現。

樓市始終需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

不過，近年移民的確令需求略為減少，加上政府將加大力度找地起樓，所以長遠，供求將慢慢好翻，無過往咁失衡。

政府現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。

長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。

因此，香港樓作為自住的價值仍在，中短期不會大跌，也不會大升，以穩定為主。長遠來說，暫時睇未必會大跌，最多只會平穩加少少向上。投資價值，就只是一般，未見好吸引的水平，自住則合理，可以考慮，最重要是考慮自己的負擔能力。

最後，建議你都加入優質股，去令財富組合更平衡和多元化。

Q35879：

多謝回答，還有老師因為6110主要收入來源有85%由 nike adidas 貢獻，在前陣子新彊棉事件，一度業績會效差但又未到好嚴重，是不是可以應為風險不高，可作為收息股用，現價合理嗎？

龔成老師︰

首先，你要學識分清楚事件造成的影響，到底是短期的還是長期的。如果是中短期的，同時又是優質的股票的話，就會造就一個入市的良機。

如果是影響到核心因素的話，風險就會增加，投資的時候就需要謹慎。

滔搏（6110）主要係中國從事運動鞋服產品零售業務。佢大多數門店為單一品牌門店，以所售運動鞋服產品的品牌冠名。

現時同11個品牌合作，當中主力品牌為Ｎｉｋｅ、ａｄｉｄａｓ，其他品牌包括Ｐｕｍａ、Ｃｏｎｖｅｒｓｅ等。

業務上，都有投資價值，但增長力未必好強。新疆棉事件對短期有影響，但未影響到核心，如果看好的話，可以分注投資並長線持有，現價合理的。

你可以用佢收息，但你要明白佢派息較受盈利影響，而佢盈利都有波動，因此唔算係一隻理想架收息股，故只宜小注。

Q35880：

老師多謝🙏你回覆！巴菲特同時買了Liberty Sirius Series C(LSXMK) ，看資料為的是合併Sirius XM 賺取差價，那是如何賺呢？合併可能在年底完成。

Sirius XM 是低價股，是否好有值博率？

LSXMK 又值得同步買嗎？現價30美元，合理嗎

龔成老師︰

其實我自己無仔細研究而個行業，一般商業合併，如果可以做到優化協同性，增加競爭力，長線對企業都是好事。

至於是否投資，我會用長線角度去分析，好少會因為股權轉變而去買一隻股票。