Q45271：
Voo 定 qqq好
龔成老師：
VOO追標普500指數，QQQ追納指。
標指較穩定，長遠大致向上，納指潛力較大但風險較高，所以，好睇你的風險承受能力及投資目標，當然，兩隻同時持有都可。
對一般投資者來，我會先建議VOO，始終穩陣D。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，現價又唔平，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
Q45272：
龔成老師, 請問敏華控股1999,現價差不多$4.3 , 老師對此股有什麽分析分享?現價值得嘛?謝謝老師.🙇
龔成老師：
敏華（1999）不過不失，近年增長力減左，佢業務有沙發、床墊、板式傢俱、海綿、傢俱配件等產品的製造及銷售。
旗下擁有「Cheers芝華仕」、「Fleming北歐宜居」兩大知名家具品牌。
整體來說，這企業都算有基本質素，品牌及銷售網絡，加上在中國有一定的市佔率，都反映業務不是無優勢，業務情況不過不失。現價合理區中下部，這股有長線投資的價值，但又不值得投資太多。
Q45273：
老師，見1211跌咁多係咩事？
走一走先 低位再撈唔好咩
龔成老師：
第一，之前升得多所以回翻。
第二，中國車市競爭加大。
第三，大市弱。
其實，佢一年前股價只是約$80，只是之後升得多，所以跌翻$90大家覺得好多，其實佢表現唔差。同埋，我地最重要睇企業長遠發展，不要學一般散戶只懂睇短期股價。
至於你話「走一走先 低位再撈唔好咩」，無人知你賣出後，是否一定跌，如果升左到時點做好呢？
Q45274：
老師請問3466
覺得如何
龔成老師：
恒生高息股30指數ETF(3466)是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。
至於此ETF，主要係投資於金融類股份，佔接近4成，其次是佔約2成的地產建築業。
當中最大持股，包括中國飛鶴(6186)、電訊盈科(0008)、遠東宏信（3360）、恒隆地產（0101）等。這些股票都有質素，適合長線收息。
此股可作收息之用，現價合理，可分注儲貨。
Q45275：
想問你對659周大福創建睇法，長遠作為收息股可以嗎？
龔成老師：
周大福創建（0659），業務遍及中國內地、香港、澳門。
周大福創建係一間綜合企業，可分為7大業務：道路、環境、物流、航空、設施管理、建築及交通、策略性投資。當中可分為兩大類，即是基建及服務
整體的質素，算是不差，但又未到最高級別，業務分散於多個範疇，部分與公共事業有關，過往的生意雖然穩定上升，但盈利卻停滯不前。
企業本身不是沒有優勢，長遠仍有增長能力，但由於賺錢能力略有下降，加上企業本身已很龐大，增長期望不會太多，過往過價大致穩定，投資宜集中在股息多於股價回報。
現價合理，分注投資可以，但要明白佢增長力不強。
Q45276：
龔阿sir你好 ，想請教阿sir， 之前同你提過我喺珠海十字門買咗間屋 280萬人民幣買返嚟 得85平 為返港幣要310萬 利息三厘 我畀咗首期140萬人民幣 然後balance 140萬分30年供 每月 供五千幾 而家租咗畀人4300所以每月補千零兩千蚊
其實層樓我都 短時間十年內唔會住
當初諗住 利息供款 3%。
如果買股票 應該係會有 6%嘅目標盈利，
咁相差我哋都中賺三個percent。
我喺度諗 因為而家成交嘅話只係得返180萬人民幣 我哋供咗五年 嗰度應該有 成40萬係人民幣利息 咁即係 一來一回 面價唔見100 再加 利息40 即係差唔多百四萬人民幣。
但係如果而家賣出，咁我就可以攞返60萬港幣 ，
然後每月我就 唔使 供款比珠海，
然後把供款 的 六千幾蚊人仔，
可以 繼續買股票或者債券， 未來十年 可以繼續 當 儲錢 分散投資咁樣做落去。
即係將呢嚿錢供落去股票 債券而唔係公落間屋度。
不過如果而家出 肯定係最傷，因為已經係最低最低價。
我哋都聽到係房要嚟住唔係要嚟炒，我哋香港自己都有樓 將來阿媽如果百年歸老我哋都應該會賣咗層樓 換現金 然後一係換過偏遠 細兩房新單位，
又或者喺珠海中山 幾千蚊租嚟住。
重點係如果而家一賣 我哋就唔見成 百四萬人仔即係成百七萬港幣
攞返60萬現金 轉落股票然後轉跑到未來十年 每月將工珠海樓嘅錢 放喺 債券股票
但係 唔知道未來十年能唔能夠用 呢嚿錢60萬人仔本金追得返 輸咗嘅 百四萬人仔即係百七萬港幣😭😭
聽下阿sir你嘅指引意見 我係咪計錯數呢 係咪以為中間賺三個percent利息 係股票債券嗰度可以cover到間屋3% interest rate
但係其實我仲負債咁 成，一百萬。
因為層樓280萬 我畀咗百四萬 而家供咗 十零萬本金， 而家大約仲爭銀行尾數百二萬人仔。
我揸住咗三百幾萬 香港一d收息股 ，voo 以及債券。 有啲舊錢係因為 兩個月前賣咗層樓攞返三百幾萬現金 然後擺曬落去 呢啲股票債券。
然後繼續返工諗住唔理喇，上上落落都唔理。
我們夫婦今年50歲沒有小朋友。
期待阿sir幫我哋諗一諗因為我哋 嘅專業唔係呢範經濟投資，驚自己諗錯嘢。
因為我老公話如果而家蝕咁多 咁不如繼續擺由得佢繼續租畀人每月 補貼二千蚊供樓
望就望將來 個市升返啲樓回暖就唔使輸咁多
趙錦計我冇理由而家個屎跌 我走去 賣咗一百萬股票走去寶樂層樓度㗎
因為我一賣出就已經即刻蝕一百萬面數仲未計之前五年供畀銀行嗰40萬利息
Susan Wong
唉!真係慘
之前我哋 喺上海層樓220萬買返嚟住咗九年唔使交租 然後370萬賣出但係我哋分咗 15年供款 所以 計過 面數減埋利息 大約利潤 賺咗 一百萬人仔
請不要公開我買呢啲屋嘅內容畀觀眾參考 因為我有 香港人上海friend都睇緊你個節目
如果我攞 呢間屋賺咗嘅一百萬貼咗落去珠海蝕嘅呢間屋，
我即刻買出珠海，咁即係我啲9年係冇賺 搞埋息可能蝕三幾十萬
但我地而家諗唔明， 到底我哋兩夫婦應該繼續供落去珠海 十年後先算，
定還是 用複式的方法以及沒有銀行債務的狀況，
收返 珠海市價賣出後執返60萬的現金，
再 攞住60萬現金 然後再等其他 ，好嘅機會買入 更多嘅 靚㗎 收息股 以及債券， 然後每月將供樓嘅 錢，未來十年， 再擺落去收息股呢。。
唔知如果而家 咁樣轉軌道嘅話 未來 十年年本帶利追唔追得返呢 百幾萬。
而家我哋 每月供緊二千幾因為有四千幾，係收緊租租客幫我畀息，不過嗰度 都幾好，
因為係 澳門讀書嘅學生 幫我哋畀租 年付。
期待阿sir幫忙分析 非常感激你
即係我五年前畀咗140萬人仔首付，
再加呢五年供咗40萬，即係180萬人仔。
如果而家賣出180萬的話，
之前我問過銀行 攞得返60萬人仔，
以 180萬係市價成交 ，咁即係話 我呢五年時間 蒸發咗120萬人民幣， 我而家真係唔想唔落。
一係除非 我哋焗住繼續供，錯有錯著唔賣， 直等到 我奶奶百年歸老之後我哋賣出香港層樓攞返幾百萬 後 加埋 啲退休金 然後直接 搬返 珠海住。
最多 得閒每一兩個禮拜揸車返嚟香港， 食下嘢買下嘢見下啲friend同屋企人
我哋而家層樓 居屋 現在市值 及 幾晚大 單位 靚裝修 23年樓
奶奶84歲 感恩身體仲好健康不過老人家遲早都要返添加所以我哋兩夫婦現在50歲喺呢方面都 為自己將來 退休計劃預備
龔成老師：
首先，你要清楚一些理財的核心概念，我地最重要睇「將來」，而不是「過去」。
你話「供咗五年 嗰度應該有 成40萬係人民幣利息 咁即係 一來一回 面價唔見100 再加 利息40 即係差唔多百四萬人民幣。」
其實，這種想法已經沒有意思，過去的決定已不能翻轉頭，最重要是想想，這刻怎樣決定，才能對你長遠有最理想的財富增值！你一定要好好想清楚這點。
那一個決定，最適合你？
長遠對財富最平衡，有最大的成長？
這才是核心思考點。
以下比些方向你，你香港樓，不用變，保持現有的情況已可。
至於珠海物業，你要寫低，如果賣出後，你之後10年的現金流、資金、財務情況、收入、支出、生活情況怎樣。如果不賣出（假設樓價10年只升少少），你的現金流，資金，財務情況、收入、支出、生活情況怎樣，這是重要的比較點。
記住，分析點不是過往買入價、賺蝕，這些全部都是心理因素，不要理！你要睇之後，10年內的情況怎樣！
我會偏向賣出多少少，但當中始終涉及不少個人因素，所以，我強烈建議你，寫低之後10年，賣樓與不賣樓，各自情況，利弊，這是最全面分析。
Q45277：
早！ 請問709是優質的收息股嗎？
有7至9%利息收。謝謝你
龔成老師︰
佐丹奴國際（0709）整體質素中等，業務不算差，但未必是高增長，是平穩增長類。
這企業是國際服裝零售商，擁有眾多自有、加盟及授權經營之品牌，業務地區有中國大陸、香港及澳門、台灣、新加坡、澳洲及其他巿場。
品牌有：Giordano 及 Giordano Junior、Giordano Ladies、BSX等，約2000間，當中有約約4成為加盟店。
佐丹奴國際現時整體質素中等，業務不算差，但未必是高增長，是平穩增長類，投資者可以視為收息及基本增長。
現價合理，有投資的價值，只要貨不過多就無問題。如果原本已有貨的投資者，只要貨不過多，可視為長期收息去持有。
Q45278：
早晨老師，我之前都有睇到報導話Space X之後會上市，如果我哋散户應該係待佢上市才能買入？
美股IPO我哋是否參與唔到？
龔成老師︰
香港人唔係完全買唔倒IPO，但一般都係只會提供比機構投資者或高淨值人士。
所以一般散戶，只能在上市後才入手。
不過，大部份IPO作價都唔平，所以等上市之後再等機會，未必是壞事。
Q45279：
龔老師早晨！
請問現在可以買金嗎？
買金澳門的出入買很大，聽講香港可以在銀行買，是嗎？
買紙黃金可以嗎？
謝謝指引
龔成老師︰
香港部分銀行，例如恆生，中銀，都有得買實金，但要預早問有無貨，建議你預先打電話去問下先。差價不算好闊。
至於紙黃金，你可以考慮，我估計澳門都有銀行有的。另外，你也可以考慮黃金ETF，例如港交所上市的（2840）。
不過要留意，金價近年上升好多，短期波動，雖然長遠仍向上，但這刻投資要小心控制注碼。
黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。
不過，黃金沒有現金流，持有無法創造出經濟價值，其主要作用是對沖黑天鵝事件(唔係用來增值)。
所以，你可以投資黃金，但不用佔財富比例太多，我一般建議係佔財富組合2-5%左右就足夠，而且持有的應該為實金。
不過，你已經是退休人士，黃金唔會有被動現金流(你應以部署收息資產為主)，所以最多只宜2-5%好了。
Q45280：
老師 想問下9988 90元貨，還可繼續持有嗎
龔成老師︰
記住，買入價從來不是我們決定持有與否的原因。
我地只會因宜企業核心質素，去決定是否保留。或者佢估值異常貴，才會減持。
阿里(9988)暫時未見有核心性變差，故可以保留。
阿里（9988）係業務層面，有不少優勢，部分業務處有規模，也處領先位置，加上人工智能等技術不斷進步，都利好整體企業長遠發展。
數年前因監管因素，令企業增長慢左，加上近年競爭大左，影響佢賺錢能力。到近年，業務持續好轉。企業長遠仍有增長力，有發展延伸業務，都會成為企業增長點。
以企業的長期發展計，這股有質素，有長線投資的價值。
這企業不少技術都不差，再加上人工智能技術，會有利好企業長遠展，因此，長遠正面。
現時合理區中間，分注投資可以，買入後可長線，但短期有機會較波動。