Q35511:
想問下美股khc 卡夫享氏點睇 入唔入得過
龔成老師︰
Kraft Heinz Co (KHC)有質素,但增長力唔高,偏向係收息型股票。
同時,香港收美股股息係要比30%稅,故不太建議作為投資目標。
Q35512:
老師晚上好,剛剛睇到一篇文章寫到:
「:香港不再像國際化城市!過去炙手可熱的香港商辦大樓空置率頻創新高,股價破底,愈跌愈深,且毫無支撐力,這是資金源源不絕流出,逐漸走向枯竭的象徵!」
老師點睇?香港股市是否會繼續一蹶不振呢?長遠投資香港股市是否有利?多謝
龔成老師︰
我自己無睇得香港市場咁淡,因為始終香港係中國和國際間,依然有個獨特定位。
而香港股市好多股票,都未必完全跟香港相關,所以香港大環境弱,跟港股投資價值,未必有完全架影響。
當然,現時大環境不明朗因素好多,中短期相信難以完全排除,所以港股相信都會偏弱。
但長線計,現價港股有一定值博率,你可以因應自己持貨比重和看法,去決定是否加注。但緊記,唔好只集中港股,要分散D去其他地區市場(例如美股),去平衡風險。
Q35513:
請問如果想買比特幣的etf,邊隻較好?
龔成老師︰
你是指最新美股現貨ETF??
其實佢地都係追蹤比特幣現貨價值,基本上都可以選擇。
我地可以留意佢架成交量、管理費和偏離值(由於佢地都係好新,偏離值暫時無法判斷),去進一步決定選擇邊隻。
總括而言,新上市的BTC ETF都係可以投資(特別你唔太熟識加密貨幣操作,但你又想投資該市場,ETF會係一個較好架工具)。但長期你要留意翻上述因素,去判斷邊隻用作長線持有,會係最有利。
另外,現時以我所知,香港大部份銀行和證券行,都未有提供美股現貨BTC ETF的買賣服務。所以你要買ETF,可能自己用現貨買,或者要用港股架3066先(不過佢係期貨,唔係現價)。
但緊記,加密經濟雖然近年急速發展,但拉長黎到睇,其實佢仲係好新,有一定不確定性。
唔好有個錯覺,就係由用BTC現貨變左用ETF買,個風險會細左,係絕對無而件事。所以,你係投資架時候,記得要控制注碼。
我於2月6日係Youtube影片有講,你可睇
https://www.youtube.com/channel/UCYWrfIFckZ_su_G_XtF9LZA
Q35514:
你好,本人之前月供左年半左右就停供擺左你度,計返總數其實係有蝕。請問應唔應該繼續持有定賣出好?
0012 恒基 共777股
1211 比亞迪 共123股
2800 盈富 共1347股
另持有以下港股都有一段時間,但均蝕一半有多,應否賣出定繼續等待?是否錯過賣出好時機?
2888 渣打 150股,買入價約$112
1068 雨潤 10000股,買入價約$5
現持有以下美股但都在高位買入,股數不多因有限資金。請問是否值得繼續持有還是盡快賣出?以下目標價會否不合理?
NVDA 買入628,4股,應否繼續持有到出業績?
SMCI 買入530,2股,目標賣$600(可否5/2錯過了⋯)
AMD 買入175,4股,目標價$190
META 買入470,4股,目標價$500
請問保本既投資計劃,邊一款利息會較高?呢樣會唔會都答到?
龔成老師︰
首先你要明白一個概念,我地持有一隻股票與否,關鍵位是企業質素、前景,不要被買入價影響。因為我地買股票就是買企業。
如果企業質素轉差,就要賣出。如果企業某些核心優勢減少左,就有機會減持,因此,我地要分析企業的核心因素,一些長期的賺錢能力,有無改變。
而月供,本身係一個長線投資策略,幫你去平衡價值波動問題。只要手上架股票長線核心質素無變,就唔應該停,特別係下跌緊架時候。因為你係可以用同樣成本,吸納更多股數。
以往唔少讀者都會見跌,就自己停左個月供,令到長線架月供效果大打折扣,故我建議你照月供會較好(除非你對月供緊架股票,研究完都覺得好無信心)。
渣打集團(2888)質素只是中等。
雖然未到劣質,但質素不高,但本地銀行股中,賺錢能力算是較弱。加上銀行業近年的環境不及過往,賺錢能力不及以前咁好,相信佢之後,都只是好基本增長,不要對股價有太多期望。
投資價值只是一般,雖然近年受惠於加息週期,和部份營運效益提升。但長線能否保持,還是未知之數,故不建議長線持有太多。
雨潤食品(1068)質素不太好,建議沽出。
在高位買入,固然不理想。但買入左之後,持有與否主要睇佢長線投資價值(除非你持有好多,才會可能要調整)。
你手上架美股,都值得長線持有,但有2點要注意︰
1) 你全部都係科技類,記住個別行業持股比重要保持3成以內,以免出現過度集中性風險。
2) 我地投資唔會定"目標價",只會在好貴或者本質出問題時,才會減持。
總結一個大方向,你最重要以長期角度去「設計組合」,建立一個有質素、平衡的投資組合。
Q35515:
龔Sir,港股大跌,美股大升。重倉港股,十分心痛,而美股貨不多,也十分心痛。
打算賣出部份潛力不高的港股,轉為投資潛力較高的美股。
想賣出股票,按次序
雅生活>中國鐵塔>中華煤氣>銀河娛樂>舜宇光學>吉利>比亞迪電子
平安好醫生虧損嚴重,卻不捨得放棄
而買入以下的美股,主要看好AI行業
AMD, NVDA, ASML, MSFT, GOOG, AAPL
但也知道,現在不是賣出港股而買入美股的好時機。
向龔Sir請教意見及指導,謝謝!
有以下股票和平均價
中華煤氣 @11.6
銀河娛樂 @44.7
吉利 @11.8
比亞迪電子 @24.1
中國鐵塔 @1.17
領展 @66.9
中生製藥 @6.7
比亞迪 @42.2
福壽園 @6.7
小米 @14.1
完美醫療 @3.5
平安好醫生 @73.5
舜宇光學 @170.7
雅生活 @32.2
美團 @113.2
阿里巴巴 @228.9
AAPL @130.33
AMD @176.21
ASML @685.742
COIN @121.847
NKE @108.58
NVDA @414.857
SHOW @150.05
TSLA @174.837
TSM @109.545
龔成老師︰
其實我最近都收都唔少讀者,都有你而種想法。
但我想提醒大家一點,美股現時已經在合理區較上部,相反港股在合理區底。我唔係話轉頭美股就跌,港股就大升。不過,從現價計投資美股值博率,比港股低很多,故你要思考清楚值唔值得咁做。
當然,平衡配置是十分重要的,所以,兩邊要平衡,同時考慮平貴度。
從質素上計,你持有架港美股都具長線投資價值(SHOW,我估你係想打SNOW)。
如果你想按計劃優先沽出上述港股,都可以。但你想入架美股,全部都唔平,甚至係貴,我自己就唔太建議而個時候入,特別係你本身都有貨係手。
另外,你要留意多2點︰
1) 你手上唔少科技類,記住個別行業持股比重要長線保持3成以內,以免出現過度集中性風險。
2) 你持股票數量好多,如果你係100萬以上,長線集中係10-15隻。若以下,集中係5-10隻,否則很難定期審視佢地質素變化,去進行組合調整。
Q35516:
想問,若想投資黃金,應該投資那個股票或者基金會比較適合?貝萊德世界黃金基金可以買嗎?
龔成老師︰
首先,我地可以在整個財富組合上,持有一小部分貴金屬,如黃金、白銀。
因為現時用的紙幣不斷發行令其永遠貶值,金銀就會不斷升值,投資者只要投資紙黃金、黃金ETF等,已能簡單地享受到當中的升幅。
同時,當環球出現一些重大事件,如發生一些極罕見但影響極大的不利事件時,就會對全球財富定義造成極大震盪,如大型戰爭、超級天災、大型人為災難等,我們現時所認知的貨幣系統就有可能崩潰,甚至連法律也沒有作用。而人們唯一仍視為有價值的,除了糧食外,就是金銀了。
不過,這類極端事情發生的機會率極低,大量持有金銀令財富組合變得無效率,由於沒有現金流,會損失了當中的機會成本。
因此,投資者只需在財富組合中持有少量已可以,作用就是平衡組合,基本上佔組合的1%-3%已足夠。
由於係對沖重大風險,所以建議用實金。
如果正係唔想用實金,可以考慮SPDR黃金ETF(2840),為交易所買賣基金,投資目標為反映LBMA黃金價格。
Q35517:
龔sir,
點解中銀香港跌咁多,可以買入嗎?
值搏率如何?
龔成老師:
樓市轉弱會令按揭方面的壞賬增加,因為中銀香港在香港按揭市場,有一定的市佔率。不過,我地最重要從長遠角度去分析。
中銀香港(2388)係本地銀行股裡面,其中一隻有質素的,有長線投資價值。
銀行業雖然無過往咁好賺,但佢仍是有質素的,可以視為收息及平穩增長股。現價合理區度部。
Q35518:
龔sir,沒有上初階,可以報讀進階嗎?
龔成老師:
如果本身有一定的投資知識(價值投資法方面),就可以,但始終初班與進階有關,所以,最好上完初班再上進階,效果會較好。
Q35519:
Sir 你點睇中國救市令股市上升?
龔成老師:
仍未能確定是否見底,最重要仍是中國經濟情況,如果經濟弱,長遠股市仍弱。相信中國經濟短期一般,但中長期又不用太悲觀。
Q35520:
龔成老師你好
想請問709現在CEO被動議罷免,我們散戶可做什麼,還是沽貨走?謝謝
龔成老師:
要分析對企業業務有無長遠影響。
我相信佐丹奴國際(0709)仍有質素,但今次事件,會反映管治問題。
整體質素中等,業務不算差,但未必是高增長,是平穩增長類。只要你持貨不過多就得,但如果太多,又或你擔心,可減部分貨。
這企業是國際服裝零售商,擁有眾多自有、加盟及授權經營之品牌,業務地區有中國大陸、香港及澳門、台灣、新加坡、澳洲及其他巿場。
品牌有:Giordano 及 Giordano Junior、Giordano Ladies、BSX等,約2000間,當中有約約4成為加盟店。
佐丹奴國際現時整體質素中等,業務不算差,但未必是高增長,是平穩增長類,投資者可以視為收息及基本增長。