Q35541：

你好龔sir，想問關於人生去向

自己剛畢業，還沒有找正職工作，有兼職頂住小小經濟，還味知道之後條路掂行，請問可以俾啲建議？

龔成老師︰

剛畢業對於人生有迷惘是很正常的事，建議你可以從自己的專長，興趣，能力著手去觀察自己。

好多人會以爲畢業就代表好多野已經穩定，有出路，但其實這只是人生的開始。

學校只會教會我地學術性的相關知識，但一個人的成長不會單單限制於這部分。

人際的溝通技巧，自己的性格，理財的能力，交際的能力等，其實學校都無教過我地。

因此，你可以先諗一下自己的專長，例如，你現時做的兼職能否把它變成正職？

你以前的讀書生涯中，有沒有什麽是自己特別容易上手同時又有興趣的？

這可以是你的一個發展方向，但最重要是保持進步，因爲你仍然年輕，好多事都要經歷嘗試先知道。

所以，不要停下前進的步伐，只要你不斷嘗試(不同工作、認識更多不同人、睇不同架上等，去開闊視野)，就一定可以找到屬於自己的出路，加油！

Q35542：

Btc減半前是不是不建議建倉coinbase？

龔成老師︰

我大概估到點解你咁問，因為加密經濟有一種說法，就是根據以往多次減半架歷史數據，預期減半前(估計今年4月)，會有一次較大回調會先出現，所以你想等埋先。

不過，你要留意以下幾點︰

1) 以往加密市場主要散戶主導，而今次多左機構進場，過去數據走勢或受影響。

2) 正如影片所講，佢長線表現未必再同加密貨幣走勢完全掛鉤

3) 我地投資優質股，唔會估走勢，而係用策略性部署

因此，如果你真係睇好coinbase(COIN)，建議你開始慢慢分注儲貨，去平衡價格波動風險，同時控制注碼，咁就可以。

Q35543：

想問一隻美股TSLA

股價上落大，有無長線價值？

龔成老師︰

特斯拉Tesla, Inc.（TSLA）有質素，增長快，但始終唔平，股價上落大，要注意這方面的風險。

佢成立於2003年，總部位於加州，是一家垂直整合的可持續能源公司，以及製造與銷售電動車。

Tesla銷售用於發電的太陽能電池板和太陽能屋頂，以及用於住宅和商業地產（包括公用事業）固定存儲的電池。特斯拉擁有多款車型，包括豪華、中型轎車和SUV汽車。

Tesla是全球最大的電動車製造商，全球電動車銷量第一位，以現時這企業擁有的技術與優勢，領導地位將會持續。企業過往發展速度十分快，憑藉其主打車型「Model S」、「Model X」、「 Model 3」、「Model Y」，帶領Tesla發展成為電動車王者。

佢有一定的質素及潛力，但不是無風險的，第一，電動車始終是較新興行業，業務始終有不確定性，第二，Tesla估值有時會偏貴，第三，Tesla過往股價甚為波動，第四，上述不少估值都建基於假設，但最終結果未知。

近期佢回落較多，主要是受到經濟疲弱，再加上電動車減價戰影響。

而且，預期佢現有車款，相信都唔會令業績有重大突破。而新車款、機械人等新產品，又出台，要去到令集團收入有明顯貢獻，相信都要時間。所以，種種因素加埋，令到股價有較大調整。

這企業不是不可投資，長線依然係正面。但投資者要注意風險，最簡單的方法，就是投資時小心控制注碼，最好以小注分注的模式進行，同時，要控制好總投資金額。如果有貨，可長線持有，如果無貨，現價只宜小注，你預現價是合理區中間，要留意股價上落大。

Q35544：

想請教一下3433 南方美國國債點睇

多謝龔SIR指教先

龔成老師︰

南方東英富時美國國債20年+指數ETF(3433)追蹤富時世界國債指數中到期期限大於或等於20年的美國國庫證券的表現。

現時美國正處於加息周期，投資美國20年期的國債適合低風險的投資者。

同時，投資在香港上市的美國國債ETF不用交30%的股息稅，較投資美股ETF收息更有利。

如果你本身是接近/已退休，或者投資取態好保守架人，想用佢來收下息，都可以考慮。

相反，你係較年青或者進取，美債長線增長力很大機會低於優質股，故未必適合作為長線投資對象。(當然，中短有機會因息口大變，而令佢變得波動。)

假若你係想投資收息，長遠建議你建立一個收息股組合，將一部分的資金買入約5%-6%回報的收息股，去為自己創造現金流。

Q35545：

早晨sir

港股開始儲貨

美股得1隻nke

港股儲

恆生高息

小米

澳博離埸

Btc eth儲冷錢包, 同HashKey 合法交易所

外幣港元基金儲跟月供

謝謝你分享港股同美股

其實之前買股票我輸錢因為買細價股炒

之後買加密貨幣贏大錢 所以到現在儲跟usdt 美元代幣

現在你分享, 我現在有信心入港股, 因為我有看你書

龔成老師︰

首先，多謝你架支持。

其實現時港股已經跌到合理區底，係有一定值博率。當然唔係話聽日就大升，可能仲要些時間，但現時開始儲貨，其實長線有一定優勢。

但投資投市架時候，有D地方要你注意翻。

首先，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，我地係做投資選項時，會睇翻你現時人生階段。假設你係年青至中年人士，應先做好增值，我一般建議用「平穏增長股」 + 「潛力股」作組合，去創造一個增值平台。

但如果你希望開頭穏陣D，或者你係年紀較大，你應該用「平穏增長股」 + 「收息股」的組合。你可以睇翻你自已年紀和風險承受能力，去做決定。

長遠來講，你要「平衡配置」。

港股+美股，都要有。

而你本身持有架股票，都有質素。小米(1810)係潛力型、NIKE(NKE)係平穏增長型、3110係收息型。

以下是一些相關架優質股，你可以參考下，用佢地作為長線投資或月供架主力。

可以建立一個收息股的組合，目標是5%以上股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，你可以了解下，並從中選股。

平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等。

或潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，但佢地波動性和風險會較高，要自己平衡。

至於外幣港元基金儲，除非你年紀大或者較保守，否則不太建議持有，始終增長力好一般。

而加密貨幣則相反，除非你年青、高投資經驗和風險承受力，否則不建議持有太多，始終佢係新興經濟，風險好大。

我最近出左影片，講左D加密經濟架野，你可以睇翻。

https://www.youtube.com/watch?v=f_L5CNtkl6s

最後，將加密貨幣安放係冷錢包，係正確做法。記得，24個Private Key(或稱︰Recovery Seed)唔好話比其他人知。那怕是你join一D投資project，或者(扮)交易所架人問你，都唔好講，因為正常架project或者交易所，係100%唔會咁要求。

同埋，USDT你要明白佢雖然係穏定幣，但背後支持佢架資產係有少少風險，即係話佢有機會跌低過USDT1:USD1(雖然暫時而個風險都仲係好細)，你要明白這個風險。

Q35546：

你講過你有AAPL

而家仲買唔買得過？

龔成老師︰

Apple（AAPL）有質素，無論技術、發展、品牌、銷售網絡都十分強，是可以長線持有的股票。

佢設計了各種各樣的消費電子設備，如智能手機（iPhone）、（iPad）、智慧手錶等。而iPhone占蘋果總收入的大部分。另外，蘋果亦為客戶提供各種服務，亦是一些延伸的賺錢模式，如蘋果音樂、iCloud、蘋果電視、蘋果支付等。

蘋果有很強的護城河優勢，其中一項是來自高客戶轉換成本，再加上當中的技術、發展、品牌、銷售網絡都十分強。

除了留意iPhone等產品的銷售外，也要留意其他收入，因為智能手機只是平台，只是其中一個產品，蘋果努力擴展其他收入，同時有另一項業務，賺錢能力比產品類更高，就是服務類，蘋果正擴大 iOS生態系統的覆蓋範圍，近年對收入貢獻比例不斷提高。

投資者買入這股後，可長期持有，就算有中短期波動也不用擔心，除非蘋果的核心質素有變，否則，若果只是一些中短期問題，例如中短期產品銷售、中短期供應鏈問題、中短期研發無突破，投資者不用理會，只需耐心持有等企業成長就得。

由於已經發展得好大，之後會進入穩定的增長期。長遠的投資價值仍在，如投資要分注，長線，現價算是合理區頂。

Q35547：

老師，QQQ現價可買？

龔成老師︰

Invesco QQQ Trust（QQQ）是追蹤美股納指的ETF，長遠有潛力，是最簡單投資美股潛力股的工具。

美國的納斯達克指數，當中在多間大型的國際非金融上市公司，成份股以市值作基礎，並以一些規則平衡較大市值股份造成的影響。

如Alphabet、亞馬遜、英特爾、Netflix等，都是全球最大型的科技類公司。

長遠有一定的潛力，但要留意，由於指數近年上升了很多，現價已在合理區頂，不建議這刻大手投資，最好的方法，就是月供或分注小注投資，長線持有。

Q35548：

早 6862平未

有冇質素？

龔成老師：

海底撈（6862）短期業務仍會因中國經濟波動而有影響，長遠來說，這股仍有質素的，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。

在中國有好多分店，以及外國都有。

有規模，有品牌，整體正面。相信長遠仍有發展的。但相信以佢的情況，仍要弱一段時期。

這股市場之前比佢好高估值，就算近期回落，最多只能稱為合理區底部，未算好平。

如果有貨可長線，但不建議持貨多過，但無貨暫時只建議小注，股價始終波動，行業仍有不確定性。

Q35549：

龔sir請問9988 現價可入嗎？

龔成老師：

雖然業績大致合市期預期，但賺錢能力有所減少，同時回勇力度不足，現價在估值上可投資，但你預短期仍一般，要耐心少少等好轉。

Q35550：

老師，有邊啲書關於價值投資，可推薦？

龔成老師：

《解讀巴菲特》

《巴菲特寫給股東的信》

《勝券在握》

《智慧型股票投資人》

《非常潛力股》

《圖解股票小百科》

《股票勝經》