Q41521：
你好龔先生，本人44歲，現月入8萬，家庭開支6萬，有樓自住，儲保太概40萬，現金40萬，之前唔識玩股輸了50萬，想問如果想由股票投資積累財富，可以點部署呢？真心求教
龔成老師︰
首先，你要做架係找出自己以往輸錢原因，之後調整好自己原有投資錯誤，先再全力前進。
暫時我會先建議你，用月供模式去做累積財富。直至你找到問題所在，同時又有一定投資知識時，才再自行定價入貨，咁會較安全。
"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。
但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。
未來投資策略上，你可以投資「平穏增長股」和「潛力股」。你每月5成儲蓄，即是用$10000做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
現時大市大致算在合理區中至中下間(港股)和上部(美股)，你現有40萬資金可以先投入10萬，用"分注"形式，慢慢買貨。餘下30萬和每月所儲到的資金，就等你有更多投資知識，和確切知道如何解決以往投資失利問題後，才再分注儲貨。
緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q41522：
龔sir早晨，請問以下四隻恆生科技ETF3032,3033,3067,3088點睇，做月供適合嗎？因資金不多想揀一隻做月供，應該選邊隻？求指教🙏
龔成老師：
其實都是相同，追蹤恆生科技指數的基金，所以，不用每一隻都買。
你買晒也沒有用，只是重覆。
所以，你選一隻月供就得。
安碩恒生科技（3067），有長線投資價值。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。
這基金上落較大，現價合理，但始終較波動，因此，不建議一次過太大注投資。
最好的策略，就是分注，或月供（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。
Q41523：
想月供$2000 1隻股3-5年 - 1810，1211，3067那個比較好？
龔成老師：
3067較好，因為較平衡，風險度較好。
安碩恒生科技（3067），有長線投資價值。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。
這基金上落較大，現價合理，但始終較波動，因此，不建議一次過太大注投資。
最好的策略，就是分注，或月供（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。
Q41524：
請問呀sir：如果将388换成2388可以嗎？
龔成老師：
兩隻都是有質素的股票，都可長線，現價都合理。
或者你可以將部分的港交所，轉成中銀，令你兩隻都同時持有，能平衡風險。
中銀香港（2388）長遠仍有質素，是收息及平穩增長類的股票。
這股近年股價較弱，除了市場擔心香港影響影響業務與壞賬外，香港樓市回落令負資產增加，都會對這銀行有影響，因為中銀在香港的按揭市場業務有一定的市佔率，因此當樓市轉弱，市場都會擔心這方面出現不利風險。
不過，這企業長遠的質素不變，投資者在分析時，也應該著重企業的長期發展，而不是短期情況。
在中長期，經濟會慢慢好轉，樓市會穩定，因此，這企業仍會慢慢好轉的。
Q41525：
老師你如何看gld這隻etf
近呢兩年好像已升了很多
龔成老師：
金價升佢都升，所以，最重要睇你對金價分析。我相信金價長遠仍會向上，因為現金只會永遠貶值，所以金價大方向向上，不過，中短期都會有波動。
我地可以在整個財富組合上，持有一小部分貴金屬，如黃金、白銀。
因為現時用的紙幣不斷發行令其永遠貶值，金銀就會不斷升值，投資者只要投資紙黃金、黃金ETF等，已能簡單地享受到當中的升幅。
同時，當環球出現一些重大事件，如發生一些極罕見但影響極大的不利事件時，就會對全球財富定義造成極大震盪，如大型戰爭、超級天災、大型人為災難等，我們現時所認知的貨幣系統就有可能崩潰，甚至連法律也沒有作用。而人們唯一仍視為有價值的，除了糧食外，就是金銀了。
不過，這類極端事情發生的機會率極低，大量持有金銀令財富組合變得無效率，由於沒有現金流，會損失了當中的機會成本。
因此，投資者只需在財富組合中持有少量已可以，作用就是平衡組合，基本上佔組合的2%-5%已足夠。
Q41526：
想請問現在有咩金，銀，銅，白銀股比較好？
龔成老師：
坦白講，如果你睇好貴金屬，建議你直接買入這類的ETF、或實貨，好過買相關股。
我地可以在整個財富組合上，持有一小部分貴金屬，如黃金、白銀。
因為現時用的紙幣不斷發行令其永遠貶值，金銀就會不斷升值，投資者只要投資紙黃金、黃金ETF等，已能簡單地享受到當中的升幅。
同時，當環球出現一些重大事件，如發生一些極罕見但影響極大的不利事件時，就會對全球財富定義造成極大震盪，如大型戰爭、超級天災、大型人為災難等，我們現時所認知的貨幣系統就有可能崩潰，甚至連法律也沒有作用。而人們唯一仍視為有價值的，除了糧食外，就是金銀了。
不過，這類極端事情發生的機會率極低，大量持有金銀令財富組合變得無效率，由於沒有現金流，會損失了當中的機會成本。
因此，投資者只需在財富組合中持有少量已可以，作用就是平衡組合，基本上佔組合的2%-5%已足夠。
例如黃金ETF，是其中一個可考慮之列。
ＳＰＤＲ金ＥＴＦ（2840）係一隻追蹤黃金價格的交易所買賣基金，當金價上升，佢都會上升，當金價跌，佢都會跌。
睇翻佢過往的價格表現，基本上都追蹤到黃金的價值，因此都可以成為投資黃金的工具。
Q41527：
1）2232 及1810（小米）作為月供及收息可以？
2）現在美元 及rmb 可作投資及定期？
長遠升定跌？
Thx
龔成老師︰
1) 2232質素一般，可收息，但不宜月供，只能小注。
1810可月供，但佢係潛力股，不是用來收息。
2) 在投資的角度，外匯不是最好的投資項目，因為說到尾，這些都只是一些貨幣，即是「政府借據」，貨幣中期會以週期的模式運作，但長期來說，都是貶值收場，因為貨幣只有「交易價值」，並無真正的財富價值。
而我地進行財富增值時，應該集中將資金投放在真正的資產，如物業、車位、優質股等。
Q41528：
Sir,有個問題想問
我強積金户口內，雖然都要65歲才攞到錢，但係入面都係投放咗不同種類的基金，是否都應該加以了解，作出適當調配，因為之前試過賺到錢之後，因為大經濟市況唔好，賺嘅錢又跌返落去，到呢幾年美股上升返，現在又開始驚佢太高，開始會跌返落去，但係除了保本利息基金外，唔知放系邊度好，但唔想好似之前咁跌返落去無賺，但呢排好似增長的確少咗。所以諗緊轉去那一類市場基金好……今次恒指未升之前，我又未搬過去
可否俾啲意見
謝謝Sir
龔成老師︰
唔建議，其實MPF係超長線投資，你唔好用短期架策略。最重要係要睇隻基金，長線有無投資價值。
另外，我預中美會係未來10-20年最大經濟體，所以投資港美股都係可行。
買康健護理都得，但要睇翻佢持股有無質素。同埋佢係單一行業，唔建議佔組合3成以上。
強積金的配置並不複雜，首先要注意，強積金是一個超長線投資，因此不宜做中短期炒賣，不用以預測投資市場的走勢去將強積金轉來轉去，除非你很確定，現時的投資市場明顯平，或明顯貴，否則在大部分情況，強積金不用轉來轉去
其實，你只要按你的年齡階段，去進行分配就得，年輕時較進取，到了中年就以平穩作配置，到退休前5-10年基金配置就要趨向保守，為退休做準備。因此，你只要按年齡做好配置，並且因年齡漸增，慢慢將強積金轉為較保守類別就得。
另外，在股票配置的部分，你可以考慮環球股票，又或以中國+美國作為核心，因為這兩在往後10年，都是全球兩個最大的經濟體，你同時持有可以。
其實強積金，著重配置、平衡，不著重炒賣。要考慮長期配置的模式。
好多人會覺得，咁中間有明顯波動，沽左先，等平D再入翻，好似會比較好。
無錯，但大前提係你要有一定估值和分析能力。當你沽出，再買入，已經係2個動作。做得好，固然有利。但如果做錯左，你會比長線持有架表現差好多。
所以，我一般建議長線持有，只要隻基金係有質素，長線走勢都係會向上。
Q41529：
你好, 龔成老師, 想問一下你的意見
網上有好多人都話美股今年2025年會股災
因為孳息曲線倒掛, 美國經濟衰退, 所以有股災
想問一下你點睇LE 一個消息
謝謝老師解答問題
龔成老師︰
股災真係發生，一定係大家估唔到架時候出現。如果預計到，大家都有充份準備架時候，就唔會有股災！
總括而言，美股依然有投資價值，可作為長線組合一員。但現價唔平，想入都唔好太進取，同埋預佢今年會好波動。
Q41530：
你好 。之前有做聽你分析做月供 。但停了 ，因為巿場太多擔心同憂慮 。但因為我投資真係唔叻，聽完啲選股都係唔知點入手，月供模式應該比較合適自己，我唔想日日睇住個巿，唔係咁啱我 。
如果只係供指數ETF: VOO， QQQ, 及最近聽你的3110 。這樣可以嗎？
之前跟你買的比亞迪，聽完朋友講，我放了 。 我再睇返，原來佢個估值仲好靚仔，如果以家再月供返，仲有無價值？ 或者仲有無一些潛力股可推介？ 比亞迪電子，係咪都可以？
龔成老師︰
月供股票是一個較爲穩陣的方法，適合投資新手。
月供股票的原理是利用平均成本法降低你買貴貨的風險，因此，一般需要的投資期起碼3年以上。月供期間，你唔需要太理會市場的聲音，負面的情緒反而是買入的良機。
考慮到你投資知識薄弱，建議暫時集中指數ETF(如2800,3110, VOO, QQQ)。因為佢地係一籃子不同行業的股票組合，具分散風險能力。就算個別股票出問題，整個ETF表現都唔會明顯走樣。
(VOO)是追蹤標普500指數的ETF，適合大部分的投資者；
Invesco QQQ Trust(QQQ) 是追蹤納斯達克100指數，風險較高，以你的年紀都可以投資，但就要控制好注碼。
以上都是美股的ETF，你可以同時考慮加入買盈富基金（2800），組合同時有美股同港股會更加平衡。
GX恒生高股息率（3110），是一個投資收息股的基金，追蹤恆生高股息率指數之表現，收息可以。但你就預期增長力不強，你都可以持有部分收息，以你年紀，最多佔2成左右好了。
至於個股，1211和0285都可以月供，但你本身投資知識一般，我怕你到時又因某D因素，就係不適合時候沽貨，所以暫時唔建議。
月供比例上，可以用2800和VOO做主力。
想進取點，就加QQQ。相反想保守點，就加3110。你暫時可以用這個大方向去月供。
最後，緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。