Q41661：
你好龔sir
我今年39歲，因為無仔女，想提早為自己年老時作準備
儲蓄人壽已斷供, 黎緊準備買危疾保(預計$10,000/年)
股票現持有2638一手，1810三手(買入價54.5), 現金有$20萬, 金器$10萬
同老公夾份供緊樓，按揭貸款仲有$197萬
我想將現金增值，盡快供斷層樓同埋退休後有被動收入, 好想理財但唔知邊度入手........
請問我本金唔多, 應該買儲蓄保險, 投資股票, 定係做定期?
龔成老師︰
先講股票部份︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你39歲，應以增值為主，建議你用「平穏增長股」 + 「潛力股」作組合，去創造一個增值平台。
1810是適合你，但2638有點保守，唔建議長線持有太多。
你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
現時大市處於合理水平，你可以利用分注或月供的策略，先動用$20萬中的$10萬分注買入上述股票，同時可以用每月儲蓄的一半做月供。如果不懂選股，可以先集中在指數型基金，港股如盈富（2800）或美股（VOO)會較好。
餘下資金和每月一半，等大跌市的時候可以用來掃平貨。
其他理財產品︰
定期，主要係收下息，增長力不高，同樣以你年紀計，不宜持有太多。
保險方面，我地理財，要做到「攻守兼備」，保險、備用現金等是防守，但防守部分不用太多，餘下資金就應進攻。
保險最大的作用是「保險部分」，反而投資作用一般不大，即是買保險，最大作用是醫療、人壽、財產等的風險轉移，將你不想承受的醫療費用等不可預測支出，轉嫁比保險公司
因此，你要視乎翻你持有的投資保本的保險供，當中的特性，以及本身的預期回報，其中保險的作用。
儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。
但始終係財富增值角度，佢幫助好有限，一般我都就唔建議太多；定期同樣增值效果有限，將來美國再減息的話，定期的回報只會變得更加低。
做財富增值，應集中投資在優質資產(如優質股、物業等)，效果才會理想。
Q41662：
大市波動, 應該減持手上股票？
0066
2800
941 1088
0005
3110 ？
或持續持有 因為優質股有息派？Thx
龔成老師︰
相信之後會十分波動。投資者最重要冷靜！記住，短期波動好正常，股市就是這樣，最重要分析企業長遠價值，以及理性分析，所以事情都是有危有機的！
你手上架股票，依然有長線投資價值。但短期，預會好波動。
你想想，地鐵會因此倒閉嗎？關稅對佢有變大影響？最重要理性分析。
不過，你組合較集中在港股，長遠也建議你同時持有美股，建立一個更平衡的組合。
Q41663：
你好，請問投資車位有什麼意見？因為我係新手。
九龍大型屋苑有蓋車位136萬，可full pay，日後如可每月收租金$3800，不難租出去。是否值得投資？謝謝！
龔成老師︰
從投資角度計，車位都可考慮，因為是土地衍生出來的工具，都有長線投資價值。
最好是市區，屋苑，同時你要以車主的角度，分析該車位是否好泊。
現時的車位比之前回落翻少少，算是合理區中間，租金回報率雖然比過去幾年好左，但未稱得算理想。
因為同定期存款相比，可能都係相若。但持有車位，還需要承受價格波動風險。
而我自己預期香港車位偏向平穏向上，投資價值算係中等。若你本身有自用需要，又或者你資金好充裕，想分散下風險，投資不同資產類別，都是可以考慮的。
Q41664：
Sir, 請問美股 BRK.B 巴郡, BX 黑石，此刻現價值博率高嗎？可以兩隻股票都同時投資嗎？
龔成老師：
Berkshire Hathaway Inc（BRK.B）即是巴菲特主理的巴郡B股。
巴郡是一家控股公司，擁有從事各種業務活動的子公司，包括保險和再保險、公用事業和能源、鐵路貨運、製造和零售，屬於大型綜合企業，可以理解為一個投資公司，或可視為一個基金。有質素，可以長線。
由於有巴菲特作操作，基本上有一定質素，有長線投資價值。
巴郡的平貴度，建基於其資產組合平貴度的分析，考慮到現時主要持股的平貴度，大致推算巴郡在合理區中上，有興趣的投資者可分注，或用月供方法去儲貨，並長線持。
黑石集團 Blackstone Inc.（BX）有質素。
黑石是全球最大的另類資產管理公司之一，截至 2021 年底，其管理的總資產為8809億美元，其中管理的收費資產為6500億美元。
該公司有四個核心業務部門：私募股權（2021年至今佔收費管理費用的24%和基本管理費的 32%）、房地產（34% 和 39%）、 信貸和保險（30% 和 16%）以及對沖基金解決方案（12% 和 13%）。 雖然該公司主要服務於機構投資者（佔 AUM 的 87%），但它也確實服務於高淨值渠道的客戶（13%）。
黑石 的 共25 個辦事處開展業務。通過位於美洲 (8個)、歐洲和中東 (9個) 以及亞太地區 (8個)。
業務有持續增長，但股價就較波動，分注投資可以，但不建議這刻一次過大手入。
Q41665：
月供2800,還是388較好
龔成老師：
由於盈富（2800）是一組合，風險度會較低，所以，如果你資金不算多，可以集中供盈富。
但如果資金足夠，可考慮同時月供，盈富的比重可較多。兩隻現價合理，都是可月供，長線投資的股票。
Q41666：
66、388現在那個更有直博率
龔成老師：
兩隻都有質素，現價合理，港鐵（0066）相信回勇的時間要較長，或者可以優先考慮港交所（0388）。
港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。
但要留意，由於這股的盈利會受股市成交影響，因此股價都會有影響。
近年的成交弱，令這股近年股價較一般。到最近，港股成交好轉，這股股價向上。所以，你會見到佢股價十分波動。
投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。
現價合理區中間，分注可以，企業長遠仍有發展力，但短期會較波動，都要留意風險。
Q41667：
老师，我想問一問美股GRAB 有咩看法？ 有啲不明白？為什麼佢經常俾人沽空榜名列前茅？
請指引？ 感謝。
龔成老師：
其實這些沽空，只是一些影響企業短期股價波動因素，不用太理會，你最重要集中分析企業的長期發展。
Grab Holdings Limited（GRAB）係新加坡的叫車平台巨擘，其服務的國家集中在東南亞包括新加坡、馬來西亞、泰國、印尼、越南、菲律賓、柬埔寨以及緬甸。
最初，這間公司僅提供網路叫車服務，後來衍伸到現在擁有食物及雜貨配送、行動電子支付，甚至還有保險商品及投資項目等不同產業相關業務。
發展雖然快速，但業務仍是十分波動，這股算是有危有機類，股價較波動，加上市場較新興，如果睇好這類股，只宜小注投資。買入後等企業成長。
Q41668：
老師，麻煩比d意見，如果我打算用$1000月供1隻股票，你建議月供以下那一隻交合適，1810、1211、285。🙏🏻🙏🏻
龔成老師：
如果集中一隻，其實最好是ETF，例如2800、V00、3067，分散風險方面較好。但如果要在上述3選1，可考慮1810或1211，如果想潛力高D就1810（但風險都會高D），但如果想穩陣D就1211。
Q41669：
龔老師，最新上市果隻3466恆生高息好唔好？佢每月派息，比3110會唔會好？
另外想問2828呢隻買唔買得過，多謝
龔成老師：
每月、每季、每年派息，並不是影響我地投資決定的核心因素。
因為只是一個數字遊戲，如果某股一年只派一次息，只要將股息金額÷12，限制自己每月只取這數，都能造到每月收息的效果。
恒生高息股30指數ETF(3466)是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
至於此ETF，主要係投資於金融類股份，佔接近4成，其次是佔約2成的地產建築業。
當中最大持股，包括中國飛鶴(6186)、電訊盈科(0008)、遠東宏信（3360）、恒隆地產（0101）等。這些股票都有質素，適合長線收息。
此股可作收息之用，現價合理，可分注儲貨。
以下是參考連結，需要的話可以睇下︰
https://cms.hangsenginvestment.com/cms/hsvm/feature_product/highdiv30/chi.html
至於恒生中國企業（2828）基金之投資目標為追蹤恒生中國企業指數之表現。
相關指數未必是高增長類，長遠相信是平穩增長型，現價合理區中下，都有長線投資價值。
Q41670：
Hello ah Sir, 我想問吓你最新嘅美股班有否 remote class? 因為我而家仲未返到香港，所以報唔到實體班。
另外我現手抓住Tesla同Service now，本應都係諗住長線持有，但係因為我屬於高價買入，現在平均價Tesla係$400，Service now係900，而家因為關稅蝕咗好多，我唔知道應該揸住佢等佢遲啲升返, 定話而家cut loss, 等佢再低先入返 🥹🙏🏻
另外我發現我嘅投資方法真係半桶水有問題，其實每次我買股票都冇諗住想短抄，每次都係想長渣，我一年前開始買依兩隻股票，已經錯過咗兩次可以賣出take profit 嘅機會, 由原本賺而家變蝕錢，老師可否指教吓我具體嘅問題喺邊？ 🙏🏻
我真係好想take 你嘅course，但係我要九月先搬返返香港 🙏🏻🥹
而家我有啲乜嘢可以睇住先？ 呢個貿易戰真係令到我失晒預算。 唔知點做。
龔成老師︰
不會有網上班，因為怕比人偷錄問題。
企業相信會受關稅影響，但我地在計算企業價值時，是利用長期的業務作基礎計算，所以，你都要想想，關稅是永久性，還是短期判過程。
而2間企業，都有長線投資價值。
不過，問題係你買入價不理想。如果你無估值能力，建議長線用"分注"去儲優質股，來平衡成本價，對你會較有利。
至於take profit問題，我地價值投資者都會做，但只會係股價去到好貴，才會出手。
你記住唔好比心理影響，我明白你個想法，就係後悔點解個陣升，又唔出貨賺左先，現家變到跌翻晒。
但你要明白，係升到高位個一刻，你有無方法，可以確認之後，佢係一定會回調，而唔係大幅上升。如果你沽左後，佢再大升。你就會錯失升值機會，和要用較高成本才可以買回。
當我地回頭睇，當然會知個陣點做先最好。但問題係，當時你無可能有足夠資訊去做決定。所以，我地要策略性部署。
我地只會係大市好狂熱、股價好貴、或者長線質素變差才會沽出。因為這些情況，我地就有一定程度知道，佢未來增值空間已經有限。
相反，如果股票係有質素，我地就不用理會中短期波動，一直去持有，就才會是最穏當做法。
所以，我經常叫讀者必需學好估值和分析技巧。因為係投資路上，佢地真係十分重要，是你成敗的關鍵。
學習方面︰
我暫時美股和港股班，分別會係5和7月進行，你應該上唔倒。之後，你到時再睇下新課程時間，夾唔夾到你。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，我9月會有進階班，你可以考慮下。
【基礎班】對象是初中階的投資者，5個選股方法、捕捉時機、投資策略、計平貴，會教3種企業估值方法、年報分析、3大財務報表，都有一定的內容，同時會派一份6頁紙的「企業評估表」給學員
【進階班】18種企業價值計算方法，年報全面分析，10倍股選股，研究企業，研究名財務報表，財務比率應用與分析。
進階班其實唔係特別深，會主要較為集中係企業層面，你可以理解為基礎班的延伸。只要你基礎班有7成內容，係理解到的話，上進階班就應該無問題。
【進階班開始接受報名】
第一課：必需掌握的經濟與行業關鍵
第二課：企業價值與高息股投資術
第三課：活用財務比率尋寶術
第四課：年報拆解技巧進階
第五課：尋找資產隱藏型企業秘技
第六課：利用平貴把握最佳買賣時機
第七課：必學18種企業估值模式
第八課：實用大行報告尋寶術
第九課：10倍股選股術(上)
第十課：10倍股選股術(下)
**附加資料：合共超過400分鐘的溫習影片
【倍升股進階課程】（共30小時）（共10堂）
日期：2025年9月5，12，19，26日
及10月3，10，17，24，31日
及11月7日（逢星期五)
時間：1900-2200
地點：灣仔
費用：$18800（新學員）
費用：$12800（讀過「龔成投資倍升股課程」學員）
報名：https://www.80shing.com/register.php?id=3
（過往曾報讀「龔成投資倍升股課程」的學員，報讀進階班，可以享有優惠價$12800，注意：必須出示之前課程的付款證明。請於這次入數後，同時whatsapp上次與今次的入數紙）。