Q29331：
成哥~我負債累累 儲唔到錢 有儲蓄保險 但又未拎唔到出嚟 有投資嘅物品又唔想咁快放換錢 唔知點好
龔成老師︰
這裡存在多個問題，你要分開處理。
-
負債︰如果係高息的話，你要優先處理好，以免佢拖累你長線投資回報。
-
儲唔到錢︰你要每日記帳，睇下D錢用左去邊。之後努力減除不必要支出，若都不能每月有閒錢去做投資增值，就加大收入，如找兼職。
-
儲蓄保險︰其實增值能力不高。保險我地主要買保障型就足夠，增值最好給優質股去做。若你已供了一段時間，或者你投資取態保守，可以保留。否則，你就要諗下是否值得長線投入。
-
投資物品︰若長線有升值潛力，可以保留。
Q29332：
此時此刻，係咪應該把現金放在定期收息？如是，放幾耐才合適？謝謝
龔成老師︰
現時加息週期，定期息口的確比以往吸引。但定期始終增長力弱，如果你想保守D，可以放部份資金入去。
但長線計，應把握現時市況，去分注咁慢慢收集優質股會較好。
Q29333：
想問老師，08年金融海嘯之前你一共儲存多少萬港元來進場嗎？
如果美聯儲政策已經要出手派錢的話，那是否見底能夠進場抄底嗎？
你相信特斯拉即使不靠出售電動車，有太陽能電池業務 機械人等其他業務是否高增長的潛力嗎？
想問如果在股災時把VHT的ETF 美國雅培 亞馬遜 迪士尼 特斯拉 英偉達等組成組合如何看法？
龔成老師︰
08年留了多少錢入市，我已經唔記得。但當時有一段時間大市好恐慌，我以一出糧就掃貨的模式進行。
如果FED開始寬鬆政策，個市有機會反彈。但你要考慮個原因，係因為通漲受控、經濟支持唔倒、還是其他。
TESLA太陽能電池業務 機械人等其他業務，我覺得都有發展機會，但現時佔收入好少，而且部份依然虧損，故要再觀察。
至於美股組合，有長線投資價值(但有少少進取)，值得考慮。
Q29334：
0493國美零售有沒有前景？
龔成老師：
國美零售（0493），從過往分析，只是一般。
企業連續出現虧損，品牌價值遠不及從前，優勢不強。
之前大股東黃生回歸，市場期望帶公司變強，但發展仍有未知數，如果以這刻的業務、發展、現價，整體的投資價值唔算高。
暫時見，未能將公司翻生，整體發展一般。再面對網上競爭。
以理性分析，這刻投資值博率，只是一般般。
Q29335：
老師點解呢隻茂盛控股，有時無端端會升十幾%
龔成老師：
這股年研究。但見佢市值得$1、$2億，要炒高壓低其實好易，因此股價會好波動，對這類股有保留。
Q29336：
龔Sir,點睇領展？ 個市上番，但係佢落後
龔成老師：
因為市場擔心香港樓價租金，但如果以長遠角度，其實領展（0823）有質素，持有物業都不差，同時部分有長遠加租能力。
雖然增長力比過往年代略減，但整體仍是有質素，是平穩增長型。近年不斷收購海外，以及國內業務，以強化物業組合，領展其中一個特色，就是尋找一些有潛力的物業，收購後進行翻身，提高租金及物業估值，因此，長遠仍有增長力。
現價合理底，可分注投資，長線持有。
Q29337：
阿sir, 你好。我有興趣上1月個期投資班。但是第一堂1月7號未必上到。 我可以怎麼辦呢？
龔成老師：
放心，課堂有補堂機制，你某些堂上唔到，下一期開班會補翻該堂比你，你預早同我同事講就得。你預我每2個月，都會開一期課程。
Q29338：
成兄,我手持34,778,1883,6033,945每隻四十萬左右,用作收息,請問是否可以,謝謝
龔成老師：
相信你是想建立一個收息股的組合，上述都是可取的，以收息股來說，可以，股息率都是不差的。
你打算動用合共$200萬投資，如果這部分只佔你財富其中一部分，那無乜問題，但如果這是你大部分財富，會建議你每一隻減半，同時投資其他投資工具，或加上其他收息股，這樣會較為平衡。
上述的股票，都有基本的質素，但九龍建業（0034）、中信國際電訊（1883）、電訊數碼控股（6033）質素中等，未算好高，不過都可投資，但預佢增長力不強只是收息，同時投資金額不建議太過多。
上述5隻股票，現價都合理，可用分注的模式投資。
Q29339：
首先想感激你嘅書, 令我知道正確理財嘅態度，同需要一步步慢黎，希望可以睇下我而家嘅部署同埋我之後嘅方向係咪正確
目標2024 或2025年有三百萬
港股89% 美股11%
港股 14隻
3 3%
2800 12%
823 7%
66 4%
1475 6%
6 10%
5 6%
4252 8%
388 21%
1810 7%
9988 4%
3067 6%
1177 6%
330 2%
美股 9隻
Apple 12%
VOO 20%
Pfizer 2%
Walmart 6%
Nvidia 29%
AMD 11%
BABA 4%
GH 5%
SQ 11%
月供
2800 $4000
66 $4000
388 $4000
3067 $3000
VOO $5000
之前因為有幾個月有閑錢，所以可以月供$20000供港股，但係之後只可以有$15000
想問下你嘅意見:
- 應該減少供邊隻
- 係咪應該美股月供多啲去平衡返
- 我都知道唔應該有咁多隻股，出年希望升反之後，會賣左5，330 同 4252，想問一問應唔應該賣6 Thank you for your time and help.
少少補充 330, GH, SQ 蝕緊好多， 係咪應該再等一等升返先至賣走佢哋
龔成老師︰
- 你月供的組合中都是優質的股票。盈富（2800）和（V00)較分散風險的作用，建議0388和0066減$2000，3067減$1000，會較穏當。
2）無咁樣的必要。如果你本身對美股認識不深，月供（VOO)是不錯的選擇，而且（VOO）的比例都是最高，無特別需要增加美股比例。
而且，你現時已有不少美股架貨。只要單一地區不高於組合70%，原則上係穏當。
3）100萬的組合最好維持在5-10隻左右，長遠你慢慢減少可以，去盡量集中係10隻左右。(唔係要沽剩10隻，而係集中係10隻)
滙豐（0005），電能（0006）、政府綠債（4252）都是收息為主，思捷環球（0330）業務又較一般，這些都可以作為減持目標。
Guardant Health, Inc.（GH）雖然生意保持高增長，但企業未有盈利，估值難。同時有一定的風險，始終業務都有不確定性，這股只能小注，你佔比不多，因此可以守。
Block, Inc.（SQ）是有風險，有潛力類，業務增長快，但估值較難，股價上落好大。此股只適合較高風險人士，同時只建議小注，建議可以趁反彈的時候減少少。
如果單單計算月供部分，你月供1.5萬，以每年10% （連股息再回報）計算，3年之後先有約60萬。
若你現有持股組合是約值180萬，同樣以每年10%計，3年後會有240萬，加埋月供部份就可以達成你300萬目標。
不過，3年不是一個長的投資期，企業未有足夠時間成長，有機會出現波動，令你預計回報出現偏差，你要明白這一點。
Q29340：
你好，經歷左大跌市，我的股票價值都大跌、的確，我的持股太多，但又覺得大多數股票都有機會升得番，所以一直無去賣出。可唔可以請你比少少意見我? 謝謝~
龔成老師︰
你的圖片不清晰，但我會盡量回答。
100萬以下的組合最多維持在5-10隻股票好了，你現時持股數量太多，你係無可能定期審視佢地質素，建議你長線集中翻係10隻左右。
阿里（9988）因爲政策風險的因素，中短期都會波動，你現時持貨可以，但就不要加注。
金界控股（3918）都有質素的，但始終新興市場，因此點都有風險，因此投資的時候要控制注碼。
内房市道中短期會較弱，雅生活（3319）難免會受影響，中短期會較波動，長線應該會慢慢變好。但近期佢核數師辭任，代表可能有些潛在會計問題，要再觀察，暫時最好控制注碼。
至於美股，因爲圖片太不清晰，不能評論。
投資其實是一個分配的過程，不要用「覺得」來判斷股票的去留，你應該在買入之前為企業做估值，並定期檢查質素有沒有變。