Q34961：

記得老師提及過 加息會令到股市轉弱。愚昧一問 為什麼美股2023年升那麼多，相反港股就跌那麼多？

龔成老師：

在其他因素不變的情況下，加息令企業融資成本增加，企業盈利減少，股市向下。

但現實是好複雜的，美國經濟基本面強，就算加息，企業盈利仍正面，最終令股市向上，至於中國經濟較弱，內房負債問題影響，股市向下。

2024年美國進入減息週期，在其他因素不變情況下，股市會升，但現實，同樣好多變數。

Q34962：

老師、小米現價仍值得加買持有？

龔成老師：

仍可以加注，但都要控制翻這股佔整個組合的比例。由於佢仍然要數個月，車才會正式推出市場，所以要睇市場反應，而以佢的方向，相信接下來仍會持續投入資金，風險會大左，但如果成功，股價的升幅都可以很可觀，所以投資要以長線為核心，但就要控制翻注碼比例。

Q34963：

龔Sir. 想請問390， 3993 和3383

您有何看法?請賜教。

龔成老師：

中國中鐵（0390），本質算是不過不失，但近年略有轉弱。

預佢的增長力在之後，都唔算好強。睇翻佢的業務同財務數據，生意同盈利都處於穩定狀態，但增長力唔算強。

所以長線睇，算有有投資價值，但增長只是平穩。佢過往股價曾在2015年大升大跌，這只是炒一帶一路，但之後回復原狀，因為這因素只能為佢帶來平穩增長，而不是高速增長。之後同樣只是上上落落，近年股價再次轉弱。

現價合理，但這類股又唔值得佔組合比例太多。

洛陽鉬業（3993）質素都有，但不能說是穩健，佢的營業額同盈利都十分波動，這點令分析佢較困難。因為好難確定到往後經營環境對佢的影響，同埋，佢亦因成本令佢盈利較波動，這同樣是較難預測的。

我地好需要，用過往的數據去分析，同時判斷往後的經營環境，如果過往數據變化太大，會較較分析。

另外，這股的股價較為波動，這股不是不能投資，但不建議大注。

雅居樂（3383）對中國樓市有風險，加上佢本身負債較高，相信會對佢有影響。

這股都有長線投資價值，現價合理，但負債高始終是風險，唔建議太大注。現價合理，已反映風險。

但如果投資，要有心理準備是上落大，一定要小心控制注碼，無人知佢會否順利過渡難關。

Q34964：

請問收息，電訊股(728、941)會否好過銀行股？

龔成老師：

無話那個特別好，只是有不同的特點。

你預728、941會穩定少少，至於內銀，股息率較高，但潛在的壞賬風險較大，所以股價都有潛在的波動，但相信現時股價已經反映了不少相關風險因素。

因此，兩類股票都可以投資作收息，或者同時持，減少單一行業集中的風險，但就要控制好注碼。

Q34965：

龔 sir！你對保險公司的

高息儲蓄或每年派息保險有什麼建議？

謝謝！

龔成老師：

有好有壞的，第一，投資者要小心睇當中的資料，因為坊間有好多類的，要小心睇條款、資料等，例如利息是否保證，背後有多少風險（不要以為無風險，要問清楚）。

另外，要睇翻是否適合自己，有些產品的確有穩定回報，但長遠計，回報不算高，如果投資者買過多這類產品，有機會影響了整個財富組合的回報，因此，要睇清楚該產品各種資料，是否適合自己，同時不建議買過多。

Q34966：

請問港股有邊隻已經係便宜區？

而美股一直升 想買但又怕買貴左好多

點做法最好

龔成老師︰

現時港股算合理區底，而美股則合理中上，從平貴去睇，港股值博率會較高。美股唔係話唔投資得，但始終唔係平，而個水平只能小注分注模式買入。

至於真係明顯稱得上平架優質股，其實暫時未有。

以你年紀計，適合投資「平穏增長股」 + 「潛力股」作組合。

以下相關優質股，你可以參考下︰

平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等。

潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

最後，記得組合平均性問題，個別地區唔好佔組合7成以上，會較為理想。

Q34967：

成哥 想問下以下問題 ：

我本身有以往一直做定期儲蓄 儲左60萬，用70%資金買股票，現時12月頭已買了幾隻股，佔股票資產18%，潛力股佔11.1%平穩增長股佔6.84%

24年1月頭個定期會到期 打算入場2814三星fang同SPLG各25%長線投資5-10年, 我朋友話個重複性有啲多, 但我係想買2814主要係平均買美股7雄

而SPLG係買美股500大企

我有睇完你兩本書 圖解股票小百科同股票勝經

而我今年29歲, 想10年後資產增值到400萬，我用50%總資金開始長期投資

另外20-40%現金係股價便宜-合理區再出手

因為依家美股大型科技股都係合理區上部，想問下我個長線投資策略合吾合理

暫時持股組合, 我暫時港股同美股比例8:2, 會係港股熊三時期先買多啲比例, 而打算每月用1萬數投入股市

（附圖是我組合資料）

謝謝你

想進取一點

龔成老師︰

你現時組合，其實又唔算好重覆。記住，個別行業盡可能控制在不高於組合比重3成的水平，咁會較好。(不過你想進取點，而集中少少係科技類，都可以，只要你明白咁係會令風險偏高就得。)

持組都有質素，除左First Solar Inc（FSLR）投資價值較中等，長線不宜大注。

港股同美股比例上，大致都可以，如果個別地區控制係7成比重以內，就更好。

整體策略，大致都可以。我假設投資回報有10%（連股息再投資），你每月投資$10000 + 60萬本金，10年後大約會增值至350萬，依然同目標400萬有少少落差。不過你組合較進取，如果發展正面和經濟全面轉好，都有機會年均增長高過10%。

但你要記住，願意承受高風險，唔等同100%換來高回報。因為相關企業發展成功，當然你架取進組合會跑贏大市。相反，如果發展不似預期，都會跌得比大市急好多，你要明白這一點。

Q34968：

成哥 想問你意見

關於保險既, 我舊年養左隻狗仔

佢而家1歲半，我開始想為佢健康打算

唔想佢大左，冇錢預備比佢睇醫生，又或者因為使費大而影響左佢得到既醫療

我有兩個諗法

1. 買寵物保險，年費2880，保額每年最多80000

2. 自己用種子基金30000蚊左右，做年回報8%左右既收息股複息

保險好處

1. 早出事既保額比投資大

2. 因為先支出，用起上黎心理壓力細

唔好處

1. 純支出，冇事就白比

2. 出事果樣，唔係保險範圍，變左保費又比左，醫藥費又要另外比

種子基金收息股好處

1. 錢掌握係自己手

2. 就算有其他意外，都可以用番基金d錢黎用到

唔好處

1. 早年滾出既資金唔多

2. 如果中間有事要用，會削減左本金，影響後邊回報

其實唔止狗仔，我自己都有呢個問題，38歲最近都諗緊要唔要body check ，要唔要買保險😂

身邊朋友冇咩人傾到呢個topic

成哥可以比d意見我嗎？

龔成老師︰

首先，寵物部份比較抱歉，我對相關保險無研究。同埋無養過狗仔，無乜照顧和佢架醫療成本概念，所以唔方便比具體建議你。

其實我覺得狗仔醫療費用如果唔大，比較建議用一般現金支付。

因為保險概念雖然係轉移風險，但當中都有大細之分。好似人壽、危疾明顯係大，動不動數6至7個數字。

但一D比較細數(1萬幾千)，其實你唔會因為要支付，而嚴重影響你生活或者投資規模，我就覺得無太大買保險架必要。

至於你本人，我自己覺得過左35歲，就應該每人驗下身。

因為病向淺中醫，盡早發現問題去盡快處理，從個人健康和醫療成本角度計，都係較理想。

而保險，我建議你保障型架保險(例如純人壽、醫療、危疾)點都要買，至於買多少，好睇個人需要。

Q34969：

咁2834需要留意得好實嗎？定知佢有實力，咁好似好多強既股可以一段時間先睇返呢？

龔成老師︰

其實投資優質股(例如2834)，唔洗睇到好實，因為我地唔係短炒。

我地係用一個合理價，買入優質企業去長線持有，等佢自行成長，以達至財富增值目的。

一般我地會半年至1年審視一次，睇下佢核心質素有無變，咁就可以。

由於佢是進納指的ETF，企業質素不用擔心，不過股價會較波動，所以要留意這方面的風險。

Q34970：

你好龔成，想問一問我應該賣左邊D去好呢？

3319 HOLD500

3033 HOLD 600

2845 HOLD 200

2383 HOLD 800

1972 HOLD 200

1822 HOLD 500

1830 HOLD 19000

1810 HOLD 2600

1448 HOLD 6000

1211 HOLD 500

1177 HOLD 7000

823 HOLD 200

522 HOLD 200

285 HOLD 1500

27 HOLD 1000

14 HOLD 2000

5 HOLD 48

APPLE HOLD 29.4 stock =£4495

Alibaba hold 48 stock =£2918

Tesla hold 1.3 =£274

NVIDIA hold 0.5 =£223

Home Depot 0.4 =£120

S n P 500 2 share =£74

S n P 500 Vanguard hold 94 stock = £6800

股票大概有650K （65萬HKD）； 現金大約350K 35萬）； 另外有MORTGAGE，月供3000千元左右； 剛剛失業有點迷惘，之前做了服務行業有10年左右，之前大概一個月搵兩萬左右一個月。

現在打算轉行。。但害怕搵得比之前少。。IE/YOGA 老師。。

下年會結婚和應該會好快生小朋友。另外未婚夫自己都有一個MORTGAGE所以唔太需要擔心租金問題。

謝謝老師

龔成老師︰

(1822和2382，我估你係打錯，應該是1833和2382。)

先從質素上講，股票都有長線投資價值，唔需要話沽出邊一隻。而組合中以增長股為主，適合你年紀。

但留意1833,3319不確定性都大，唔好太重注。

但較大問題係你持股好多，我建議長線集中係10隻左右好D，咁你會易D定期審視佢地質素變化，咁會好D。

另外，你組合有不少都是科技類，你都要留意翻這類別的比例。

由於你現時失業，再加上短期內會有大開支(結婚)，建議手上架資金優先用於這2件事上。再有餘力，才好考慮是否加注投資，一切以生活優先。