Q49381：
你好👋🏻，請問長者有筆閒置資金，大部分係銀行做定期，依家想幫佢開始慢慢買入香港收息股，另外依家開始月供USD250 SPYM,同埋想月供USD100 ,請問QQQ ,QQQM 定IQQ 較適合呢？
龔成老師：
由於長者風險承受能力較低，所以建議集中考慮收息股、收息工具。
而QQQ、QQQM，這類並不適合。
至於美股標普 500指數ETF（SPYM），有質素，但對收息來說並不是最好工具，如果真的想買，只宜小注。
這ETF 原本的代號是 SPLG，但在 2025 年 10 月 31 日 起正式更名為 SPYM，並納入 State Street（道富）的品牌旗下。
基金所追蹤之指數為S&P 500 Index，在扣除各種費用和支出之前追求達到和指數一樣的投資表現，而管理費也不高。
成份股當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注。
反映長者資金，可考慮以下項目：
第一，建立一個收息股的組合，目標是5%以上股息率的收息股，例如高息基金（3110）、恒生高息股ETF（3466）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110、3466可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
這是不差的收息組合，但增長力不強。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。
Q49382：
唔記得講我今年40，我老公47。
佢就寧願留返啲錢自己投資。目標退休前由依家三百幾萬滾存到一千萬。
同埋佢覺得而家暫時有屋住。冇迫切換大樓嘅需要，但係我自己就轉唔慣深水埗，加上想換大d。。
但佢意思如果要供樓就儲少咗錢。滾存落去嘅本金亦都少咗。就難啲有舊錢退休。佢話最理想搵到啲一萬蚊一尺嘅樓，例如360尺。咁就4,000,000搞掂晒所有嘢連埋啲律師費印花稅，
但又變咗市場上嘅選擇越嚟越少同埋樓齡又相對大可能二三十年樓齡。加上遲啲北部都會發展。新界會起越來越多樓。到時供應多可能樓價都會跌。
加上經濟差。其實老師你覺得而家應唔應該入市啊？
龔成老師︰
我覺得，分開黎睇︰
- 自住物業的話，最重要係佢適合自己長期生活需要(講緊未來10-20年)。同埋長線有信心供得起，咁就可以。
好多人會將投資因素，放埋落自住物業度考慮。我唔會話錯，但其實未必有太大架必要。因為自住物業，就算佢升定跌，一般人都因為咁去輕易沽出佢架物業(除非你長線可能因為家庭需要，會打算再換樓，咁就另計)。
即係話，個物業價格變化，好多時只係影響緊你架心理，而非實質。
反而，你供款出問題，就真係有機會影響你持有物業架狀態。或者佢已經唔適合你居住，先至有機會去進行換樓。所以，"生活需要"同"供款能力"，永遠先係自住樓優先考慮重點。
若果係自住物業，由於我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。所以，現時入市都係可以。
- 投資增值係緊要，但都係為左生活。
我明白你老公，想盡快增值，累積到退休資金的想法。
而你希望以生活優先，始終現時生活環境，對你而言都係較不理想。
而部份，2個人架想法，無絕對對錯。
重點，係你們要溝通，找個平衡點，或者一個大家接受的長線規劃。
Q49383：
老師，美債息率這麼高 如果誘發股市大跌 那麼我們有什麼避險投資或工具呀？
龔成老師︰
其實，我地投資係會用長線思維去部署。部署邊類股票，好睇你年紀和取態。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
假設你係較年青，就會先用增長型股票，去做好增值部份。
相反，你係接近退休之年，則會以收息股為主，去為退休做準備。
而息口變化，我知好多人會思考，是否要轉好較保守資產，去到平衡。
但其實，我偏向唔會咁做。
只要手上架股票係優質，同時又適合自己人生階段，就唔會減持，除非︰
‧佢長線質素轉差
‧股價已經異常地費
面對而D情況，我地只有手上留有一定現金，當大市真係回調，就加注優質股，咁就可以。
息口變化，始終唔係企業本身核心，所以我地部署時，唔會好重點去考慮。
反而，佢架長線業務質素，先係最關注架地方。
Q49384：
龔sir你好，請問3808中國重汽點解呢隻股日日係咁跌？
前景如何呢？
我在$40入咗現在跌到$35.3，是否應該止蝕？謝謝.
龔成老師：
要睇你持貨多唔多，佢不是無質素的，但短期仍面對市場競爭影響，賺錢能力有機會減，因此短期表現一般，但長遠又不是完全無發展的。
但考慮短期波動，最重要控制好持貨，如果貨不多可守，貨多就減部分。
中國重汽（3808）主要業務為專營研發及製造重型卡車及有關主要總成及零部件。總部及主要生產基地位於中國山東濟南。
佢連同母公司按銷量是中國最大的重型卡車生產企業。長遠來說，其實是有質素的。
睇翻佢資料，佢重型卡車產品品種包括貨車及貨車底盤（總重超過14噸）、半掛牽引車（准拖掛總質量超過12噸）、自卸車及各類專用車底盤等，是國內驅動形式最全和噸位品種最多的重型卡車生產企業之一。
重型卡車產品廣泛服務於基礎設施、建築、集裝箱運輸、物流、礦山、鋼鐵及化工等行業的客戶群。
過往的生意與盈利理想，有長線投資價值。
將來會否全面投入新源市場，都係未知之數。
而現時質素而言，此股有投資價值，但考慮短期波動，最重要控制好持貨。
Q49385：
請問QQQI及QQA是否相較其他covered callETF更能減低本金被蠶食的風險？如在股災低位買入，可否長期持有收息？謝謝！
龔成老師：
QQA 傾向「費用低、多留一點股價上漲空間」；而 QQQI 則傾向「高利息、不惜犧牲更多股價升幅。」至於你問QQQI及QQA是否相較其他covered callETF更能減低本金被蠶食的風險，答案「是」，但缺點是跌幅有機會比其他covered callETF較多。至於股災買入，可以。
NEOS Nasdaq 100 High Income ETF（QQQI）是主動管理型 ETF，旨在為投資者提供與 Nasdaq100指數掛鈎策略，同時通過期權策略產生高額的月度收入。
這ETF並不是傳統型的ETF，因此情況會較特別，優點是高息，往往有10%以上的利息，因為利用期權去產生現金流，但缺點是背後都有一定風險。
簡單來說，在一般的市況，這ETF可以派不差的股息，但這類ETF，有3個風險：
1）如果股市持續向下，ETF價格都會大跌，有機會出現賺息蝕價的情況。
2）當股市大升，這ETF的升幅有機會落後大市，只能賺到利息收入，而錯失了增值時期。
3）操作風險。因為基金無完全講當中的運作，我只能透過基金網站簡單講述的操作，去估當中的運作，如果基金操作不當，會否有資產價格大跌的風險，這點我都不清楚。
我並不是說不能投資這ETF，而是要明白上述的風險，同時在注碼上不宜過多。
Q49386：
上一代...儲蓄思維，永遠「儲現金-放係床下底」成日話零風險又保值。
點知...一退休/失業 唔夠一段時間就洗晒 或者唔捨得洗晒。
相反我覺得...比較理想，將部份資產買D 收息股，未雨綢繆..仲可以息滾息 助大資產。
萬一當你有咩變動時，收既利息都夠 幫補 生活，都唔洗去到咁徬徨階段。
全家人心理作用上，都起碼安樂D。
龔成老師：
現金只會輸通賬，我地最重要做好「配置」，投資不是炒賣。
收息股都是一個理想資產，但不是唯一，最重要建立平衡，同埋適合自己的組合。
Q49387：
龔SIR，想問下，如ETF哥類的3437，成交量及額不算高，會否有任何風險？謝謝
龔成老師：
博時央企紅利（3437），其實都是不差收息ETF，至於成交較少，會影響流通性，即是買賣可以要等下先成交，又或者買賣差價較闊，至於本身基金風險則不算高。
3437基金的投資目標為追踪中證國新港股通央企紅利指數之表現。
成份股有：中國神華（1088）、中石化（0386）、中國電信（0728）、中聯通（0762）等。
其實都可以視為收息股的組合，現價約有6%、7%，算是合理位置的。
Q49388：
龔sir ,想問吓1783 ，謝謝
龔成老師：
小心！
晉景新能（1783）主要在香港作為總承建商從事承接上層結構建築工程、對現有結構實施修葺、維護、改建及加建工程；以及逆向供應鏈管理及環保相關服務的業務。
雖然近年生意都有一定增長，不過企業持續虧損中，高風險。
坦白講，生意每年數億，年年虧損，現時市值超過$100億，除非企業之後發展十分理想，否則，這刻貴！要小心！
Q49389：
阿sir，想問下0068一路尋底，你點解睇呀？前景發展力點樣？
龔成老師：
群核科技（0068）是杭州六小龍之一。業務係有關於空間智能、同模擬技術，公司擁有深厚架3D技術，自主GPU集群、AI算法平台，同埋海量架合成空間數據庫。
始終佢未有盈利，業務又較波動，所以股價上落較大，當市場對這股風險度擔心時，短期仍會較一般，但業務不是無發展，不過，一定不能大注。
佢架物理世界模擬器，主要用係家居設計、工業生產製造、虛擬物理世界等多方面。
集團架空間語言模型，能夠精準辨識場景中架物件、結構、同空間關係。支援自然語言指令交互，令AI可以明白當中架空間邏輯。若果長線可以成為機械人訓練架虛擬場景平台，佢架價值，會進一步提升。
現時產品廣泛應用於從住宅及辦公樓到零售店及商業項目等業務場景。集團的軟件及服務基於三項核心技術能力：專門構建的GPU基礎設施，先進的人工智能(AI)應用程序及合成虛擬數據生成。
在國際市場，集團針對亞洲及美國市場推出一款本地化空間設計軟件Coohom，其擁有適配特定地區的設計界面及模型庫，支持18種語言。
集團主要採用訂閱模式運營，其收入主要來自企業及個人客戶對集團軟件的訂閱，客戶涵蓋整個空間設計價值鏈的主要參與者，主要包括設計師、室內設計及建築公司、家具製造商和零售商、定製家具生產商、房地產開發商及建築材料提供商。
企業有發展力，但現時仍處於虧損狀態，這點令估值較難，股價上落也較大，投資者要留意這點，這股小注投資都可以的。
Q49390：
請問3110和3190應該選那一隻作長線收息較好？ 謝謝龔老師
龔成老師：
兩隻都是不差的收息ETF，你同時持有可以更平衡，只要將資金平均分到這兩隻ETF就得。
如果要2選1，其實騝兩隻好接近，如果你想組平衡D，就3190。
富邦滬深港高股息（3190）是一隻收息基金，基金之目標為追蹤恒生滬深港（特選企業）高股息率指數（價格回報）之表現。
當中持有不少內地及香港的收息股，如農行、工行、香港電訊、中移動等。可以視為一個收息股的組合。