Q41551：
Hi, 老師, 我想問下你
如果32歲，現金得170000萬
月供一份5年保險總額$50萬
月供8000幾一個月
定還是留返170000萬做現金流
龔成老師︰
先講結論，我唔建議你買儲蓄保。
你還年青，應以增值為主。可以投資平穏增長股和潛力股，去累積財富。
儲蓄保增長力好弱，除非你好保守，否則唔建議。
其實"保險"，只係理財中防守部份，買足夠保障就可以。
何謂一個足夠保障，你可以參考以下幾點，去了解一些大方向。不過，每個人都有佢獨特性，所以你可以因應自身情況作出調整。
同時，由於不同保險公司，以至不同保險計劃內容都有差異。故建議你應該找個值得信任的保險Agent，去幫你進行規劃，會較為穏當。
1) 住院︰
住院醫療保障主要係實報實銷，去支援你因疾病或意外入院，所需要的相關開支。市場上有不同的計劃，保障範圍和計算方法都有所不同。
有些計劃保障額，足以涵蓋你大部份住院和手術情況，但較貴。有些計劃則在面對較複雜的疾病時，可能要自己補貼部份，會較平。你可以因應自己睇法，去進行選擇。
2) 危疾︰
至於危疾，佢賠償係以一個指定金額計算，同住院醫療保障不同。這筆賠償，無指定用途。
因此，危疾除了可用作抵銷部份醫療開支外，最重要係填補你因長期不能工作，所失去的收入。
由於危疾係一些大病，一般治療至休養，可能講緊係2-3年。所以，你可以用你2年左右年薪，作為基礎標準。
再按你現時和預期將來家庭開支狀況、保單條款等，再進行調整，咁就可以。
3) 人壽︰
當被保人不幸離世，保險公司就會對受益人支付保單訂明的賠償金額。
目的是保障因被保人離世，而造成的財務損失和問題。
例如，被保人有未成年小朋友，他們日常生活開支是要被保人支援。這時間，人壽保額就應以足夠支援小朋友至自力更新(或成年)為大前提，去進行計算。
而保險建議佔你收入的支出唔好超過1成，否則就過多。
你現時仍然年輕，可以考慮先將資產增值，例如投資物業或優質股，然後再創造現金流。
Q41552：
請問如何清楚知道優必選這間公司嘅團隊對公司將來嘅發展有冇幫助，例如小米背後有強大團隊發展，如果優必選冇核心發展就未必會爆發升上
龔成老師：
我地分析時，會集中睇企業的發展，產品應用，同時會小心控制注碼，因為風險高。
機械人不是新技術，而人型機械人行業近年有較大突破，其中一個原因是人工智能的技術突破，因為人型機械人，原理是將人工智能系統，同物理實體結合。令到人工智能能夠於真實世界入面，做到有感知能力，產生動作，與周邊架環境進行互動。未來架時間，預期人形機器人會慢慢由概念階段，逐步咁走向商業化。
至於團隊對公司將來嘅發展有冇幫助，我地可以分析這企業過往的研發情況，是否能保持有新產品，同時，面對不利環境，是否有能力過渡。
Q41553：
老師，想請教6181 老鋪黃金點睇？
龔成老師：
老鋪黃金（6181）是經中國黃金協會認證的「中國率先推廣「古法黃金」概念的品牌，是中國古法手工金器專業第一品牌」。
運用中國經典文化與非遺工藝，並致力於推出兼具文化、時尚屬性和能夠展示高品質的產品，涵蓋日常配飾、日用金器和擺件等。
集團的黃金產品主要包括足金黃金產品及足金鑲嵌產品（足金鑲嵌鑽石或其他寶石），且絕大部分收益來自線下自營門店銷售的原創設計古法黃金珠寶。
近幾年的生意及盈利，都有理想的增長，不過，這企業上市不久，現時見到的財務數據，都是上市前的數據，而這些數據，有機會利用會計技巧「修飾」。
因此，這刻未能確定業的業務，能否保持高增長。由於未能確定企業質素及估值，暫時算特別鼓勵投資這股，如果你睇好，小注投資好了。
Q41554：
想報你嘅美股班，請問同你書本上內容係咪都差不多？
龔成老師：
書會較多在理論層面，至於我的美股班，就會以實戰，應用為主，同埋會講一些書唔會講的野，你預7、8以上內容都無在書講過。
例如課堂會讀選股的具體過程，多種選股方法的運用技巧，具體捉大市平貴概念、買賣時機，分析最新企業年報、潛力股的分析，這是好有用的分析企業工具，只會在美股班講述的。
同埋，我會講述我自己持有的美股，以及講述當時的投資過程，當中的思維，以及有幾個我睇好的潛力行業，同時，會講我近年投資了一個新興市場。
Q41555：
老師我透過你嘅影片覺得你係長線投資價值型，想問吓你是不是不會短炒或者牛熊期權嗰啲都唔會接觸
龔成老師：
對，我是長線投資者，如果你有留意全球最賺錢的人，例如巴菲特，或一些基金經理，佢地都只以長線投資作為投資核心。
其實，我20年前，都是短炒者，玩衍生工具，花了好多時間研究，上堂，去證券行工作去學野，但最後都是輸！之後，我用長線投資，就不斷賺錢！
Q41556：
老師，我有時會想，如果之前50幾元先放，待現在跌時再分注買入，我是否已多賺一點本金，可以購買更多股🤣不知道我這心態是否正確🤔
龔成老師：
好多人都會這樣想，但現實是，有這想法的人，當小米由近年$10升到$20，一早賣出了！所以，不要只用某個情況去假設，事後孔明，而是全面去思考！
Q41557：
晚安龔Sir，請問點睇港股240現價投資價值🤔就快有基建工程上馬，建築類股票整體看好嗎？🤔🙏
龔成老師：
其實分析時，不能只睇當刻情況，要分析長期及核心因素。
利基控股（0240）主要在香港及中國內地從事建築工程業務，包括樓宇建設、土木工程、地基工程、鐵路及相關工程、鋼鐵結構工程、隧道工程及海事工程。
整體的業務不過不失。
生意與盈利不算差，處穩定狀態，但增長力就不強，過往派息都不差。
不過，這股始終規模較細，同時優勢未算強，因此，只建議小注投資，可作收息。
Q41558：
sir想你幫手睇隻EL
thx
龔成老師：
雅詩蘭黛 Estee Lauder Companies, Inc. （EL）。近年市場競爭大左，業務有點轉弱，盈利下跌。
雅詩蘭黛是全球高端美容市場的領導者，業務涉及護膚（佔2022年銷售額的56%）、彩妝（26%）、香水（14%）和護發（4%）等類別，旗下擁有Estee Lauder、Clinique、M.A.C、La Mer、Jo Malone London、Aveda、Bobbi Brown和Origins等暢銷品牌。
公司在150多個國家開展業務，26%的收入來自美洲，43%來自歐洲、中東和非洲（包括旅遊零售），31%來自亞太地區。雅詩蘭黛通過百貨商店、心和香水店銷售產品。旅遊零售店、多品牌美容專賣店、品牌專賣獨立店、電子商務等。
企業質素中等，不過近年業務弱，風險度增。暫時只建議小注投資，考慮股價從高位回落不少，以及企業情況，投資值博率中等。
Q41559：
現時股市有值搏率嗎? 想買黃金股票2840, 每月買入當月供OK?
但賣出2840容易嗎?
1177 & 2388有值搏率嗎?
龔成老師︰
黃金主要係用來對沖黑天鵝事件，唔洗多，佔組合2-5%就夠，所以唔建議月供。
持有的話，最好係實金。但如果唔想用實金，2840都得。佢都係一般股票咁買賣，唔會話特別難沽。
至於1177和2388現價合理，可分注。但1177風險較高，長線不宜持有過多。
Q41560：
老師你好，想問衍生工具，你認為玩得過嗎？
龔成老師︰
唔建議投資，因為本身風險好高。
而且，真正投資，唔係估走勢。要係因應平貴和質素，去進行長線部署。
好多人會覺得，長線投資回報慢又少。但其實係一個錯架觀念，以下影片你可以睇下，對你會有好處︰
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k