Q48941：
龔老師，我40歲過後才開始認識投資/理財，之前完全是零認知/無意識，人生做錯一個決定，於高位借了九成按揭，勁後悔。好想跟你學理財，所以膽敢向你請教，求指點！
背景：
兩公婆都是公務員，住宿舍，月入合共$83000
一對仔女讀中學
資產：
物業一
2018年與家人合資於高位買左個開放式細單位，當時樓價$270萬，九成按揭，月供一萬，沒有放租一直丟空，8年樓價跌左$100萬。
物業二
2026年向家人借120萬，湊夠3成首期買了一個423萬市區單位，放租夠cover供樓。
股票
幾年前$5.01買左25000股工商，現約值$18萬，以往的派息都會用左，不懂得在再投放落去滾存。
每月支出：
物業一一半供款$5000，家庭支出約$5萬，$2萬還給家人，所以每月近乎無錢淨。
現在每月都努力慳，預計十年內要照顧四大長者及子女升大學，物業一變左負資產，每月都要掉錢落去，放又蝕很多，九成按又不能放租，進退兩難。
物業二欠家人$120萬，每月所有積蓄用來還錢，以我現時負債的情況，我應如何規劃我的財務？如何投資股票增加我的資產？
將來退休，兩公婆預每個月支出$2萬（以現在生活水平來計），我應如何投資才做到有$2萬現金流夠兩公婆生活？請龔老師指點。萬分感激🙏🏼
感恩今年看到你的fb，令我有很多新認知，開始學習理財，希望將來有機會報讀你的課程，實現財務自由。謝謝你
想補充下，物業一樓齡超過40年，未做大維修，不知蝕放好還是堅持供款。如果蝕放每個月可儲蓄多$5000。
物業二樓齡25年，三成首期不是完全問家人借，只是內地有祖屋瓜葛，當是欠家人$120萬，7年內還。
龔成老師︰
記住，投資分析唔係睇當下發生架事，而係用長線思維，諗下做邊個方法，對自己長線最有利。
<<物業>>
首先，講下我對物業市場睇法。
香港樓市由高位下跌不少，近一年開始穩定，相信之後會平穩及有少少增長。
首先，中國房地產由破爆至現時穩定，雖然未能以好去形容，但起碼不會再差。由於幾年前樓市信心不足，令就算本身有買樓需求的人，也會推遲計劃，到中國政府在2024年尾推穩定樓市措施，以及2025年香港樓市穩定，令之前信心不足的人，信心度提高。香港樓市的信心度，由悲觀，轉到現時正常狀態。
另外，美國處減息週期，地產發展商，由於減息令借貸成本減少，資金壓力減，不用太急賣樓，有利樓市。加上減息令供樓人士的負擔減少，都是有利樓市因素。
現時香港經濟大致穩定，香港經濟處於轉型狀態，轉型要時間。加上中美關係好轉，貿易進入正常狀態，對香港經濟也有一些利好作用。經濟穩定，市民買樓意慾提升，但始終經濟未完全向好，部分行業仍面對較弱的環境，因此樓市未有條件大升。
另外，香港政府人才計劃、教育政策，能吸引一些人來香港，令租金得到支持。租金回報率由數年前的2.5%，上升到現時約3.5%，投資吸引力增加，樓價由數年前的貴，返回現時的合理水平。
供需方面，現時移民情況已穩定，同時見樓市存有一定的用家需求，過往無樓住、等買樓、與家人同住想自己搬出去往，都正在釋放過往的潛在需求。供應方面，政府加大力度找地起樓，以及北部都會區產生一定的土地，令長遠有足夠供應。
簡單來說，現時香港樓市供求已到達平衡狀態，樓價只會平穩，或少少向上，長遠較難大升（過往20年由於供求失衡令樓價倍升）。
香港樓作為自住的價值仍在，現時的樓價，已由過往的貴，回落合理水平，樓價以穩定為主。長遠來說，暫時睇未必會大跌，最多只會平穩加少少向上。
香港樓的投資價值，算是中等。而自住則可以考慮，現時樓價合理，最重要是考慮自己的負擔能力。
其實物業咁高樓齡，投資價值已經大打折扣，仲未計保護等問題。
我建議你部署沽出，唔洗一定馬上沽，但都要開始計劃定。
至於物業2，你保留都可以，但如果你長線唔打算用佢作為自住物業(或沽出佢，轉換成其他物業自住架話)。
是否長線保留收租，還是善價而沽，都係要考慮架方向。
始終，未來物業增長力，唔會太高。
除非你肯定佢長線收租能力，都會維持一定水平，否則長線持有未必係好方法。
<<退休>>
若你希望退休後，每月有2萬蚊現金流，以股息率6%計，你需要本金400萬。因此，我地要以這400萬作為目標，透過一些有增長力的股票，去累積這筆資金。
到你退休時，再將這些有增長力股票，換成為收息資產(如收息股、年金、債券等)，去創造你需要的2萬蚊現金流。
<<理財>>
你現時要做，就係盡力令自己每月有空餘資金，再用佢來投資價值。
因為你財富組合，偏晒係物業類。長線要加大優質股比例，去平衡番。
<<投資>>
未來你投資增，可以用以下作藍本︰
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時42歲去計，應以增值為主。
策略上，你可以考慮「平穏增長股」和「潛力股」。現在你每月先用5成儲蓄做月供。其餘先儲起，用一邊月供一邊儲蓄的策略。
選股上，你可以留意一些平穩增長股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。
餘下的另一半現金，我地就等機會，當大市出現較大回調，就加大力度掃貨，然後作長線投資。
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=5bQc6sWIie8
https://www.youtube.com/watch?v=Vq_g4uQ4VMI
Q48942：
龔成老師
想請問如果每月月供一萬
港股好定美股
買邊隻
龔成老師︰
長線，應該平衡配置，2個市場都要有。
至於買邊隻，要睇你年紀和經驗。
若果你未近退休之年，但又無特別睇好邊隻，可以用指數ETF。
如果你對個股無特別睇法，或者投資經驗好一般，可以買指數ETF。
因為指數ETF係一籃子不同行業架組合，具分散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
若你未有定平貴能力，可以用月供或者分注模式去儲貨，去平衡買貴貨風險。
如果想知多少少指數ETF係乜，可以睇翻我之前架Youtube影片︰
https://www.youtube.com/watch?v=nBr4tCJ__oY
Q48943：
你好龔成老師，我有一個問題想請你提供意見：
我本身住紅磡公屋，同媽咪和哥哥同住，媽咪是戶主（已70歲）我同哥哥都是單身，暫時不會結婚。
現時抽到今期綠置居（在31/8揀樓）（家有長者計劃）
目標想買370尺以上單位，首選是440尺以上大單位（因為有2間實房）。
我哋可以付$200萬現金
問題：我哋應否去買（媽咪驚綠置居的建築質素比居屋差）
同埋我哋3個會日後沒了公屋輪後資格。
現時住的公屋大約有300尺
請老師提供意見
本人從事核數工作，39歲，收入$44000， 但老闆已年過80歲，可能未來兩至叁年退休。哥哥的收入剛夠用和比家用。
如果本人自己去買私樓，驚供不起和不知老闆幾時退休，會失業
龔成老師︰
建築質素，我就比唔到具體意見。
但你首要，係先從長線生活角度，去思考買入而間綠置居，是否合適。
因為以現時你地家庭結構計，我相信係合適。但不知你們未來人生規劃，會唔會有變。
如果你，你現時這個決定，是否會構成負面影響。(例如其中一人結婚，要搬出。面積就有可能過大，同時存在供款能力問題)
所以，你要同家討論清楚，未來時間如果大家人生規劃有變，而間屋架供款，甚至留存會點處理，要諗定。
無問題，先好行動。
Q48944：
我喺2020年一手買入oma by the sea 一個兩房單位，當時差唔多6,000,000買入，而家銀行估價只值5,000,000同埋實質成交都不足500萬，
每個月仲要貼$5000供樓，然後每個月生活費連埋供樓都要$25,000左右，
而家收入又大減，不穩定，每個月收入啱啱夠基本開支，本身的儲蓄已經用咗嚟買樓，而家只剩大約40萬蘋果股票，所以而家係進退兩難，
想賣咗層樓佢但係又唔值錢，又蝕好多錢又冇乜錢可以袋得返，所以請老師指點迷津，而家感覺很迷惘，
我應該繼續出租守住層樓, 定係應該點樣
但係又驚加息又要供貴幾千蚊根本就負擔唔到，同埋本身黃金海岸嗰邊都冇乜配套，應該嗰度都好難樓價會上升，所以好迷惘好擔心，
請老師幫忙分析一下我啲情況應該點樣做才能適合我的理財方案，十分感謝老師的幫忙🙂↕️💪❤️
感覺自己一個錯誤的Timing和投資地點投資決定，令到而家陷入經濟壓力的狀況真係好迷惘好後悔亦都好唔甘心🙂↕️😅🙇♀️🫠
龔成老師︰
首先，最叻架人，都無可能每個投資決定都正確。
最重要，係你能否吸取當中經驗，去幫自己未來行得更遠。
我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。
所以，你要先諗清楚，你物業作用，是自住、還是投資。
如果自住，長線供倒就問題不大。
若投資，你就要從長線角度，去思考下同一筆錢，未來(10-20年)放係邊個地方，先對自己最有利。
Q48945：
老師 我10月就到我每年review 既時候， 我想你幫下我： 以下係我持倉
我呢兩年想開始分散投資， 所以開始將部份新投入嘅資金港股轉咗去美股
我依家正考慮將我部份嘅港股賣出而將一部份嘅資金轉去供美股
港股
0012 6453股
388 767股
700 253股
1024 700股
1038 6265股
1177 19000股
1448 25000股
1810 19406股
2800 4590股
3067 14284股
9880 150股
9988 1168股
美股
AAPL 34股
Voo 12股
Qqq 10股
TSM 5股
Goog 6.3 股
Futu 22股
Tem 16股
VG 50股
Crwv 26 股
Tigr 45股
Tsla 12股
Mstr 5股
Coin 40股
Spcx 9股
以你嘅定位，如果我將3067 或者 0012 賣出而攞呢部份錢去轉去供美股是否適合呢？
因為呢兩隻股票其實我都要供做咗超過三年二次有超過咗五年見佢哋嘅股價上落好似都冇乜進展
定係我應該考慮其他方案？
龔成老師︰
-
你現時持股太多，長線集中係10-15隻會較好，咁會較易定期審視佢地質素變化。
-
質素上，你持股都有長線投資價值。
所以(第一點)，你長線唔一定要減持股份，但要將資金集中係10-15隻。
你要記住，分散投資唔係隻數多就得，仲要你係明白佢地質素和行業屬性。
否則，唔係分散投資，只係亂買。
-
1024,1177,1448,9880,FUTU,TEM,Crwv,Coin,Spcx這些都是風險偏高，不宜持有太多。
-
3067和0012，依然有長線投資價值，不用轉。
Q48946：
明白.. 咁要安排下啦
順便問問..龔大佬對Anthropic.. 有咩睇發？
前期好多Google人才俾挖咗過去…
前進係咪好應該都好樂觀
同埋..教室地點係邊？
龔成老師︰
人才，係AI年代係一個好重要因素，不過唔係全部。
Google近其有唔少核心人員被挖走，係會扣少少分，但佢唔係一間細公司，發展力相信唔會出現核心性影響。
而Anthropic，佢係有投資價值。
佢發展路線同Gemini, OpenAI之類唔同，佢比較實在，較集中發展Coding部份(Claude Code)。
所以，佢已經做到有盈利能力。
不過，我估你個問題係，佢上市買唔買得過。
而點，要睇佢上市作價，同埋具體財務數據先至可以知。
同埋，Anthropic盈利只係「起步階段」，未必有持續性。
高度依賴編程工具Claude Code，作為收入來源。一旦對手(好似OpenAI Codex、GitHub Copilot)成功反擊，增長力就有機會受壓。
Q48947：
老師， 請問3466.HK 恒生高息股安全嗎？ 謝謝😊
龔成老師：
是不差收息ETF，但當然，成份股如果波動，這ETF價格都會波動。恒生高息股30指數ETF（3466）是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。
至於此ETF，行業有工業、地產、能源、金融、公用、必需性消費等。持股包括偉易達（0303）、裕元集團（0551）、國泰航空（0293）、恒安國際（1044）、嘉里建設（0683）、電訊盈科（0008）、恒隆地產（0101）、中國光大銀行（6818）等這些股票都有質素，適合長線收息。
此股可作收息之用，現價合理，可分注儲貨。
Q48948：
龔成大師你好想問下, 高收息股想收息, 但怕賺息蝕價
有冇方法可以安全, 不要蝕個本金尼？
龔成老師︰
首先，你要攪清楚2點︰
- 再穏定架收息股，股價都係會有波動，投資唔會零風險。
如果你要保本，建議用：定期存款、年金、美國國債，就可視為保本。
- 你要明白，持有收息股架目的，唔係用來賺取資產增值。而係希望長線透過收息股的股息，為自己創造持續被動收入，支援退休後生活。
因此，收息股會係比較適合退休、或者好保守的投資人士。
由於我地持有目的係長線收息，所以一般唔會沽出。除非企業核心質素出問題，或者派息政策明顯有變，否則係唔會沽貨，持有一直收息就可以。
以下是一些值得考慮的收息股，你都可以參考下(較適合已/將退休、投資新手、保守投資者)︰
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
[一般收息股] https://www.youtube.com/watch?v=5xmiZGYNptI
[避開"假"收息股方法] https://www.youtube.com/watch?v=3bf4bhV-f-g
[高息股 - 此類別波動大，不宜大注] https://www.youtube.com/watch?v=y9uzb_jNUWU
記住，而D收息股唔會保本。
但成個核心係，你持有佢地，係為左創造被動收入(即收息)。
情況有少少似，你買間屋"住"。唔會因為個樓價升跌，就會賣左間屋。只會係間屋，出現問題，例如結構已經有危險，咁你先會賣出搬走。
收息股都係一樣，除非企業核心質素出問題，或者派息政策明顯有變，否則係唔會沽貨，持有一直收息就可以。
Q48949：
HELLO 龔SIR 手頭上有6823同0006
嚟緊諗住買VOO 請問現價位係咪就咁買好過月供
另外資金唔多 有咩增長股合適我年齡~37歲
龔成老師︰
你首先要從「整個配置」著手，你上述講的3隻股票，都是有質素，本質無問題，但就要考慮你的年齡及比例因素。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時37歲去計，應以增值為主。
6823同0006都有投資價值，但佢地係收息股類別，增長力唔明顯。所以，你不宜買太多，當然，如果你保守，想收息，不想太高風險，這類收息股多少也無問題。
至於VOO，現價已經可以開始月供。
但記住，月供最少要供3年和持有5年，才會有明顯效果。
未來投資策略上，建議你考慮「平穏增長股」和「潛力股」作為主力。現在你每月先用5成儲蓄做月供。其餘先儲起，用一邊月供一邊儲蓄的策略。
選股上，你可以留意一些平穩增長股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先自己了解平穏增長股。
若你每月閒錢不多，甚至可以先集中盈富(2800)和VOO這類指數ETF。到你投資知識有所提升，或者每月可動用資金多左之後，才慢慢其他個股到組合之中。
餘下的另一半現金，我地就等機會，當大市出現較大回調，就加大力度掃貨，然後作長線投資。
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=5bQc6sWIie8
https://www.youtube.com/watch?v=Vq_g4uQ4VMI
Q48950：
龔Sir，想問吓投資意見。我由2020年開始月供 1211（比亞迪），累積到 1,500 股，平均價 $14.172，目前回報有 +500%，佔我總資產約 10%–15%。
1)關於操作與賣出時機：
我最近想把它賣掉，因為見它這兩年的升幅實在跑輸 VOO 和 QQQ 太多，感覺有點失望。你覺得現在一次過全賣好，還是賣一半留一半？怎樣操作比較合適？如果決定賣出，應該怎樣抓時機？是等 PE 回升一點才賣，還是有其他考慮？
2)關於對這隻股票的看法：
當初打算長期持有，至今也差不多六年了。記得你之前提到它應該會平穩上升，但看回這幾年的股價表現，似乎連平穩上升都做不到😂 阿Sir 你對它有沒有感到失望？
龔成老師：
你不從「2年股價」層面作核心，最重要是企業發展，因為有時中短期股價，不代表甚麼。
所以你只用2年作對比，並不全面。
1211，佢面對中國車市問題，但其實出口理想，只要比時間佢，佢會好轉。
不過，佢最爆性性增長年代已過，之後仍有增長力（長期計），但增長力不及過往，所以，要保持平穩增長無問題。
你預佢短期仍一般，回勇要時間，你可考慮減一半，留一半。
至於你問我是否失望，我不會失望，因為我的視點不在股價，而是企業。
1211我持有17年，近年都有減部分。
過往試過由$88跌到$12多年都無法上翻，如果我集中在股價，相信一早賣左，我的視點是「企業」。這股我部分貨，取得30倍回報，如果我集中在股價，永遠只有低回報，但視點在企業，你見到的野不同。