Q34811：

老師你好啊～股票配置份功課做完啦，但我仍然唔係太識分桶一同桶二，唔知可唔可以請你幫我睇下我做既配置有無擺錯位啊～謝謝

另外，上堂既時候有2個問題唔係太肯定個答案想了解清楚

有關nov 23 hengsang index, 我抄底左個formula係 (17042x10)/10.27,我想問x10既10係咩意思

股票配置比率用最近6個月平均股價x股數，目的係想評估返購入價同平均價既相差去 釐定返而家個股價係平定貴？

謝謝老師

龔成老師︰

你的圖片資料有些模糊，我盡量回答。

1) 水桶配置問題︰

水桶一，我地稱爲潛力股，你可以從業務性質和派息比率去區分。

一般潛力股處於發展階段，因此生意上得到的盈餘大部分都會用於發展，所以派息的比率會相對較低（一般低於30%）。

例如，比亞迪（1211），由於是新興行業，業務仍在發展中，它的派息比率只有20%，因此，這屬於是潛力股。

水桶二，屬於平穩增值股票，業務已經有一定的發展，但仍然有增長的空間，所以，派息的比率一般都會在50%以上。

例如：港鐵（0066），由於本身是公共事業+地產發展，業務仍然有增長的能力，派息比率維持在8成，所以，算是平穩增值股。

如果你唔係太了解點分，唔緊要，因為第六堂係實務操作上，會再具體講多次。

你圖中架的配置，基本上都正確，除左盈富（2800）因為佢係包括幾十間質素不錯上市公司股票的組合，當中有大部分都是有增長力的股票，所以（2800）屬於平穩增長股（水桶2），而不是收息股(水桶3）。

2) 恆指計算問題︰

(17042x10)/10.27

就是計算出恆指最近在10倍市盈率的點數

=16593

3) 股票配置比率︰

至於股票配置比率，要你用半年平均價去抽個數出來，主要係想計你每隻股票佔組合比重，從而得出你組合有無個別股票或行業，超過一個合理水平。

用半年平均，係因為怕短時間的股價，有機會因近期大升大跌，影響左個參考性。

記住，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

但盈富(2800)、VOO這類指數基金，則不受此限，因為它是一個包含一籃子不同行業的優質股組合。因此，盈富(2800)、VOO就算在組合中佔較大比重，都唔會造成過度集中性風險。

所以，睇翻你現實情況，港交所(0388)佔組合4成半，明顯係太多。所以，長線你暫時唔好再加注，去慢慢令佢本重回復平衡。

Q34812：

老師，如果明年中期美國減息，美股會出現什麼現象，會唔會出現牛市？

龔成老師︰

在理論上，減息會利好企業，因為融成本減少，在其他因素不變的情況下，會利好。不過，現實是複雜的。

我覺得你焦點唔好太放係牛定熊，而係睇翻全個經濟大格局。

現時全球衰退風險、通漲問題、地緣政治和戰爭危機依然存在。表面上，經濟好似復常，但另一邊大型企業正不斷裁員，難言經濟理想。

所以，減息會利好，但一定要同時睇到時的因素。

你要明白，現時面對係過去20-30年以來最複雜架環境，好多問題都一次過發生。

至於減息，唔係因為通漲受控，否極泰來(因為通漲根本未回到FED架目標)，而係經濟已經受唔長期起咁高息，要開始救。

短期大市，相信會受"停止加息"，甚至係減息而推高。但長線點走，要睇成個經濟走向如何，才會知道。

Q34813：

你好龔成老師，我一直有follow 你學習投資知識，多謝你一直用心教導。

我有些問題想請教一下你，如果可以給些建議實在感激不盡

我在上年買了一個紅磡一手單位，大約200呎，約470萬，現正自住。但我有些擔心細單位的前景，但現在市道不好，大機會要蝕放。想問下黎緊我應該先租單位出去，再等樓市轉好才放賣？還是在下年減價放賣單位呢？

希望龔成老師能指教一下，感謝

龔成老師︰

其實，首先你要問清楚自己，本身買入個物業目的係為左乜。

簡單來講，如果自住，無問題。

如果是投資，你上述單位未必是好選擇。

投資，本身你個單位細，連一個基本家庭要求都唔到(>300呎)，長線投資價值係會較弱，長線有機會轉其他較好。

至於幾時賣，你可以睇下有無較好價格先。但我自己預長線香港樓都只會平穏發展(唔大跌，唔大升)。

再加上，現時香港整體租金回報率不高，其實投資香港樓值博率不高。

相反，你置業係為左買自住樓，個重點就應放在這物業，是否能滿足你長線生活需要(未來10-20年)。另外，你有無信心長期都可以"供得起"。

如果都過到這2關，你照住係無問題。(樓價跌，只係心理因素，唔會實際影響到你，唔好太過用投資角度，去諗自住樓。

Q34814：

請問龔Sir現價買美股羅素3000有關的ETF及晶片類的股票OK嗎？🙏

龔成老師：

買羅素3000指數ETF，可以，佢是一個資本加權的股票市場指數，旨在於成為整個美國股票市場的基準。它包括了在美國註冊的總市值最大的3,000家上市公司，約占美股大部分。

不過要留意，現時美股都唔平，所以最好以分注模式，慢慢儲貨。

至於晶片類的股票，你預現價較高，投資小注好了，同時要小心選股。

Q34815：

龔sir.你好，想問下YINN前景， 和為什麼 跟唔足恆生指數。謝謝

龔成老師：

Direxion每日三倍做多FTSE中國ETF（YINN）。

這基金以追求在扣除必要費用前的每日投資績效為FTSE China 25 Index日績效三倍。

第一，佢選股與恆指不同。

第二，佢有槓杆。

Q34816：

請問初哥想學習投資者，要從老師那本書順序去讀呢？謝謝你。😊

龔成老師：

你可首先睇：

《圖解股票小百科》

《80後千萬富翁》

《財務自由行》

之後再睇其他。

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的16本書：

《80後百萬富翁》（第10版）

《80後2百萬富翁》（第5版）

《80後3百萬富翁》（第3版）

《財務自由行》（第8版）

《大富翁致富藍圖》（第5版）

《50優質潛力股》（第4版）

《50穩健收息股》（第3版）

《50值博倍升股》（第3版）

《股票勝經》（第6版）

《選股勝經》（第2版）

《年報勝經》（第2版）

《5年買樓4部曲》（第2版）

《80後千萬富翁》（第2版）

《千萬富翁致富學問》（第1版）

《38全球倍升股》（第1版）

《圖解股票小百科》（第1版）

Q34817：

老師對ALGN 有咩睇法?

龔成老師：

Align Technology, Inc.（ALGN）有質素。

Align 是透明矯正器的領先製造商。其主要產品Invisalign於1998年獲得FDA的批准，此後一直佔據主導地位，控製著90%以上的市場。

Invisalign可以治療大約90%的錯牙合病例(牙齒錯位)，有超過23萬名接受過Invisalign培訓的牙醫和正畸醫生。

2022年，Invisalign治療了200多萬例病例，約佔當年所有正畸病例的10%，自推出以來，已治療了1400多萬例患者。Align還以iTe劃。

超過85%的Invisalign病例是通過數字掃描提交的，而iTero掃描佔這些掃描的一半以上。

業務有增長力，過往財務數據不差，雖然營業額大致向上，但盈利就較為波動，令股價都較波動，雖然股價回落不少，但現時市盈率仍偏高，暫時只建議小注投資。

Q34818：

老師，CCEP點睇？

龔成老師：

Coca-Cola Europacific Partners plc（CCEP）

這企業是一家裝瓶公司，在歐洲銷售可口可樂品牌的非酒精即飲飲料產品，是可樂的合作方。

佢主要許可方可口可樂公司（Coca-Cola Co.）購買濃縮物和糖漿，然後生產，包裝並將飲料分發給零售商。

當前的許可使該公司可以在指定地區（伊比利亞，比利時，法國大陸，英國，盧森堡，摩納哥，荷蘭，挪威，冰島，德國和瑞典）獨家營銷，生產和分銷可口可樂產品。

生意與盈利都有穩定增長，業務不差，但不是高增長類，現價合理，都有長線投資的價值。

Q34819：

龔成sir u unity software 有前景 現價可入?

龔成老師：

Unity Software Inc (U)是一家創建和操作互動式、實時3D內容的平台。

集團令創作者，可以利用UNITY工具，去創作3D遊戲。現時排名前 1,000 的移動遊戲當中，有超7成是使用 Unity 制作。

透過其技術創作的遊戲，可以部署在不同的領先平台，例如任天堂、Play Station、IOS、Android、Window等。

業務有投資價值，佢過去多年營業額都有增長，但依然未做到收支平衡，故不確定性較高。最多只宜小注投資，企業潛力是有的。

Q34820：

939，2318，700，941，388

那個值得 投資？

龔成老師：

都是有質素的股票，但風險度與增長力不同，如果你想穩陣收息，就941，如果想有增長，但要面對股價波動少少，可選700、388。

現價都有投資值博率。