Q36041：

龔老師，您好！本人最近決心置業自住，但budget只負擔到450萬內，希望能買到港島/九龍區近300呎1房的物業，但看了很多二手樓或新推出的樓盤

唔係因為實用面積太細，樓齡過35年就是價錢太高，請問我是否要調整心態或是再靜候時機, 而呎價唻緊短期內會調整嗎？謝謝指導！

龔成老師︰

首先，你要知道自己買樓的迫切性。

現時香港的樓市已經回落到合理區中間左右，如果買樓自住的話，是可以考慮入手的時機。

我預期將來香港的樓市不會大升，同時因爲需求龐大的關係，同樣不會大跌，會平穩增值。

買樓同買其他東西其實都好類似，你好難話一買就能買到心頭好。

你要根據需要這物品的迫切性，物品的質量，價錢等去進行一個排序，然後選出最合適自己的產品。

質素好的，自然價錢會較高；質素稍差的，可能不是自己最想要的，但會較爲便宜。

你既然已經睇樓有一段時間，也就説明現時市場上沒有一個物業能完全符合你的需求。

解決辦法有一調整心態，二是靜待時機，但未來呎價會否調整無人能夠準確預測。

靜待時機有可能樓價在之後上升，那麽你就可能用同一個預算都仍然買不到自己想要的物業。

因此，我常說買樓自住只需要符合兩個條件：「供得起」+「物業滿足未來10-20年的住屋需求」。

如果你心儀的物業符合上述的要求，其實可以考慮；當然物業的質素都好重要，尤其是將來你有機會換樓的話。

建議你按照自己買入物業時候最關心的點來排先後次序，然後從中選出最適合自己的物業會是現時最能解決問題的方案。

Q36042：

Hello 龔成

想請問如果收息 睇好邊隻港股

Budget一萬

龔成老師︰

以下都是一些有質素的收息股﹐你可以從中選。

如果無特別睇好邊隻，可以買3110，佢係一籃子組合。

佢入場費只是$2000，你可以買幾手都得。

其他仲有，港燈（2638）、深高速（0548）、香港電訊（6823）、工行（1398）、置富（0778）、陽光（0435），你可以了解下，並從中選股（部分都是$1萬入場費以下的）。

Q36043：

阿Sir！2269 VS 13兩者質素相近？

邊隻潛力大？

龔成老師：

雖然2269潛力大少少，但由於近年政治風險不斷增加，以整體平衡考慮，會建議0013。

和黃醫藥（0013）業務較波動，要注意風險。

佢是一家處於商業化階段的全球生物醫藥公司，專注於發現、開發及商業化治療癌症及免疫性疾病的靶向療法及免疫療法。

除腫瘤╱免疫業務外，集團的其他業務已建立大規模兼有盈利的藥物營銷及分銷能力，主要在中國生產、營銷及分銷處方藥。

佢於2000年已成立，已發展成為一家擁有逾1,300名員工的全面綜合生物醫藥公司。已創建一系列產品管線，包括十種處於臨床階段的候選藥物及另外七種處於臨床前試驗階段的腫瘤及免疫候選藥物。

係美國，三種主要創新藥物亦正進入最終監管審評或已開始註冊意向研究，目前亦正在組建自有的美國商業化團隊。

這企業長遠不是無發展，不過現價唔算特別平，投資值博率都有，但未算高，如果控制注碼，都可以投資的。大約現價在合理區中下，投資一定要明白這股可成功可失敗的風險，小心控制注碼。

Q36044：

老师； MA OR VISA 那个的基本面有优势一点？ 在目前美国经济环境下， 是入货的好时机吗？ 🙏🙏🙏

龔成老師：

都是有質素，可長線投資的企業，你預VISA略好。

Visa Inc Class A （V）是一家在200多個國家和地區提供數字支付的支付技術公司。此股有品牌和規模，長遠發展正面。

佢為全球領先數字支付處理商，每年處理過千億筆VISA品牌的支付和現金交易，VISA的核心網絡為VisaNet，是目前世界上最大的交易訊息處理網絡之一，為客戶、消費者、商戶、企業和政府等機構，提供安全可靠的結算處理服務。

集團在交易結算業務上，有明顯優勢。雖然近年面對很多不同類型的支付系統，但領導地位仍然不變，相信憑藉集團的品牌和技術，這個優勢會得以維持，此股具有長線投資價值。如果有貨的投資者，建議長線持有。

由於近年股價上升不少，現時的估值，已經到了合理區較上部，甚至頂位，投資者如果想買，最理想是利用月供或小注分注模式儲貨，這刻並不是一次過大手買的時期。投資者買入後，可長線持有，耐心等企業成長。

Q36045：

龔老師, 想問一些假設性問題，見美股日股去到歷史高位，若果崩盤，以香港現時恒指，是否同樣會下跌？過往全球海嘯，香港恒指下跌幅度有幾多？

我明白現時香港股市低殘，是有投資值博率，但美國跌嘅話，香港是否又會跌得好金？

想請問老師，你的港股和美股比例如何？美股你會什麼時候選擇賣出呢？

龔成老師︰

如果唔考慮投資者主觀相法，客觀分析2者無太大關聯性。

若出現全球海嘯，大市可以跌5,6成，但暫時而個風險係港股未算好高。

美股和港股一樣，近年關聯性都弱左。短期有機會因美股跌，拖累港股都跌。但長線計，港股下行空間，較美股細，故未必會出現一樣架下跌幅度。

我現時港股及美股都有，建議你長遠，兩邊要平衡，由於近年單一市場的風險不斷增加，平衡配置變得更重要，長遠計，單一市場不要佔你組合比例多過70%。

Q36046：

Hello 龔Sir

關於港股同美股有幾條問題想問：

1. 港股：66港鐵、823領展、3煤氣、1972太古呢兩三年跌了不少。長遠來講，這些還值得襯低吸納用來收息嗎？

2. 而3918、1177、1448 我見基本面還是不差但股價跌了不少，長線還值得嗎？

這七隻港股都是之前買落，帳面都跌唔少。

3. 美股：你覺得NVDA上到$900 算係過貴還是合理區頂層？我未持有。我本身持有TSM, INTC, COIN, AAPL，我應該是否繼續儲本身呢四隻先，等未來回調至入NVDA?

4. 美國未來可能進入減息週期，請問如果硬著陸（經濟差急減息）同軟著陸（控制通漲慢慢減息）會對我現時持有嘅港股同美股有什麼影響？

謝謝你🙏🏻

我想趁未來美國減息週期前加碼，但我資金又未能每隻都買，你會覺得那些值博率高些？

謝謝龔sir

龔成老師︰

1) 長線投資價值，依然係有。但煤氣(0003)近年質素弱左，故不宜持有太多。

66港鐵、823領展，中短期一定會較弱，長線可以睇翻我YT分析︰

https://www.youtube.com/watch?v=Lenc8Ft6jH4

https://www.youtube.com/watch?v=zVApp7X0pRc

2) 金界控股（3918）始終新興市場，加上近年全球經濟弱，對佢會有較大打擊。但如果你本身只係小注，咁都可以守住先，再觀察。

至於1177和1448，都仲有長線投資價值，但1448增長潛力弱左，算係水桶1至2之間。

3) 英偉達公司NVIDIA (NVDA)有質素。是《38全球倍升股》的其中一隻，長遠發展正面，有長線投資的價值。

佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。

其業務可應用層面，都相當廣泛，受惠於AI發展，前景是正面。

不過，現價已經係貴，但的確背後有業績支持，不是完全虛升。所以，而家有少少貴，但只要有高增長業務支持，將來有機會變成合理。

如果你能承受風險，可以考慮回少少或現價，買小小注(真係好少好了)。

之後，等佢有明顯回調，才慢慢分注儲貨。因為始終現價水平(唔係話佢一定唔再升)，有一定風險。

至於其於美股，都可以照儲。但記住COIN本身風險高，要控制好注碼。

4) 其實息口，主要係睇經濟和通漲狀況去變動。所以，我地要留意係背後佢架經濟變化。

減息一般係有利股市，因為企業融資成本低左。但同時間，反映經濟可能出左問題。所以，要睇翻到時具體係發生乜野事，先知道佢地會有什麼樣的影響。

但有一點係較肯定，現時環球進入一個高息，低增長的情況。負債少、規模大、現金流足架企業，長遠較大機會受惠，同時也較安全。

Q36047：

老師我想問其實而家能源股同造船業值唔值得投？

龔成老師︰

造船業，我就無特別研究，比唔倒具體意見你。

而能源業，睇你講邊類。如果係商品類，例如中海油(0883)個D，佢地賺錢能力主要跟油價，無乜自主性，所以質素算係中等，投資都可以，但不宜大注。

如果係碳中和類別，都可以考慮，因為長線受政策和實質需求支持。但行業風險度略高，同樣要控制注碼。

相關股票有例如信義光能(0968)、中國電力(2380)、華潤電力(0836)、福萊特玻璃（6865）等。但你要2380和0836明白佢地發展需時，要預係較長線持有，才會有理想回報。

近年光代玻璃價和和成本都好波動，所以0968和6865預期中短期都會波動，你都要明白這個可能性。

另外，其實我Youtube已經出D相關架影片，你可以睇翻。

碳中和分析︰

https://www.youtube.com/watch?v=8_WLAKEhX6A

中國電力2380分析︰

https://www.youtube.com/watch?v=5Sfw7ytNpLY

華潤電力0836分析︰

https://www.youtube.com/watch?v=0FMmbS_Xxc8

Q36048：

成哥,其實睇日本同美國好似好好景咁，但其實潛在好多問題都未解決，債務，商業房地產空置率高，即係感覺如果未來會爆嘅話，以依家港股嘅值博率應該要留返幾多成現金會比較好

龔成老師︰

其實美國同日本架經濟，算是不過不失，不太好，但也不差。但股市短期表現唔一定會跟經濟一致，好似疫情頭2年，其實美股升左好多。

現時美股已經進入合理區頂位，部分行業開始有少少貴。而日股都升左好耐，當然佢地短期有機會再升，但下行風險都有，要小心。當然，如果佢地經濟向上，企業盈利不差，仍有機會支持股市的。

至於港股，現時係合理區中下部，現金大約留2,3成左右就可以。

Q36049：

Hello你好,我follow左你一段時間，覺得你好用心幫助人比好多好意見，之前都唔敢問你,最近一年，終於儲到少少錢，想增值自己既積蓄，只有10萬可以做投資，請問你建議我做定期定係買股票去增值呢？

龔成老師︰

如果你有問題，我都歡迎你係度發問。但因為讀者提問人數較多，有時要幾日先會覆倒，所以希望大家可以耐心等候。

其實投資增值，好多人覺得你有一定本金，先可以開始。其實只要你每月有一定閒錢，已經可以進行。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

對於投資新手，我比較建議用月供的方式累積財富(以減低因為唔識估值，而造成買貴貨架風險)，同時可以養成一個不斷投資的好習慣。

現時你可以先動用這$10萬中的$5萬﹐去創建一個財富組合，但長遠可以考慮月供。

月供方法，是你每月用5成的儲蓄做月供。其餘先儲起，用一邊月供一邊儲蓄的策略。

平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等，你可以了解下，並從中選股。

或潛力股：例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

至於餘下的現金(和每月儲下來一半閒錢)，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

Q36050：

成老師，現在想做個倉做長線收息

請問你有提議給我嗎？

龔成老師：

高息基金（3110）、深高速（0548）、香港電訊（6823）、工行（1398）、置富（0778）、陽光（0435）等都可以，你可以了解下，並從中選股。