Q46701：
龔成老師：我之前上過你online course🥺10年前睇過你既page，開始月供少少咁，今年剛好供左10年。但今個月30歲啦😭想供番多啲，希望有一半增長股加 一半收息股，多啲被動收入🙏🏻對股票都係冇乜認識🙇🏻♂️希望老師您可以俾啲長線月供組合上既建議
背景
自由職業 ，月入3-4萬，10萬儲蓄作不時之需，每月打算月供1-2萬。
正在月供：
比亞迪電子$1000
盈富基金$1000
現持有：
00003煤氣 1098股 (已停月供)
00285 比亞迪電子933股
00823 領展767股 (已停月供)
01211 比亞迪 1506股 (已停月供)
01810 小米 823股 (已停月供)
02800 盈富 1757股
今個月買左Voo2股
轉過平台 平均買入價睇唔番😭其實唔知賺定蝕😣一路都係當儲錢冇理
問題：
- 比亞迪1211仲應唔應該入？見佢之前200幾回落到100樓下
2)煤氣/領展應該賣掉定係長keep啊？其實唔何幾時先需要賣
3)若果黎緊月供1萬，新分佈如下，老師認為可以嗎？🙏🏻
2388中銀？收息$2500
3067安碩恒生？增長$1500
比亞迪電子或者比亞迪$1000
2800盈富基金$2500
3110高息基金$2500
另外最近收入有鬆動，打算每個月買2手Voo，老師覺得咁樣好唔樣啊？🥺
龔成老師：
1）比亞迪（1211）佢之前進行「1柝3」，所以，股價也調整，之前你見到的$200，其實要除以3，才是現時的價位。
而佢進行「1柝3」，也會令你持有股數乘大3倍。
這股有質素，現價合理，你原有貨可持有，至於是否再入，如果這股已經佔你組合一定比例，就未必適合再加。
2）煤氣（0003）、領展（0823）增長力減左，但不是無質素，如果你追求平穩增長及收息，仍可以持有。
如果你貨多，可考慮減少少，但又不用完全賣出，因為不是完全無質素。
3）你組合缺少了美股，你應該將其中的$5000-$7000月供VOO，以年計長期進行，可以令你組合更加平衡
餘下資金，可考慮月供盈富（2800）、高息基金（3110）。
至於現時你正月供的比亞迪電子（0285），如果夠貨就停一停供先。
Q46702：
老師請問以下現時是什麼區域？
幾多錢是合理平可入手？
916
3939
另外1378為何放入3466&3110作成份股？還佔高比重呢？收息股來說風險大嗎？
謝謝🙏
龔成老師：
龍源電力（0916）是新能源相關企業，因此股價會較波動，所以有風險，注碼也要小心控制，長遠來說有質素，這股有長線投資的價值。
所以這股仍有長線投資的價值，但回勇要時間，同時，龍源存有風險因素，因此投資都要控制好注碼。現價大約在合理區較下部。
萬國黃金集團（3939）在中國主要從事採礦、礦石選礦及銷售精礦產品業務，其中銅精礦及鐵精礦為集團的核心商品。
近年受惠金向上，股價都上升不少，但考慮到金價較波動，這刻投資價值只是一般。如果有興趣，只宜小注投資。
中國宏橋（1378）因為派息不差，所以有機會入左一些指數成份股。
留意中短期股價波動波動，近年資源價格上升令這股向上，但如果價格跌都會對佢有一定影響，所以，都有機會令ETF波動大左少少（又未算好多）。
Q46703：
龔sir,9992發生咩事下跌咁多？
龔成老師：
泡泡瑪特（０９９９２）因為出左業績，雖然表面睇有增長，但比市場預期差，所以股價回落。
9992中午公布截至２０２５年１２月３１日止全年業績，全年純利１２７﹒７６億元人民幣，按年升３﹒０９倍；每股基本盈利９﹒６１元人民幣，派末期息２﹒３８１７元人民幣，按年大增１﹒９倍。
非國際財務報告會計準則經調整純利１３０﹒８４億元人民幣，按年升２﹒８５倍。期內收入３７１﹒２億元人民幣，升１﹒８倍。自主產品收入３６７﹒９億元人民幣，按年增長１﹒９倍，其中ＬＡＢＵＢＵ所在ＴＨＥ ＭＯＮＳＴＥＲＳ家族收入１４１﹒６
億元人民幣，按年增長３﹒７倍。
Q46704：
35歲開始買退休年金會否又太早？😂
龔成老師：
不是不可，如果風險承受能力較低，買少少都可以。不過，我地進行人生財富累積，應該用「先增值，後現金流」方法，所以，退休年金只宜佔財富組合較少比例。
Q46705：
老師你好，請問什麼是Irish domiciled ETF
龔成老師：
所謂 Irish domiciled ETF（愛爾蘭註冊的交易所買賣基金），簡單來說就是基金的「戶口」設在愛爾蘭。
對於香港投資者來說，選擇愛爾蘭註冊而非美國註冊（US domiciled）的 ETF，最大的好處是稅務優惠：
股息預扣稅減半：如果你買美國註冊的 ETF（如 VOO），美股派息會被徵收 30% 稅。
但如果是愛爾蘭註冊的 ETF，根據美愛稅收協定，稅率會降至 15%。長期累積下來，這 15% 的差額對回報影響很大。
Q46706：
老師，我上緊你嘅堂，一直有睇你嘅書，甚至開始睇查理·芒格嘅書，想學識真正嘅長線價值投資。
但係當我同時接觸市面上其他財經資訊，例如TVB嘅財經節目、AA Stock、網上好多youtube，我發現自己越聽越亂。
我明明喺你度學緊理解企業、長線持有，但出面嘅資訊全部係而家要追呢隻、消息話會升、你錯過就冇。兩種嘢完全背道而馳，我夾喺中間，越聽越精神分裂。😅
剛剛睇到你嘅post，要認清楚免費資訊嘅目的，我呢刻好有共鳴，因為我真係感覺到市場上有好多唔負責任嘅聲音。
但我嘅無助係：我明明想行你教嘅路，但每日打開電話、電視，都好似有人喺度話我知，你咁樣太慢、你錯過咗、你唔識。
我想問，喺呢個資訊爆炸嘅年代，一個認真想學價值投資嘅人，應該點樣面對呢啲矛盾？我點樣篩選呢啲資訊平台，才唔會被牽住走？謝謝老師。
龔成老師：
記住，股市上真正賺錢的人是少數，大部分人都是無賺或蝕錢。
巴菲特是歷史上，憑投資賺最多錢的人，而佢並無股票報價機，不會不斷睇股價或短期消息，佢集中分析「企業年報」、「企業資料」。
你平日在電視、網上見到的資訊，是比一般人睇，只是滿足散戶，而這些散戶坦白講，都是不賺錢的（這是事實）。
你如果要成功，就要有獨立分析能力，記住，成功者是少數。你要集中睇企業面資料，我地不是不睇電視、網上資訊，而是我地要分析，那一個資訊，對企業的核心情況影響，我們就會視有用，如果該資訊或意見，只是一些短因素，就不用理會！
Q46707：
請問是否不應該買有基金成份的產品?
因為試過買兩次都要蝕錢或者係謹保本
龔成老師：
不一定。
其實基金分好多好多種，根本唔可以單憑「基金」這兩個字就推斷是好是壞。
以下講一些最基本選基金技巧。
基金是一個集體投資的模式，原理是每個小投資者，夾錢比基金，然後就有基金經理去進行投資。
每一個基金都有不同的主題，投資股票、地產、商品、衍生工具等。又會投資不同的地區，環球、中國、美國、新興市場等。
至於基金是否有投資價值，就要睇每一隻個別的情況，有部分不差，但也有部分不好，因此好難話好定唔好，另外要留意，基金一定會有收費，變相令回報細左。
在選擇基金時，第一，要了解該基金投資的項目，是否你自己睇好，例如新興市場？該市場是否你都睇好？又例如投資某國的房地產，你自己是否睇好。
如果是一般的股票基金，你最少要知道佢10大持股，確定這些股票是有質素，才好考慮是否值得投資。另外，要了解主要持有資產的風險度，整個基金的風險度、投資策略，是否與你的投資目標配合。
另外，你可睇佢過往的回報，是否跑贏大市，如果是，才有投資價值。
另一方面，除了傳統的基金外，交易所上市基金（ETF）都是一個選擇。如果兩者的表現差不多，就應該選ETF，因為管理費一般較低，但如果該傳統基金表現較好，或你較睇好，或無ETF作替代，你就應該選該傳統基金。
Q46708：
亞Sir，仍見香港很多商場空租、823領展作收息股、仍有價值嗎？
龔成老師：
領展（0823）雖然增長力比過往年代略減，但整體仍是有質素，是收息及平穩增長型的房託。
不過，香港人的消費模式改變，都會對佢有點影響，例如網購及北上消費。
至於領展核心持有的商場物業，地點都不差的，長遠租金就算增長不及過往年代，也不會太過差。
另外，佢近年不斷收購海外，以及國內業務，以強化物業組合，領展其中一個特色，就是尋找一些有潛力的物業，收購後進行翻身，提高租金及物業估值，雖然這動作會提高風險度，但同時反映，佢不是完全無發展力的。
增長力已不及過往年代，但收息及基本增長，仍可以。現價合理區較下部，可分注投資，長線持有，當然，都要控制注碼。
Q46709：
老師，9992 均價 $221 , 1400 股🙂↕️, 請問有冇機會可以返家鄉🥹🥹?
龔成老師：
泡泡瑪特（9992）其實不是無質素，企業是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。
佢算是中國最大且增長最快的潮流玩具公司。合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。
不過，佢過往曾經面對中國策方面的風險，這都是潛在風險。
有一點要留意，業務始終是潮流產品類，如果日後熱潮減少，都會對佢的生意有一定影響！
因此，只建議小注投資好了。如果你貨多，可能要減部分。如果貨少，可持有先。你預佢之後會上落大，現時好睇佢產品之後的受歡迎程度，如果向好，佢可以大升，但如果潮流再減，佢都會下跌。
Q46710：
龔成老師2024 曾問過你，有關我的強積金分佈，最初 100% 恒指，蝕咗起碼约 $30 萬，經這兩年現已平倉，追返 $30 萬，現還賺咗约 $10 左右。
並由 100% 恒指，現逐步轉為 60%平穩基金，40%恆指。
相信我約有2~3年時間便退休，所以我会逐步轉走餘下 40%恒指。多謝你的指導 🙏
龔成老師：
如果你只餘2、3年就退休，你要再保守D。
應該將部分轉去保守類基金，至於恆指基金，最好見好位減部分先，餘下再在餘下時間逐步減。始終你2、3年不是一個好長的年期，如果這段時間有市況不利情況，未必一定能2年內上翻。